Honey And Health: ಯಾವ ಪದಾರ್ಥದ ಜೊತೆಗೆ ಜೇನುತುಪ್ಪ ತಿನ್ನಬಾರದು?

ಜೇನುತುಪ್ಪ ಸೇವನೆ ಮಾಡುವುದರಿಂದ ದೇಹವು ಅನೇಕ ಪ್ರಯೋಜನ ಪಡೆಯುತ್ತದೆ. ಪೋಷಕಾಂಶಗಳು ಜೇನುತುಪ್ಪದಲ್ಲಿ ಸಮೃದ್ಧವಾಗಿವೆ. ಜೇನುತುಪ್ಪದ ಜೊತೆಗೆ ಯಾವ ಪದಾರ್ಥ ಸೇವನೆ ಮಾಡಬಾರದು ಎಂಬುದನ್ನು ತಿಳಿಯೋಣ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಆರೋಗ್ಯದ (Health) ಹಿತದೃಷ್ಟಿಯಿಂದ ಜೇನುತುಪ್ಪ (Honey) ಸೇವನೆ ತುಂಬಾ ಒಳ್ಳೆಯದು. ಸಾಕಷ್ಟು ಆರೋಗ್ಯಕಾರಿ (Healthy) ಗುಣ ಲಕ್ಷಣಗಳಿಂದ ಸಮೃದ್ಧವಾಗಿದೆ ಜೇನುತುಪ್ಪ. ಇದನ್ನು ಕೇವಲ ಉತ್ತಮ ರುಚಿಗಾಗಿ (Sweat) ಮಾತ್ರವಲ್ಲದೆ, ತುಂಬಾ ಆರೋಗ್ಯಕ್ಕೆ ಪ್ರಯೋಜನಕಾರಿ (Benefits) ಎಂದು ಪರಿಗಣಿಸಲ್ಪಟ್ಟಿದೆ. ಜೇನುತುಪ್ಪ ಸೇವನೆ ಮಾಡುವುದರಿಂದ ದೇಹವು (Body) ಅನೇಕ ಪ್ರಯೋಜನ ಪಡೆಯುತ್ತದೆ. ಕಾರ್ಬೋಹೈಡ್ರೇಟ್‌, ಪ್ರೋಟೀನ್‌, ವಿಟಮಿನ್ ಎ, ಬಿ, ಸಿ, ಕಬ್ಬಿಣ, ಮೆಗ್ನೀಸಿಯಮ್, ಕ್ಯಾಲ್ಸಿಯಂ, ರಂಜಕ, ಪೊಟ್ಯಾಸಿಯಮ್, ಸೋಡಿಯಂ ಇತ್ಯಾದಿ ಪೋಷಕಾಂಶಗಳು ಜೇನುತುಪ್ಪದಲ್ಲಿ ಸಮೃದ್ಧವಾಗಿವೆ. ಜೇನುತುಪ್ಪವು ಆರೋಗ್ಯಕ್ಕೆ ಲಾಭ ತಂದು ಕೊಡುವುದರ ಜೊತೆಗೆ ಕೆಲವರಲ್ಲಿ ಹಾನಿಯನ್ನೂ ಉಂಟು ಮಾಡುತ್ತದೆ.

    ಜೇನುತುಪ್ಪವು ಯಾವ ಜನರಿಗೆ ಅಪಾಯಕಾರಿ ಎಂಬುದನ್ನು ಮತ್ತು ಜೇನುತುಪ್ಪದ ಜೊತೆಗೆ ಯಾವ ಪದಾರ್ಥ ಸೇವನೆ ಮಾಡಬಾರದು ಎಂಬುದನ್ನು ತಿಳಿಯೋಣ.

    ಜೇನುತುಪ್ಪ ಸೇವನೆಯಿಂದ ಉಂಟಾಗುವ ಹಾನಿಗಳು

    ಹಲ್ಲುಗಳಿಗೆ ಹಾನಿ

    ದಿನವಿಡೀ ಜೇನುತುಪ್ಪ ಸೇವಿಸುತ್ತಿದ್ದೀರಿ ಎಂದಾದರೆ ಅದರ ಬಗ್ಗೆ ಗಮನ ಹರಿಸಿ. ಜೇನುತುಪ್ಪದ ಅತಿಯಾದ ಸೇವನೆ ಹಲ್ಲು ಮತ್ತು ಒಸಡು ಕೊಳೆಯುವ ಅಪಾಯ ಹೆಚ್ಚಿಸುತ್ತದೆ ಎಂದು ಆರೋಗ್ಯ ತಜ್ಞರು ಹೇಳುತ್ತಾರೆ.

    ಇದನ್ನೂ ಓದಿ: ಉತ್ತಮ ಆರೋಗ್ಯಕ್ಕಾಗಿ ಸೂಪರ್ ಫುಡ್ ಗಳ ಉಪಾಹಾರ ಸೇವಿಸಿ, ಪ್ರಯೋಜನ ಪಡೆಯಿರಿ

    ಕೊಬ್ಬಿನ ಯಕೃತ್ತಿನ ಕಾಯಿಲೆ ಜನರು ಹೆಚ್ಚು ಜಾಗರೂಕರಾಗಿರಿ

    ಜೇನುತುಪ್ಪದಲ್ಲಿ ಕಂಡು ಬರುವ ಸಕ್ಕರೆಯ ಮುಖ್ಯ ಮೂಲವೆಂದರೆ ಫ್ರಕ್ಟೋಸ್. ಕೊಬ್ಬಿನ ಯಕೃತ್ತಿನ ಕಾಯಿಲೆಯಿಂದ ಬಳಲುತ್ತಿರುವ ಜನರಿಗೆ ಇದು ಅಪಾಯಕಾರಿ. ಫ್ರಕ್ಟೋಸ್ ಇತರ ಶಕ್ತಿಯ ಮೂಲಗಳಿಗಿಂತ ವಿಭಿನ್ನವಾಗಿ ಚಯಾಪಚಯಗೊಳ್ಳುತ್ತದೆ. ಯಕೃತ್ತು ಫ್ರಕ್ಟೋಸ್ ಅನ್ನು ಚಯಾಪಚಯಗೊಳಿಸುತ್ತದೆ.

    ಇದು ಕೊಬ್ಬಿನ ಯಕೃತ್ತು ಹೊಂದಿರುವವರಿಗೆ ಬಹಳಷ್ಟು ಸಮಸ್ಯೆ ಉಂಟು ಮಾಡುತ್ತದೆ. ಅದಕ್ಕಾಗಿಯೇ ಕೊಬ್ಬಿನ ಯಕೃತ್ತು ಹೊಂದಿರುವ ಜನರು ಆಲ್ಕೋಹಾಲ್ ಸೇವನೆ ಮಾಡಬಾರದು ಮತ್ತು ಫ್ರಕ್ಟೋಸ್ ಅನ್ನು ಸೀಮಿತ ಪ್ರಮಾಣದಲ್ಲಿ ಸೇವಿಸಬಾರದು ಎಂದು ಸಲಹೆ ನೀಡಲಾಗುತ್ತದೆ.

    ಜೇನುತುಪ್ಪ ಅಲರ್ಜಿ ಲಕ್ಷಣಗಳನ್ನು ಕಡಿಮೆ ಮಾಡುವುದಿಲ್ಲ

    ಅಲರ್ಜಿ ಸಮಸ್ಯೆ ಗುಣಪಡಿಸಲು ಜೇನುತುಪ್ಪವು ಸಹಾಯ ಮಾಡುವುದಿಲ್ಲ. ಪರಾಗ ಧಾನ್ಯಗಳಿಂದ ಅಲರ್ಜಿ ಇರುವವರು ಜೇನುತುಪ್ಪ ಸೇವಿಸಬಾರದು. ಇದರಿಂದಾಗಿ ಅಲರ್ಜಿ ಇನ್ನಷ್ಟು ಹೆಚ್ಚಾಗುವ ಅಪಾಯ ಇದೆ.

    ಮಧುಮೇಹ ರೋಗಿಗಳಿಗೆ

    ಸಕ್ಕರೆಯ ಮುಖ್ಯ ಮೂಲವಾದ ಜೇನುತುಪ್ಪದಲ್ಲಿ ಫ್ರಕ್ಟೋಸ್ ಕಂಡು ಬರುತ್ತದೆ. ಹಾಗಾಗಿ ಇದನ್ನು ಹೆಚ್ಚು ಸೇವಿಸುವುದರಿಂದ ಮಧುಮೇಹ ರೋಗಿಗಳ ರಕ್ತದ ಸಕ್ಕರೆ ಮಟ್ಟ ಹೆಚ್ಚಬಹುದು.

    ಜೇನುತುಪ್ಪ ತಿನ್ನುವಾಗ ಈ ಮುನ್ನೆಚ್ಚರಿಕೆ ಅನುಸರಿಸಿ

    ಮಧುಮೇಹ - ಜೇನುತುಪ್ಪ ಸಕ್ಕರೆ ಹೊಂದಿರುತ್ತದೆ ಮತ್ತು ಅದನ್ನು ಮಿತವಾಗಿ ಬಳಸಬೇಕು. ಹೆಚ್ಚಿನ ಪ್ರಮಾಣದಲ್ಲಿ ಜೇನುತುಪ್ಪ ಸೇವನೆ ಟೈಪ್-2 ಡಯಾಬಿಟಿಸ್ ರೋಗಿಗಳಲ್ಲಿ ರಕ್ತದ ಸಕ್ಕರೆ ಮಟ್ಟ ಹೆಚ್ಚಿಸಬಹುದು.

    ಮಕ್ಕಳು - 12 ತಿಂಗಳೊಳಗಿನ ಶಿಶುಗಳು ಜೇನುತುಪ್ಪ ಸೇವನೆ ಮಾಡಬಾರದು. ಶಿಶುಗಳಲ್ಲಿ ಕ್ಲೋಸ್ಟ್ರಿಡಿಯಮ್ ಸೋಂಕಿನ ಅಪಾಯ ಇದೆ. ಹಳೆಯ ಮಕ್ಕಳಿಗೆ ಸುರಕ್ಷಿತವೆಂದು ಪರಿಗಣಿಸಲಾಗಿದೆ.

    ಪರಾಗ ಅಲರ್ಜಿ: ಪರಾಗ ಅಲರ್ಜಿಯನ್ನು ಹೇ ಜ್ವರ ಎಂದೂ ಕರೆಯುತ್ತಾರೆ. ಜೇನುತುಪ್ಪವನ್ನು ಪರಾಗದಿಂದ ತಯಾರು ಮಾಡಲಾಗುತ್ತದೆ. ಅಲರ್ಜಿ ಉಂಟು ಮಾಡಬಹುದು. ಹೂವಿನ ಪರಾಗದಿಂದ ನಿಮಗೆ ಅಲರ್ಜಿ ಇದ್ದರೆ ಜೇನುತುಪ್ಪ ಸೇವಿಸಬೇಡಿ.

    ಆರೋಗ್ಯವನ್ನು ಕಾಪಾಡಿಕೊಳ್ಳಲು ಮೆಣಸಿನಕಾಯಿಯ ರುಚಿಯನ್ನು ಹೆಚ್ಚಿಸಲು ಜೇನುತುಪ್ಪವನ್ನು ಬಳಸಲಾಗುತ್ತದೆ, ಆದರೆ ಅನೇಕ ವಿಷಯಗಳಲ್ಲಿ ಇದರ ಬಳಕೆಯು ನಿಮಗೆ ಮಾರಕವಾಗಬಹುದು ಎಂದು ನಿಮಗೆ ತಿಳಿದಿದೆಯೇ. ಜೇನುತುಪ್ಪದೊಂದಿಗೆ ಯಾವತ್ತೂ ಸೇವಿಸಬಾರದ ವಸ್ತುಗಳ ಬಗ್ಗೆ ತಿಳಿಯೋಣ.

    ಬಿಸಿ ಪದಾರ್ಥಗಳ ಜೊತೆ ಜೇನುತುಪ್ಪ ಸೇವನೆ ಬೇಡ

    ಜೇನುತುಪ್ಪದ ರುಚಿ ಬಿಸಿಯಾಗಿರುತ್ತದೆ. ಆದ್ದರಿಂದ, ಇದನ್ನು ಬಿಸಿ ಪದಾರ್ಥಗಳೊಂದಿಗೆ ತಿನ್ನುವುದನ್ನು ತಪ್ಪಿಸಬೇಕು. ಬಿಸಿ ಆಹಾರದೊಂದಿಗೆ ಜೇನುತುಪ್ಪ ಸೇವನೆ ಹೊಟ್ಟೆಯ ತೊಂದರೆಗೆ ಕಾರಣವಾಗುತ್ತದೆ.  ಉಂಟಾಗುತ್ತದೆ.

    ಚಹಾ ಅಥವಾ ಕಾಫಿಯೊಂದಿಗೆ ತೆಗೆದುಕೊಳ್ಳಬೇಡಿ

    ನೆಗಡಿ ಬಂದರೆ ಚಹಾ ಅಥವಾ ಕಾಫಿಗೆ ಜೇನುತುಪ್ಪ ಬೆರೆಸಿ ಸೇವಿಸಿ ಎಂದು ಅನೇಕರು ಹೇಳುತ್ತಾರೆ. ಇದರಿಂದ ನಿಮ್ಮ ದೇಹದ ಉಷ್ಣತೆ ಹೆಚ್ಚಾಗುತ್ತದೆ. ಆತಂಕ ಮತ್ತು ಒತ್ತಡ ಉಂಟಾಗುತ್ತದೆ.

    ಇದನ್ನೂ ಓದಿ: Ramadan ಹಬ್ಬದ ನಂತರ ನೀವು ನಿಮ್ಮ ಸಾಮಾನ್ಯ ಆಹಾರ ಕ್ರಮಕ್ಕೆ ಮರಳುವುದು ಹೇಗೆ..?

    ಬಿಸಿನೀರಿನೊಂದಿಗೆ ತೆಗೆದುಕೊಳ್ಳಬೇಡಿ

    ಸಾಮಾನ್ಯವಾಗಿ ಜನರು ತೂಕ ಕಳೆದುಕೊಳ್ಳಲು ಅಥವಾ ಶೀತ ತಪ್ಪಿಸಲು ಬೆಳಿಗ್ಗೆ ಉಗುರು ಬೆಚ್ಚಗಿನ ನೀರಿನಲ್ಲಿ ಜೇನುತುಪ್ಪ ಬೆರೆಸಿ ಕುಡಿಯುತ್ತಾರೆ. ಇದು ದೇಹದ ಶಾಖ ಉತ್ಪತ್ತಿಗೆ ಮತ್ತು ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಗಳ ಅಪಾಯವು ಹೆಚ್ಚಾಗುತ್ತದೆ.
    Published by:renukadariyannavar
    First published: