Pregnancy Tips: ಗರ್ಭಿಣಿಯಾಗಿ ನೀವು ಕಚೇರಿಯಲ್ಲಿ ಕೆಲಸ ಮಾಡುತ್ತಿದ್ದರೆ ಆರೋಗ್ಯದ ಬಗ್ಗೆ ಇರಲಿ ಎಚ್ಚರ

Pregnancy Tips: ಗರ್ಭಾವಸ್ಥೆಯಲ್ಲಿ, ದುಡಿಯುವ ಮಹಿಳೆಯರ ಆಸನ ವ್ಯವಸ್ಥೆ ಆರಾಮದಾಯಕವಾಗಿರುವಂತೆ ನೋಡಿಕೊಳ್ಳುವುದು ತುಂಬಾ ಮುಖ್ಯವಾಗುತ್ತದೆ. ನಿಮ್ಮ ಬೆನ್ನು ಮತ್ತು ಕುತ್ತಿಗೆಯನ್ನು ಸಣ್ಣ ದಿಂಬಿನ ಮೇಲೆ ಇರಿಸುವ ಮೂಲಕ ಆರಾಮದಾಯಕವಾಗಿ ಕುಳಿತು ಕೊಳ್ಳಬಹುದು.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಈಗಂತೂ ಮಹಿಳೆಯರು ಎಲ್ಲಾ ಕ್ಷೇತ್ರದಲ್ಲಿ (Women work) ಒಬ್ಬ ಗಂಡಸನಿಗೆ ಸರಿ ಸಮಾನವೆಂಬಂತೆ ಕೆಲಸ ಮಾಡುತ್ತಿದ್ದಾರೆ. ಆದರೆ ಗಂಡಸರಿಗೂ ಮತ್ತು ಮಹಿಳೆಯರಿಗೂ ಇಬ್ಬರಿಗೂ ತಮ್ಮ ಆರೋಗ್ಯದ (Health) ಬಗ್ಗೆ ಕಾಳಜಿ ವಹಿಸುವುದು (Important) ಮುಖ್ಯವಾಗುತ್ತದೆ. ಅದರಲ್ಲೂ ದುಡಿಯುವ ಮಹಿಳೆಯರು ತಮ್ಮ ಗರ್ಭಾವಸ್ಥೆಯಲ್ಲಿ (Pregnancy) ತಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ತುಂಬಾ ಮುಖ್ಯವಾಗುತ್ತದೆ. ಗರ್ಭಧಾರಣೆಯ ಕಾರಣದಿಂದಾಗಿ ಉಂಟಾಗುವ ಅಸ್ವಸ್ಥತೆಗಳನ್ನು(Disorders) ನಿಭಾಯಿಸಲು ಪೌಷ್ಟಿಕಾಂಶ (Nutrition), ಸರಿಯಾದ ನಿದ್ರೆ ಮತ್ತು ವ್ಯಾಯಾಮದ ಬಗ್ಗೆ ಗಂಭೀರ (Seriously) ಗಮನ ಹರಿಸಬೇಕು.

ಸಾಮಾನ್ಯ, ಆರೋಗ್ಯಕರ ಗರ್ಭಧಾರಣೆ ಅನುಭವಿಸುತ್ತಿರುವ ಮಹಿಳೆಗೆ ಹೆರಿಗೆಯ ಪ್ರಾರಂಭದವರೆಗೆ ಕೆಲಸ ಮಾಡುವುದು ಸಾಧ್ಯ. ಆದರೂ, ಅವರಿಗೆ ಕಷ್ಟ ಎಂದು ಅನ್ನಿಸುತ್ತಿದ್ದರೆ ಕೆಲಸ ಮಾಡುವುದನ್ನು ನಿಲ್ಲಿಸಬಹುದು. ಅವರಿಗೆ ಆ ಆಯ್ಕೆಯೂ ಇದೆ. ಕೆಲವು ಮಹಿಳೆಯರು ತಮ್ಮ ಹೆರಿಗೆಯ ನಿಗದಿತ ದಿನಾಂಕಕ್ಕೆ ಹಲವಾರು ವಾರಗಳ ಮೊದಲು ಕೆಲಸ ಮಾಡುವುದನ್ನು ನಿಲ್ಲಿಸುತ್ತಾರೆ.

ಇದನ್ನೂ ಓದಿ: ಪತಿ ಸಾವನ್ನಪ್ಪಿದ ನಂತರ ಆತನ ವೀರ್ಯದಿಂದ ಗರ್ಭಿಣಿಯಾಗಲು ಪತ್ನಿ ಪ್ರಯತ್ನ, ಮುಂದೆ?

ಆದರೆ ಕೆಲವು ವಿಷಯಗಳ ಬಗ್ಗೆ ಗಮನ ಹರಿಸುವುದರ ಮೂಲಕ, ಕೆಲಸ ಮಾಡುವ ಗರ್ಭಿಣಿಯರು ತಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬಹುದು.

1. ಚೆನ್ನಾಗಿ ಆಹಾರ ಸೇವಿಸಿರಿ
ಮಹಿಳೆಯರು ಶಕ್ತಿಯುತವಾಗಿರಲು ಮತ್ತು ಹೈಪರ್ ಅಸಿಡಿಟಿ ತಪ್ಪಿಸಲು ಆಗಾಗ್ಗೆ ಸಣ್ಣ ಮತ್ತು ಸಮತೋಲಿತ ಊಟ ಸೇವಿಸಬೇಕು. ಗರ್ಭಿಣಿಯರಿಗೆ ನಿಷ್ಕ್ರಿಯ ಮತ್ತು ದಣಿದ ಭಾವನೆ ಉಂಟುಮಾಡಬಹುದು, ಆದ್ದರಿಂದ ಉಪವಾಸ ಮಾಡುವುದು ಒಳ್ಳೆಯದಲ್ಲ. ಊಟದ ನಡುವೆ ದೀರ್ಘ ಅಂತರ ಇಟ್ಟುಕೊಳ್ಳಲೇಬಾರದು. ತಮ್ಮ ಕೆಲಸದ ಮೇಲೆ ಗಮನ ಕೇಂದ್ರೀಕರಿಸುವ ಅವರ ಸಾಮರ್ಥ್ಯವು ಹದಗೆಡುವ ಸಾಧ್ಯತೆಯೂ ಇದೆ.

ಹಸಿ ತರಕಾರಿಗಳು, ಹಣ್ಣುಗಳು, ಸಲಾಡ್‌ಗಳು, ಮೊಸರು, ಬೆಲ್ಲ, ರಾಜಗೀರಾ, ಪ್ರೋಟೀನ್ ಸಮೃದ್ಧ ಆಹಾರಗಳಾದ ಬೇಳೆಗಳು, ಮೊಳಕೆ ಕಾಳುಗಳು, ಸೋಯಾ, ಹಾಲು ಮತ್ತು ಮೊಟ್ಟೆಯ ಉತ್ಪನ್ನಗಳಂತಹ ಪೌಷ್ಟಿಕ ಪದಾರ್ಥಗಳನ್ನು ಸೇವಿಸಿ. ಏಕೆಂದರೆ ಈ ಆಹಾರಗಳು ದುಡಿಯುವ ಗರ್ಭಿಣಿಗೆ ಶಕ್ತಿ ನೀಡುತ್ತದೆ. ಗರ್ಭಿಣಿಯರು ಮಾನಸಿಕ ಆರೋಗ್ಯ ಮತ್ತು ದೈಹಿಕ ಆರೋಗ್ಯ ನಿಯಂತ್ರಣದಲ್ಲಿಟ್ಟುಕೊಳ್ಳಲು ಫೋಲಿಕ್ ಆಮ್ಲ ಮತ್ತು ಒಮೆಗಾ-3 ಪೂರಕಗಳು ಸಹ ಮುಖ್ಯವಾಗಿವೆ. ಅವರ ಮಗುವಿನ ಸರಿಯಾದ ಬೆಳವಣಿಗೆಗೆ ಅವು ಅಗತ್ಯವಾಗಿವೆ ಎಂದು ವೈದ್ಯರು ಹೇಳುತ್ತಾರೆ.

2. ಚೆನ್ನಾಗಿ ನಿದ್ರಿಸಿ
ಭಾರಿ ಕೆಲಸದ ಒತ್ತಡವು ನಿದ್ರಾಹೀನತೆಗೆ ಕಾರಣವಾಗುತ್ತದೆ ಮತ್ತು ಗರ್ಭಾವಸ್ಥೆಯಲ್ಲಿ ಇದು ತಾಯಿ ಮತ್ತು ಹುಟ್ಟಲಿರುವ ಮಗುವಿನ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಸರಿಯಾದ ನಿದ್ರೆಯೊಂದಿಗೆ, ದುಡಿಯುವ ಮಹಿಳೆಯರು ಗರ್ಭಧಾರಣೆಯನ್ನು ಚೆನ್ನಾಗಿ ನಿಭಾಯಿಸಬಹುದು.

ಸರಿಯಾದ ನಿದ್ರೆಯೊಂದಿಗೆ, ನಿರೀಕ್ಷಿಸುವ ತಾಯಿ ತನ್ನ ಮತ್ತು ಮಗುವಿನ ಆರೋಗ್ಯದ ಮೇಲೆ ದೀರ್ಘಕಾಲೀನ ಹಾನಿಕಾರಕ ಪರಿಣಾಮಗಳನ್ನು ತಪ್ಪಿಸಬಹುದು. ಗರ್ಭಾವಸ್ಥೆಯಲ್ಲಿ, ನಿದ್ರಾಹೀನತೆಯಂತಹ ನಿದ್ರೆಯ ಅಸ್ವಸ್ಥತೆಗಳು ಗರ್ಭಧಾರಣೆಯ ಅಧಿಕ ರಕ್ತದೊತ್ತಡ, ಗರ್ಭಧಾರಣೆಯ ಮಧುಮೇಹ, ಅವಧಿ ಪೂರ್ವ ಜನನ, ಭ್ರೂಣದ ಬೆಳವಣಿಗೆಯ ಅಸ್ವಸ್ಥತೆಗಳನ್ನು ಒಳಗೊಂಡ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಎಲ್ಲಾ ಗರ್ಭಿಣಿಯರಿಗೆ ವಿಶೇಷವಾಗಿ ಕಚೇರಿಗಳು ಮತ್ತು ಇತರ ಕೆಲಸದ ಸ್ಥಳಗಳಲ್ಲಿ ಸುಮಾರು 8 ಗಂಟೆಗಳ ಕಾಲ ಕೆಲಸ ಮಾಡುವವರಿಗೆ 7-9 ಗಂಟೆಗಳ ಉತ್ತಮ ನಿದ್ರೆ ಬೇಕೇ ಬೇಕು.

3. ಆರಾಮದಾಯಕ ಬಟ್ಟೆಗಳನ್ನು ಧರಿಸಿ
ನೀವು ಗರ್ಭಾವಸ್ಥೆಯಲ್ಲಿ, ಕಚೇರಿ ಕೆಲಸ ಮತ್ತು ಅದರ ಪರಿಸರವು ನಿಮಗೆ ಅಶಾಂತಿ ಉಂಟು ಮಾಡಬಹುದು. ಇದರ ಪರಿಣಾಮವಾಗಿ, ಆಗಾಗ್ಗೆ ಗರ್ಭಧಾರಣೆಯ ಅಸ್ವಸ್ಥತೆಗಳನ್ನು ನಿವಾರಿಸಲು ಸೂಕ್ತ ಬಟ್ಟೆಯನ್ನು ಆಯ್ಕೆ ಮಾಡಿ. ಮುಕ್ತವಾಗಿ ಉಸಿರಾಡಲು ಮತ್ತು ಕಚೇರಿಯ ಸುತ್ತಲೂ ನಿರಾಯಾಸವಾಗಿ ಚಲಿಸಲು ಅನುವು ಮಾಡಿಕೊಡುವ ಉಡುಪನ್ನು ಆಯ್ಕೆ ಮಾಡಿ. ಹೈ ಹೀಲ್ಸ್ ಮತ್ತು ಮೃದುವಾದ ಬಟ್ಟೆಗಳನ್ನು ಧರಿಸಬೇಡಿ. ತುಂಬಾ ಬಿಗಿಯಾದ ಬಟ್ಟೆಗಳನ್ನು ಧರಿಸುವುದು ನಿಮ್ಮ ಭ್ರೂಣದ ಮೇಲೆ ಒತ್ತಡ ಹೇರಬಹುದು, ನಿಮಗೆ ಅಶಾಂತಿ ಉಂಟು ಮಾಡಬಹುದು ಮತ್ತು ನಿಮ್ಮ ಕೆಲಸದ ದಕ್ಷತೆಯನ್ನು ಸಹ ಕಡಿಮೆ ಮಾಡಬಹುದು.

4. ಕೆಲಸದ ಸ್ಥಳದಲ್ಲಿ ಆಸನ ವ್ಯವಸ್ಥೆ ನೋಡಿಕೊಳ್ಳಿ
ಗರ್ಭಾವಸ್ಥೆಯಲ್ಲಿ, ದುಡಿಯುವ ಮಹಿಳೆಯರ ಆಸನ ವ್ಯವಸ್ಥೆ ಆರಾಮದಾಯಕವಾಗಿರುವಂತೆ ನೋಡಿಕೊಳ್ಳುವುದು ತುಂಬಾ ಮುಖ್ಯವಾಗುತ್ತದೆ. ನಿಮ್ಮ ಬೆನ್ನು ಮತ್ತು ಕುತ್ತಿಗೆಯನ್ನು ಸಣ್ಣ ದಿಂಬಿನ ಮೇಲೆ ಇರಿಸುವ ಮೂಲಕ ಆರಾಮದಾಯಕವಾಗಿ ಕುಳಿತು ಕೊಳ್ಳಬಹುದು. ಕಂಪ್ಯೂಟರ್‌ನಲ್ಲಿ ಕೆಲಸ ಮಾಡುವಾಗ, ನಿಮ್ಮ ಕೈಗಳನ್ನು ಆರ್ಮ್ ರೆಸ್ಟ್ ಮೇಲೆ ಇರಿಸಿ ಮತ್ತು ಸುರಕ್ಷಿತ ಅಂತರ ಕಾಪಾಡಿಕೊಳ್ಳಿ. ಆಗಾಗ್ಗೆ ವಿರಾಮಗಳನ್ನು ತೆಗೆದುಕೊಳ್ಳುವುದು ಉತ್ತಮ. ಎದ್ದೇಳುವುದು ಮತ್ತು ಕೆಲವು ನಿಮಿಷಗಳ ಕಾಲ ಚಲಿಸುವುದು ಒಳ್ಳೆಯದು.

5. ಕೆಲಸದ ಸಮಯದಲ್ಲಿ ವಿರಾಮ ತೆಗೆದುಕೊಂಡು ವ್ಯಾಯಾಮ ಮಾಡಿ
ಗರ್ಭಾವಸ್ಥೆಯಲ್ಲಿ, ಮಹಿಳೆಯರು ತಡೆ ರಹಿತವಾಗಿ ಕೆಲಸ ಮಾಡಬಾರದು. ಸ್ವಲ್ಪ ಸಮಯ ತಾವು ಕುಳಿತುಕೊಂಡ ಆಸನದಿಂದ ಎದ್ದು ಅಡ್ಡಾಡಲು ಹೋಗುವ ಮೂಲಕ ಸ್ವಲ್ಪ ತಾಜಾ ಗಾಳಿ ಪಡೆಯಿರಿ. ಆಳವಾದ ಉಸಿರಾಟವು ಸಾಕಷ್ಟು ಸಹಾಯ ಮಾಡುತ್ತದೆ. ಇದು ನಿಮ್ಮ ರಕ್ತ ಪರಿಚಲನೆ ಹೆಚ್ಚಿಸುತ್ತದೆ ಮತ್ತು ಎದೆಯುರಿ ಹಾಗೂ ಆ್ಯಸಿಡ್ ರಿಫ್ಲಕ್ಸ್ ತಪ್ಪಿಸಲು ನಿಮಗೆ ಸಹಾಯ ಮಾಡುತ್ತದೆ. ದೀರ್ಘಕಾಲದವರೆಗೆ ಕುಳಿತುಕೊಳ್ಳುವುದರಿಂದ ಬೆನ್ನು ನೋವು ಮತ್ತು ತೋಳುಗಳು ಹಾಗೂ ಕಾಲುಗಳಲ್ಲಿ ಬಿಗಿತ ಉಂಟಾಗಬಹುದು.

ಇದನ್ನೂ ಓದಿ: Pregnancy Exercise: ಗರ್ಭಿಣಿಯರು ವ್ಯಾಯಾಮ ಮಾಡುವುದರಿಂದ ಎಷ್ಟೆಲ್ಲಾ ಪ್ರಯೋಜನ ಇದೆ ಗೊತ್ತಾ..?

ಕೆಲಸದ ಸಮಯದಲ್ಲಿ ಸದೃಢವಾಗಿರಲು ಮತ್ತು ಸಕ್ರಿಯವಾಗಿರಲು ಕೆಲವು ಸರಳ ಮಾರ್ಗಗಳು ಇಲ್ಲಿವೆ:
ಪ್ರತಿ ಗಂಟೆ ನೀವು ಕುಳಿತ ಆಸನದಿಂದ ಎದ್ದು 5 ನಿಮಿಷಗಳ ಕಾಲ ಅಡ್ಡಾಡಲು ಹೋಗಿ
ನಿಮ್ಮ ಮೇಜಿನ ಬಳಿ ಇರುವಾಗ ನಿಮ್ಮ ತೋಳುಗಳನ್ನು ನಿಧಾನವಾಗಿ ಚಾಚಿ, ಕುರ್ಚಿ ಬದಲಿಸಿ ಮತ್ತು ಅಗತ್ಯಕ್ಕೆ ತಕ್ಕಂತೆ ನಿಮ್ಮ ಕಾಲುಗಳನ್ನು ಚಾಚಿ, ಆಳವಾದ ಉಸಿರಾಟ ಅಭ್ಯಾಸ ಮಾಡಲು ಕನಿಷ್ಠ 2-4 ನಿಮಿಷಗಳನ್ನು ತೆಗೆದುಕೊಳ್ಳಿ.
Published by:vanithasanjevani vanithasanjevani
First published: