• Home
  • »
  • News
  • »
  • lifestyle
  • »
  • Thyroid Problem: ಥೈರಾಯ್ಡ್‌ ಸಮಸ್ಯೆ ನಿಯಂತ್ರಣಕ್ಕೆ ಈ ಯೋಗಾಸನ ಮಾಡುವುದು ಬೆಸ್ಟ್​​

Thyroid Problem: ಥೈರಾಯ್ಡ್‌ ಸಮಸ್ಯೆ ನಿಯಂತ್ರಣಕ್ಕೆ ಈ ಯೋಗಾಸನ ಮಾಡುವುದು ಬೆಸ್ಟ್​​

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಥೈರಾಯ್ಡ್ ಸಮಸ್ಯೆಯಲ್ಲಿ ದೇಹವು ಹೆಚ್ಚು ಅಥವಾ ಕಡಿಮೆ ಥೈರಾಯ್ಡ್ ಹಾರ್ಮೋನ್ ಅನ್ನು ಉತ್ಪಾದನೆ ಮಾಡುತ್ತದೆ. ಪುರುಷರೂ ಸಹ ಈ ಕಾಯಿಲೆ ಹೊಂದಿರಬಹುದು. ಥೈರಾಯ್ಡ್‌ ಸಮಸ್ಯೆ ಉಂಟಾದ್ರೆ ದೀರ್ಘಕಾಲದವರೆಗೆ ಔಷಧ ಸೇವನೆ ಮಾಡಬೇಕಾಗುತ್ತದೆ. ಕೆಲವು ಯೋಗಾಸನ ಭಂಗಿಯ ಮೂಲಕವೂ ಥೈರಾಯ್ಡ್ ಸಮಸ್ಯೆ ನಿಯಂತ್ರಿಸಲು ಸಾಧ್ಯ.

ಮುಂದೆ ಓದಿ ...
  • Share this:

    ತುಂಬಾ ಜನರು (People) ವಿವಿಧ ಕಾಯಿಲೆಗಳಿಂದ (Many Disease) ಬಳಲುತ್ತಿದ್ದಾರೆ. ಅದಕ್ಕಾಗಿ ಹಲವು ರೀತಿಯ ಚಿಕಿತ್ಸೆ (Treatment) ಪಡೆಯಲು ಮುಂದಾಗ್ತಾರೆ. ಬಿಪಿ, ಶುಗರ್ ಸೇರಿದಂತೆ ಥೈರಾಯ್ಡ್ (Thyroid) ಕೂಡ ಪ್ರಮುಖ ಸಮಸ್ಯೆಗಳಾಗಿದ್ದು (Problem), ಸಾಕಷ್ಟು ಕಾಡುತ್ತವೆ. ಥೈರಾಯ್ಡ್ ಚಿಕಿತ್ಸೆಗಾಗಿ ಹಲವರು ಔಷಧ ಸೇವನೆ ಮಾಡ್ತಾರೆ. ಸಾಮಾನ್ಯವಾಗಿ ಮಹಿಳೆಯರು ಥೈರಾಯ್ಡ್ ಸಮಸ್ಯೆ ಹೊಂದಿರುತ್ತಾರೆ. ಥೈರಾಯ್ಡ್ ಸಮಸ್ಯೆಯಲ್ಲಿ ದೇಹವು ಹೆಚ್ಚು ಅಥವಾ ಕಡಿಮೆ ಥೈರಾಯ್ಡ್ ಹಾರ್ಮೋನ್ ಅನ್ನು ಉತ್ಪಾದನೆ ಮಾಡುತ್ತದೆ. ಪುರುಷರೂ ಸಹ ಈ ಕಾಯಿಲೆ ಹೊಂದಿರಬಹುದು. ಥೈರಾಯ್ಡ್‌ ಸಮಸ್ಯೆ ಉಂಟಾದ್ರೆ ದೀರ್ಘಕಾಲದವರೆಗೆ ಔಷಧ ಸೇವನೆ ಮಾಡಬೇಕಾಗುತ್ತದೆ. ಕೆಲವು ಯೋಗಾಸನ ಭಂಗಿಯ ಮೂಲಕವೂ ಥೈರಾಯ್ಡ್ ಸಮಸ್ಯೆ ನಿಯಂತ್ರಿಸಲು ಸಾಧ್ಯ.


    ಥೈರಾಯ್ಡ್‌ ಸಮಸ್ಯೆ ನಿಯಂತ್ರಣಕ್ಕೆ ಯೋಗ ಭಂಗಿಗಳು


    ಥೈರಾಯ್ಡ್ ಕಾಯಿಲೆಯನ್ನು ಮೂಲದಿಂದ ನಿರ್ಮೂಲನೆ ಮಾಡಲು ಯೋಗಾಸನ ಮಾಡುವುದು ತುಂಬಾ ಪ್ರಯೋಜನಕಾರಿ.


    ಥೈರಾಯ್ಡ್ ಸಮಸ್ಯೆ ಯಾಕೆ ಉಂಟಾಗುತ್ತದೆ?


    ಆಯುಷ್ ಸಚಿವಾಲಯದ ಗೌರವ್ ಚೌಹಾಣ್ ಹೇಳುವ ಪ್ರಕಾರ, ಥೈರಾಯ್ಡ್ ಸಮಸ್ಯೆ ಹಾರ್ಮೋನ್ ಅಸಮತೋಲನದಿಂದ ಉಂಟಾಗುತ್ತದೆ. ಇದು ಗೃಹಿಣಿಯರು ಮತ್ತು ಕಚೇರಿಯಲ್ಲಿ ಕೆಲಸ ಮಾಡುವ ಮಹಿಳೆಯರಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಹಾಗೂ ತೊಂದರೆ ನೀಡುತ್ತದೆ ಎಂದು ಹೇಳಿದ್ದಾರೆ.


    ಕೆಲವು ಯೋಗಾಸನಗಳು ಹೈಪೋಥೈರಾಯ್ಡ್ ಮತ್ತು ಹೈಪರ್ ಥೈರಾಯ್ಡ್ ಎರಡನ್ನೂ ನಿಯಂತ್ರಿಸಲು ಸಹಕಾರಿ ಆಗಿದೆ. ಥೈರಾಯ್ಡ್ ಕಾಯಿಲೆಯಿದ್ದಾಗ ದೇಹದಲ್ಲಿ ಗ್ರಂಥಿಯು ಹೆಚ್ಚು ಅಥವಾ ಕಡಿಮೆ ಹಾರ್ಮೋನು ಉತ್ಪಾದಿಸುತ್ತದೆ.




    ಥೈರಾಯ್ಡ್ ಗ್ರಂಥಿಯು ಕತ್ತಿನ ಮುಂಭಾಗದಲ್ಲಿದೆ. ಇದನ್ನು ನಿಯಂತ್ರಿಸಿದಾಗ ಮಾತ್ರ ಕಾಯಿಲೆ ಹೋಗುತ್ತದೆ. ಇದನ್ನು ಹೋಗಲಾಡಿಸಲು ಯೋಗ ತರಬೇತುದಾರ ಗೌರವ್ ಚೌಹಾಣ್ ಈ ಯೋಗಾಸನಗಳನ್ನು ನಿಯಮಿತವಾಗಿ ಮಾಡುವಂತೆ ಹೇಳಿದ್ದಾರೆ.


    ತಾಡಾಸನ


    ನೇರವಾಗಿ ನಿಂತು ಎರಡೂ ಕಾಲ್ಬೆರಳು, ಕಣಕಾಲು ಮತ್ತು ಮೊಣಕಾಲು ಒಟ್ಟಿಗೆ ಸೇರಿಸಿ. ಈಗ ಭುಜಗಳನ್ನು ಹಿಂದಕ್ಕೆ ಎಳೆದುಕೊಳ್ಳಿ. ಸೊಂಟವನ್ನು ನೇರವಾಗಿಸಿ, ತಲೆಯನ್ನು ಕುತ್ತಿಗೆಯ ಮೇಲೆ ನೇರವಾಗಿರಿಸಿ. ಎರಡೂ ಕೈಗಳನ್ನು ತೊಡೆಗಳನ್ನು ತಮ್ಮ ಬದಿಯಲ್ಲಿ ಇರಿಸಿ.


    ಉಸಿರಾಡುತ್ತಾ ತಲೆಯನ್ನು ಸಾಧ್ಯವಾದಷ್ಟು ಹಿಂದಕ್ಕೆ ಬಾಗಿಸಿ. ಉಸಿರಾಡುವಾಗ ಒಂದು ಸೆಕೆಂಡ್ ನಿಲ್ಲಿಸಿ ಮತ್ತು ಗಲ್ಲವನ್ನು ಎದೆಯ ಕಡೆಗೆ ಬಾಗಿಸಿ. ಹಲ್ಲುಗಳನ್ನು ಹಿಸುಕಿ ಬೆನ್ನನ್ನು ನೇರವಾಗಿರಿಸಿ. ಇದನ್ನು ಹತ್ತು ಬಾರಿ ಮಾಡಿ.


    ಅರ್ಧಚಕ್ರಾಸನ


    ತಾಡಾಸನದ ಸ್ಥಾನದಲ್ಲಿ ನಿಂತುಕೊಳ್ಳಿ ಅಥವಾ ಕಾಲುಗಳಲ್ಲಿ ಸ್ವಲ್ಪ ಅಂತರವಿರುವಂತೆ ನೋಡಿಕೊಳ್ಳಿ. ನಂತರ ನಿಧಾನವಾಗಿ ಉಸಿರಾಡುತ್ತಾ ಹೆಬ್ಬೆರಳು ಹಿಂದಕ್ಕೆ ಮತ್ತು ಬೆರಳುಗಳು ಮುಂದೆ ಬರುವ ರೀತಿಯಲ್ಲಿ ಸೊಂಟದ ಮೇಲೆ ಕೈ ಇರಿಸಿ.


    ಸಾಂದರ್ಭಿಕ ಚಿತ್ರ


    ಈಗ ಮೊಣಕೈ ಹಿಂದಕ್ಕೆ ಸರಿಸಿ. ನಂತರ ನಿಮ್ಮ ಹಲ್ಲುಗಳನ್ನು ಹಿಸುಕುವ ಮೂಲಕ ಉಸಿರು ಬಿಡಿ. ನಂತರ ಸೊಂಟವನ್ನು ಹಿಂದಕ್ಕೆ ಬಾಗಿಸಿ. ಸೊಂಟವನ್ನು ಸಾಧ್ಯವಾದಷ್ಟು ಹಿಂದಕ್ಕೆ ಬಗ್ಗಿಸಿ ಉಸಿರಾಡಿ. ನಂತರ ಮೂಲಸ್ಥಾನಕ್ಕೆ ಮರಳಿ ವಿಶ್ರಾಂತಿ ಪಡೆಯಿರಿ.


    ಭುಜಂಗಾಸನ


    ಮೊದಲು ವಜ್ರಾಸನದಲ್ಲಿ ಕುಳಿತುಕೊಳ್ಳಿ ಮತ್ತು ನಂತರ ನಿಮ್ಮ ಹೊಟ್ಟೆಯ ಮೇಲೆ ಆರಾಮವಾಗಿ ಮಲಗಿ. ಗಲ್ಲವನ್ನು ಚಾಪೆಗೆ ತಂದು ಕೈಗಳನ್ನು ಸಂಪೂರ್ಣವಾಗಿ ಮುಂದೆ ಚಾಚಿ. ಈಗ ಉಸಿರಾಡುತ್ತಾ ಎರಡೂ ಅಂಗೈಗಳನ್ನು ನೆಲಕ್ಕೆ ತಾಗಿಸಿ, ಎದೆಯ ಭಾಗವನ್ನು ಮೇಲಕ್ಕೆತ್ತಿ ಆಕಾಶದತ್ತ ನೋಡಿ. ಉಸಿರಾಡುತ್ತಾ ಗಲ್ಲ, ಎದೆ ಮತ್ತು ಹೊಟ್ಟೆಯನ್ನು ಆಕಾಶದತ್ತ ಮೇಲಕ್ಕೆತ್ತಿರಿ. ನಂತರ ಉಸಿರಾಡುತ್ತಾ ಆರಂಭಿಕ ಸ್ಥಾನಕ್ಕೆ ಹಿಂತಿರುಗಿ.


    ಹಲಾಸನ


    ಹಲಾಸನ ಮಾಡುವಾಗ ಮೊದಲು ಬೆನ್ನಿನ ಮೇಲೆ ಮಲಗಿ. ಕೈಗಳನ್ನು ನೆಲ್ಲಕ್ಕೆ ತಾಗಿಸಿ, ಉದ್ದಕ್ಕೆ ಚಾಚಿರಿ. ನಂತರ ನಿಧಾನವಾಗಿ ಉಸಿರಾಡುತ್ತಾ ಕಾಲುಗಳನ್ನು ತಲೆಯತ್ತ ಬಾಗಿಸಿ. 90 ಡಿಗ್ರಿ ಕೋನಾಕಾರದಲ್ಲಿ ಬರುವಂತೆ ಕಾಲು ಇರಿಸಿ. ನಂತರ ಸಾಮಾನ್ಯ ಸ್ಥಿತಿಗೆ ಮರಳಿ.

    Published by:renukadariyannavar
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು