Oil And Health: ಅಡುಗೆಗೆ ಯಾವ ಎಣ್ಣೆ ಬಳಸಬಾರದು ಮತ್ತು ಯಾವ ಪ್ರಮಾಣದಲ್ಲಿ ಆಯಿಲ್​ ಬಳಸಬೇಕು?

ಬಹುತೇಕ ಎಲ್ಲಾ ಪಾಕ ವಿಧಾನಗಳಲ್ಲಿ ಅಡುಗೆ ಎಣ್ಣೆಯನ್ನು ಬಳಕೆ ಮಾಡಲಾಗುತ್ತದೆ. ಆದರೆ ದೈನಂದಿನ ಆಹಾರದಲ್ಲಿ ಎಣ್ಣೆಯ ಅವಶ್ಯಕತೆ ಇದೆ. ನೀವು ಎಣ್ಣೆಯನ್ನು ಎಷ್ಟು ಪ್ರಮಾಣದಲ್ಲಿ ಬಳಸುತ್ತೀರಿ ಎಂಬುದರತ್ತ ಕೂಡ ಕಾಳಜಿ ವಹಿಸಬೇಕು.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಕೊಲೆಸ್ಟ್ರಾಲ್ ನ್ನು (Cholesterol) ಲಿಪಿಡ್ ಅಥವಾ ರಕ್ತದ (Blood) ಕೊಬ್ಬು ಎಂದು ಕರೆಯುತ್ತಾರೆ. ಕೊಲೆಸ್ಟ್ರಾಲ್ ರಕ್ತದಲ್ಲಿ ಕಂಡು ಬರುವ ಒಂದು ರೀತಿಯ ಮೇಣದಂಥ ವಸ್ತು. ಇದು ಜೀವಕೋಶ ಪೊರೆಗಳ ರಚನೆಗೆ ಸಹಕಾರಿ. ಕೊಲೆಸ್ಟ್ರಾಲ್‌ ಒಳ್ಳೆಯದು (Good) ಮತ್ತು ಕೆಟ್ಟದ್ದು (Bad). ಇದನ್ನು ಎಲ್‌ಡಿಎಲ್ ಎಂದು ಕರೆಯುತ್ತಾರೆ. ಆರೋಗ್ಯ ಅಂಗಾಂಶ ನಿರ್ಮಿಸಲು ಮತ್ತು ನಿರ್ವಹಿಸಲು ದೇಹಕ್ಕೆ ಉತ್ತಮ ಕೊಲೆಸ್ಟ್ರಾಲ್ ಅತ್ಯಗತ್ಯವಾಗಿದೆ. ಆದರೆ ರಕ್ತದ ಕೆಟ್ಟ ಕೊಲೆಸ್ಟ್ರಾಲ್ ಹೆಚ್ಚಿದ ಮಟ್ಟವು ಕೊಬ್ಬಿನ ಶೇಖರಣೆಗೆ ಕಾರಣವಾಗುತ್ತದೆ. ಇದು ರಕ್ತದ ಹರಿವು ಹೆಚ್ಚಿಸುತ್ತದೆ. ಮತ್ತು ಹೃದ್ರೋಗದ ಅಪಾಯ ಹೆಚ್ಚಿಸುತ್ತದೆ. ದಿನನಿತ್ಯದ ಆಹಾರದಲ್ಲಿ ಅಡುಗೆ ಎಣ್ಣೆ ಬೇಕೇ ಬೇಕು.

     ಅಡುಗೆ ಎಣ್ಣೆ ಬಳಕೆ ವೇಳೆ ಪ್ರಮಾಣದ ಮೇಲೆ ಗಮನ ಕೊಡಿ

    ಬಹುತೇಕ ಎಲ್ಲಾ ಪಾಕ ವಿಧಾನಗಳಲ್ಲಿ ಅಡುಗೆ ಎಣ್ಣೆಯನ್ನು ಬಳಕೆ ಮಾಡಲಾಗುತ್ತದೆ. ಆದರೆ ದೈನಂದಿನ ಆಹಾರದಲ್ಲಿ ಎಣ್ಣೆಯ ಅವಶ್ಯಕತೆ ಇದೆ. ನೀವು ಎಣ್ಣೆಯನ್ನು ಎಷ್ಟು ಪ್ರಮಾಣದಲ್ಲಿ ಬಳಸುತ್ತೀರಿ ಎಂಬುದರತ್ತ ಕೂಡ ಕಾಳಜಿ ವಹಿಸಬೇಕು. ಹೆಚ್ಚು ಫಾಸ್ಟ್ ಫುಡ್, ತಿಂಡಿ ಸೇವಿಸುವುದು ಆರೋಗ್ಯಕ್ಕೆ ಹಲವು ರೀತಿಯಲ್ಲಿ ಹಾನಿಯುಂಟು ಮಾಡುತ್ತದೆ.

    ಆಹಾರದಲ್ಲಿನ ಹೆಚ್ಚಿನ ಪ್ರಮಾಣದ ಎಣ್ಣೆಯು ನಿಮ್ಮ ದೇಹದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ತಿಳಿಯಿರಿ.

    ಇದನ್ನೂ ಓದಿ: ದಿನವನ್ನು ತಾಜಾ ಆಗಿರಿಸಲು ಮತ್ತು ಒತ್ತಡ ಮುಕ್ತವಾಗಿರಿಸಲು ಈ ಚಹಾ ಸೇವನೆ ಪ್ರಯೋಜನಕಾರಿ

    ಜೀರ್ಣಕಾರಿ ಸಮಸ್ಯೆ

    ಆಹಾರದ ಎಣ್ಣೆಯ ಪ್ರಮಾಣ ನಿಮ್ಮ ದೇಹಕ್ಕೆ ಎಷ್ಟು ಕೊಬ್ಬು ಹೋಗುತ್ತಿದೆ ಎಂದು ನಿರ್ಧರಿಸುತ್ತದೆ. ಹೆಚ್ಚಿನ ಕೊಬ್ಬು, ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಹೆಚ್ಚಿನ ಒತ್ತಡ ಹಾಕುತ್ತದೆ. ಅತಿಯಾಗಿ ಎಣ್ಣೆ ಸೇವನೆ ಮಾಡುವುದು ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆ ಉಂಟು ಮಾಡುತ್ತದೆ. ಇದು ಹೊಟ್ಟೆ ನೋವು, ವಾಯು, ಅತಿಸಾರ ಮತ್ತು ವಾಂತಿಗೆ ಕಾರಣವಾಗುತ್ತದೆ.

    ತೂಕ ಹೆಚ್ಚಾಗುತ್ತದೆ

    ಎಣ್ಣೆಯುಕ್ತ ಆಹಾರ ಹೆಚ್ಚಿನ ಕ್ಯಾಲೋರಿ ಹೊಂದಿದೆ. ಇದು ತೂಕ ಹೆಚ್ಚಾಗಲು ಕಾರಣವಾಗುತ್ತದೆ. ಹೆಚ್ಚು ಜಿಡ್ಡಿನ ಆಹಾರ ಸೇವಿಸಿದರೆ, ಕ್ಯಾಲೋರಿ ಸಂಖ್ಯೆ ಹೆಚ್ಚುತ್ತದೆ. ಹೊಟ್ಟೆಯ ಕೊಬ್ಬಿನ ಸಮಸ್ಯೆ ಇರುತ್ತದೆ.

    ಹೆಚ್ಚುತ್ತಿರುವ ಕೊಲೆಸ್ಟ್ರಾಲ್ ಮಟ್ಟವು ಅಪಧಮನಿಗಳಲ್ಲಿ ಪ್ಲೇಕ್ ನಿರ್ಮಿಸಲು ಕಾರಣವಾಗುತ್ತದೆ. ಇದು ಪಾರ್ಶ್ವವಾಯು, ಹೃದಯಾಘಾತ ಮತ್ತು ಹೃದಯ ಸ್ತಂಭನದ ಅಪಾಯ ಹೆಚ್ಚಿಸುತ್ತದೆ.

    ಹೆಚ್ಚಿನ ಕೊಲೆಸ್ಟ್ರಾಲ್ ಕಳಪೆ ಆಹಾರ, ಅತಿಯಾದ ಮದ್ಯಪಾನ, ಧೂಮಪಾನ ಮತ್ತು ವ್ಯಾಯಾಮದ ಕೊರತೆಗೆ ಕಾರಣವಾಗುತ್ತದೆ. ನಿಮ್ಮ ಆಹಾರದಲ್ಲಿ ಕೆಲವು ಒಳ್ಳೆಯ ಬದಲಾವಣೆ ಮಾಡಿ. ಇದು ಅಪಾಯ ಕಡಿಮೆ ಮಾಡುತ್ತದೆ. ನಿಮ್ಮ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟ ಹೆಚ್ಚಿಸುವ ಐದು ವಿಧದ ಎಣ್ಣೆಯ ಬಗ್ಗೆ ಇಲ್ಲಿ ತಿಳಿಯೋಣ.

    ಕೊಬ್ಬು ಕೊಲೆಸ್ಟ್ರಾಲ್ ಅಪಾಯದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ

    ಕೊಬ್ಬು ಕೊಲೆಸ್ಟ್ರಾಲ್ ಮಾನ್ಯತೆಯ ಮೇಲೆ ಪರಿಣಾಮ ಬೀರುವ ಪ್ರಮುಖ ಮ್ಯಾಕ್ರೋನ್ಯೂಟ್ರಿಯೆಂಟ್‌ಗಳಲ್ಲಿ ಒಂದಾಗಿದೆ. ಕೊಬ್ಬು, ಕೊಲೆಸ್ಟ್ರಾಲ್‌ನಂತೆ, ಒಳ್ಳೆಯದು ಮತ್ತು ಕೆಟ್ಟದು ಇದೆ. ಸ್ಯಾಚುರೇಟೆಡ್ ಮತ್ತು ಅಪರ್ಯಾಪ್ತ. ಸ್ಯಾಚುರೇಟೆಡ್ ಕೊಬ್ಬು ಹೃದಯಕ್ಕೆ ಹಾನಿಕಾರಕ. ಆದರೆ ಅಪರ್ಯಾಪ್ತ ಕೊಬ್ಬು ಆರೋಗ್ಯಕರ ಹೃದಯ ಮತ್ತು ಉತ್ತಮ ಬಾಡಿ ಮಾಸ್ ಇಂಡೆಕ್ಸ್‌ಗೆ ಸಂಬಂಧಿಸಿದೆ. ಕೊಲೆಸ್ಟ್ರಾಲ್ ನಿರ್ವಹಿಸುವ ಮೊದಲ ಹಂತವೆಂದರೆ ಸರಿಯಾದ ಅಡುಗೆ ಎಣ್ಣೆ ಆರಿಸುವುದು.

    ಅಡುಗೆಗೆ ಯಾವ ಎಣ್ಣೆಯನ್ನು ಬಳಸಬಾರದು

    ಅಧಿಕ ಕೊಲೆಸ್ಟ್ರಾಲ್ ಇದ್ದವರು ತೆಂಗಿನ ಎಣ್ಣೆ, ಉಪ್ಪುಸಹಿತ ಬೆಣ್ಣೆ, ಐಸ್ ಕ್ರೀಮ್, ಕೆಂಪು ಮಾಂಸ ಸೇವಿಸಬಾರದು ಎಂದು ಹಾರ್ವರ್ಡ್ ಹೆಲ್ತ್ ಹೇಳುತ್ತದೆ. ಆಕ್ರೋಡು ಎಣ್ಣೆ, ಅಗಸೆ ಎಣ್ಣೆ, ಮೀನು ಮತ್ತು ಪಾಚಿ ಎಣ್ಣೆ ಕೂಡ ಉತ್ತಮ ಪ್ರಮಾಣದ ಸ್ಯಾಚುರೇಟೆಡ್ ಕೊಬ್ಬು ಹೊಂದಿರುತ್ತದೆ. ಆದರೆ ಅಧಿಕ ಕೊಲೆಸ್ಟ್ರಾಲ್ ಸಮಸ್ಯೆಯಿಂದ ಬಳಲುತ್ತಿರುವವರು ಈ ತೈಲಗಳನ್ನು ಸೇವಿಸುವುದನ್ನು ತಪ್ಪಿಸಬೇಕು.

    ತಾಳೆ ಎಣ್ಣೆ ಹಾನಿಕಾರಕ

    ದಿ ಜರ್ನಲ್ ಆಫ್ ನ್ಯೂಟ್ರಿಷನ್‌ ಪ್ರಕಟವಾದ ಅಧ್ಯಯನದ ಪ್ರಕಾರ, ಪಾಮ್ ಎಣ್ಣೆ ಕೊಲೆಸ್ಟ್ರಾಲ್‌ ಹೆಚ್ಚಿಸುತ್ತದೆ. ಇದು ಕೆಟ್ಟ ಎಣ್ಣೆಗಳಲ್ಲಿ ಒಂದಾಗಿದೆ. ಇದರಲ್ಲಿ ಸ್ಯಾಚುರೇಟೆಡ್ ಕೊಬ್ಬಿನ ಹೆಚ್ಚಿನ ಉಪಸ್ಥಿತಿ ಕೆಟ್ಟ ಲಿಪಿಡ್ ಅಥವಾ ಕೊಲೆಸ್ಟ್ರಾಲ್ ಹೆಚ್ಚಿಸುತ್ತದೆ. ತಾಳೆ ಎಣ್ಣೆಯು ರಕ್ತದ ಲಿಪಿಡ್‌ಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.

    ಇದನ್ನೂ ಓದಿ: ರಕ್ತದಲ್ಲಿ ಹೆಚ್ಚಳವಾಗುವ ಯೂರಿಕ್ ಆಮ್ಲವನ್ನು ಕಡಿಮೆ ಮಾಡಲು ಇಲ್ಲಿದೆ ಆಯುರ್ವೇದಿಕ್ ಪರಿಹಾರ

    300 ಗ್ರಾಂಗಿಂತ ಹೆಚ್ಚು ಕೊಲೆಸ್ಟ್ರಾಲ್ ಸೇವಿಸಬೇಡಿ

    ತಜ್ಞರ ಪ್ರಕಾರ ನೀವು ಆರೋಗ್ಯವಂತರಾಗಿದ್ದರೆ ಪ್ರತಿದಿನ 300 ಗ್ರಾಂಗಿಂತ ಹೆಚ್ಚು ಕೊಲೆಸ್ಟ್ರಾಲ್ ಸೇವಿಸಬಾರದು. ಪರಿಧಮನಿಯ ಹೃದಯ ಕಾಯಿಲೆ ಹೊಂದಿದ್ದರೆ ಅಥವಾ ನಿಮ್ಮ LDL ಕೊಲೆಸ್ಟ್ರಾಲ್ ಮಟ್ಟ 100 mg/dL ಗಿಂತ ಹೆಚ್ಚಿದ್ದರೆ, ನಿಮ್ಮ ಕೊಲೆಸ್ಟ್ರಾಲ್ ಸೇವನೆಯನ್ನು ದಿನಕ್ಕೆ 200 mg ಗಿಂತ ಕಡಿಮೆ ಮಾಡಿ.
    Published by:renukadariyannavar
    First published: