Sun Tanning: ಸನ್ ಟ್ಯಾನಿಂಗ್ ಸಮಸ್ಯೆ ನಿವಾರಣೆಗೆ ಇಲ್ಲಿದೆ ಕೆಲವು ಮನೆಮದ್ದುಗಳು!  

ಬೇಸಿಗೆ (Summer) ಬಂತೂ ಅಂದ್ರೆ ಜನ ಹತ್ತಿ ಬಟ್ಟೆ ಹಾಗೂ ಬಿಳಿ ಬಟ್ಟೆಗಳನ್ನು (White Clothes) ಹೆಚ್ಚು ಧರಿಸಲು ಹೆಚ್ಚು ಇಷ್ಟ ಪಡುತ್ತಾರೆ. ಕೆಲವರು ತೋಳಿಲ್ಲದ ಬಟ್ಟೆ ಧರಿಸುತ್ತಾರೆ. ಇದು ಬೆವರು, ಬಿಸಿಲಿನ ತಾಪದಿಂದ ಸ್ವಲ್ಪ ನೆಮ್ಮದಿ ನೀಡುತ್ತದೆ. ಆದರೆ ಉರಿವ ಬಿಸಿಲಿನ ಹೊಡೆತಕ್ಕೆ ಟ್ಯಾನಿಂಗ್ ಸಮಸ್ಯೆ (Tanning Problem) ಕಾಡುತ್ತದೆ. ಸನ್ ಟ್ಯಾನ್ ದೇಹದ ಚರ್ಮವನ್ನು ಕಪ್ಪಾಗಿಸುತ್ತದೆ. ಇದು ತುಂಬಾ ದಿನದವರೆಗೆ ಹಾಗೆಯೇ ಇರುತ್ತದೆ. ಇದು ಚರ್ಮವನ್ನು ಕಪ್ಪಾಗಿಸುತ್ತದೆ. ಅಂದವನ್ನು ಮಂದವಾಗಿಸುತ್ತದೆ. ಇದರಿಂದ ಚರ್ಮ ನಿರ್ಜೀವವಾಗುತ್ತದೆ. ಇದನ್ನು ಹೋಗಲಾಡಿಲು ತುಂಬಾ ಜನರು ಸನ್ಸ್ಕ್ರೀನ್ ಅನ್ವಯಿಸಿ, ಹೊರಗೆ ಹೋಗುತ್ತಾರೆ. ಇದು ಸ್ವಲ್ಪ ಪರಿಹಾರ ನೀಡುತ್ತದೆ.

ಸನ್ ಟ್ಯಾನಿಂಗ್ ಸಮಸ್ಯೆ ಹೋಗಲಾಡಿಸಲು ಕೆಲವು ಮನೆಮದ್ದುಗಳು  

ಸೂರ್ಯನ ನೇರ ಕಿರಣಗಳಿಂದಾಗಿ ದೇಹದ ಚರ್ಮವು ಕಪ್ಪಾಗುವುದು ಮತ್ತು ನಿರ್ಜೀವವಾಗುವ ಸಮಸ್ಯೆಯೇ ಟ್ಯಾನಿಂಗ್. ಸೂರ್ಯನ ನೇರ ಸಂಪರ್ಕಕ್ಕೆ ನಾವು ಬಂದಾಗ ಸೂರ್ಯನ ನೇರಳಾತೀತ ಕಿರಣಗಳು ನಮ್ಮ ಚರ್ಮವನ್ನು ಹಾನಿ ಮಾಡುತ್ತವೆ. ಹಾಗಾಗಿ UV ವಿಕಿರಣಗಳಿಂದ ನಮ್ಮ ಚರ್ಮವನ್ನು ರಕ್ಷಿಸಲು ಕಾಳಜಿ ವಹಿಸುವುದು ಮುಖ್ಯ.

ಸೂರ್ಯನ ನೇರ ಸಂಪರ್ಕಕ್ಕೆ ಬರುವ ಚರ್ಮದ ಭಾಗವು ಹೆಚ್ಚು ಕಪ್ಪಾಗುತ್ತದೆ. ಕೈಗಳ ಸುತ್ತಲಿನ ಚರ್ಮವು ಕಪ್ಪಾಗುವುದು ಹೆಚ್ಚು. ಇದನ್ನು ತೊಡೆದು ಹಾಕಲು ಕೆಲವು ಮನೆಮದ್ದುಗಳು ಸಹಕಾರಿ. ಅವು ಚರ್ಮದ ಮೇಲೆ ಉತ್ತಮ ಪರಿಣಾಮ ಬೀರುತ್ತವೆ.

ಟ್ಯಾನ್ ಹೋಗಲಾಡಿಸಲು ಕೆಲವು ಮನೆಮದ್ದುಗಳು

ಕಡಲೆ ಹಿಟ್ಟು ಮತ್ತು ಅರಿಶಿನ

ಅನೇಕ ಮಹಿಳೆಯರು ತಮ್ಮ ಮುಖಕ್ಕೆ ಫೇಸ್ ವಾಶ್ ಬದಲಿಗೆ ಕೇವಲ ಕಡಲೆ ಬೇಳೆ ಹಿಟ್ಟನ್ನು ಬಳಸುತ್ತಾರೆ. ಬೇಳೆ ಹಿಟ್ಟು ಎಫ್ಫೋಲಿಯೇಟಿಂಗ್ ಗುಣ ಹೊಂದಿದೆ. ಅದು ಸನ್ ಟ್ಯಾನ್ ಅನ್ನು ಹಗುರಗೊಳಿಸಲು ಸಹಾಯ ಮಾಡುತ್ತದೆ. ಇದಕ್ಕೆ ಅರಿಶಿನವನ್ನು ಸೇರಿಸಿದರೆ ಮುಖಕ್ಕೆ ಹೊಳಪು ಬರುತ್ತದೆ ಮತ್ತು ಟ್ಯಾನ್ ಅನ್ನು ತ್ವರಿತವಾಗಿ ಗುಣಪಡಿಸಬಹುದು.

ಸನ್ ಟ್ಯಾನ್ ಸಮಸ್ಯೆ ಹೋಗಲಾಡಿಸಲು 1 ಕಪ್ ಕಡಲೆಬೇಳೆ ಹಿಟ್ಟಿಗೆ, 1 ಟೀಸ್ಪೂನ್ ಅರಿಶಿನ ಸೇರಿಸಿ ಮತ್ತು ಅದನ್ನು ಪೇಸ್ಟ್ ತಯಾರಿಸಿ. ಅದಕ್ಕೆ ಹಾಲು ಅಥವಾ ನೀರನ್ನು ಸೇರಿಸಿ. ಇದನ್ನು ಮುಖ, ಕುತ್ತಿಗೆ, ಕೈಗಳು ಮತ್ತು ಕಾಲು ಸೇರಿದಂತೆ ಟ್ಯಾನ್ ಇರುವ ಭಾಗಗಳಲ್ಲಿ ಹಚ್ಚಿರಿ. ಸ್ವಲ್ಪ ಸಮಯದ ನಂತರ ತೊಳೆಯಿರಿ. ಇದು ಟ್ಯಾನಿಂಗ್ ಸಮಸ್ಯೆ ದೂರ ಮಾಡುತ್ತದೆ.

ಜೇನು ಮತ್ತು ಪಪ್ಪಾಯಿ

ಜೇನುತುಪ್ಪ ಹಿತವಾದ ಮತ್ತು ಚರ್ಮವನ್ನು ಪೋಷಿಸುವ ಗುಣ ಹೊಂದಿದೆ. ಚರ್ಮದ ಮೇಲೆ ಜೇನುತುಪ್ಪ ಹಚ್ಚಿದರೆ ಅದು ಶುಷ್ಕತೆ ಮತ್ತು ಕಿರಿಕಿರಿ ಕಡಿಮೆ ಮಾಡುತ್ತದೆ. ಪಪ್ಪಾಯಿಯು ಬ್ಲೀಚಿಂಗ್, ಎಕ್ಸ್‌ಫೋಲಿಯೇಟಿಂಗ್, ಆಂಟಿಬ್ಯಾಕ್ಟೀರಿಯಲ್, ಉರಿಯೂತದ ಗುಣಲಕ್ಷಣಗಳು, ವಯಸ್ಸಾದ ವಿರೋಧಿ ಮತ್ತು ಚರ್ಮವನ್ನು ಹಗುರಗೊಳಿಸುವ ಗುಣಲಕ್ಷಣ ಹೊಂದಿದೆ. ಇದು ಚರ್ಮವನ್ನು ಹಗುರಗೊಳಿಸಲು ಬಹಳ ಸಹಾಯ ಮಾಡುತ್ತದೆ.

ಸಾಂದರ್ಭಿಕ ಚಿತ್ರ

ಒಂದು ಕಪ್ ಪಪ್ಪಾಯಿ ಮ್ಯಾಶ್ ಮಾಡಿ. ಇದಕ್ಕೆ ಒಂದು ಚಮಚ ಜೇನುತುಪ್ಪ ಸೇರಿಸಿ ಮತ್ತು ಎರಡನ್ನೂ ಚೆನ್ನಾಗಿ ಮಿಶ್ರಣ ಮಾಡಿ. ಟ್ಯಾನ್ ಅದ ಭಾಗಕ್ಕೆ ಇದನ್ನು ಚೆನ್ನಾಗಿ ಹಚ್ಚಿರಿ. ಒಣಗಲು ಬಿಡಿ. ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ಮುಲ್ತಾನಿ ಮಿಟ್ಟಿ ಮತ್ತು ಅಲೋವೆರಾ ಜೆಲ್

ಅಲೋವೆರಾ ಚರ್ಮದ ಸಮಸ್ಯೆ ಕಡಿಮೆ ಮಾಡುತ್ತದೆ. ಸನ್ ಬರ್ನ್ ಅಥವಾ ಯಾವುದೇ ದದ್ದುಗಳ ಮೇಲೆ ಅಲೋವೆರಾ ಹಚ್ಚಿದರೆ ಅದು ಚರ್ಮವನ್ನು ತ್ವರಿತವಾಗಿ ಗುಣಪಡಿಸುತ್ತದೆ. ಮುಲ್ತಾನಿ ಮಿಟ್ಟಿ ಉರಿಯೂತದ ಗುಣಲಕ್ಷಣ ಹೊಂದಿದೆ. ಇದು ಕೊಳಕು, ಬ್ಯಾಕ್ಟೀರಿಯಾವನ್ನು ಚರ್ಮದಿಂದ ತೆಗೆದು ಹಾಕುತ್ತದೆ.

ಇದನ್ನೂ ಓದಿ: ಮುಖದ ಮೇಲಿನ ರಂಧ್ರಗಳಿಂದ ಮುಜುಗರ ಆಗುತ್ತಿದ್ಯಾ? ಹಾಗಾದ್ರೆ ಈ ಟಿಪ್ಸ್ ಟ್ರೈ ಮಾಡಿ!

2 ಚಮಚ ಮುಲ್ತಾನಿ ಮಿಟ್ಟಿ ಮತ್ತು 2 ಚಮಚ ತಾಜಾ ಅಲೋವೆರಾ ಜೆಲ್ ಸೇರಿಸಿ. ಚೆನ್ನಗಿ ಮಿಕ್ಸ್ ಮಾಡಿ. ಇದನ್ನು ಟ್ಯಾನ್ ಇರುವ ಜಾಗಕ್ಕೆ ಹಚ್ಚಿರಿ. ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.