Crispy Food: ಬೇಸಿಗೆಯಲ್ಲಿ ಮಕ್ಕಳು ತಿಂಡಿ ಕೇಳ್ತಿದ್ದಾರಾ? ಮನೆಯಲ್ಲೇ ಟ್ರೈ ಮಾಡಿ ಗರಿಗರಿಯಾದ ಗೋಲ್ಡನ್ ಪನೀರ್ ಫ್ರೈ!

ಬೇಸಿಗೆ ಕಾಲ (Summer) ಶುರುವಾಗಿದೆ. ಮಕ್ಕಳಿಗೆ ಶಾಲೆಗಳು ಬೇಸಿಗೆ ರಜೆ (Summer Holiday) ನೀಡಿದೆ.  ಈ ಸಮಯದಲ್ಲಿ ಕೆಲವೊಮ್ಮೆ ನೀವು ಮಕ್ಕಳ (Childrens) ಇಷ್ಟವಾಗುವಂತಹ ತಿಂಡಿಗಳನ್ನು ಮಾಡಬೇಕು. ಹಾಗಂತ ಬೇಕರಿಯಲ್ಲಿ ಸಿಗುವ ಚಿಪ್ಸ್ (Chips) , ಕುರುಕಲು ತಿಂಡಿ ಇತರ ಉತ್ಪನ್ನಗಳನ್ನು ಖರೀದಿಸಿ ಆಗಾಗ ತಿನ್ನುವುದು ಆರೋಗ್ಯಕ್ಕೆ (Health) ಹಾನಿಕಾರಕವಾಗಿದೆ. ಹಾಗಾಗಿ ಮನೆಯಲ್ಲಿಯೇ ಎಷ್ಟೋ ರುಚಿಕರ, ಪೌಷ್ಟಿಕ ಮತ್ತು ಆರೋಗ್ಯಕರ ತಿಂಡಿಗಳನ್ನು ತಯಾರಿಸಬಹುದು. ಅವುಗಳಲ್ಲಿ ಪನೀರ್ ಫ್ರೈ ಕೂಡ ಒಂದು.  ಪನೀರ್ ಇಷ್ಟಪಡದವರು ಬಹಳ ಕಡಿಮೆ. ಮಸಾಲೆಯುಕ್ತ ಫ್ರೈ, ಗ್ರೇವಿ, ಸಿಹಿ ಮುಂತಾದ ಎಲ್ಲಾ ರೀತಿಯ ಭಕ್ಷ್ಯಗಳಲ್ಲಿ ಪ್ರೋಟೀನ್ ಭರಿತ ಆಹಾರವನ್ನು ತಯಾರಿಸಬಹುದು. 

ಇದಕ್ಕಿಂತ ಹೆಚ್ಚಾಗಿ, ರುಚಿಕರವಾದ, ಗರಿಗರಿಯಾದ ಗೋಲ್ಡನ್ ಫ್ರೈ ಫುಡ್​ ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ ಹೇಳಿ. ಅದರಲ್ಲಿಯೂ ಗೋಲ್ಡನ್ ಪನೀರ್ ಫ್ರೈ (Golden Paneer Fry) ಪನೀರ್​ನಲ್ಲಿ (Paneer) ಮಾಡಬಹುದಾದ ಅದ್ಭುತವಾದ ಡಿಶ್​. ಹೊರಭಾಗದಲ್ಲಿ ಗರಿಗರಿಯಾಗಿ ಗೋಲ್ಡನ್ ಕಲರ್​ನಲ್ಲಿ ಮತ್ತು ಒಳಭಾಗದಲ್ಲಿ ಮೃದು ಹಾಗೂ ನಯವಾದ, ಎರಡು ವಿಭಿನ್ನ ಟೇಸ್ಟ್ ನೀಡುವ ​ಗೋಲ್ಡನ್ ಪನೀರ್ ಫ್ರೈ ತಿನ್ನುತ್ತಿದ್ದರೆ, ತಿನ್ನುತ್ತಲೇ ಇರಬೇಕು ಅನಿಸುತ್ತದೆ. ಅಲ್ಲದೇ ಇದನ್ನು ಮನೆಯಲ್ಲಿ ಕೆಲವೇ ನಿಮಿಷಗಳಲ್ಲಿ ತಯಾರಿಸಬಹುದು. ಅದು ಹೇಗಪ್ಪಾ ಅಂತೀರಾ ಹಾಗಾದ್ರೆ ಈ ರೆಸಿಪಿ ನಿಮಗಾಗಿ.

ಗೋಲ್ಡನ್ ಪನೀರ್ ಫ್ರೈ

ಗೋಲ್ಡನ್ ಪನೀರ್ ಫ್ರೈ ಮಾಡಲು ಬೇಕಾಗುವ ಸಾಮಾಗ್ರಿಗಳು: 

• 200 ಗ್ರಾಂ ಪನೀರ್


• 1 ಟೀಸ್ಪೂನ್ ಗರಂ ಮಸಾಲಾ ಪುಡಿ


• 1/4 ಕಪ್ ಬ್ರೆಡ್ ಪೀಸ್​ಗಳು


• 4 ಟೀಸ್ಪೂನ್ ನಿಂಬೆ ರಸ


• 1/4 ಟೀಚಮಚ ಕರಿಮೆಣಸು


• 1 ಟೀಸ್ಪೂನ್ ಕೆಂಪು ಮೆಣಸಿನ ಪುಡಿ


• 1/4 ಕಪ್ ಕಾರ್ನ್ ಹಿಟ್ಟು


• 1 ಟೀಸ್ಪೂನ್ ಕೊತ್ತಂಬರಿ ಪುಡಿ


• 1 ಕಪ್ ಸಾಸಿವೆ ಎಣ್ಣೆ


• ರುಚಿಗೆ ತಕ್ಕಷ್ಟು ಉಪ್ಪು

• ಪನೀರ್ ಫ್ರೈ ಪೇಸ್ಟ್: ಕಾರ್ನ್‌ಫ್ಲೋರ್, ಉಪ್ಪು, ಕರಿಮೆಣಸಿನ ಪುಡಿ, ಕೆಂಪು ಮೆಣಸಿನ ಪುಡಿ, ಗರಂ ಮಸಾಲಾ ಮತ್ತು ಕೊತ್ತಂಬರಿ ಪುಡಿಯನ್ನು ಪ್ಯಾನ್‌ಗೆ ಸೇರಿಸಿ. ನಯವಾದ ಪೇಸ್ಟ್ ಮಾಡಲು ಅಗತ್ಯಕ್ಕೆ ತಕ್ಕಷ್ಟು ನೀರನ್ನು ಬೆರೆಸಿ, ಚೆನ್ನಾಗಿ ಮಿಶ್ರಣ ಮಾಡಿ.


• ನಂತರ ಪನೀರ್ ಅನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿಟ್ಟುಕೊಳ್ಳಿ.


• ಕತ್ತರಿಸಿದ ಪನೀರ್​ ಸಣ್ಣ ತುಂಡುಗಳಾಗಿ ನಿಂಬೆ ರಸವನ್ನು ಹಿಂಡಿ ಚೆನ್ನಾಗಿ ಮಿಶ್ರಣ ಮಾಡಿ. 

ಗೋಲ್ಡನ್ ಪನೀರ್ ಫ್ರೈ

• ಪ್ರತಿ ಪನೀರ್ ಕ್ಯೂಬ್ ಅನ್ನು ಕಾರ್ನ್ ಫ್ಲೋರ್ ಪೇಸ್ಟ್‌ನಲ್ಲಿ ಚೆನ್ನಾಗಿ ಅದ್ದಿ ಮತ್ತು ಅದನ್ನು ಬ್ರೆಡ್ ಕ್ರಂಬ್ಸ್‌ನಲ್ಲಿ ಲೇಪಿಸಿ.


• ಇದೇ ವೇಳೆ, ಸಾಸಿವೆ ಎಣ್ಣೆಯನ್ನು ಬಾಣಲೆಗೆ ಹಾಕಿ ಸ್ವಲ್ಪ ಕಾಯಲು ಬಿಡಿ. ಎಣ್ಣೆ ಕಾದ ನಂತರ ಈಗ ನಿಧಾನವಾಗಿ ಕಾರ್ನ್ ಫ್ಲೋರ್ ಮತ್ತು ಬ್ರೆಡ್ ಪುಡಿಯಲ್ಲಿ ಲೇಪಿತ ಪನೀರ್ ತುಂಡುಗಳನ್ನು ಹಾಕಿ, ಗೋಲ್ಡನ್ ಬ್ರೌನ್ ಬರುವವರೆಗೆ ಡೀಪ್ ಫ್ರೈ ಮಾಡಿ.


• ನಂತರ ಅದನ್ನು ತೆಗೆದು ಪ್ಲೇಟ್​ ಮೇಲೆ ಹಾಕಿ. ಈಗಸರ್ವ್ ಮಾಡಲು ಸಿದ್ಧವಾಗಿರುವ ಗೋಲ್ಡನ್​ ಪನೀರ್​ ಫ್ರೈ ಅನ್ನು ಟೊಮೆಟೊ ಕೆಚಪ್ ಮತ್ತು ಪುದೀನ ಚಟ್ನಿಯೊಂದಿಗೆ ಸವಿಯಿರಿ.

ಇದನ್ನೂ ಓದಿ: Palak Paneer: ನೀವು ಅಷ್ಟೊಂದು ಇಷ್ಟಪಟ್ಟು ತಿನ್ನೋ ಪಾಲಕ್ ಪನೀರ್ ಡೇಂಜರ್ ಅಂತಿದ್ದಾರೆ ಡಾಕ್ಟರ್ಸ್!

ಬೇಸಿಗೆಯಲ್ಲಿ ಮನೆಯಲ್ಲಿ ಈ ಗೋಲ್ಡನ್ ಪನೀರ್ ಫ್ರೈ ರೆಸಿಪಿಯನ್ನು ಮಿಸ್​ ಮಾಡದೇ ಮನೆಯಲ್ಲಿ ಟ್ರೈ ಮಾಡಿ. ಖಂಡಿತವಾಗಿಯೂ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಎಲ್ಲರಿಗೂ ಇಷ್ಟವಾಗುವುದರಲ್ಲಿ ಸಂಶಯವೇ ಇಲ್ಲ ಎಂದು ಹೇಳಬಹುದು.