• Home
  • »
  • News
  • »
  • lifestyle
  • »
  • Digestion Problem: ನೀವು ಈ ರೀತಿ ಮಲಗಿದ್ರೆ ಸಾಕಂತೆ ಜೀರ್ಣಕ್ರಿಯೆ ಸಮಸ್ಯೆ ಹತ್ತಿರವೂ ಸುಳಿಯಲ್ಲ

Digestion Problem: ನೀವು ಈ ರೀತಿ ಮಲಗಿದ್ರೆ ಸಾಕಂತೆ ಜೀರ್ಣಕ್ರಿಯೆ ಸಮಸ್ಯೆ ಹತ್ತಿರವೂ ಸುಳಿಯಲ್ಲ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Sleeping Position For Digestion: ನಿದ್ರೆಯಲ್ಲಿನ ತೊಂದರೆಗಳು ಈ ಹಾರ್ಮೋನುಗಳನ್ನು ಬಿಡುಗಡೆ ಮಾಡುವಲ್ಲಿ ಪರಿಣಾಮ ಬೀರುತ್ತವೆ. ಇದು ಅಜೀರ್ಣ, ಹೊಟ್ಟೆ ಉಬ್ಬರ, ಮಲಬದ್ಧತೆ, ಅತಿಸಾರ ಮತ್ತು ಆಸಿಡ್ ರಿಫ್ಲಕ್ಸ್ ನಂತಹ ಜೀರ್ಣಕ್ರಿಯೆ ಸಮಸ್ಯೆಗಳ ಮೇಲೆ ಪರಿಣಾಮ ಬೀರುತ್ತದೆ

  • Share this:

ಜಡತ್ವದ ಜೀವನಶೈಲಿ (Lifestyle), ಅಸಮರ್ಪಕ ಆಹಾರ ಪದ್ಧತಿ (Food Style), ಹೊಟ್ಟೆ ಉಬ್ಬರ, ಆಮ್ಲೀಯತೆ ಮತ್ತು ಮಲಬದ್ಧತೆಯಂತಹ ಜೀರ್ಣಕಾರಿ (Digestion)  ಸಮಸ್ಯೆಗಳು ಈಗಂತೂ ತುಂಬಾನೇ ಸಾಮಾನ್ಯವಾಗಿವೆ. ಸಾಕಷ್ಟು ನೀರು ಕುಡಿಯುವುದು, ನಿಯಮಿತವಾಗಿ ವ್ಯಾಯಾಮ ಮಾಡುವುದು, ಆಹಾರವನ್ನು ಸರಿಯಾಗಿ ಅಗಿಯುವುದು ಮತ್ತು ನಾರಿನಂಶ ಹೆಚ್ಚಿರುವ ಆಹಾರಗಳನ್ನು (Food)  ತಿನ್ನುವುದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ತಜ್ಞರ ಪ್ರಕಾರ, ರಾತ್ರಿಯಲ್ಲಿ ಮಲಗುವ ಭಂಗಿಯು ಸಹ ನಿಮ್ಮ ಕರುಳಿನ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ ಅಂತೆ. ಏಕೆಂದರೆ ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ ಮತ್ತು ನಿಮ್ಮ ಎದೆಯುರಿಯನ್ನು ಸಹ ಕಡಿಮೆ ಮಾಡುತ್ತದೆ.


ಸುಧಾರಿತ ಜೀರ್ಣಕ್ರಿಯೆಗೆ ಅತ್ಯುತ್ತಮ ನಿದ್ರೆಯ ಭಂಗಿ ಯಾವುದು?


"ಎಡಬದಿ ಮಲಗುವುದರಿಂದ ಹೆಚ್ಚಿನ ಆರೋಗ್ಯ ಪ್ರಯೋಜನಗಳಿವೆ ಅಂತ ತಜ್ಞರು ಹೇಳುತ್ತಾರೆ. ಹೀಗೆ ಮಲಗುವುದರಿಂದ ನಿಮ್ಮ ಜೀರ್ಣವಾದ ಆಹಾರವನ್ನು ಸಣ್ಣ ಕರುಳಿನಿಂದ ದೊಡ್ಡ ಕರುಳಿಗೆ ಸುಲಭವಾಗಿ ವರ್ಗಾಯಿಸುತ್ತದೆ. ಎಡಬದಿಯಲ್ಲಿ ಮಲಗುವುದರಿಂದ ಎದೆಯುರಿಗೆ ಕಾರಣವಾಗುವ ಗ್ಯಾಸ್ಟ್ರೋ-ಅನ್ನನಾಳದ ರಿಫ್ಲಕ್ಸ್ ರೋಗದಂತಹ ಅಸ್ವಸ್ಥತೆಗಳನ್ನು ಸಹ ತಡೆಯುತ್ತದೆ ಎಂದು ಡೆಹ್ರಾಡೂನ್ ನ ಮ್ಯಾಕ್ಸ್ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ಅಸೋಸಿಯೇಟ್ ಕನ್ಸಲ್ಟೆಂಟ್ ಡಾ.ಮನಿರಾ ಧಸ್ಮಾನ ಹೇಳಿದ್ದಾರೆ.


ಧರ್ಮಶಿಲಾ ನಾರಾಯಣ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ಗ್ಯಾಸ್ಟ್ರೋಎಂಟರಾಲಜಿಯ ಹಿರಿಯ ಸಮಾಲೋಚಕ ಡಾ.ಮಹೇಶ್ ಗುಪ್ತಾ ಅವರು ಉತ್ತಮ ಜೀರ್ಣಕ್ರಿಯೆಗಾಗಿ ಎಡಬದಿಯಲ್ಲಿ ಮಲಗಲು ಸಲಹೆ ನೀಡುತ್ತಾರೆ. "ಹೊಟ್ಟೆಯು ದೇಹದ ಎಡಭಾಗದಲ್ಲಿದೆ, ಅನ್ನನಾಳದ ಕೆಳಗೆ ಇದೆ. ನಾವು ನಮ್ಮ ಎಡಭಾಗದಲ್ಲಿ ಮಲಗಿದಾಗ, ಜಠರದ ಆಮ್ಲವು ಗುರುತ್ವಾಕರ್ಷಣೆಯ ವಿರುದ್ಧ ಜೀರ್ಣಾಂಗವ್ಯೂಹವನ್ನು ಮೇಲೆತ್ತಲು ಕಷ್ಟವಾಗುತ್ತದೆ. ಮತ್ತೊಂದೆಡೆ, ಗುರುತ್ವಾಕರ್ಷಣೆಯು ಹೊಟ್ಟೆಯಲ್ಲಿ ಆಮ್ಲವನ್ನು ಇರಿಸುತ್ತದೆ, ಇದು ಎದೆಯುರಿ ಮತ್ತು ಅಜೀರ್ಣದ ರೋಗಲಕ್ಷಣಗಳನ್ನು ಕಡಿಮೆ ಮಾಡುತ್ತದೆ" ಎಂದು ಹೇಳಿದರು.


ಊಟ ಮಾಡಿದ ನಂತರ ಬಲಬದಿಯಲ್ಲಿ ಮಲಗುವುದು ಒಳ್ಳೆಯ ಅಭ್ಯಾಸವಲ್ಲ


ಜೀರ್ಣಕ್ರಿಯೆಗೆ ಎಡಬದಿಯಲ್ಲಿ ಮಲಗುವುದರಿಂದ ಮತ್ತು ಇದು ಅತ್ಯುತ್ತಮ ನಿದ್ರೆಯ ಭಂಗಿ ಆಗಿರುವುದರಿಂದ ನಿಮ್ಮ ಬಲ, ಬೆನ್ನು ಅಥವಾ ಹೊಟ್ಟೆಯ ಮೇಲೆ ನಿದ್ರೆಯ ಪರಿಣಾಮವನ್ನು ತಿಳಿದುಕೊಳ್ಳುವುದು ಅಷ್ಟೇ ನಿರ್ಣಾಯಕವಾಗಿರುತ್ತದೆ. ತಜ್ಞರ ಪ್ರಕಾರ, ಆಹಾರವನ್ನು ಸೇವಿಸಿದ ನಂತರ ಬಲಬದಿಯಲ್ಲಿ ಮಲಗುವುದು ಅನಾರೋಗ್ಯಕರ ಅಭ್ಯಾಸವಾಗಿದೆ. "ಇದು ಎದೆಯುರಿ ಮತ್ತು ಅಜೀರ್ಣಕ್ಕೆ ಕಾರಣವಾಗುತ್ತದೆ" ಎಂದು ಡಾ. ಧಸ್ಮಾನ ಹೇಳಿದರು.




ಅಂತೆಯೇ, ನಿಮ್ಮ ಬೆನ್ನು ಅಥವಾ ಹೊಟ್ಟೆಯ ಮೇಲೆ ಮಲಗುವುದು ಸಹ ಸೂಕ್ತವಲ್ಲ. "ಆಸಿಡ್ ರಿಫ್ಲಕ್ಸ್ ನಿಂದಾಗಿ ನಿಮಗೆ ಎದೆಯುರಿ ಇದ್ದರೆ ನಿಮ್ಮ ಬೆನ್ನಿನ ಮೇಲೆ ಮಲಗುವುದು ಉತ್ತಮ ಸ್ಥಿತಿಯಲ್ಲ. ಹಾಗೆ ನಿದ್ರಿಸುವುದರಿಂದ ಆಸಿಡ್ ಮತ್ತೆ ಗಂಟಲನ್ನು ಪ್ರವೇಶಿಸುತ್ತದೆ, ಇದು ರಾತ್ರಿಯಿಡೀ ಸುಡುವ ಸಂವೇದನೆ ಮತ್ತು ಅಸ್ವಸ್ಥತೆಯನ್ನು ಉಂಟು ಮಾಡುತ್ತದೆ" ಎಂದು ಡಾ. ಗುಪ್ತಾ ಹೇಳಿದರು.


ಇದನ್ನೂ ಓದಿ: ಕರ್ನಾಟಕದಲ್ಲಿರುವ ವನ್ಯಜೀವಿ ಅಭಯಾರಣ್ಯಗಳಿವು, ವೀಕೆಂಡ್​ ಎಂಜಾಯ್ ಮಾಡೋಕೆ ಬೆಸ್ಟ್ ಪ್ಲೇಸ್


ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆಯ ಫೋರ್ಟಿಸ್ ಆಸ್ಪತ್ರೆಯ ಗ್ಯಾಸ್ಟ್ರೋಎಂಟರಾಲಜಿ ಕನ್ಸಲ್ಟೆಂಟ್ ಡಾ. ಬಾಲಾಜಿ ಜಠರಗರುಳಿನ ಮೇಲೆ ಮಲಗುವುದರಿಂದ ಆಸಿಡ್ ರಿಫ್ಲಕ್ಸ್ ಗೆ ಒಳಗಾಗುವ ಜನರಲ್ಲಿ ಆಮ್ಲ ರಿಫ್ಲಕ್ಸ್ ಎಪಿಸೋಡ್ ಗಳನ್ನು ಹೆಚ್ಚಿಸುತ್ತದೆ ಎಂದು ಹೇಳಿದರು.


ಊಟಕ್ಕೂ ನಿದ್ರೆಗೂ ಮಧ್ಯೆ ಎರಡು ಗಂಟೆಗಳ ಅಂತರವಿರಬೇಕು..


ನಿಮ್ಮ ಮಲಗುವ ಭಂಗಿಯ ಜೊತೆಗೆ, ನಿಮ್ಮ ಊಟದ ನಂತರ ತಕ್ಷಣ ನಿದ್ರಿಸದಿರುವ ಬಗ್ಗೆಯೂ ನೀವು ಗಮನಿಸಬೇಕು. ಆಸಿಡ್ ರಿಫ್ಲಕ್ಸ್ ತಪ್ಪಿಸಲು ರಾತ್ರಿ ಊಟ ಮತ್ತು ನಿದ್ರೆಯ ನಡುವೆ ಕನಿಷ್ಠ 2 ಗಂಟೆಗಳ ಅಂತರವಿರಬೇಕು ಎಂದು ಬೆಂಗಳೂರಿನ ಅಪೋಲೋ ಆಸ್ಪತ್ರೆಯ ಪಲ್ಮನರಿ ಮತ್ತು ಸ್ಲೀಪ್ ಮೆಡಿಸಿನ್ ನ ಹಿರಿಯ ಸಲಹೆಗಾರ ಡಾ.ಸುಮಂತ್ ಮಂತ್ರಿ ಹೇಳಿದ್ದಾರೆ.


ಇದನ್ನು ಒಪ್ಪಿದ ಡಾ. ಗುಪ್ತಾ ಅವರು ಆಹಾರ ಸೇವಿಸಿದ ಕೂಡಲೇ ಮಲಗಬೇಡಿ ಎಂದು ಹೇಳಿದರು. "ಮಲಗುವ ಮೊದಲು ರಾತ್ರಿ ಊಟ ಹಗುರವಾಗಿರಬೇಕು. ಊಟದ ನಂತರ ನಡೆದಾಡುವುದು ಒಳ್ಳೆಯದು" ಎಂದು ಅವರು ಹೇಳಿದರು.


ನಿದ್ರೆಯ ಪ್ರಮಾಣ ಮತ್ತು ಗುಣಮಟ್ಟ ಎರಡೂ ಮುಖ್ಯ


“ನಿದ್ರೆಯ ಸರಿಯಾದ ಪ್ರಮಾಣ ಮತ್ತು ಗುಣಮಟ್ಟವನ್ನು ಖಚಿತಪಡಿಸಿಕೊಳ್ಳುವುದು ಉತ್ತಮ ಜೀರ್ಣಕ್ರಿಯೆಯನ್ನು ಖಚಿತಪಡಿಸುತ್ತದೆ, ಏಕೆಂದರೆ ತಜ್ಞರು ನಿದ್ರೆ ಮತ್ತು ಕರುಳಿನ ಆರೋಗ್ಯದ ನಡುವಿನ ನೇರ ಸಂಬಂಧವಿದೆ ಎನ್ನುತ್ತಾರೆ. ದೇಹದಲ್ಲಿನ ಎಲ್ಲಾ ಹಾರ್ಮೋನುಗಳು ಬೆಳಿಗ್ಗೆ 5 ಗಂಟೆ ಸುಮಾರಿಗೆ ಬಿಡುಗಡೆಯಾಗುತ್ತವೆ.


ಇದನ್ನೂ ಓದಿ: ತೂಕ ಇಳಿಸೋಕೆ ಮನೆಯಲ್ಲಿ ಈ ಮಸಾಲೆಗಳಿದ್ರೆ ಸಾಕು


ಆದ್ದರಿಂದ, ನಿದ್ರೆಯಲ್ಲಿನ ತೊಂದರೆಗಳು ಈ ಹಾರ್ಮೋನುಗಳನ್ನು ಬಿಡುಗಡೆ ಮಾಡುವಲ್ಲಿ ಪರಿಣಾಮ ಬೀರುತ್ತವೆ. ಇದು ಅಜೀರ್ಣ, ಹೊಟ್ಟೆ ಉಬ್ಬರ, ಮಲಬದ್ಧತೆ, ಅತಿಸಾರ ಮತ್ತು ಆಸಿಡ್ ರಿಫ್ಲಕ್ಸ್ ನಂತಹ ಜೀರ್ಣಕ್ರಿಯೆ ಸಮಸ್ಯೆಗಳ ಮೇಲೆ ಪರಿಣಾಮ ಬೀರುತ್ತದೆ" ಎಂದು ಡಾ ಬಾಲಾಜಿ ವಿವರಿಸಿದರು. ತಡರಾತ್ರಿ ಮಲಗುವವರು ಅಥವಾ ರಾತ್ರಿ ಪಾಳಿಗಳಲ್ಲಿ ಕೆಲಸ ಮಾಡುವವರು ಮತ್ತು ಬೆಳಿಗ್ಗೆ ಮಲಗುವವರು ಈ ಜೀರ್ಣಕಾರಿ ಸಮಸ್ಯೆಗಳಿಗೆ ಒಳಗಾಗುತ್ತಾರೆ ಎಂದು ಹೇಳಿದರು.

Published by:Sandhya M
First published: