• Home
  • »
  • News
  • »
  • lifestyle
  • »
  • Diabetes: ಈ ಸಸ್ಯದ ಎಲೆಯನ್ನು ಸೇವಿಸುವುದರಿಂದ ಡಯಾಬಿಟಿಸ್‌ ಕಡಿಮೆ ಆಗುತ್ತಂತೆ!

Diabetes: ಈ ಸಸ್ಯದ ಎಲೆಯನ್ನು ಸೇವಿಸುವುದರಿಂದ ಡಯಾಬಿಟಿಸ್‌ ಕಡಿಮೆ ಆಗುತ್ತಂತೆ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಚಿಕಿತ್ಸೆ ಪಡೆದರೂ ಕೂಡ ಈ ಕಾಯಿಲೆ ಸುಲಭವಾಗಿ ವಾಸಿಯಾಗುವುದಿಲ್ಲ. ಆದರೆ, ಒಂದು ಸಸ್ಯದ ಸಹಾಯವನ್ನು ಪಡೆದುಕೊಂಡು ನೀವು ಈ ಕಾಯಿಲೆಯನ್ನು ನೈಸರ್ಗಿಕವಾಗಿ ನಿಯಂತ್ರಿಸಬಹುದು.

  • Share this:

ಇತ್ತೀಚಿನ ದಿನಗಳಲ್ಲಿ ಡಯಾಬಿಟಿಸ್ ( Diabetes) ಕಾಯಿಲೆ ಒಂದು ಸಾಮಾನ್ಯ ಕಾಯಿಲೆಯಾಗಿ ಮಾರ್ಪಟ್ಟಿದೆ. ಹಾಳಾದ ಜೀವನಶೈಲಿಯ ಕಾರಣ ಅತ್ಯಂತ ಕಡಿಮೆ ವಯಸ್ಸಿಯಲ್ಲಿಯೇ ಯುವಕರನ್ನು ಈ ಕಾಯಿಲೆ ತನ್ನ ತೆಕ್ಕೆಗೆ ಸೆಳೆಯುತ್ತಿದೆ. ಡಯಾಬಿಟಿಸ್ ಕಾರಣ ವ್ಯಕ್ತಿಯ ರೋಗ ನಿರೋಧಕ ಶಕ್ತಿ ಕುಸಿಯುತ್ತದೆ ಮತ್ತು ವ್ಯಕ್ತಿ ಅಶಕ್ತನಾಗುತ್ತಾನೆ. ಚಿಕಿತ್ಸೆ ಪಡೆದರೂ ಕೂಡ ಈ ಕಾಯಿಲೆ ಸುಲಭವಾಗಿ ವಾಸಿಯಾಗುವುದಿಲ್ಲ. ಆದರೆ, ಒಂದು ಸಸ್ಯದ ಸಹಾಯವನ್ನು ಪಡೆದುಕೊಂಡು ನೀವು ಈ ಕಾಯಿಲೆಯನ್ನು ನೈಸರ್ಗಿಕವಾಗಿ ನಿಯಂತ್ರಿಸಬಹುದು. ಮಧುಮೇಹ ನಿರ್ವಹಣೆಗೆ ಈ ಸಸ್ಯವು ಉತ್ತಮವೇ? ಹಾಗೆಯೇ ಇದು ಒಳಗೊಂಡಿರುವ ಅಡ್ಡಪರಿಣಾಮಗಳ ಬಗ್ಗೆ ಮಾಹಿತಿ ಮತ್ತು ಅದು ಗ್ಲೂಕೋಸ್ (Glucose) ಮಟ್ಟವನ್ನು ಹೇಗೆ ಪ್ರಭಾವಿಸುತ್ತದೆ ಎಂಬುದನ್ನು ಈ ಲೇಖನದಲ್ಲಿ ನೋಡೋಣ ಬನ್ನಿ. 


ಕಾಸ್ಟಸ್‌ ಇಗ್ನಸ್‌ ಸಸ್ಯದ ಹಿನ್ನೆಲೆ


ಕಾಸ್ಟಸ್ ಇಗ್ನಸ್‌ ಸಸ್ಯವು ಮಧ್ಯ ಮತ್ತು ದಕ್ಷಿಣ ಅಮೆರಿಕಾದ ಒಂದು ಗಿಡಮೂಲಿಕೆ ಸಸ್ಯವಾಗಿದ್ದು ಇದನ್ನು ಸಾಮಾನ್ಯವಾಗಿ ಇನ್ಸುಲಿನ್ ಸಸ್ಯ ಎಂದು ಕರೆಯಲಾಗುತ್ತದೆ. ಮಧುಮೇಹ ಇರುವ ರೋಗಿಗಳಲ್ಲಿ ರಕ್ತದಲ್ಲಿನ ಸಕ್ಕರೆಯನ್ನು ಕಡಿಮೆ ಮಾಡಲು ಇದು ಸಹಾಯ ಮಾಡುತ್ತದೆ ಎಂದು ಸಂಶೋಧಕರು ನಂಬಿದ್ದಾರೆ.


ಸಸ್ಯವನ್ನು ಪೂರಕವಾಗಿ ಬಳಸಿದರೆ ಪ್ರಯೋಜನಕಾರಿಯಾಗಬಹುದಾದ ಕೆಲವು ಮಧುಮೇಹ-ವಿರೋಧಿ ಗುಣಲಕ್ಷಣಗಳನ್ನು ಹೊಂದಿದ್ದರೂ ಸಹ ಈ ಹೂವಿನ ಸಸ್ಯವು ತಲೆತಿರುಗುವಿಕೆ, ಅತಿಸಾರ, ವಾಕರಿಕೆ ಮುಂತಾದ ಅಡ್ಡ ಪರಿಣಾಮಗಳಿಗೆ ಕಾರಣವಾಗಬಹುದು ಎಂದು ಸಂಶೋಧಕರು ಹೇಳುತ್ತಾರೆ.


ಕಾಸ್ಟಸ್ ಇಗ್ನಸ್‌ ಸಸ್ಯ ಅಥವಾ ಇನ್ಸುಲಿನ್ ಸಸ್ಯ


ಕಾಸ್ಟಸ್ ಇಗ್ನಸ್‌ ಟ್ರಸ್ಟೆಡ್ ಸೋರ್ಸ್, ಅಥವಾ "ಇನ್ಸುಲಿನ್ ಸಸ್ಯ" ಮುಖ್ಯವಾಗಿ ಪೂರ್ವ ಬ್ರೆಜಿಲ್‌ನಿಂದ ಬಂದಿರುವ ಸಸ್ಯವಾಗಿದೆ. ಇದು ದೀರ್ಘಕಾಲಿಕವಾಗಿ ಬೆಳೆಯುವ ಸಸ್ಯವಾಗಿದ್ದು, ಸುಮಾರು 2 ಅಡಿ ಎತ್ತರಕ್ಕೆ ಬೆಳೆಯುತ್ತದೆ.


ಗಂಭೀರ ಕಾಯಿಲೆಗಳಿಗೆ ಚಿಕಿತ್ಸೆ ನೀಡುವ ಹಲವು ಗಿಡಮೂಲಿಕೆಗಳನ್ನು ನಮ್ಮ ಆಯುರ್ವೇದದಲ್ಲಿ ಉಲ್ಲೇಖಿಸಲಾಗಿದೆ. ಅವುಗಳಲ್ಲಿ ಕಾಕ್ಟಸ್ ಇಗ್ನಸ್ ಕೂಡ ಒಂದು. ಕ್ಯಾಕ್ಟಸ್ ಇಗ್ನಸ್ ದೇಹದಲ್ಲಿ ಸಕ್ಕರೆಯನ್ನು ನಿಯಂತ್ರಿಸುವ ಮತ್ತು ಮಧುಮೇಹಕ್ಕೆ ಪ್ರಯೋಜನಕಾರಿ ಸಸ್ಯವಾಗಿದೆ.


ಇದನ್ನೂ ಓದಿ: ಪ್ರತಿದಿನ ಸೂರ್ಯ ನಮಸ್ಕಾರ ಮಾಡಿದ್ರೆ ಎಷ್ಟೆಲ್ಲಾ ಲಾಭವಿದೆ ನೋಡಿ


ಕಾಸ್ಟಸ್ ಇಗ್ನಸ್‌ ಇನ್ಸುಲಿನ್ ನಂತೆ ಕಾರ್ಯನಿರ್ವಹಿಸುತ್ತದೆ. ಆದ್ದರಿಂದ ಇದನ್ನು ಇನ್ಸುಲಿನ್ ಸಸ್ಯ ಎಂದೂ ಕೂಡ ಕರೆಯುತ್ತಾರೆ. ಇಲ್ಲಿ ಆಶ್ಚರ್ಯಕರ ಸಂಗತಿ ಎಂದರೆ ಇನ್ಸುಲಿನ್ ಸಸ್ಯದಲ್ಲಿ ಇನ್ಸುಲಿನ್ ಎಂಬ ಅಂಶವೇ ಇರುವುದಿಲ್ಲ.


ಹೇಗೆ ಸೇವಿಸುವುದು?


  • ಪ್ರತಿದಿನ ಅದರ ತಾಜಾ ಎಲೆಗಳನ್ನು ಸೇವಿಸಿ.

  • ನೀವು ಅದರ ಎಲೆಗಳನ್ನು ಒಣಗಿಸಿ ಪುಡಿಯನ್ನು ಕೂಡ ತಯಾರಿಸಬಹುದು, ಪ್ರತಿದಿನ ಒಂದು ಚಮಚ ಪುಡಿಯನ್ನು ತಿನ್ನುವುದು ಸಹ ಮಧುಮೇಹದಲ್ಲಿ ಪ್ರಯೋಜನಕಾರಿಯಾಗಿದೆ.

  • ಟ್ಯಾಬ್ಲೆಟ್ ರೂಪದಲ್ಲಿ ಪೂರಕವಾಗಿ ಸೇವಿಸಿ.

  • ಈ ಎಲೆಗಳನ್ನು ಬಳಸಿ ಚಹಾ ಮಾಡಿಕೊಂಡು ಸೇವಿಸಿ.


ದಕ್ಷಿಣ ಭಾರತ ಮತ್ತು ಪ್ರಪಂಚದ ಇತರ ಭಾಗಗಳಲ್ಲಿ, ಮಧುಮೇಹ ಹೊಂದಿರುವ ಜನರು, ಎಲೆಗಳನ್ನು ಆಹಾರದ ಪೂರಕವಾಗಿ ಬಳಸುತ್ತಾರೆ. ಈ ಸಸ್ಯವು ಒಂದು ಉತ್ಕರ್ಷಣ ನಿರೋಧಕವಾಗಿದ್ದು, ಬ್ಯಾಕ್ಟೀರಿಯಾದ ಸೋಂಕಿನಿಂದ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ರಕ್ಷಿಸಲು ಸಹಾಯ ಮಾಡುತ್ತದೆ. ಇದು ಮೂತ್ರವರ್ಧಕವೂ ಆಗಿದೆ.


ಮಧುಮೇಹ ಮತ್ತು ರಕ್ತದಲ್ಲಿನ ಸಕ್ಕರೆಯನ್ನು ಕಡಿಮೆ ಮಾಡಲು ಕಾಸ್ಟಸ್ ಇಗ್ನಸ್‌ ಸಸ್ಯವನ್ನು ಬಳಸುವುದು ಸುರಕ್ಷಿತವೇ?


ಮಧುಮೇಹಕ್ಕೆ ನೀವು ತೆಗೆದುಕೊಳ್ಳುತ್ತಿರುವ ಔಷಧಿಗಳ ಜೊತೆಗೆ ಪೂರಕವಾಗಿ ಬಳಸಲು ಕಾಸ್ಟಸ್ ಇಗ್ನಸ್‌ ಸುರಕ್ಷಿತವಾಗಿದೆ.


2016 ರ ಅಧ್ಯಯನದಲ್ಲಿ, ಟ್ರಸ್ಟೆಡ್ ಸೋರ್ಸ್ ಸಂಶೋಧಕರು ಇನ್ಸುಲಿನ್ ಸಸ್ಯದ ಎಲೆಗಳ ಸೇವನೆಯು ಮಧುಮೇಹ ಹೊಂದಿರುವವರಲ್ಲಿ ಊಟದ ನಂತರದ ರಕ್ತದ ಸಕ್ಕರೆಯ ಏರಿಕೆಯನ್ನು ತಡೆಯಲು ಸಹಾಯ ಮಾಡುತ್ತದೆ ಎಂದು ಕಂಡುಹಿಡಿದಿದ್ದಾರೆ.




ಇನ್ಸುಲಿನ್ ಮತ್ತು ಇತರ ಮಧುಮೇಹ ಔಷಧಿಗಳಂತಹ ಮಧುಮೇಹ ಚಿಕಿತ್ಸೆಯ ಇತರ ವಿಧಾನಗಳ ಜೊತೆಯಲ್ಲಿ ಇನ್ಸುಲಿನ್ ಸಸ್ಯದ ಎಲೆಗಳ ಸೇವನೆಯು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುವಲ್ಲಿ ಪರಿಣಾಮಕಾರಿಯಾಗಿದೆ ಎಂದು ಸಂಶೋಧಕರ ಈ ಅಧ್ಯಯನವು ತಿಳಿಸಿದೆ.


ಕಾಸ್ಟಸ್ ಇಗ್ನಸ್‌ ಸಸ್ಯದ ಸೈಡ್‌ ಎಫೆಕ್ಟ್‌ಗಳೇನು?


ಈ ಸಸ್ಯ ಸೇವನೆಯ ಅಡ್ಡಪರಿಣಾಮಗಳೆಂದರೆ ಹೊಟ್ಟೆ ಉರಿ, ಅತಿಸಾರ, ತಲೆತಿರುಗುವಿಕೆ, ಕಡಿಮೆ ರಕ್ತದ ಸಕ್ಕರೆ ಮಟ್ಟ, ವಿಶೇಷವಾಗಿ ನೀವು ಇನ್ಸುಲಿನ್ ತೆಗೆದುಕೊಂಡರೆ ಮಧುಮೇಹ-ಸಂಬಂಧಿತ ಕೋಮಾಕ್ಕೆ ಹೋಗುವ ಹೆಚ್ಚಿನ ಅಪಾಯ ಇರಬಹುದು.


ಕಾಸ್ಟಸ್ ಇಗ್ನಸ್ನ ಪ್ರಯೋಜನಗಳು


ಕಾಸ್ಟಸ್ ಇಗ್ನಸ್ ದೇಹದಲ್ಲಿ ಇನ್ಸುಲಿನ್ ಸ್ರವಿಸುವಿಕೆಯನ್ನು ಉತ್ತೇಜಿಸುತ್ತದೆ. ಇದು ಸಕ್ಕರೆಯನ್ನು ನಿಯಂತ್ರಿಸುವುದರ ಜೊತೆಗೆ ಮಧುಮೇಹದ ಅಪಾಯವನ್ನು ಕಡಿಮೆ ಮಾಡುತ್ತದೆ.


ಇದು ಪ್ರೋಟೀನ್, ಉತ್ಕರ್ಷಣ ನಿರೋಧಕಗಳು, ಆಸ್ಕೋರ್ಬಿಕ್ ಆಮ್ಲ, ಕಬ್ಬಿಣ, ಟೆರ್ಪೆನಾಯ್ಡ್ಗಳು, ಫ್ಲೇವನಾಯ್ಡ್ ಗಳು, ಬಿ-ಕ್ಯಾರೋಟಿನ್ ಮತ್ತು ಕಾರ್ಸೋಲಿಕ್ ಆಮ್ಲದಂತಹ ಪೋಷಕಾಂಶಗಳನ್ನು ಒಳಗೊಂಡಿದೆ. ಮಧುಮೇಹದ ಹೊರತಾಗಿ, ಇದು ಶ್ವಾಸಕೋಶ, ಜೀರ್ಣಕ್ರಿಯೆ ಮತ್ತು ಕಣ್ಣುಗಳಿಗೂ ಪ್ರಯೋಜನವನ್ನು ನೀಡುತ್ತದೆ.


ವಿಶೇಷ ಸೂಚನೆ: ಮುಖ್ಯವಾಗಿ, ಈಗ ನೀವು ತೆಗೆದುಕೊಳ್ಳುತ್ತಿರುವ ಔಷಧಿಗಳಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡುವ ಮೊದಲು ನಿಮ್ಮ ಮಧುಮೇಹ ವೈದ್ಯರನ್ನು ಸಂಪರ್ಕಿಸುವುದು ಅತಿ ಅಗತ್ಯ.

First published: