• Home
  • »
  • News
  • »
  • lifestyle
  • »
  • Weight Loss Tips: ತೂಕ ಇಳಿಸೋಕೆ ವಾಕಿಂಗ್ ಸಾಕಾಗಲ್ಲ, ತಜ್ಞರು ಹೇಳೋ ಈ ಟಿಪ್ಸ್ ಕೇಳಿ

Weight Loss Tips: ತೂಕ ಇಳಿಸೋಕೆ ವಾಕಿಂಗ್ ಸಾಕಾಗಲ್ಲ, ತಜ್ಞರು ಹೇಳೋ ಈ ಟಿಪ್ಸ್ ಕೇಳಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Walking Is Not Enough: ನಿತ್ಯವೂ 1600 ಕ್ಯಾಲೊರಿಗಳಷ್ಟು ಆಹಾರ ಸೇವಿಸಲು ಪ್ರಯತ್ನಿಸಿ ಅದರಲ್ಲೂ ತಾಜಾ ಹಣ್ಣು ಹಾಗೂ ಸೊಪ್ಪು ತರಕಾರಿಗಳನ್ನು ಹೆಚ್ಚು ಸೇವಿಸಿ ಅಂತೆಯೇ ಕಾರ್ಬೋಹೈಡ್ರೇಡ್ ಹಿತಮಿತವಾಗಿರಲಿ

  • Share this:

ದಿನಂಪ್ರತಿ 10,000 ಹೆಜ್ಜೆಗಳಷ್ಟು ನಡೆಯುವುದು ಉತ್ತಮ ಆರೋಗ್ಯಕರ ಜೀವನದ ಬುನಾದಿ ಎಂದೆನಿಸಿದೆ. ಹಲವಾರು ವರ್ಷಗಳಿಂದ ಇದೇ ಸೂತ್ರವನ್ನು ಪ್ರತಿಯೊಬ್ಬರೂ ಅಳವಡಿಸಿಕೊಂಡು ಬಂದಿದ್ದಾರೆ. ಜನರು ಕೂಡ ತಮ್ಮ ಫಿಟ್‌ನೆಸ್ ಟ್ರ್ಯಾಕರ್‌ಗಳಲ್ಲಿ ಈ ಮೈಲುಗಲ್ಲನ್ನು ಸಾಧಿಸಲು ಪ್ರಯತ್ನಿಸುತ್ತಾರೆ. ಹಾಗಿದ್ದರೆ ಇಲ್ಲಿ ವಿಚಾರ ಮಾಡಬೇಕಾದ ಪ್ರಶ್ನೆಯೆಂದರೆ ದಿನವೂ ಹತ್ತುಸಾವಿರ ಹೆಜ್ಜೆಗಳ ನಡಿಗೆಯು ಸ್ಥೂಲಕಾಯತೆ ಮತ್ತು ಮಧುಮೇಹದಂತಹ ದೀರ್ಘಕಾಲದ ಪರಿಸ್ಥಿತಿಗಳನ್ನು ತಡೆಯಲು ಸಹಾಯ ಮಾಡುತ್ತದೆಯೇ ಎಂಬುದಾಗಿದೆ.


ಆರೋಗ್ಯಕರ ತೂಕಕ್ಕೆ ಎಷ್ಟು ಹೆಜ್ಜೆಗಳನ್ನು ಹಾಕಬೇಕು?


ಈ ಕುರಿತು ಸಂಶೋಧನೆಯನ್ನು ನಡೆಸಲಾಗಿದ್ದು ದೀರ್ಘಕಾಲದ ಸ್ಥೂಲಕಾಯತೆಯನ್ನು ತಡೆಗಟ್ಟಲು ಮಾಡಬೇಕಾದ ಕೆಲಸಗಳೇನು? ನಡಿಗೆಯೊಂದಿಗೆ ಯಾವ ರೀತಿಯ ಆಹಾರ ಕ್ರಮಗಳನ್ನು ರೂಢಿಸಿಕೊಳ್ಳಬೇಕು ಎಂಬುದನ್ನು ತಿಳಿಸಿದೆ. ನೇಚರ್ ಜರ್ನಲ್‌ನಲ್ಲಿ ಪ್ರಕಟವಾದ ಅಧ್ಯಯನವು ದಿನವೂ 8,600 ಹೆಜ್ಜೆಗಳಷ್ಟು ನಡೆಯುವುದು ತೂಕ ಹೆಚ್ಚಾಗುವುದನ್ನು ತಡೆಯಲು ಸಹಕಾರಿ ಎಂಬುದಾಗಿ ತಿಳಿಸಿದೆ. ಈಗಾಗಲೇ ಅಧಿಕ ತೂಕ ಸಮಸ್ಯೆಯಿಂದ ಬಳಲುತ್ತಿರುವವರು ಬೊಜ್ಜಿನ ಸಾಧ್ಯತೆಯನ್ನು ಕಡಿಮೆ ಮಾಡಲು 11,000 ಹೆಜ್ಜೆಗಳ ನಡಿಗೆಯನ್ನು ರೂಢಿಸಿಕೊಳ್ಳಬಹುದು ಎಂದು ತಿಳಿಸಿದೆ.


ಅಧ್ಯಯನಕ್ಕಾಗಿ, ಸಂಶೋಧಕರು ನಾಲ್ಕು ವರ್ಷಗಳ ಕಾಲ 6,000 ಜನರ ಮೇಲೆ ಪರಿಶೀಲನೆ ನಡೆಸಿದ್ದಾರೆ. ಖಿನ್ನತೆ, ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡದಂತಹ ಇತರ ಪರಿಸ್ಥಿತಿಗಳನ್ನು ತಡೆಗಟ್ಟಲು ನಡಿಗೆಯು ಸಹಾಯ ಮಾಡುತ್ತದೆ ಎಂದು ಪರಿಶೀಲನೆಯು ಕಂಡುಹಿಡಿದಿದೆ. ನಡಿಗೆಯು ಮಧುಮೇಹ, GERD ಮತ್ತು ನಿದ್ರೆಯಲ್ಲಿ ಉಸಿರುಕಟ್ಟುವಿಕೆಗೆ ಮೊದಲಾದ ಅಪಾಯಕಾರಿ ರೋಗವನ್ನು ತಡೆಗಟ್ಟಲು ಸಹಕಾರಿಯಾಗಿದೆ ಎಂದು ಸಂಶೋಧನೆಗಳು ಸೂಚಿಸಿವೆ. ನಡಿಗೆಯ ತೀವ್ರತೆಯು ಆರೋಗ್ಯಕಾರಿ ಫಲಿತಾಂಶಗಳನ್ನು ಒದಗಿಸಿದೆ.


ಇದನ್ನೂ ಓದಿ: ಈ ಔಷಧಿಗಳು ಬೊಜ್ಜು, ಮಧುಮೇಹ ಕಡಿಮೆ ಮಾಡಲು ಸಹಾಯ ಮಾಡುತ್ತಂತೆ


ಸ್ಥೂಲಕಾಯತೆಯಿಂದ ಯಾವೆಲ್ಲಾ ಅಪಾಯಗಳು ಬರುತ್ತವೆ?


ಎಸ್‌ಎಲ್ ರಹೇಜಾ ಆಸ್ಪತ್ರೆ, ಮಾಹಿಮ್‌ನ ಡಯಾಬಿಟಿಕ್ ಅಸೋಸಿಯೇಶನ್ ಆಫ್ ಇಂಡಿಯಾದ (ವೈಜ್ಞಾನಿಕ ವಿಭಾಗ) ಹಿರಿಯ ಮಧುಮೇಹ ತಜ್ಞ ಡಾ ಅನಿಲ್ ಭೋರಸ್ಕರ್ ತಿಳಿಸುವಂತೆ ಸ್ಥೂಲಕಾಯತೆಯು ಹೃದ್ರೋಗಗಳು, ಮಧುಮೇಹ ಮತ್ತು ಕ್ಯಾನ್ಸರ್‌ಗೆ ಕಾರಣವಾಗುವ ಪ್ರಮುಖ ಅಪಾಯಕಾರಿ ಅಂಶವಾಗಿದೆ (ಇತರ ಎಲ್ಲಾ ಅಪಾಯಕಾರಿ ಅಂಶಗಳ ನಡುವೆ) .


ನೀವು ಸೇವಿಸುವ ಆಹಾರ ಶಕ್ತಿಯಾಗಿ ಪರಿವರ್ತನೆಯಾಗುತ್ತದೆ ಮತ್ತು ದೇಹವು ಅದನ್ನು ಬಳಸಿಕೊಳ್ಳುತ್ತದೆ. ಅತಿಯಾದ ಕ್ಯಾಲೋರಿಗಳು ಕೊಬ್ಬಾಗಿ ಪರಿವರ್ತನೆಯಾಗುತ್ತವೆ. ಯುವಜನರಿಗೆ 1,600 ಕ್ಯಾಲೋರಿಗಳು ಬೇಕಾಗಿದ್ದರೆ, ಚಿಕ್ಕ ಮಕ್ಕಳಿಗೆ 2,000 ಕ್ಯಾಲೋರಿಗಳು ಬೆಳವಣಿಗೆಗೆ ಬೇಕಾಗುತ್ತದೆ ಎಂದು ವೈದ್ಯರು ತಿಳಿಸಿದ್ದಾರೆ. ಅಧ್ಯಯನವು ವಿಭಿನ್ನ ಸಂಖ್ಯೆಯನ್ನು ಸೂಚಿಸಿದ್ದರೆ ಜೈನ್ ಅವರು ಪ್ರತಿದಿನ 10,000 ಹೆಜ್ಜೆಗಳ ಗುರಿಯನ್ನು ಶಿಫಾರಸು ಮಾಡಿದ್ದಾರೆ.


ನೀವು ದಿನಕ್ಕೆ ಎಷ್ಟು ಹೆಜ್ಜೆಗಳನ್ನು ಹಾಕಬಲ್ಲಿರಿ ಎಂಬುದನ್ನು ನೋಡಿಕೊಂಡು ಗುರಿ ಇರಿಸಿ. ತದನಂತರ ನಿಮ್ಮ ಗುರಿಯನ್ನು ತಲುಪುವವರೆಗೆ ಪ್ರತಿ ವಾರ 1,000 ಹೆಜ್ಜೆಗಳನ್ನು ಹೆಚ್ಚಿಸಿ. ನೀವು ದಿನಕ್ಕೆ 10,000 ಹಂತಗಳನ್ನು ತಲುಪಿದ ನಂತರ ಅದನ್ನು ಮತ್ತೊಮ್ಮೆ ಹೆಚ್ಚಿಸಿ. ಕೆಲವು ವಾರಗಳ ನಂತರ ನಿಮಗೆ ವೇಗವನ್ನು ಹೆಚ್ಚಿಸಲು ಸಾಧ್ಯವಾಗುತ್ತದೆ ಎಂದು ಜೈನ್ ಸಲಹೆ ನೀಡಿದ್ದಾರೆ.




ವ್ಯಾಯಾಮ ಹಾಗೂ ಆಹಾರ ಪದ್ಧತಿ ಎರಡೂ ಮುಖ್ಯ


ಫೆಬ್ರವರಿ 2013 ರಲ್ಲಿ ಡಯಾಬಿಟಿಸ್ ಕೇರ್‌ನಲ್ಲಿ ಪ್ರಕಟವಾದ ಅಧ್ಯಯನವು ನಿರಂತರ ಮಧ್ಯಮ ವ್ಯಾಯಾಮಕ್ಕಿಂತ ಟೈಪ್ 2 ಡಯಾಬಿಟಿಸ್ ಹೊಂದಿರುವ ವ್ಯಕ್ತಿಗಳಲ್ಲಿ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸ್ಪರ್ಟ್ಸ್ (ಮಧ್ಯಂತರ ವಾಕಿಂಗ್) ಸಹಾಯ ಮಾಡುತ್ತದೆ ಎಂಬುದನ್ನು ಪತ್ತೆಮಾಡಿದೆ ಎಂದು, ಡಾ ಜೈನ್ ತಿಳಿಸಿದ್ದಾರೆ.


ಇದನ್ನೂ ಓದಿ: ಹಗಲುಗನಸು ಕಾಣೋದು ಲೈಫ್​ನಲ್ಲಿ ಈ ಬದಲಾವಣೆಗೆ ಕಾರಣವಾಗುತ್ತಂತೆ


ಆಹಾರ ಕ್ರಮಗಳಲ್ಲೂ ಶಿಸ್ತು ರೂಢಿಸಿಕೊಳ್ಳುವುದು ಮುಖ್ಯ ಎಂಬುದು ಜೈನ್ ಮಾತಾಗಿದೆ. ನಿತ್ಯವೂ 1600 ಕ್ಯಾಲೊರಿಗಳಷ್ಟು ಆಹಾರ ಸೇವಿಸಲು ಪ್ರಯತ್ನಿಸಿ ಅದರಲ್ಲೂ ತಾಜಾ ಹಣ್ಣು ಹಾಗೂ ಸೊಪ್ಪು ತರಕಾರಿಗಳನ್ನು ಹೆಚ್ಚು ಸೇವಿಸಿ ಅಂತೆಯೇ ಕಾರ್ಬೋಹೈಡ್ರೇಡ್ ಹಿತಮಿತವಾಗಿರಲಿ ಎಂಬುದು ಜೈನ್ ಸಲಹೆಯಾಗಿದೆ. ನಡಿಗೆಯೊಂದಿಗೆ ಕಟ್ಟುನಿಟ್ಟಾದ ಆಹಾರ ಪದ್ಧತಿಯನ್ನು ಅನುಸರಿಸಿದರೆ ತೂಕ ಇಳಿಕೆ ಸಾಧ್ಯ ಎಂಬುದು ವೈದ್ಯರ ಮಾತಾಗಿದೆ.

Published by:Sandhya M
First published: