Weight Loss Tips: ತೂಕ ಇಳಿಸುವಾಗ ನೀವು ಮಾಡುವ ಈ ತಪ್ಪುಗಳಿಂದ ಅಡ್ಡ ಪರಿಣಾಮ ಉಂಟಾಗಬಹುದು

ತೂಕ ಇಳಿಕೆಯ ಕೆಲವು ವಿಧಾನಗಳಿಂದ ನೀವು ಬೇಗ ವಯಸ್ಸಾದಂತೆ ಕಾಣುವ ಸಂಭವವಿರುತ್ತದೆ ಅಂತ ತಜ್ಞರು ಹೇಳುತ್ತಾರೆ. ಹಾಗಾದ್ರೆ ಏನು ಮಾಡಬೇಕು ಎಂಬ ಸಲಹೆ ಇಲ್ಲಿದೆ ಓದಿ...

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಇಂದಿನ ಕಾಲದ (Now a Days) ಸಾಮಾನ್ಯ ಸಮಸ್ಯೆಗಳಲ್ಲಿ (Common Problem) ಬೊಜ್ಜು (Obesity) ಕೂಡ ಒಂದಾಗಿದೆ. ಕೆಟ್ಟ ಜೀವನಶೈಲಿಯು (Bad Lifestyle) ಈ ಸಮಸ್ಯೆಯ ಪ್ರಬಲ ಮೂಲ ಕಾರಣಗಳಲ್ಲಿ ಒಂದಾಗಿದೆ. ಕೆಲವು ಸಂದರ್ಭಗಳಲ್ಲಿ, ಸ್ಥೂಲಕಾಯ ವೈದ್ಯಕೀಯ ಸ್ಥಿತಿಯ ಕಾರಣದಿಂದಲೂ ಉಂಟಾಗುವ ಸಾಧ್ಯತೆ ಹೆಚ್ಚು. ದೇಹಕ್ಕೆ ಬದುಕಲು ನಿರ್ದಿಷ್ಟ ಪ್ರಮಾಣದ ಕೊಬ್ಬು ಬೇಕು. ಆದರೆ ಯಾವಾಗ ಅತಿಯಾದ ಕೊಬ್ಬು ದೇಹದಲ್ಲಿ ಶೇಖರಣೆಯಾಗುತ್ತಾ ಹೋಗುತ್ತದೆಯೋ ಆಗ ಅದು ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಲು ಶುರು ಮಾಡುತ್ತದೆ. ನಂತರದ ಇದು ರೋಗಗಳನ್ನು ಹುಟ್ಟು ಹಾಕುವುದಲ್ಲದೆ, ದೇಹದ ವಯಸ್ಸು ಕಡಿಮೆ ಮಾಡುವ ಕೆಲಸ ಮಾಡುತ್ತದೆ.

    ನಿಮ್ಮ ದೇಹವನ್ನು ವೇಗವಾಗಿ ವಯಸ್ಸಾಗುವಂತೆ ಮಾಡುವ ಕೆಲವು ತೂಕ ನಷ್ಟ ಸಲಹೆಗಳಿವೆ ಎಂದು ತಜ್ಞರು ಹೇಳುತ್ತಾರೆ. ಹಾಗಾಗಿ ಷರತ್ತುಬದ್ಧ ತೂಕ ನಷ್ಟ ಸಲಹೆ ಕುರುಡಾಗಿ ಅನುಸರಿಸುವ ಮೊದಲು, ಒಮ್ಮೆ ಅವುಗಳ ನೈಜತೆ ತಿಳಿಯಿರಿ. ಅವು ನಿಮ್ಮ ಒಟ್ಟಾರೆ ಆರೋಗ್ಯದ ಮೇಲೆ ಹೇಗೆ ಪರಿಣಾಮ ಬೀರಬಹುದು ಎಂದು ಇಲ್ಲಿ ನೋಡೋಣ.

    ಏನೇ ತಿಂದರೂ ಕ್ಯಾಲೊರಿ ಹೆಚ್ಚಿಸಬೇಡಿ

    ಹೆಚ್ಚಿನ ಜನರು ಕ್ಯಾಲೋರಿ ಮಿತಿ ಮೀರದಂತೆ ಏನು ಬೇಕಾದರೂ ತಿಂದರೆ ನಡೆಯುತ್ತದೆ ಎಂದು ತಿಳಿದಿರುತ್ತಾರೆ. ತಮ್ಮ ಆಹಾರದ ಹೆಚ್ಚಿನ ಭಾಗವನ್ನು ಪ್ಯಾಕ್ ಮಾಡಿದ, ಸಂಸ್ಕರಿಸಿದ ಮತ್ತು ಕಡಿಮೆ ಪೌಷ್ಟಿಕಾಂಶ ಹೊಂದಿರುವ ಆಹಾರ ಸೇವನೆ ಮಾಡುತ್ತಾರೆ. ಹೆಚ್ಚು ಸಂಸ್ಕರಿಸಿದ ಆಹಾರಗಳು ಜೀವಕೋಶಗಳ ವಯಸ್ಸಾದ ವೇಗ ಹೆಚ್ಚಿಸಲು ಕೆಲಸ ಮಾಡುತ್ತದೆ ಎಂದು ಸಂಶೋಧನೆ ಕಂಡು ಹಿಡಿದಿದೆ.

    ಇದನ್ನೂ ಓದಿ: ರಕ್ತ ಪರೀಕ್ಷೆಯನ್ನು ಯಾವ ವಯಸ್ಸಿನವರು ಮಾಡಿಸಬೇಕು ಮತ್ತು ಯಾಕೆ? ತಜ್ಞರ ಅಭಿಪ್ರಾಯವೇನು?

    ಏಕೆಂದರೆ ಈ ಆಹಾರಗಳು ಹೆಚ್ಚಿನ ಪ್ರಮಾಣದ ಹೈಡ್ರೋಜನೀಕರಿಸಿದ ತೈಲ ಹೊಂದಿರುತ್ತವೆ. ಅವುಗಳು ಟ್ರಾನ್ಸ್ ಕೊಬ್ಬುಗಳಿಂದ ತುಂಬಿರುತ್ತವೆ. ಇವು ದೇಹದಲ್ಲಿ ಉರಿಯೂತ ಉತ್ತೇಜಿಸುವ ಸಾಧ್ಯತೆ ಹೆಚ್ಚು. ಜೀವಕೋಶಗಳು ವಿಘಟನೆಗೆ ಒಳಗಾಗುತ್ತವೆ. ಅಲ್ಲದೆ, ಇದು ನಿಮ್ಮನ್ನು ವೇಗವಾಗಿ ವಯಸ್ಸಾಗುವಿಕೆಗೆ ಸಹ ಕಾರಣವಾಗಿದೆ.

    ಪ್ರೋಟೀನ್ ಬಗ್ಗೆ ಹೆಚ್ಚು ಗಮನ ಹರಿಸಬೇಡಿ

    ಸಾಮಾನ್ಯವಾಗಿ, ಹೆಚ್ಚುತ್ತಿರುವ ತೂಕವು ಕ್ಯಾಲೊರಿಗೆ ಸಂಬಂಧಿಸಿದೆ. ಅದಕ್ಕಾಗಿಯೇ ಜನರು ಸಾಕಷ್ಟು ಪ್ರೋಟೀನ್ ಸೇವಿಸುತ್ತಿದ್ದೀರಾ ಅಥವಾ ಇಲ್ಲವೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಮರೆಯುತ್ತಾರೆ. ತೂಕ ಕಡಿಮೆ ಮಾಡುವುದರ ಜೊತೆಗೆ ಪ್ರೋಟೀನ್ ಕೊರತೆಯು ಅನಾರೋಗ್ಯಕರ ವಯಸ್ಸನ್ನು ತ್ವರಿತವಾಗಿ ಹೆಚ್ಚಿಸುತ್ತದೆ.

    ಆದರೆ ಹೆಚ್ಚಿನ ಮಟ್ಟದ ಪ್ರೋಟೀನ್ ಸೇವನೆಯು ದೇಹವನ್ನು ತೆಳ್ಳಗೆ ಇಡಲು ಸಹಾಯ ಮಾಡುತ್ತದೆ. ಪ್ರೋಟೀನ್ ಕೊರತೆಯು ಸ್ನಾಯುವಿನ ಹಾನಿಗೆ ಕಾರಣವಾಗುತ್ತದೆ. ಇದು ನಿಮ್ಮ ಚಯಾಪಚಯ ಶಕ್ತಿ ಕಡಿಮೆ ಮಾಡುತ್ತದೆ ಮತ್ತು ಮೂಳೆ ನಷ್ಟಕ್ಕೆ ಕಾರಣವಾಗಬಹುದು.

    ಆಹಾರ ಆಯ್ಕೆಗಳ ಬಳಕೆ

    ನಿಮ್ಮ ಆಹಾರದಲ್ಲಿ ಶೇಕ್ಸ್ ಅಥವಾ ಬಾರ್‌ಗಳಂತಹ ಆಹಾರ ಬದಲಿ ಸೇರಿಸುತ್ತಿದ್ದರೆ, ನೀವು ಅವುಗಳನ್ನು ಸಾಂದರ್ಭಿಕವಾಗಿ ಮಾತ್ರ ಸೇವಿಸುವುದನ್ನು ಖಚಿತಪಡಿಸಿಕೊಳ್ಳಿ. ಏಕೆಂದರೆ ಈ ಉತ್ಪನ್ನಗಳಲ್ಲಿ ಹೆಚ್ಚಿನವು ಹೆಚ್ಚು ಸಂಸ್ಕರಿಸಲ್ಪಟ್ಟಿವೆ. ಮತ್ತು ಸಕ್ಕರೆ ಹೊಂದಿವೆ. ಹೆಚ್ಚಿನ ಸಕ್ಕರೆ ದೀರ್ಘಕಾಲದ ಕಾಯಿಲೆಯ ಬೆಳವಣಿಗೆಗೆ ಕೊಡುಗೆ ನೀಡುತ್ತದೆ ಮತ್ತು ವಯಸ್ಸಾದ ಪ್ರಕ್ರಿಯೆ ವೇಗಗೊಳಿಸುತ್ತದೆ.

    ಕಾರ್ಬೋಹೈಡ್ರೇಟ್ ಗಳ ಸೇವನೆ ತಪ್ಪಿಸುವುದು

    ಜನರು ಸಾಮಾನ್ಯವಾಗಿ ಕಾರ್ಬೋಹೈಡ್ರೇಟ್‌ಗಳ ಸೇವನೆ ಕೆಟ್ಟದ್ದು ಎಂದುಕೊಳ್ತಾರೆ. ನಿಯಮಿತವಾಗಿ ಸೇವಿಸುವ ಅಕ್ಕಿ ಮತ್ತು ರೊಟ್ಟಿ ಸೇವನೆ ಮಾಡಲ್ಲ. ಸತ್ಯವೆಂದರೆ ಹಣ್ಣುಗಳು, ಪಿಷ್ಟ ತರಕಾರಿಗಳು ಮತ್ತು ಧಾನ್ಯಗಳಂತಹ ಸಂಕೀರ್ಣ ಕಾರ್ಬೋಹೈಡ್ರೇಟ್‌ಗಳನ್ನು ಕಡಿತಗೊಳಿಸುವುದು ನಿಮ್ಮ ತೂಕ ನಷ್ಟ ಪ್ರಯತ್ನಕ್ಕೆ ಏಟು ಕೊಡುತ್ತದೆ.

    ಎಲ್ಲಾ ರೀತಿಯ ಕೊಬ್ಬು ನಿಷೇಧ

    ತೂಕ ಕಳೆದುಕೊಳ್ಳಲು ಪ್ರಯತ್ನಿಸುವಾಗ ಆರೋಗ್ಯಕರ ಕೊಬ್ಬು ನಿಮಗೆ ಸಹಕಾರಿಯಾಗಬಹುದು. ಅವು ದೇಹವು ಬದುಕಲು ಅಗತ್ಯವಾಗಿದೆ. ಕೊಬ್ಬು ನಿಯಂತ್ರಿಸಲು ಮತ್ತು ನಿಮ್ಮ ಒಟ್ಟಾರೆ ಆರೋಗ್ಯಕ್ಕಾಗಿ, ಅನಾರೋಗ್ಯಕರ ಪ್ಯಾಕ್ ಮಾಡಿದ ಕೊಬ್ಬನ್ನು ಹೊಂದಿರುವ ಆಹಾರ ತಪ್ಪಿಸಿ. ಆದರೆ ಆರೋಗ್ಯಕರ ಹೃದಯ ಮತ್ತು ಮೆದುಳಿಗೆ, ನೀವು ಬೀಜಗಳು, ಆವಕಾಡೊ, ಹೆಚ್ಚುವರಿ ವರ್ಜಿನ್ ಆಲಿವ್ ಎಣ್ಣೆ ಅಥವಾ ಸಾಲ್ಮನ್ ಸೇವಿಸಬೇಕು.

    ಇದನ್ನೂ ಓದಿ: ಹಾಲಿನ ಜೊತೆ ಚಿಕನ್ ಯಾಕೆ ತಿನ್ನಬಾರದು? ಈ ಬಗ್ಗೆ ಆಯುರ್ವೇದ ಹೇಳೋದೇನು?

    ಆಹಾರ ಪದ್ಧತಿಯಿಂದ ದೀರ್ಘಾಯುಷ್ಯ ಸಾಧ್ಯ

    ಸಸ್ಯ ಆಧಾರಿತ ಆಹಾರ ಸೇವಿಸುವ ಜನರು ಟೈಪ್ 2 ಮಧುಮೇಹ, ಕ್ಯಾನ್ಸರ್ ಮತ್ತು ಹೃದ್ರೋಗದಂತಹ ದೀರ್ಘಕಾಲದ ಕಾಯಿಲೆಗಳನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆ 50% ವರೆಗೆ ಕಡಿಮೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.
    Published by:renukadariyannavar
    First published: