Non Veg: ಬಾಯಲ್ಲಿ ನೀರೂರಿಸುವ ಮಂಗಳೂರು ಸ್ಟೈಲ್ ಚಿಕನ್ ಘೀ ರೋಸ್ಟ್; ಮನೆಯಲ್ಲೇ ಮಾಡಿ ಟೇಸ್ಟ್ ನೋಡಿ!

ಭಾನುವಾರ (Sunday) ಬಂತಂದ್ರೆ ಜನ ಹೊಸ ರುಚಿ ಸವಿಯಲು ಕಾಯುತ್ತಾ ಕುಳಿತಿರುತ್ತಾರೆ. ಅದರಲ್ಲಿಯೂ ನಾನ್​ವೆಜ್ (Non Veg)​ ಪ್ರಿಯರಂತೂ ಮನೆಯಲ್ಲಿ ಹೊಸ, ಹೊಸ ರೆಸಿಪಿಗಳನ್ನು (Recipe) ಪ್ರಯತ್ನಿಸುತ್ತಾರೆ.  ಅದರಲ್ಲಿಯೂ ಸ್ಪೈಸಿಯಾಗಿರುವ ಆಹಾರ (Spicy Food) ಅಂದ್ರೆ ಎಲ್ಲರ ಬಾಯಿಯಲ್ಲಿ ನೀರು ಬರುತ್ತೆ. ಇತ್ತೀಚೆಗೆ ರೆಸ್ಟೋರೆಂಟ್‍ಗಳಲ್ಲಿ (Restaurant) ಫುಲ್ ಫೇಮಸ್ ಆಗಿರುವ ಚಿಕನ್​ ಘೀ ರೋಸ್ಟ್​ (Chicken Ghee Roast) ಅನ್ನು ಜನ ಹೆಚ್ಚಾಗಿ ಲೈಕ್ ಮಾಡಲು ಶುರು ಮಾಡಿದ್ದಾರೆ. ಇನ್ನೂ ಈ ಘೀ ರೋಸ್ಟ್​ ಅನ್ನು ನೀವು ಮನೆಯಲ್ಲಿಯೇ ಮಾಡಲು ಕೂಡ ಟ್ರೈ ಮಾಡಬಹುದು. ವಿಶೇಷವೆಂದರೆ ಇದು ಮಂಗಳೂರಿಗರಿಗೆ (Mangaluru) ಬಹಳ ಪ್ರಿಯವಾದ ಅಡುಗೆ ಆಗಿದೆ. ಹಾಗಾಗಿ ಕೊಂಚ ವಿಭಿನ್ನವಾಗಿರಲೆಂದು ಮಂಗಳೂರು ಶೈಲಿಯ ಚಿಕನ್ ಘೀ ರೋಸ್ಟ್​ ಅನ್ನು ಮನೆಯಲ್ಲಿಯೇ ಮಾಡುವುದು ಹೇಗೆ ಎಂಬುವುದರ ಬಗ್ಗೆ ಮಾಹಿತಿ ನೀಡುತ್ತೇವೆ ನೋಡಿ.

ಚಿಕನ್ ಘೀ ರೋಸ್ಟ್​

ಚಿಕನ್ ಘೀ ರೋಸ್ಟ್​ ಮಾಡಲು ಬೇಕಾಗಿರುವ ಸಾಮಾಗ್ರಿಗಳು:

• ಚಿಕನ್ - 1/2 ಕೆಜಿ


• ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ - 2 ಟೇಬಲ್​ ಸ್ಪೂನ್


• ಉಪ್ಪು – ಅಗತ್ಯಕ್ಕೆ ತಕ್ಕಷ್ಟು


• ಸಕ್ಕರೆ - 1 ಟೀಸ್ಪೂನ್


• ಮೆಣಸು ಪುಡಿ - 2 ಟೇಬಲ್ ಸ್ಪೂನ್


• ಗರಂ ಮಸಾಲಾ - 1 ಟೀಸ್ಪೂನ್


• ಜೀರಿಗೆ - 2 ಟೇಬಲ್ ಸ್ಪೂನ್


• ಟೊಮೆಟೊ - 1


• ಹುಣಸೆಹಣ್ಣು - ನಿಂಬೆ ಗಾತ್ರ


• ಮೆಣಸಿನ ಪುಡಿ - 1 ಟೇಬಲ್ ಸ್ಪೂನ್


• ಹೂಕೋಸು - ಸ್ವಲ್ಪ


• ತುಪ್ಪ - 10 ಟೇಬಲ್ ಸ್ಪೂನ್


• ಜಾಸ್ಮಿನ್ ಪುಡಿ - 2 ಟೇಬಲ್ ಸ್ಪೂನ್


• ಕತ್ತರಿಸಿದ್ದ ಕೊತ್ತಂಬರಿ - 1/2 ಕಪ್


• ಕರಿಬೇವಿನ ಎಲೆಗಳು - ಸ್ವಲ್ಪ

ಚಿಕನ್ ಘೀ ರೋಸ್ಟ್​

ಚಿಕನ್​ ಘೀ ರೋಸ್ಟ್​ ಮಾಡುವ ವಿಧಾನ:

• ಚಿಕನ್ ಅನ್ನು ಹುರಿಯುವ ಮುನ್ನ, ಅಡುಗೆಗಾಗಿ ತೆಗೆದುಕೊಂಡ ಚಿಕನ್ ಅನ್ನು ಅರಿಶಿನ ಪುಡಿಯಿಂದ ಸ್ವಚ್ಛಗೊಳಿಸಿ ಮತ್ತು ಅದನ್ನು ಚಿಕ್ಕ, ಚಿಕ್ಕದಾಗಿ ಕತ್ತರಿಸಿಟ್ಟು  ಕೊಳ್ಳಿ.


• ಅದರಂತೆ ಟೊಮ್ಯಾಟೋವನ್ನು ಕೂಡ ಚಿಕ್ಕದಾಗಿ ಕತ್ತರಿಸಿಟ್ಟು ಕೊಳ್ಳಿ. ನಂತರ ಒಂದು ಕಪ್‌ನಲ್ಲಿ ಸ್ವಲ್ಪ ಹುಣಸೆಹಣ್ಣನ್ನು ನೀರಿನಲ್ಲಿ ಕರಗಿಸಿ ಹುಣಸೆಹಣ್ಣಿನ ದ್ರಾವಣವನ್ನು ತಯಾರಿಸಿ.


• ಈಗ ದೊಡ್ಡ ಬಟ್ಟಲನ್ನು ತೆಗೆದುಕೊಂಡು ಅದರಲ್ಲಿ ಕತ್ತರಿಸಿದ ಚಿಕನ್, ಚಿಲ್ಲಿ ಪೌಡರ್​, ಅರಿಶಿನ ಪುಡಿ, ಕೊತ್ತಂಬರಿ ಪುಡಿ ಮತ್ತು ಉಪ್ಪನ್ನು ಮಿಶ್ರಣ ಮಾಡಿ ಮತ್ತು ಅದನ್ನು 20 ನಿಮಿಷಗಳ ಕಾಲ ಚೆನ್ನಾಗಿ ನೆನೆಸಿ.

ಚಿಕನ್ ಘೀ ರೋಸ್ಟ್​

• ನಂತರ ಒಲೆಯ ಮೇಲೆ ಬಾಣಲೆ ಇಟ್ಟು ಅದಕ್ಕೆ ತುಪ್ಪ ಹಾಕಿ ಬಿಸಿ ಮಾಡಿ. ತುಪ್ಪ ಚೆನ್ನಾಗಿ ಕರಗಿದಾಗ, ಜೀರಿಗೆ, ಕರಿಬೇವಿನ ಸೊಪ್ಪು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಕರಿಬೇವಿನ ಎಲೆಗಳು ಮತ್ತು ಟೊಮ್ಯಾಟೋವನ್ನು ಹಾಕಿ.

• ಟೊಮ್ಯಾಟೋ ಸಂಪೂರ್ಣವಾಗಿ ಕರಗಿದಾಗ ಮತ್ತು ಮಸಾಲಾ ಗಟ್ಟಿಯಾದಾಗ ಹುಣಸೆಹಣ್ಣಿನ ಪೇಸ್ಟ್ ಸೇರಿಸಿ, 5 ನಿಮಿಷ ಕುದಿಸಿ. ನಂತರ ನೆನೆಸಿದ ಚಿಕನ್ ಸೇರಿಸಿ, 4 ನಿಮಿಷ ಬೇಯಿಸಿ.


• ಚಿಕನ್ ಚೆನ್ನಾಗಿ ಬೆಂದ ನಂತರ ಉಳಿದ ತುಪ್ಪ ಮತ್ತು ಸ್ವಲ್ಪ ನೀರು ಹಾಕಿ 5 ನಿಮಿಷ ಕುದಿಸಿ. ಕೊನೆಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಬೆರೆಸಿದರೆ ರುಚಿಕರವಾದ ಚಿಕನ್ ಘೀ ರೋಸ್ಟ್ ಸವಿಯಲು ಸಿದ್ಧ.