HOME » NEWS » Lifestyle » TRY THIS 11 MINUTE SEATED CARDIO TO LOSE 2 KILOS IN 30 DAYS STG MAK

11 ನಿಮಿಷ ಕಾರ್ಡಿಯೋ ಮಾಡಿ: 2 ಕೆಜಿ ತೂಕ ಇಳಿಸಿ..!

ಕೆಲವರು ನಾನಾ ಕಾರಣಗಳಿಂದ ಕಾರ್ಡಿಯೋ ಮಾಡಲು ಹೆಣಗಾಡುತ್ತಿರುತ್ತಾರೆ. ಕುಳಿತುಕೊಂಡೇ ಕೆಲವೇ ನಿಮಿಷಗಳಲ್ಲಿ ಕಾರ್ಡಿಯೋವನ್ನು ಮಾಡಬಹುದು ಎಂದು ಹೇಳಿದರೆ ನಂಬುತ್ತೀರಾ? ನಂಬಲೇಬೇಕು.

Trending Desk
Updated:June 17, 2021, 5:25 PM IST
11 ನಿಮಿಷ ಕಾರ್ಡಿಯೋ ಮಾಡಿ: 2 ಕೆಜಿ ತೂಕ ಇಳಿಸಿ..!
ಪ್ರಾತಿನಿಧಿಕ ಚಿತ್ರ.
  • Share this:

ಹೃದಯ ರಕ್ತನಾಳದ ವ್ಯಾಯಾಮವನ್ನು ಕಾರ್ಡಿಯೋ ಅಥವಾ ಏರೋಬಿಕ್ ವ್ಯಾಯಾಮ ಎಂದೂ ಕರೆಯುತ್ತಾರೆ, ಇದು ಉತ್ತಮ ಆರೋಗ್ಯಕ್ಕೆ ಅವಶ್ಯಕವಾದ ವ್ಯಾಯಾಮ. ಇದು ಹೃದಯ ಬಡಿತವನ್ನು ಹೆಚ್ಚಿಸುತ್ತದೆ, ರಕ್ತವನ್ನು ವೇಗವಾಗಿ ಪಂಪ್ ಮಾಡಲು ಸಹಾಯಕವಾಗಿದೆ. ಕ್ಯಾಲೋರಿಗಳನ್ನು ನಾಶ ಮಾಡುತ್ತದೆ. ಅಲ್ಲದೇ ನಮ್ಮ ದೇಹಕ್ಕೆ ಅಗತ್ಯವಾದ ಆಮ್ಲಜನಕವನ್ನು ನೀಡುತ್ತದೆ. ಒಟ್ಟಿನಲ್ಲಿ ಕಾರ್ಡಿಯೋ ಹೃದಯ ಮತ್ತು ಶ್ವಾಸಕೋಶವನ್ನು ಆರೋಗ್ಯವಾಗಿರಿಸುತ್ತದೆ.


ಆದರೆ ಕೆಲವರು ನಾನಾ ಕಾರಣಗಳಿಂದ ಕಾರ್ಡಿಯೋ ಮಾಡಲು ಹೆಣಗಾಡುತ್ತಿರುತ್ತಾರೆ. ಕುಳಿತುಕೊಂಡೇ ಕೆಲವೇ ನಿಮಿಷಗಳಲ್ಲಿ ಕಾರ್ಡಿಯೋವನ್ನು ಮಾಡಬಹುದು ಎಂದು ಹೇಳಿದರೆ ನಂಬುತ್ತೀರಾ? ನಂಬಲೇಬೇಕು. ಇಲ್ಲಿ ಕುರ್ಚಿ ಹಾಕಿಕೊಂಡು ಅಥವಾ ಕುಳಿತಲ್ಲಿಯೇ ಹೇಗೆ ಕಾರ್ಡಿಯೋ ಮಾಡಬಹುದು ಎಂಬುದರ ಬಗ್ಗೆ ತಿಳಿಯೋಣ.



ಕಾರ್ಡಿಯೋ ಮಾಡಲು ಪ್ರಾರಂಭಿಸುವ ಮೊದಲು ಗಮನಿಸಬೇಕಾದ ಕೆಲವು ಅಂಶಗಳು
1. ನಿಗದಿತ ಸಮಯ ಮೀಸಲಿಡಿ
2. ಸ್ಟಾಪ್‍ವಾಚ್ ಬಳಸಿ
3. ಪ್ರತಿ ವ್ಯಾಯಾಮವನ್ನು ಒಂದು ನಿಮಿಷ ಮಾಡಿ ನಂತರ ಬದಲಾಯಿಸಿ.
4. ಸರಿಯಾದ ಬಟ್ಟೆಗಳನ್ನು ಧರಿಸಿ ಇದರಿಂದ ನೀವು ಸರಿಯಾಗಿ ಬಾಗಬಹುದು. ನೀವು ಕೇವಲ ಸಾಕ್ಸ್ ಅಥವಾ ಬೂಟುಗಳನ್ನು ಆರಿಸಿಕೊಳ್ಳಬಹುದು.5. ನಿಮ್ಮ ಕುರ್ಚಿ, ಸೋಫಾ ಅಥವಾ ನೀವು ಕುಳಿತುಕೊಳ್ಳುವ ಸ್ಥಳ ಸಮತಟ್ಟಾಗಿರುವಂತೆ ನೋಡಿಕೊಳ್ಳಿ


ಕಾರ್ಡಿಯೋ ಹೇಗೆ ಮಾಡುವುದು?


1. ಕುಳಿತಲ್ಲೇ ಬಾಗುವುದು:
ನಿಮ್ಮ ಕುರ್ಚಿಯ ಮೇಲೆ ಕುಳಿತುಕೊಂಡು ತೋಳುಗಳನ್ನು ಮೇಲಕ್ಕೆ ಚಾಚಿ ದೇಹವನ್ನು ಬಗ್ಗಿಸಿ. ಈ ವೇಳೆ ಕಾಲ್ಬೆರಳುಗಳನ್ನು ಸ್ಪರ್ಶಿಸಲು ಪ್ರಯತ್ನಿಸಿ ಮತ್ತು ಮತ್ತೆ ಮೇಲಕ್ಕೆ ಬನ್ನಿ. ಇದನ್ನು ಸ್ವಲ್ಪ ವೇಗವಾಗಿ ಮಾಡಿ. ನೀವು ಕೆಳಗೆ ಮತ್ತು ಮೇಲೆ ಬರುವಾಗ ಉಸಿರಾಟ ಸರಿಯಾಗಿರಲಿ.


2. ಕುಳಿತಲ್ಲೇ ಕಾಲನ್ನು ಮೇಲಕ್ಕೆ ಎತ್ತುವುದು
ನಾವು ಕುಳಿತ ಆಸನವನ್ನು ಗಟ್ಟಿಯಾಗಿ ಹಿಡಿದುಕೊಳ್ಳಬೇಕು. ಬೆನ್ನನ್ನು ನೇರವಾಗಿ ಇರಿಸಿಕೊಂಡು ಕಾಲನ್ನು ನೇರವಾಗಿ ಎತ್ತಬೇಕು. ಇದು ನಮ್ಮ ದೇಹದ ಮೇಲ್ಭಾಗದಲ್ಲಿ 90 ಡಿಗ್ರಿಯಲ್ಲಿರಬೇಕು. ಕಾಲುಗಳನ್ನು ಮೇಲಕ್ಕೆ ಎತ್ತುವಾಗ ಉಸಿರನ್ನು ಒಳಗೆಳೆದುಕೊಂಡು, ಕಾಲನ್ನು ಕೆಳಗಿಳಿಸುವಾಗ ಉಸಿರನ್ನು ಹೊರಕ್ಕೆ ಬಿಡಬೇಕು.


3. ಸೀಟೆಡ್ ಜ್ಯಾಕ್
ಮೊದಲು ಕುರ್ಚಿ ಮೇಲೆ ನೇರವಾಗಿ ಕುಳಿತುಕೊಳ್ಳಿ. ಕಾಲು ಮತ್ತು ಕೈಗಳನ್ನು ವಿಸ್ತಾರವಾಗಿ ಅಗಲಿಸಿ ಈ ಮೊದಲು ನೀವು ಜಂಪಿಂಗ್ ಜ್ಯಾಕ್ ಮಾಡುತ್ತಿದ್ದರೆ ಆ ಕ್ರಮವನ್ನು ಇಲ್ಲಿ ಪುನರಾವರ್ತಿಸಿ. ಇದರಿಂದ ಮೊಣಕಾಲುಗಳಿಗೆ ಯಾವುದೇ ಹಾನಿಯಾಗುವುದಿಲ್ಲ. ಪಾದಗಳನ್ನು ಅಗಲಿಸುವಾಗ ಉಸಿರು ತೆಗೆದುಕೊಂಡರೆ, ಮೊದಲಿನ ಹಂತಕ್ಕೆ ಕಾಲನ್ನು ತರುವಾಗ ಉಸಿರನ್ನು ಬಿಡಬೇಕು.


4. ಸೀಟೆಡ್ ಸ್ಕೇಟರ್
ಕುರ್ಚಿಯ ತುದಿಯಲ್ಲಿ ಕುಳಿತು, ಬಾಗಿ ನಿಮ್ಮ ಎಡಗೈಯನ್ನು ಬಲಗಾಲಿಗೆ, ಬಲಗೈಯನ್ನು ಎಡಗಾಲಿಗೆ ಸ್ಪರ್ಶಿಸಿ. ಕಾಲುಗಳಿಗೆ ಒಂದು ಕೈಯನ್ನು ಸ್ಪರ್ಶಿಸಿದರೆ ಇನ್ನೊಂದು ಕೈ ದೇಹದ ಹಿಂದೆ ನೇರವಾಗಿದ್ದು, ಮೇಲ್ಮುಖವಾಗಿರಬೇಕು. ಇದನ್ನು ಬೇಗ ಬೇಗ ಮಾಡಬೇಕು.


5. ಸೀಟೆಡ್ ಕ್ರಾಸ್
ತಲೆಯ ಹಿಂದೆ ಎರಡು ಕೈಗಳನ್ನು ಇಡಬೇಕು. ನಿಮ್ಮ ಬಲಗಾಲನ್ನು ಬಗ್ಗಿಸಿದಾಗ ಮೊಣಕಾಲನ್ನು ಎತ್ತಬೇಕು. ಏಕಕಾಲದಲ್ಲಿ ನಿಮ್ಮ ಎಡಗೈಯ ಮೊಣಕೈಯನ್ನು ನಿಮ್ಮ ಬಲ ಮೊಣಕಾಲಿಗೆ ಸ್ಪರ್ಶಿಸಿ. ಅದನ್ನು ಪರ್ಯಾಯವಾಗಿ ಪುನರಾವರ್ತಿಸಿ ಮತ್ತು ವೇಗವಾಗಿ ಮಾಡಿ.


6. ಹೈ ನೀಸ್:
ಕುರ್ಚಿಯ ಮೇಲೆ ನೇರವಾಗಿ ಕುಳಿತುಕೊಳ್ಳಿ. ನಂತರ ಮೊಣಕಾಲು ಮೇಲಕ್ಕೆ ಬರುವಾಗ ಕೈ ಸ್ವಲ್ಪ ಮಡಚಿಟ್ಟುಕೊಳ್ಳಿ. ಬಳಿಕ ನಿಮ್ಮ ಮೊಣಕಾಲು ಕೈಯನ್ನು ಸ್ಪರ್ಶಿಸಲಿ. ಇದನ್ನು ಪುನರಾವರ್ತಿಸಿ.


7. ಸೀಟೆಡ್ ಟ್ವಿಸ್ಟ್
ನಿಮ್ಮ ಕೈಗಳನ್ನು ತಲೆಯ ಹಿಂಭಾಗದಲ್ಲಿರಿಸಿ. ನಿಮ್ಮ ಕಾಲು ನೆಲಕ್ಕೆ ತಾಗಿರಲಿ. ನಂತರ ನಿಮ್ಮ ದೇಹದ ಮೇಲ್ಭಾಗವನ್ನು ಎಷ್ಟು ಸಾಧ್ಯವೋ ಅಷ್ಟು ಟ್ವಿಸ್ಟ್ ಮಾಡಿ.


8. ಚೇರ್ ರನ್ನಿಂಗ್
ಕುರ್ಚಿಯ ಮೇಲೆ ನೇರವಾಗಿ ಕುಳಿತಕೊಂಡು ನೀವು ಪ್ರತಿದಿನ ಜಾಗಿಂಗ್ ಮಾಡುವಂತೆ ಕುಳಿತಲ್ಲೇ ಓಡುವುದು.


9. ಸೀಟೆಡ್ ಲೆಗ್ ಪ್ರೆಸ್
ಕುರ್ಚಿಯನ್ನು ಹಿಡಿದುಕೊಂಡು ಕಾಲನ್ನು ಮೇಲಕ್ಕೆ ಎತ್ತಿ ನೇರವಾಗಿ ಇರಿಸಿ. ನಂತರ ಮೊಣಕಾಲನ್ನು ಬಾಗಿಸಿ, ಕಾಲನ್ನು ಎದೆಯ ಹತ್ತಿರ ತನ್ನಿ. ಕಾಲನ್ನು ನಂತರ ನೇರ ಮಾಡಿ. ಇದನ್ನು ಹಲವು ಬಾರಿ ಪುನರಾವರ್ತಿಸಿ.


10. ಚೇರ್ ಹೋಲ್ಡ್
ನಿಮ್ಮ ದೇಹದ ಮೇಲ್ಭಾಗವನ್ನು ನೇರವಾಗಿ ಇರಿಸಿಕೊಳ್ಳಿ. ಕಾಲನ್ನು ನೆಲದ ಭಾಗದಿಂದ ಮೇಲಕ್ಕೆ ಎತ್ತಿ. ನಂತರ ನಿಮಗೆ ಎಷ್ಟು ಸಮಯ ನೇರವಾಗಿ ಇಟ್ಟುಕೊಳ್ಳಲು ಸಾಧ್ಯವೋ ಅಷ್ಟು ಕಾಲ ಅದೇ ಆಸನದಲ್ಲಿರಿ.

First published: June 17, 2021, 5:23 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories