Brain Fry: ಸಂಡೇ ಏನ್ ಮಾಡೋದು ಅಂತ ಮಂಡೆ ಬಿಸಿ ಮಾಡಿಕೊಂಡಿದ್ದೀರಾ? ಇಲ್ಲಿದೆ ಓದಿ ಸ್ಪೈಸಿ ಬ್ರೈನ್ ಫ್ರೈ ರೆಸಿಪಿ

ಸಂಡೇ (Sunday) ಬಂತಂದ್ರೆ ನಾನ್​ವೆಜ್​ನಲ್ಲಿ (Non veg) ಹೊಸ, ಹೊಸ ಪದಾರ್ಥಗಳನ್ನು ಸವಿಯಲು ಜನ ಇಷ್ಟ ಪಡುತ್ತಾರೆ. ಪ್ರತಿ ವಾರ ನಾವು ಯಾವ ಫುಡ್ ತಿನ್ನಬೇಕು ಎಂದು ಯೋಚಿಸ್ತಿರುತ್ತಾರೆ. ಅಲ್ಲದೇ ವೆರೈಟಿ ಫುಡ್​ ಸವಿಯುವ ಸಲುವಾಗಿ ದೂರ, ದೂರದ ರೆಸ್ಟೋರೆಂಟ್​ಗೆ (Restaurant) ಜನ ಭೇಟಿ ನೀಡುತ್ತಾರೆ. ಅದರಲ್ಲಿಯೂ ಕೆಲ ದೊಡ್ಡ ರೆಸ್ಟೋರೆಂಟ್​ಗಳಲ್ಲಿ ಸಿಗದೇ ಇರುವುದು ಸಣ್ಣ ಪುಟ್ಟ ಹೋಟೆಲ್​ಗಳಲ್ಲಿ (Hotel) ಸಿಗುತ್ತದೆ. ಆದರೆ ಎಷ್ಟೋ ಜನಕ್ಕೆ ಸಣ್ಣ ಹೋಟೆಲ್​ನಲ್ಲಿ ಮಾಡುವ ನಾನ್​ವೆಜ್ ಪದಾರ್ಥಗಳನ್ನು ಮನೆಯಲ್ಲಿಯೇ ಮಾಡಬಹುದು ಎಂದು ತಿಳಿದಿರುವುದಿಲ್ಲ. ಸದ್ಯ ಇಂದು ನಾವು ನಿಮಗೆ ಮಟನ್​ (Mutton) ಬ್ರೈನ್​ ಫ್ರೈ (Brain Fry) ಮಾಡುವುದೇಗೆ ಎಂದು ನಾವು ನಿಮಗೆ ಹೇಳಿಕೊಡುತ್ತಿದ್ದೇವೆ. ಎಷ್ಟೋ ಜನಕ್ಕೆ ಮಟನ್​ ಬ್ರೈನ್​ ಫ್ರೈ ಎಂಬ ಪದಾರ್ಥವಿದೆ ಎಂಬುವುದೇ ಗೊತ್ತಿರುವುದಿಲ್ಲ. ಅಂತಹವರು ಈ ಹೊಸ ತರಹದ ಬ್ರೈನ್​ ಫ್ರೈ ಅನ್ನು ಸುಲಭವಾಗಿ ಮನೆಯಲ್ಲಿಯೇ ಮಾಡಿ ಸವಿಯಿರಿ. ಅದರಲ್ಲಿಯೂ ಬ್ರೈನ್​ ಫ್ರೈ ಅನ್ನು ಕೇವಲ 15 ರಿಂದ 20 ನಿಮಿಷದಲ್ಲಿಯೇ ಮಾಡಬಹುದು. ಅಷ್ಟಕ್ಕೂ ಬ್ರೈನ್​ ಫ್ರೈ ಮಾಡುವುದೇಗೆ ಅಂತೀರಾ. ಹಾಗಾದರೆ ಈ ಕುರಿತ ಮಾಹಿತಿ ಇಲ್ಲಿದೆ ನೋಡಿ.

ಬ್ರೈನ್ ಫ್ರೈ

ಮಟನ್​ ಫ್ರೈ ಮಾಡಲು ಬೇಕಾಗಿರುವ ಸಾಮಾಗ್ರಿಗಳು

• 1 ಮಟನ್ ಬ್ರೈನ್


• ಒಂದು ಕಪ್ ಕಟ್ ಮಾಡಿದ ಈರುಳ್ಳಿ


• 1 ಹಸಿರು ಮೆಣಸಿನಕಾಯಿ


• ½ ಟೀ ಸ್ಪೂನ್ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್


• ½ ಕಪ್ ಕರಿಬೇವಿನ ಎಲೆಗಳು


• ¼ ಟೀಸ್ಪೂನ್ ಜೀರಿಗೆ


• 3 ಲವಂಗ


• 1 ಏಲಕ್ಕಿ


• ½ ದಾಲ್ಚಿನ್ನಿ


• ½ ಟೀ ಸ್ಪೂನ್ ಮೆಣಸು


• ¼ ಟೀಸ್ಪೂನ್ ಕೆಂಪು ಮೆಣಸಿನ ಪುಡಿ


• ¼ ಟೀ ಸ್ಪೂನ್ ಕೊತ್ತಂಬರಿ ಪುಡಿ


• 1 ಟೀ ಸ್ಪೂನ್ ಗರಂ ಮಸಾಲಾ ಪೌಡರ್


• 1 ಟೀ ಸ್ಪೂನ್ ಗರಂ ಮಸಾಲಾ


• ¼ ಟೀ ಸ್ಪೂನ್ ಅರಿಶಿನ ಪುಡಿ


• ಅಗತ್ಯಕ್ಕೆ ತಕ್ಕಷ್ಟು ಅಡಿಗೆ ಎಣ್ಣೆ


• ಅಗತ್ಯವಿರುವಷ್ಟು ಉಪ್ಪು

ಬ್ರೈನ್​ ಫ್ರೈ

ಮಟನ್ ಬ್ರೈನ್ ಫ್ರೈ ಮಾಡುವ ವಿಧಾನ

• ಮೊದಲಿಗೆ ಕುರಿ ಮೆದುಳನ್ನು ಚೆನ್ನಾಗಿ ತೊಳೆದುಕೊಳ್ಳಬೇಕು. ನಂತರ ಪಾತ್ರೆಯೊಂದರಲ್ಲಿ ನೀರು, ಸ್ವಲ್ಪ ಉಪ್ಪು, ಸ್ವಲ್ಪ ಅರಿಶಿನ ಮತ್ತು ಮೆದುಳು ಸೇರಿಸಿ 5 ನಿಮಿಷಗಳ ಕಾಲ ಕುದಿಸಿ. ಪಕ್ಕದಲ್ಲಿ ಇಡಿ.


• ಸ್ಟಾವ್​​ ಮೇಲೆ ಬಾಣಲಿ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಬಿಸಿ ಮಾಡಿಕೊಂಡು ಜೀರಿಗೆ, ದಾಲ್ಚಿನ್ನಿ, ಲವಂಗ ಮತ್ತು ಏಲಕ್ಕಿ ಮತ್ತು ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ. ನಂತರ ಅದಕ್ಕೆ ಹಸಿರು ಮೆಣಸಿನಕಾಯಿ ಮತ್ತು ಕರಿಬೇವು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಅನ್ನು ಹಾಕಿ, ಹಸಿ ವಾಸನೆ ಹೋಗುವವರೆಗೂ ಚೆನ್ನಾಗಿ ಫ್ರೈ ಮಾಡಬೇಕು.

ಬ್ರೈನ್​ ಫ್ರೈ

• ಬಳಿಕ ಅದಕ್ಕೆ ಅರಿಶಿನ, ಉಪ್ಪು, ಮೆಣಸು, ಕೆಂಪು ಮೆಣಸಿನ ಪುಡಿ, ಕೊತ್ತಂಬರಿ ಪುಡಿ ಮತ್ತು ಗರಂ ಮಸಾಲಾ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಬೇಯಿಸಿದ ಮೆದುಳನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ.


• ಕತ್ತರಿಸಿದ ಮೆದುಳನ್ನು ಉರಿದಿದ್ದ ಮಸಾಲಾ ಜೊತೆಗೆ ಬೆರೆಸಿ. ಮಸಾಲೆ ಜೊತೆ ಮೆದುಳನ್ನು ಚೆನ್ನಾಗಿ ಮಿಕ್ಸ್ ಮಾಡಿ, 5 ನಿಮಿಷಗಳ ಕಾಲ ಮಧ್ಯಮ ಉರಿಯಲ್ಲಿ ಚೆನ್ನಾಗಿ ಕುದಿಸಬೇಕು. ಅಗತ್ಯವಿದ್ದರೆ ಕೊನೆಯಲ್ಲಿ ಅದರ ಮೇಲೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಉದುರಿಸಿ, ಇದೀಗ ಮಟನ್​ ಬ್ರೈನ್ ಪೆಪ್ಪರ್ ಫ್ರೈ ಸವಿಯಲು ಸಿದ್ಧ.