Pregnancy Diabetes: ಗರ್ಭಾವಸ್ಥೆಯ ಮಧುಮೇಹ ನಿಯಂತ್ರಣಕ್ಕೆ ಯಾವ ಆಹಾರ ಪದಾರ್ಥ ಸೇವನೆ ಸೂಕ್ತ?

ಗರ್ಭಾವಸ್ಥೆಯಲ್ಲಿ ಮಧುಮೇಹ ಸಮಸ್ಯೆ ಹುಟ್ಟಲಿರುವ ಮಗುವಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಕೆಲವೊಮ್ಮೆ ಮಧುಮೇಹ ಅಕಾಲಿಕ ಮಗು ಮತ್ತು ಗರ್ಭಪಾತದ ಅಪಾಯ ಹೆಚ್ಚಿಸುತ್ತದೆ. ಹೆಚ್ಚಿದ ರಕ್ತದ ಸಕ್ಕರೆ ಮಟ್ಟ ನಿಯಂತ್ರಿಸುವುದು ತುಂಬಾ ಮುಖ್ಯ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಗರ್ಭಾವಸ್ಥೆಯಲ್ಲಿ (Pregnancy) ಕೆಲವು ಮಹಿಳೆಯರಿಗೆ (Women) ರಕ್ತದ ಸಕ್ಕರೆ ಮಟ್ಟ (Blood Sugar Level) ಅಧಿಕವಾಗಿರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಆಹಾರ (Food) ಮತ್ತು ಪಾನೀಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು. ಕೆಲವು ಮಹಿಳೆಯರಿಗೆ ಗರ್ಭಾವಸ್ಥೆಯಲ್ಲಿ ಮಧುಮೇಹ ಸಮಸ್ಯೆ ಇರುತ್ತದೆ. ಇದನ್ನು ಗರ್ಭಾವಸ್ಥೆಯ ಮಧುಮೇಹ ಎಂದು ಕರೆಯುತ್ತಾರೆ. ಈ ಮಧುಮೇಹವು ಹೆರಿಗೆಯ ನಂತರ ಕೊನೆಗೊಳ್ಳುತ್ತದೆ. ಆದಾಗ್ಯೂ, ಗರ್ಭಾವಸ್ಥೆಯಲ್ಲಿ ಇದು ಹುಟ್ಟಲಿರುವ ಮಗುವಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಕೆಲವೊಮ್ಮೆ ಮಧುಮೇಹ ಅಕಾಲಿಕ ಮಗು ಮತ್ತು ಗರ್ಭಪಾತದ ಅಪಾಯ ಹೆಚ್ಚಿಸುತ್ತದೆ. ಅಂತಹ ಸ್ಥಿತಿಯಲ್ಲಿ, ಹೆಚ್ಚಿದ ರಕ್ತದ ಸಕ್ಕರೆ ಮಟ್ಟ ನಿಯಂತ್ರಿಸುವುದು ತುಂಬಾ ಮುಖ್ಯ.

    ಕೆಲವು ಆಹಾರ ಪದಾರ್ಥಗಳನ್ನು ನಿಮ್ಮ ತಟ್ಟೆಗೆ ಸೇರಿಸುವ ಮೂಲಕ ಮಧುಮೇಹವನ್ನು ನಿಯಂತ್ರಿಸಬಹುದು. ಅವುಗಳು ಯಾವವು ಎಂಬುದನ್ನು ಇಲ್ಲಿ ನೋಡೋಣ.

    ಸಲಾಡ್

    ಸಲಾಡ್ ತಿನ್ನುವ ಮೂಲಕ ಗ್ಲೂಕೋಸ್ ಮಟ್ಟ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಸಕ್ಕರೆ ಮಟ್ಟ ನಿಯಂತ್ರಿಸಲು ನೀವು ಆಹಾರದಲ್ಲಿ ಹೆಚ್ಚು ಹಣ್ಣು ಮತ್ತು ತರಕಾರಿ ಸಲಾಡ್ ಅನ್ನು ಸೇರಿಸಬೇಕು.

    ಇದನ್ನೂ ಓದಿ: ವರ್ಕೌಟ್ ಮಾಡುವ 40 ನಿಮಿಷಗಳ ಮೊದಲು ಈ ಪದಾರ್ಥಗಳನ್ನು ಸೇವಿಸಿ ಎನರ್ಜಿ ಪಡೆಯಿರಿ!

    ಇದರಿಂದಾಗಿ ಗ್ಲೈಸೆಮಿಕ್ ಸೂಚ್ಯಂಕ ನಿಧಾನವಾಗಿರುತ್ತದೆ ಮತ್ತು ಮಧುಮೇಹ ನಿಯಂತ್ರಣದಲ್ಲಿರುತ್ತದೆ. ನೀವು ವಿವಿಧ ರೀತಿಯ ಸಲಾಡ್‌ಗಳನ್ನು ಪ್ರಯತ್ನಿಸಬಹುದು.

    ಮೊಟ್ಟೆ

    ಮೊಟ್ಟೆ ತಿನ್ನುವುದು ಮಧುಮೇಹ ನಿಯಂತ್ರಿಸಲು ಸಹಕಾರಿ. ಮೊಟ್ಟೆಯಲ್ಲಿ ಪ್ರೋಟೀನ್, ಕ್ಯಾಲ್ಸಿಯಂ ಮತ್ತು ಒಮೆಗಾ-3 ಕೊಬ್ಬಿನಾಮ್ಲಗಳಿವೆ. ಇದು ನಿಮ್ಮ ಆರೋಗ್ಯಕ್ಕೆ ಅನೇಕ ಪ್ರಯೋಜನ ನೀಡುತ್ತದೆ. ರಕ್ತದ ಸಕ್ಕರೆ ಹೆಚ್ಚಾದಾಗ, ನೀವು ದೈನಂದಿನ ಆಹಾರದಲ್ಲಿ ಮೊಟ್ಟೆ ಸೇರಿಸಬೇಕು. ಮೊಟ್ಟೆಯನ್ನು ತಿಂಡಿಯಾಗಿ ತಿನ್ನಬಹುದು. ಇದರಿಂದ ಮಗುವಿನ ಮೆದುಳಿನ ಬೆಳವಣಿಗೆಗೆ ಸಹಕಾರಿ. ಮಧುಮೇಹ  ನಿಯಂತ್ರಣಕ್ಕೆ ಬರುತ್ತದೆ.

    ಬಾದಾಮಿ

    ಗರ್ಭಾವಸ್ಥೆಯಲ್ಲಿ ಮಧುಮೇಹ ನಿಯಂತ್ರಿಸಲು, ನೀವು ಬಾದಾಮಿ ಸೇವಿಸಿ. ನೆನೆಸಿದ ಬಾದಾಮಿ ತಿನ್ನುವುದರಿಂದ ಮಗುವಿನ ಬೆಳವಣಿಗೆ ಉತ್ತಮವಾಗುತ್ತದೆ. ನಿಮಗೆ ಹಸಿವಾದಾಗ ಮತ್ತು ಕೆಲವು ತಿಂಡಿಗಳನ್ನು ತಿನ್ನಲು ಅನಿಸಿದಾಗ10 ಬಾದಾಮಿ ಸೇವಿಸಿ. ಕಡು ಬಯಕೆಗಳು ಸಹ ಶಾಂತವಾಗುತ್ತದೆ. ರಕ್ತದ ಸಕ್ಕರೆ ಕೂಡ ನಿಯಂತ್ರಣವಿರುತ್ತದೆ.

    ಚಿಯಾ ಬೀಜಗಳು

    ಗರ್ಭಾವಸ್ಥೆಯಲ್ಲಿ ಸಾಕಷ್ಟು ಫೈಬರ್ ಸೇವಿಸಿ. ಇದು ರಕ್ತದ ಸಕ್ಕರೆ ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಜೀರ್ಣಕ್ರಿಯೆಯೂ ಚೆನ್ನಾಗಿರುತ್ತದೆ. ಚಿಯಾ ಬೀಜ ತಿನ್ನುವುದು ಮಧುಮೇಹ ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇದು ಫೈಬರ್ನಲ್ಲಿ ಸಮೃದ್ಧವಾಗಿದೆ. ಇದು ತ್ವರಿತ ಹಸಿವು ನಿಯಂತ್ರಿಸುತ್ತದೆ. ಚಿಯಾ ಬೀಜಗಳು ಒಮೆಗಾ -3 ಕೊಬ್ಬಿನಾಮ್ಲ, ಮತ್ತು ಕ್ಯಾಲ್ಸಿಯಂನ ಉತ್ತಮ ಮೂಲ.

    ಮೊಸರು

    ಗರ್ಭಿಣಿಯರು ಆಹಾರದಲ್ಲಿ ಮೊಸರನ್ನು ಸೇರಿಸಿ. ಮೊಸರಿನಿಂದ ಮಧುಮೇಹ ಸಾಕಷ್ಟು ಪ್ರಮಾಣದಲ್ಲಿ ನಿಯಂತ್ರಿಸಬಹುದು. ಮೊಸರು ಪ್ರೊ-ಬಯೋಟಿಕ್ಸ್ ಹೊಂದಿದೆ. ಇದು ಕರುಳನ್ನು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತದೆ. ಮೊಸರು ತಿನ್ನುವುದು ಜೀರ್ಣಕ್ರಿಯೆ ಸುಧಾರಿಸುತ್ತದೆ ಮತ್ತು ರೋಗ ನಿರೋಧಕ ಶಕ್ತಿ ಬಲಪಡಿಸುತ್ತದೆ.

    ಗರ್ಭಾವಸ್ಥೆಯಲ್ಲಿ ಮಧುಮೇಹ ಎಂದರೇನು?

    ಗರ್ಭಾವಸ್ಥೆಯ ಮಧುಮೇಹ ಎಂದರೆ ಗರ್ಭಾವಸ್ಥೆಯಲ್ಲಿ ಮಹಿಳೆಯರ ಮೇಲೆ ಪರಿಣಾಮ ಬೀರುವ ಒಂದು ರೀತಿಯ ಮಧುಮೇಹ ಆಗಿದೆ. ಮಧುಮೇಹವು ರಕ್ತದ ಗ್ಲೂಕೋಸ್ ಪ್ರಮಾಣವು ತುಂಬಾ ಹೆಚ್ಚಿರುವ ಸ್ಥಿತಿ ಆಗಿದೆ. ರಕ್ತದ ಗ್ಲೂಕೋಸ್ ಪ್ರಮಾಣವನ್ನು ಇನ್ಸುಲಿನ್ ಎಂಬ ಹಾರ್ಮೋನ್ ನಿಯಂತ್ರಿಸುತ್ತದೆ.

    ಇದನ್ನೂ ಓದಿ: ಪುರುಷರು ಮತ್ತು ಮಹಿಳೆಯರಿಗೆ ತಂಬಾಕು ಸೇವನೆ ಯಾವ ಅಡ್ಡ ಪರಿಣಾಮ ಬೀರುತ್ತದೆ?

    ಗರ್ಭಾವಸ್ಥೆಯಲ್ಲಿ ಕೆಲವು ಮಹಿಳೆಯರು ಸಾಮಾನ್ಯ ರಕ್ತದ ಗ್ಲೂಕೋಸ್ ಮಟ್ಟ ಹೊಂದಿರುತ್ತಾರೆ. ಮತ್ತು ಅವರ ದೇಹವು ಎಲ್ಲಾ ಜೀವಕೋಶಗಳಿಗೆ ರಕ್ತವನ್ನು ಪಡೆಯಲು ಸಾಕಷ್ಟು ಇನ್ಸುಲಿನ್ ಉತ್ಪಾದಿಸಲು ಸಾಧ್ಯವಿಲ್ಲ. ಇದು ಗರ್ಭಾವಸ್ಥೆಯ ಮಧುಮೇಹಕ್ಕೆ ಕಾರಣ ಆಗುತ್ತದೆ.
    Published by:renukadariyannavar
    First published: