• Home
  • »
  • News
  • »
  • lifestyle
  • »
  • ಮೇರೆ ಮೀರಿದ ಸಂತಸ: 50ರ ಹೊಸ್ತಿಲಲ್ಲಿ ಮೇಘಾಲಯ!

ಮೇರೆ ಮೀರಿದ ಸಂತಸ: 50ರ ಹೊಸ್ತಿಲಲ್ಲಿ ಮೇಘಾಲಯ!

50ರ ಹೊಸ್ತಿಲಲ್ಲಿ ಮೇಘಾಲಯ!

50ರ ಹೊಸ್ತಿಲಲ್ಲಿ ಮೇಘಾಲಯ!

ಮೇಘಾಲಯವು ರಾಜ್ಯವಾಗಿ ಉದಯಿಸಿ 50 ವರ್ಷಗಳು ಆಗಿರುವ ಈ ಸಂದರ್ಭದಲ್ಲಿ, ಅವರ ಸಂಸ್ಕೃತಿಯನ್ನು ಸಾಕಷ್ಟು ವಿಭಿನ್ನ ಎಂಬಂತೆ ಮಾಡಿರುವುದು ಯಾವುದು ಎಂಬುದನ್ನು ನೋಡೋಣ.

  • Share this:

    ಮೇಘಾಲಯ. (ಮೇಘ ಆಲಯ) ಮೋಡಗಳ ತವರೂರುಕಡಿಮೆ ತಿಳಿದಿರುವ ಸಂಗತಿ ಇಲ್ಲಿದೆ: ಮೇಘಾಲಯದ ಜನರು ಅವರ ಹೆಸರನ್ನು ಆರಿಸುತ್ತಾರೆ. ರಾಜಸ್ತಾನ (ರಜಪೂತರು) ಮತ್ತು ತಮಿಳುನಾಡಿನ (ತಮಿಳಿಗರು) ಸಾಂಸ್ಕೃತಿಕ ಗುರುತಿನಂತೆ ಅವರು ಆನುವಂಶಿಕವಾಗಿ ಪಡೆದ ಹೆಸರಲ್ಲ ಇದು. ಅಥವಾ ಉತ್ತರ ಪ್ರದೇಶ ಮತ್ತು ಮಧ್ಯಪ್ರದೇಶದಂತೆ ಅವರ ಸ್ಥಳವನ್ನು ಸೂಚಿಸುವ ಹೆಸರು ಸಹ ಅಲ್ಲ. ಅಷ್ಟೇ ಅಲ್ಲ, ಅದು ಪುರಾಣದಿಂದ ಪಡೆಯಲಾದ ಹರಿಯಾಣ (ಹರಿ ಆಣ) ಅಥವಾ ತೆಲಂಗಾಣದಂತಹ (ತ್ರಿಲಿಂಗ) ಹೆಸರೂ ಅಲ್ಲ. ಬದಲಾಗಿ, ಇದು ಮೂರು ಗುಡ್ಡಗಾಡು ಬುಡಕಟ್ಟು ಜನಾಂಗಗಳಾದ ಖಾಸಿ, ಗಾರೊ ಮತ್ತು ಜೈಂತಿಯಾವನ್ನು ಪ್ರತಿನಿಧಿಸುವ ಹೆಸರಾಗಿದ್ದು, ಅದರಿಂದಾಗಿ ಮೇಘಾಲಯದ ಮೂರು ಗುಡ್ಡ ವ್ಯವಸ್ಥೆಗಳನ್ನು ಹೆಸರಿಸಲಾಗಿದೆ.


    ಬೆಟ್ಟಗಳ ಜನರು ತಮ್ಮ ವಾಸಸ್ಥಳವನ್ನು ನೋಡಿದಾಗ ಅನುಭವಿಸುವ ಸಂವೇದನೆಗಳನ್ನು; ಅಂದರೆ ಕೈಚಾಚಿದರೆ ಸಿಗುವಷ್ಟು ಸಮೀಪದಲ್ಲಿರುವ ಮೋಡಗಳಿಂದ ಆವೃತವಾದ ಸಮೃದ್ಧವಾದ, ಹಚ್ಚ ಹಸಿರಿನ ಬೆಟ್ಟಗಳೊಂದಿಗೆ ಸಮೀಕರಣಗೊಳ್ಳುವ ಹೆಸರನ್ನು ಬಯಸಿದ್ದರು. 1936 ರಲ್ಲಿ ಮೂಲತಃ ಭೂಗೋಳಶಾಸ್ತ್ರಜ್ಞ ಎಸ್.ಪಿ. ಚಟರ್ಜಿ ಅವರಿಂದ ಹೆಸರು ಬಳಕೆಗೆ ಬಂದಿದ್ದು, ಅಸ್ಸಾಮೀ ಸರ್ಕಾರ ಮತ್ತು ಭಾರತ ಸರ್ಕಾರದ ನಡುವಿನ 22 ವರ್ಷಗಳ ಸಂಧಾನದ ನಂತರ 1972 ಜನವರಿ 21 ರಂದು ದೊರೆತ ರಾಜ್ಯ ಸ್ಥಾನಮಾನದ ನಂತರ ಹೆಸರನ್ನು ಅನುಮೋದಿಸಲಾಯಿತು ಮತ್ತು ಅಳವಡಿಸಿಕೊಳ್ಳಲಾಯಿತು.


    ಕಡಿಮೆ-ತಿಳಿದಿರುವ ಇನ್ನೊಂದು ಸಂಗತಿ ಇಲ್ಲಿದೆ: ಮೇಘಾಲಯವು ಅಸ್ಸಾಂನ ಭಾಗವಾಗಬೇಕಿತ್ತು. ಹಾಗಿದ್ದರೂ, ಗುಡ್ಡಗಳಲ್ಲಿ ವಾಸಿಸುವವರಾಗಿ ಮೇಘಾಲಯದ ಜನರು ಅವರ ಗುರುತು ಮತ್ತು ಸಂಸ್ಕೃತಿಯು ಬಯಲು ಪ್ರದೇಶ ಹೊಂದಿರುವ ಅಸ್ಸಾಂಗಿಂತ ಸಾಕಷ್ಟು ಭಿನ್ನವಾಗಿದೆ ಎಂದು ಭಾವಿಸಿದರು. ಸಂಪನ್ಮೂಲಗಳು ಮತ್ತು ಶಾಸನಸಭೆಯ ಸ್ಥಾನಗಳಿಗೆ, ಜತೆಗೆ ಸಂಸ್ಕೃತಿಯ ವಿಚಾರದಲ್ಲಿಯೂ ಅವರು ಅಸ್ಸಾಂನೊಂದಿಗೆ ಸ್ಪರ್ಧಿಸಲು ಬಯಸಲಿಲ್ಲ. ಅವರು ತಮ್ಮ ಅಸ್ಮಿತೆಯನ್ನು ಕಳೆದುಕೊಳ್ಳಲು ಬಯಸಲಿಲ್ಲ ಅಷ್ಟೇ.


    ಮೇಘಾಲಯವು ರಾಜ್ಯವಾಗಿ ಉದಯಿಸಿ 50 ವರ್ಷಗಳು ಆಗಿರುವ ಸಂದರ್ಭದಲ್ಲಿ, ಅವರ ಸಂಸ್ಕೃತಿಯನ್ನು ಸಾಕಷ್ಟು ವಿಭಿನ್ನ ಎಂಬಂತೆ ಮಾಡಿರುವುದು ಯಾವುದು ಎಂಬುದನ್ನು ನೋಡೋಣ


    ಮೇಘಾಲಯ. (ಮೇಘ ಆಲಯ) ಮೋಡಗಳ ತವರೂರು.


    ಪರಿಸರ-ಪ್ರವಾಸದ ಮಾದರಿಯಾಗಿ ಸ್ವಚ್ಛತೆ: ಮಾವ್ಲಿನ್ನಾಂಗ್ ಎಂಬ ಗ್ರಾಮ


    ನೀವು ಮಾವ್ಲಿನ್ನಾಂಗ್ ಎಂಬ ಹಳ್ಳಿಯ ಬಗ್ಗೆ ಕೇಳಿದ್ದರೆ, ಡಿಸ್ಕವರ್ (Discover) ನಿಯತಕಾಲಿಕೆಯು ಹಳ್ಳಿಯನ್ನು 2003ರಲ್ಲಿ ಏಷ್ಯಾದ ಅತ್ಯಂತ ಸ್ವಚ್ಛ ಗ್ರಾಮ ಎಂದು ಘೋಷಿಸಿದ್ದು ಕೂಡ ನಿಮಗೆ ತಿಳಿದಿರುತ್ತದೆ. ಪುಟ್ಟ ಹಳ್ಳಿಯು ನೋಹ್ವೆತ್ಲಿವಿಂಗ್ ರೂಟ್ ಬ್ರಿಡ್ಜ್  ಎಂಬ ಅದ್ಭುತವನ್ನು ಮತ್ತು ನೆರೆಯ ಬಾಂಗ್ಲಾದೇಶದ ಸುಂದರ ದೃಶ್ಯಾವಳಿಯನ್ನು ಹೊಂದಿದೆ, ಆದರೆ ಪ್ರವಾಸಿಗರನ್ನು ಇಲ್ಲಿಗೆ ಸೆಳೆಯುತ್ತಿರುವುದು ಏನೆಂದರೆ ಅದು ಏಷ್ಯಾದ ಅತ್ಯಂತ ಸ್ವಚ್ಛ ಗ್ರಾಮದ ಬಗೆಗಿನ ಕುತೂಹಲವಾಗಿದೆ


    ಸ್ವಚ್ಛತೆ ಎಂಬುದು ಮಾವ್ಲಿನ್ನಾಂಗ್ನಲ್ಲಿ ಒಂದು ಜೀವನ ವಿಧಾನವಾಗಿದೆ. ಎಲ್ಲಾ ಮನೆಗಳು ಬಳಕೆಯಲ್ಲಿರುವ ಶೌಚಾಲಯಗಳನ್ನು ಹೊಂದಿವೆ, ಪ್ರತಿ ತಿರುವಿನಲ್ಲೂ ಬಿದಿರಿನಿಂದ ಮಾಡಿರುವ ಕಸದ ಬುಟ್ಟಿಗಳಿವೆ, ಪ್ಲಾಸ್ಟಿಕ್ ಚೀಲಗಳನ್ನು ನಿಷೇಧಿಸಲಾಗಿದೆ ಮತ್ತು ಧೂಮಪಾನ ಮಾಡುವಂತಿಲ್ಲ. ಗ್ರಾಮಸ್ಥರು ಸರದಿಯಂತೆ ಹಳ್ಳಿಯನ್ನು ಸ್ವಚ್ಛಗೊಳಿಸಲು ನಿಯೋಜಿಸಲಾಗುತ್ತದೆ, ಮತ್ತು ಕೆಳಗೆ ಬಿದ್ದಿರುವ ಎಲೆಗಳೂ ಸಹ ಬಿದಿರಿನಿಂದ ಮಾಡಲಾದ ಕಸದ ಬುಟ್ಟಿಗಳಿಗೆ ಸೇರುತ್ತವೆ!


    ಇದಿಷ್ಟೇ ಅಲ್ಲ, ಮಾವ್ಲಿನ್ನಾಂಗ್ ಜನರು ಕಾಂಪೋಸ್ಟಿಂಗ್ ಮೂಲಕ ಅದನ್ನು ಗೊಬ್ಬರವನ್ನಾಗಿ ಮಾಡುತ್ತಾರೆ ಹಾಗೂ ಸಸಿಗಳನ್ನು ನೆಡುವುದು ಅವರ ಜೀವನಶೈಲಿಯೇ ಆಗಿಹೋಗಿದೆ. ಮಾವ್ಲಿನ್ನಾಂಗ್ ನಿವಾಸಿಗರು ಗಿಡಗಳನ್ನು ಉಪಚರಿಸುವುದನ್ನು ಅಥವಾ ಬೀದಿಗಳ ಕಸ ಗುಡಿಸುವುದನ್ನು ನೋಡಿದರೆ ತಪ್ಪು ತಿಳಿಯುವ ಅಗತ್ಯವಿಲ್ಲಮಾಡಬೇಕಲ್ಲಾ ಎಂದು ಅವರು ಮಾಡುವುದಿಲ್ಲ, ಆದರೆ ಅದನ್ನೆಲ್ಲಾ ಮಾಡಲು ಅವರು ಬಯಸುತ್ತಾರೆ


    ಭೇಟಿ ನೀಡಲು ಅತ್ಯುತ್ತಮ ಸಮಯ ಮತ್ತು ಪ್ರಯಾಣ ಮಾಹಿತಿಯನ್ನು ನೀವು ಇಲ್ಲಿ ಪಡೆಯಬಹುದು.


    ಸ್ತ್ರೀ ಪಾವಿತ್ರ್ಯತೆ: ಮಾತೃಪ್ರಧಾನ ಸಮಾಜಗಳು


    ಮೂರು ಪ್ರಮುಖ ಬುಡಕಟ್ಟುಗಳು (ಗಾರೋಗಳು, ಖಾಸಿಗಳು ಮತ್ತು ಜೈಂತಿಯಾಗಳು) ಮಾತೃತ್ವಪ್ರಧಾನ ಜೀವನ ವಿಧಾನವನ್ನು ಅನುಸರಿಸುತ್ತಿದ್ದು, ಕುಟುಂಬದ ಕಿರಿಯ ಮಗಳು, ಖದ್ದುಹ್, ಪೂರ್ವಜರ ಎಲ್ಲಾ ಆಸ್ತಿಗೆ ಹಕ್ಕುದಾರಳಾಗುತ್ತಾಳೆ. ಮದುವೆಯ ನಂತರ, ಗಂಡಂದಿರು ಅತ್ತೆಯ ಮನೆಯಲ್ಲಿ ವಾಸಿಸುತ್ತಾರೆ ಹಾಗೂ ತಾಯಿಯ ಉಪನಾಮವು ಆಕೆಯ ಮಕ್ಕಳಿಗೂ ಮುಂದುವರಿಯುತ್ತದೆ. ಹೆಣ್ಣು ಮರುಮದುವೆಯಾಗುವುದರ ಬಗ್ಗೆಯೂ ಸಹ ಇಲ್ಲಿ ಯಾವುದೇ ಸಾಮಾಜಿಕ ಕಳಂಕವಿಲ್ಲ. ವಿಶ್ವದಲ್ಲಿ ಉಳಿದುಕೊಂಡಿರುವ ಅತಿ ದೊಡ್ಡ ಮಾತೃಪ್ರಧಾನ ಸಂಸ್ಕೃತಿಗಳಲ್ಲಿ ಇದು ಒಂದು ಎಂದು ಪರಿಗಣಿಸಲಾಗಿದೆ.   


    ಈಗ, ಇಲ್ಲೊಂದು ಆಸಕ್ತಿದಾಯಕವಾದ ಅಂಶವಿದೆ: ಸಮಾಜವು ಮಾತೃತ್ವ ಪ್ರಧಾನವಾಗಿದ್ದರೂ, ಅದು ಸ್ತ್ರೀಪ್ರಧಾನವಲ್ಲ. ಹೀಗೆಂದರೆ ಏನು? ಆಸ್ತಿ ಮತ್ತು ಕೌಟುಂಬಿಕ ಹೆಸರುಗಳು ತಾಯಿಯ ಹೆಸರಿನೊಂದಿಗೆ ಮುಂದುವರಿದರೂ ತಾಯಂದಿರು ಮನೆಯ ಮುಖ್ಯಸ್ಥರಾಗಿರಲೇಬೇಕು ಎಂದೇನಿಲ್ಲ. ಅಲ್ಲದೆ, ಅವರು ಯಾವುದೇ ವಿಧದ ನಾಯಕತ್ವಕ್ಕೂ ಪೂರ್ವನಿಯೋಜಿತ ಲಿಂಗವಾಗಿರುವುದಿಲ್ಲ. ಅವರು ಮುನ್ನಡೆಸುತ್ತಾರೆ, ಹೌದು, ಪೂರ್ವನಿಯೋಜಿತವಾಗಿ ಅಲ್ಲ, ಆದರೂ ಮುನ್ನಡೆಸುತ್ತಾರೆ. ಇದು ಅದ್ಭುತ ಲಿಂಗ ಸಮಾನತೆ, ಮಹಿಳಾ ಸುರಕ್ಷತೆ ಮತ್ತು ಪ್ರತಿಯೊಬ್ಬರ ಪ್ರತಿಭೆ ಮತ್ತು ಶ್ರಮದ ಪ್ರಶಂಸೆ ಎಂದು ಅನಿಸುತ್ತದೆಯಲ್ಲವೇ? ನಾವು ಹಾಗೆ ಭಾವಿಸಿದ್ದೇವೆ. ಮೇಘಾಲಯದ ಎಲ್ಲೆಡೆಯೂ ಮಹಿಳೆಯರಿದ್ದಾರೆ, ದೇಶದ ಇತರೆಡೆಗಳಲ್ಲಿ ನಾವು ನೋಡಲೂ ಸಾಧ್ಯವಿರದ ವಿಧಾನಗಳಲ್ಲಿ (ಮತ್ತು ಸಂಖ್ಯೆಗಳಲ್ಲಿ) ಸಾರ್ವಜನಿಕ ಸ್ಥಳಗಳಲ್ಲಿ ಅವರು ತೊಡಗಿಸಿಕೊಂಡಿದ್ದಾರೆ.


    ನಿರ್ವಹಣೆಯೇ ಹೊರತು ಮಾಲೀಕತ್ವವಲ್ಲ: ಸಹಜವಾಗಿರುವ ಸುಸ್ಥಿರ ಜೀವನಶೈಲಿ


    ಜೀವಂತ ಮೂಲ ಸೇತುವೆಗಳನ್ನು (ಲಿವಿಂಗ್ ರೂಟ್ ಬ್ರಿಡ್ಜಸ್) ರಚಿಸಲು ಏನೆಲ್ಲಾ ಮಾಡಬೇಕಾಗುತ್ತದೆ ಎಂಬುದರ ಕುರಿತು ಯೋಚಿಸಿ: ನೀವು ದಾಟಲು ಬಯಸುವ ನದಿಯ ದಂಡೆಯ ಬಳಿ ನೀವು ಬಹಳ ಎಚ್ಚರಿಕೆಯಿಂದ, ಉಪಾಯವಾಗಿ ಮರಗಳನ್ನು ನೆಡಬೇಕು. ನಂತರ ಅವು ನಿರ್ದಿಷ್ಟ ಗಾತ್ರಕ್ಕೆ ಬೆಳೆಯುವವರೆಗೆ ಕಾಯಬೇಕು ಮತ್ತು ಒಂದು ದಶಕದ ನಂತರ ಅವುಗಳ ವಾಯುವೀಯ ಬೇರುಗಳು ಮೊಳಕೆಯೊಡೆಯಲು ಪ್ರಾರಂಭಿಸಿದಾಗ, ನೀವು ಅವುಗಳನ್ನು ಬಿದಿರಿನ ರಚನೆಗೆ ನೇಯ್ಗೆ ಮಾಡಬೇಕು ಮತ್ತು ನಂತರ ಅವು ಹೆಣೆದುಕೊಳ್ಳುವವರೆಗೆ ಕಾಯಬೇಕು, ನಂತರ ದ್ವಿತೀಯ ವಾಯುವೀಯ ಬೇರುಗಳು ಸಹಜವಾಗಿ ಉಸಿರಾಡುವ ಸಸ್ಯ ರಚನೆಗಳಾಗಿ ಬೆಳೆಯುತ್ತವೆ. ಆಗ ಅವುಗಳ ಮೇಲೆ ಓಡಾಡುವಂತೆ ಸಾಕಷ್ಟು ಸ್ಥಿರವಾಗಿರುತ್ತವೆ.


    ನೀವು ಊಹಿಸುವಂತೆ, ಇದು ದಶಕಗಳನ್ನು ತೆಗೆದುಕೊಳ್ಳುವ ಪ್ರೀತಿಪೂರ್ವಕ ಶ್ರಮ. ಸೇತುವೆಗಳನ್ನು ಪ್ರಾರಂಭಿಸುವವರು ಸೇತುವೆಯ ಮೇಲೆ ಮೊದಲ ವ್ಯಕ್ತಿ ನಡೆಯುವುದನ್ನು ಅಪರೂಪವಾಗಿ ನೋಡುತ್ತಾರೆ. ಇದು ನಂಬಲಾಗದಷ್ಟು ವಿಶೇಷವಲ್ಲವೇ? ಸಮುದಾಯವು ಇಂದಿನ ದೃಷ್ಟಿಕೋನದಿಂದ ಯೋಚಿಸುವುದಿಲ್ಲ. ಇವುಗಳು ನಿಸ್ವಾರ್ಥ ಕಾರ್ಯಗಳು - ಭೂಮಿಯನ್ನು ಅವರು ಕಂಡುಕೊಂಡದ್ದಕ್ಕಿಂತ ಇನ್ನಷ್ಟು ಶ್ರೀಮಂತವಾಗಿ ಇರಲು ಬಿಡುವುದು ಮತ್ತು ಸಂಪತ್ತನ್ನು ಹಣದಲ್ಲಿ ಅಳೆಯಲಾಗುವುದಿಲ್ಲ ಎಂಬುದೂ ಸಹ ಸತ್ಯ.


    ಮೇಘಾಲಯದ ಜನರು ಪರಿಸರ ಸಂರಕ್ಷಣೆಯ ಆಳವಾದ ಸಂಸ್ಕೃತಿಯನ್ನು ಹೊಂದಿದ್ದಾರೆ. ಪ್ರಪಂಚದಾದ್ಯಂತದ ಅನೇಕ ಬುಡಕಟ್ಟು ಸಂಸ್ಕೃತಿಗಳಂತೆ ಭೂಮಿಯ ಹಕ್ಕು ತಮಗೆ ಸೇರಿದ್ದು ಎಂದು ನೋಡುವುದಕ್ಕೆ ವಿರುದ್ಧವಾಗಿ ಅವರು ತಮ್ಮನ್ನು ತಾವು ಭೂಮಿಗೆ ಸೇರಿದವರು ಎಂದು ನೋಡುತ್ತಾರೆ. ಇದು ಅತ್ಯಂತ ಪ್ರಮುಖ ವಿಶಿಷ್ಟತೆಯಾಗಿದೆ. ಬೃಹತ್ ಪರಿಸರ ವ್ಯವಸ್ಥೆಯ ಭಾಗವಾಗಿ ತಮ್ಮನ್ನು ತಾವು ನೋಡುವ ಮೂಲಕ, ಮೇಘಾಲಯದ ಜನರು ತಮ್ಮನ್ನು ತಾವು ರಕ್ಷಕರು ಮತ್ತು ಪಾಲಕರು ಎಂದು ನೋಡುತ್ತಾರೆ ಮತ್ತು ಅವರ ಸಂಪ್ರದಾಯಗಳು, ಆಚರಣೆಗಳು ಮತ್ತು ಸರ್ಕಾರಿ ನೀತಿಗಳು ಸಹ ಇದನ್ನು ಪ್ರತಿಬಿಂಬಿಸುತ್ತವೆ.


    ಮೇಘಾಲಯವು UNESCO' ಜೀವವೈವಿಧ್ಯ ಸಂರಕ್ಷಿತ ಪ್ರದೇಶಗಳಲ್ಲಿ ಒಂದಾಗಿದ್ದುನೋಕ್ರೆಕ್ ನ್ಯಾಶನಲ್ ಪಾರ್ಕ್ ಅನ್ನು 2009 ಮೇ ತಿಂಗಳಿನಲ್ಲಿ ಪಟ್ಟಿಗೆ ಸೇರಿಸಲಾಗಿದೆ. ಇತರ ಪ್ರಮುಖ ಜೈವಿಕ ಉದ್ಯಾನವನಗಳು ಮತ್ತು ವನ್ಯಜೀವಿ ಅಭಯಾರಣ್ಯಗಳಲ್ಲಿ ಬಾಲ್ಪಕ್ರಮ್ ರಾಷ್ಟ್ರೀಯ ಉದ್ಯಾನವನ (Balpakram National Park), ಬಾಘ್ಮಾರಾ ಪಿಚರ್ ಪ್ಲಾಂಟ್ ವನ್ಯಜೀವಿ ಅಭಯಾರಣ್ಯ (Baghmara Pitcher Plant Wildlife Sanctuary), ನಾಂಗ್ಖಿಲ್ಲೆಮ್ ವನ್ಯಜೀವಿ ಅಭಯಾರಣ್ಯ (Nongkhyllem Wildlife Sanctuary), ಸಿಜು ವನ್ಯಜೀವಿ ಪಕ್ಷಿಧಾಮ (Siju Wildlife Bird Sanctuary) ಮತ್ತು ಲಿವಿಂಗ್ ಬೊಟಾನಿಕಲ್ ಮ್ಯೂಸಿಯಂ (Living Botanical Museum) ಸೇರಿವೆ.


    ನವೆಂಬರ್ 2017 ರಿಂದ ಜನವರಿ 2018 ರವರೆಗಿನ ಅವಧಿಯ IRS ಸಂಪನ್ಮೂಲಗಳ -2 LISS III ಉಪಗ್ರಹ ಡೇಟಾದ ವ್ಯಾಖ್ಯಾನದ ಆಧಾರದ ಮೇಲೆ, ರಾಜ್ಯದ ಅರಣ್ಯ ಪ್ರದೇಶವು 17,118.79 ಚದರ ಕಿ.ಮೀ ಆಗಿದ್ದು, ಇದು ರಾಜ್ಯದ ಒಟ್ಟಾರೆ ಭೌಗೋಳಿಕ ಪ್ರದೇಶದ 76.32% ಆಗಿದೆ. ಅರಣ್ಯ ಮತ್ತು ಪರಿಸರ ಸಚಿವರಾದ, ಲಾಹ್ಕ್ಮೆನ್ ರಿಂಬುಯಿ, "ಸರ್ಕಾರವು ಕೇವಲ 5 ಪ್ರತಿಶತದಷ್ಟು ಅರಣ್ಯಗಳನ್ನು ಹೊಂದಿದೆ ಮತ್ತು ಉಳಿದವು ಸಮುದಾಯಗಳು ಮತ್ತು ಜಿಲ್ಲಾ ಮಂಡಳಿಗಳ ಒಡೆತನದಲ್ಲಿದೆ" ಎಂದು ಹೇಳಿದ್ದಾರೆ.


    ಪ್ರಗತಿ ಮತ್ತು ಸಂಪ್ರದಾಯ ಒಂದೇ ನಾಣ್ಯದ ಎರಡು ಮುಖಗಳು: ಬುಡಕಟ್ಟು ಗುರುತುಗಳು ಮತ್ತು ಸಂಸ್ಕೃತಿಯನ್ನು ಸಂರಕ್ಷಿಸುವುದು


    1971 ಮೇಘಾಲಯ ಭೂ ವರ್ಗಾವಣೆ (ನಿಯಂತ್ರಣ) ಕಾಯ್ದೆಯು ಬುಡಕಟ್ಟು ಜನರ ಭೂಮಿಯ ಪರಭಾರೆ ಮಾಡುವುದರ ವಿರುದ್ಧ ಸ್ಥಳೀಯ ಬುಡಕಟ್ಟುಗಳನ್ನು ರಕ್ಷಿಸುತ್ತದೆ. ಬುಡಕಟ್ಟು ಜನಾಂಗದವರಿಂದ ಆದಿವಾಸಿಗಳಲ್ಲದವರಿಗೆ ಭೂಮಿ ಪರಭಾರೆ ಮಾಡುವುದನ್ನು ನಿಯಂತ್ರಿಸುವ ಮೂಲಕ, ಕಾನೂನುಗಳು ಸ್ಥಳೀಯ ಸಂಪ್ರದಾಯಗಳು ಮತ್ತು ಪ್ರಕೃತಿಯನ್ನು ಸಂರಕ್ಷಿಸುತ್ತವೆ, ಜತೆಗೆ ಆದಿವಾಸಿಗಳ ಶೋಷಣೆಯನ್ನು ತಡೆಯುತ್ತವೆ. ಜನರು ಅರಣ್ಯ ಭೂಮಿಯನ್ನು ಖರೀದಿಸುವುದನ್ನು ಅಥವಾ ಮಾರಾಟ ಮಾಡುವುದನ್ನು ಇಲ್ಲಿನ ಸ್ಥಳೀಯ ಸಂಪ್ರದಾಯಗಳು ನಿಷೇಧಿಸುತ್ತವೆ. ವಾಸ್ತವವಾಗಿ, ಸ್ಥಳೀಯ ಬುಡಕಟ್ಟುಗಳ ನಂಬಿಕೆಗಳು ಅನೇಕ ಸಂದರ್ಭಗಳಲ್ಲಿ ಪರಿಸರ ಸಂರಕ್ಷಣೆಗೆ ನೇರವಾಗಿ ಕಾರಣವಾಗಿವೆ.


    ಮೇಘಾಲಯ ಜೀವವೈವಿಧ್ಯ ಮಂಡಳಿಯ ಪ್ರಕಾರ, ಪವಿತ್ರ ತೋಪುಗಳು ಅಥವಾ ಪವಿತ್ರ ಅರಣ್ಯಗಳು ಸುಮಾರು 9000 ಹೆಕ್ಟೇರ್ ಭೂಮಿಯನ್ನು ಒಳಗೊಂಡಿವೆ. 79 ಕ್ಕೂ ಹೆಚ್ಚು ಪವಿತ್ರ ಅರಣ್ಯಗಳಿದ್ದು, ಇವುಗಳನ್ನು 'ರಿಂಗ್ಕ್ಯು', 'ಬಸಾ' ಅಥವಾ 'ಲಬಾಸಾ' ಎಂಬ ಅರಣ್ಯ ದೇವತೆಗಳು ರಕ್ಷಿಸುತ್ತಿದ್ದಾರೆ ಎಂದು ನಂಬಲಾಗಿದೆ. ದೇವತೆಗಳು ಕಾಡಿನಿಂದ ಯಾರೂ ಏನನ್ನೂ ತೆಗೆದುಕೊಂಡು ಹೋಗಲು ಅನುಮತಿಸುವುದಿಲ್ಲ - ಅದು ಬೆಣಚುಕಲ್ಲು, ಮರದ ದಿಮ್ಮಿ ಅಥವಾ ಎಲೆಯಾಗಿರಬಹುದು! ನೀವು ಊಹಿಸುವಂತೆ, ಇದು ಜೀವವೈವಿಧ್ಯದಿಂದ ತುಂಬಿರುವ ಮತ್ತು ಅಳಿವಿನಂಚಿನಲ್ಲಿ ಇರುವ ಮತ್ತು ಅಪರೂಪದ ಹಲವಾರು ಸಸ್ಯ ಪ್ರಭೇದಗಳಿಗೆ ನೆಲೆಯಾಗಿದ್ದು, ಯಾವುದೇ ಮಾನವ ಹಸ್ತಕ್ಷೇಪವಿಲ್ಲದ ಕಾಡುಗಳನ್ನು ಸೃಷ್ಟಿಸಿದೆ. (ಶಿಲ್ಲಾಂಗ್ನಿಂದ ಕೇವಲ 25 ಕಿ.ಮೀ ದೂರದಲ್ಲಿರುವ ಮಾವ್ಫ್ಲ್ಯಾಂಗ್ ಪವಿತ್ರ ತೋಪು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಹೆಸರುವಾಸಿಯಾಗಿದೆ ಮತ್ತು ಪ್ರಮುಖ ಪ್ರವಾಸಿ ತಾಣ ಮತ್ತು ಶೈಕ್ಷಣಿಕ ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತದೆ.)


    ಇದು ಕಾಲದ ಪ್ರಮುಖ ಆಯಾಮದಲ್ಲಿ ಸಿಲುಕಿರುವ ಬುಡಕಟ್ಟುಗಳನ್ನು ಮನಸ್ಸಿಗೆ ತಂದರೆ, ಮತ್ತೊಮ್ಮೆ ಯೋಚಿಸಿ. ಮೇಘಾಲಯದ ಕರಕುಶಲ ವಸ್ತುಗಳು ಈಗ ಪ್ರಪಂಚದಾದ್ಯಂತ ಪರಿಚಿತವಾಗಿವೆ. ಮಹಿಳಾ ನೇತೃತ್ವದ ಸಹಕಾರ ಸಂಘಗಳು ಮತ್ತು ಸ್ವ-ಸಹಾಯ ಗುಂಪುಗಳು ತಯಾರಿಸುವ ಉತ್ಪನ್ನಗಳ ಬೇಡಿಕೆಯು ಇಂದು ವಿಶ್ವದಾದ್ಯಂತ ಆದಾಯ ಮಟ್ಟವನ್ನು ಹೆಚ್ಚಿಸುತ್ತಿವೆ. ಗುಂಪುಗಳು ಲಕಾಡೊಂಗ್ ಅರಿಶಿನದ ಜನಪ್ರಿಯತೆಗೆ ಕಾರಣವಾಗಿವೆ, ಇದರ ಬಹು ಬೇಡಿಕೆಯ ಕರ್ಕ್ಯುಮಿನ್ ಅಂಶವು ಅದನ್ನು ಸೂಪರ್ಫುಡ್ ಮಾಡಿದೆ. ಸ್ವ-ಸಹಾಯ ಗುಂಪುಗಳು ರಚಿಸಿದ ಮೌಲ್ಯ ಸರಪಳಿಯಿಂದ ಬೆಂಬಲಿತವಾದ ಬುಡಕಟ್ಟು ಕೃಷಿಕರು ಪ್ರತಿ ಬೆಳೆಯನ್ನು ಎಚ್ಚರಿಕೆಯಿಂದ ಬೆಳೆಯುವುದು ಮತ್ತು ಅಪಾರವಾದ ಆರೈಕೆಯ ಫಲಿತಾಂಶವೇ ಲಕಾಡೊಂಗ್ ಯಶಸ್ಸು ಎಂದು ಹೇಳಬಹುದು.


    ಸಾರಾಂಶ


    ಮೇಘಾಲಯದ ಜನರಲ್ಲಿ ಮತ್ತು ಅವರ ಭೂಮಿಯ ಕುರಿತು ಏನೋ ಮಾಂತ್ರಿಕತೆಯಿದೆ ಮತ್ತು ಆನ್ಲೈನ್ನಲ್ಲಿ ನೀವು ಅದನ್ನು ಸ್ವಲ್ಪ ಮಟ್ಟಿಗೆ ಅನುಭವಿಸಬಹುದಾದರೂ, ನೈಜ ಅನುಭವಕ್ಕೆ ಹೋಲಿಸಿದರೆ ಯಾವುದೂ ಸರಿಸಾಟಿಯಲ್ಲ. ನೀವು ಈವರೆಗೂ ಮೇಘಾಲಯಕ್ಕೆ ಹೋಗಿಲ್ಲದಿದ್ದರೆ, ಮೇಘಾಲಯದ ಜನರೊಂದಿಗೆ ಅವರ 50 ನೇ ವರ್ಷದ ರಾಜ್ಯೋತ್ಸವದ ವರ್ಷಾವಧಿಯ ಸಂಭ್ರಮಾಚರಣೆಯಲ್ಲಿ ಭಾಗವಹಿಸಿ. ಭೇಟಿ ನೀಡಲು ಎಂದಿಗೂ ಉತ್ತಮ ಸಮಯವೇ ಆಗಿರುತ್ತದೆ.

    Published by:Bhavana Kumari
    First published: