Toor Dal Dosa: ಪ್ರೋಟೀನ್ ಭರಿತ ತೊಗರಿ ಬೇಳೆ ದೋಸೆ ಆರೋಗ್ಯಕರ ಉಪಹಾರಕ್ಕೆ ಬೆಸ್ಟ್​

ನೀವು ಸೇವಿಸುವಂತಹ ನಿಮ್ಮ ದೋಸೆಗೆ ಪ್ರೋಟೀನ್ ಪ್ರಮಾಣವನ್ನು ಸಹ ಸೇರಿಸಿಕೊಳ್ಳಲು ಇಷ್ಟ ಪಡುತ್ತಿದ್ದರೆ, ಜನಪ್ರಿಯ ಬಾಣಸಿಗರಾದ ಕುನಾಲ್ ಕಪೂರ್ ಅವರ ಈ ಪ್ರೋಟೀನ್-ಭರಿತ ತೊಗರಿ ಬೇಳೆ ದೋಸೆಯ ಪಾಕವಿಧಾನವನ್ನು ನೀವು ನೋಡಿ ತಿಳಿದುಕೊಳ್ಳಲೆಬೇಕು. ಈ ದೋಸೆಯನ್ನು ತಯಾರಿಸಲು ತೊಗರಿ ಬೇಳೆಯನ್ನು ಬಳಸಿದ್ದಾರೆ ಮತ್ತು ಇದರ ಜೊತೆಯಲ್ಲಿ ಹಚ್ಚಿಕೊಂಡು ತಿನ್ನಲು ರುಚಿಕರವಾದ ಪನೀರ್ ಫಿಲ್ಲಿಂಗ್ ಮತ್ತು ಚಟ್ನಿ ಪಾಕವಿಧಾನವನ್ನು ಸಹ ಅವರು ಇಲ್ಲಿ ಹಂಚಿಕೊಂಡಿದ್ದಾರೆ.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ದಕ್ಷಿಣ ಭಾರತದ (South India) ಪಾಕಪದ್ಧತಿಯು ಮಸಾಲೆಯುಕ್ತವಾಗಿ ಮತ್ತು ಖಾರವಾಗಿರುವುದಕ್ಕೆ ಹೆಸರುವಾಸಿಯಾಗಿದೆ. ಚಿಕನ್ ಚೆಟ್ಟಿನಾಡ್, ಆಂಧ್ರ ಶೈಲಿಯ ಚಿಕನ್ ಕರಿ, ಹೈದರಾಬಾದಿ ಬಿರಿಯಾನಿಯಿಂದ (Biriyani) ಹಿಡಿದು ಪಾಲ್ ಪಾಯಸಂ, ಅಪ್ಪಮ್, ರವಾ ಉತ್ತಪಮ್ ಮತ್ತು ಇನ್ನೂ ಹೆಚ್ಚಿನವು ಹೀಗೆ ಹೇಳುತ್ತಾ ಹೋದರೆ ಆ ಪಟ್ಟಿಗೆ ಕೊನೆಯೇ ಇಲ್ಲ. ಆದಾಗ್ಯೂ, ನಮ್ಮ ರುಚಿ ಮೊಗ್ಗುಗಳನ್ನು ಮೆಚ್ಚಿಸಲು ಎಂದಿಗೂ ವಿಫಲವಾಗದ ಅಂತಹ ಒಂದು ಭಕ್ಷ್ಯವೆಂದರೆ ಅದು ದೋಸೆ (Dosa) ಅಂತ ಹೇಳಬಹುದು. ಈ ಬಿಸಿ ಬಿಸಿಯಾದ ಮತ್ತು ಗರಿಗರಿಯಾದಂತಹ ದೋಸೆಯನ್ನು ನೀವು ಬಿಸಿ ಸಾಂಬಾರ್ ಮತ್ತು ತೆಂಗಿನಕಾಯಿ ಚಟ್ನಿಯೊಂದಿಗೆ ಹಚ್ಚಿಕೊಂಡು ತಿಂದರೆ, ಅದಕ್ಕಿಂತ ರುಚಿ ನಿಮ್ಮ ನಾಲಿಗೆಗೆ ಬಹುಶಃ ಯಾವುದು ಕೊಡಲಿಕ್ಕಿಲ್ಲ ಎಂದು ಹೇಳಬಹುದು.

ಆಹಾರ ಪ್ರಿಯರಿಗೆ ಇದು ಒಂದು ಒಳ್ಳೆಯ ರೆಸಿಪಿ ತೊಗರಿ ಬೇಳೆ ದೋಸೆ
ನೀವು ಸೇವಿಸುವಂತಹ ನಿಮ್ಮ ದೋಸೆಗೆ ಪ್ರೋಟೀನ್ ಪ್ರಮಾಣವನ್ನು ಸಹ ಸೇರಿಸಿಕೊಳ್ಳಲು ಇಷ್ಟ ಪಡುತ್ತಿದ್ದರೆ, ಜನಪ್ರಿಯ ಬಾಣಸಿಗರಾದ ಕುನಾಲ್ ಕಪೂರ್ ಅವರ ಈ ಪ್ರೋಟೀನ್-ಭರಿತ ತೊಗರಿ ಬೇಳೆ ದೋಸೆಯ ಪಾಕವಿಧಾನವನ್ನು ನೀವು ನೋಡಿ ತಿಳಿದುಕೊಳ್ಳಲೆಬೇಕು. ಈ ದೋಸೆಯನ್ನು ತಯಾರಿಸಲು ತೊಗರಿ ಬೇಳೆಯನ್ನು ಬಳಸಿದ್ದಾರೆ ಮತ್ತು ಇದರ ಜೊತೆಯಲ್ಲಿ ಹಚ್ಚಿಕೊಂಡು ತಿನ್ನಲು ರುಚಿಕರವಾದ ಪನೀರ್ ಫಿಲ್ಲಿಂಗ್ ಮತ್ತು ಚಟ್ನಿ ಪಾಕವಿಧಾನವನ್ನು ಸಹ ಅವರು ಇಲ್ಲಿ ಹಂಚಿಕೊಂಡಿದ್ದಾರೆ. ಇದು ಆರೋಗ್ಯಕರ ಊಟಕ್ಕೆ ಸೂಕ್ತವಾಗಿದೆ ಎಂದು ಹೇಳಿದರೆ ತಪ್ಪಾಗುವುದಿಲ್ಲ.

ಇದನ್ನೂ ಓದಿ: Breakfast Recipe: ಬೆಳಗಿನ ಉಪಹಾರಕ್ಕೆ ಎಳನೀರಿನ ದೋಸೆ ಮಾಡಿ

ಬಾಣಸಿಗ ಕುನಾಲ್ ಕಪೂರ್ ತಮ್ಮ ಸಾಮಾಜಿಕ ಮಾಧ್ಯಮವಾದ ಇನ್‌ಸ್ಟಾಗ್ರಾಮ್ ಖಾತೆಯ ಪುಟದಲ್ಲಿ ಇದರ ಪಾಕವಿಧಾನವನ್ನು ಹಂಚಿಕೊಂಡರು ಮತ್ತು "ನಿಮ್ಮ ಉಪಾಹಾರ ಮತ್ತು ಮಧ್ಯಾಹ್ನದ ಊಟದ ಹಸಿವನ್ನು ನೀಗಿಸುವಂತಹ ಆರೋಗ್ಯಕರವಾದ ದೋಸೆ. ಇದು ಆರೋಗ್ಯಕರ ಮಾತ್ರವಲ್ಲದೇ, ತಯಾರಿಸಲು ಸಹ ತುಂಬಾನೇ ಸುಲಭವಾಗಿದೆ ಮತ್ತು ಇದನ್ನು ಮಾಡಿಕೊಳ್ಳಲು ತುಂಬಾನೇ ಕಡಿಮೆ ಸಮಯ ತೆಗೆದು ಕೊಳ್ಳುತ್ತದೆ. ಈ ಪಾಕವಿಧಾನದ ಉತ್ತಮ ವಿಷಯವೆಂದರೆ ಇದು ಪ್ರೋಟೀನ್ ನಿಂದ ಸಮೃದ್ಧವಾಗಿದೆ. ಎಲ್ಲಾ ಆಹಾರ ಪ್ರಿಯರಿಗೆ ಇದು ಒಂದು ಒಳ್ಳೆಯ ರೆಸಿಪಿ" ಅಂತ ಶೀರ್ಷಿಕೆಯಲ್ಲಿ ಬರೆದಿದ್ದಾರೆ.

ತೊಗರಿ ಬೇಳೆ ದೋಸೆ ತಯಾರಿಸುವುದು ಹೇಗೆ?

ತೊಗರಿ ಬೇಳೆ ದೋಸೆಯ ಹಿಟ್ಟನ್ನು ಮಾಡಿಕೊಳ್ಳಲು ಬೇಕಾಗುವ ಸಾಮಗ್ರಿಗಳು:

  • ಅಕ್ಕಿ - 1 ಕಪ್

  • ಬಟಾಣಿ - 1/2 ಕಪ್

  • ಶುಂಠಿ, ಕತ್ತರಿಸಿದ್ದು – 1ಇಂಚು

  • ಬೆಳ್ಳುಳ್ಳಿ ಎಸಳು - 1 ಚಮಚ

  • ಒಣ ಮೆಣಸಿನಕಾಯಿ - 3

  • ಕರಿಬೇವಿನ ಎಲೆಗಳು – 8 ರಿಂದ 10

  • ಕರಿಮೆಣಸು - 1/2 ಟೀ ಸ್ಪೂನ್

  • ಜೀರಿಗೆ - 1 ಟೀ ಸ್ಪೂನ್

  • ಅಸಾಫೋಟಿಡಾ - 1/4 ಟೀ ಸ್ಪೂನ್

  • ಉಪ್ಪು - 1/4 ಟೀ ಚಮಚ

  • ಅರಿಶಿನ - 1/2 ಟೇಬಲ್ ಸ್ಪೂನ್

  • ನೀರು - 220 ಮಿಲಿ ಲೀಟರ್

  • ಬೇಕಾದಷ್ಟು ಎಣ್ಣೆ


ಪನೀರ್ ಫಿಲ್ಲಿಂಗ್ ಮಾಡಿಕೊಳ್ಳಲು ಬೇಕಾಗುವಂತಹ ಸಾಮಗ್ರಿಗಳು:

  • ಎಣ್ಣೆ - 2 ಟೇಬಲ್ ಸ್ಪೂನ್

  • ಒಣ ಕೆಂಪು ಮೆಣಸಿನಕಾಯಿ – 2

  • ಸಾಸಿವೆ – 1/2 ಟೇಬಲ್ ಸ್ಪೂನ್

  • ಕಡಲೆಬೇಳೆ - 1/2 ಟೇಬಲ್ ಸ್ಪೂನ್

  • ಕರಿಬೇವಿನ ಎಲೆ – 7 ರಿಂದ 8

  • ಕತ್ತರಿಸಿದ ಶುಂಠಿ – 1 ಟೇಬಲ್ ಸ್ಪೂನ್

  • ಕತ್ತರಿಸಿದ ಹಸಿಮೆಣಸಿನಕಾಯಿ – 1/2 ಟೀ ಸ್ಪೂನ್

  • ಕತ್ತರಿಸಿದ ಈರುಳ್ಳಿ – 1/4 ಕಪ್

  • ರುಚಿಗೆ ತಕ್ಕಷ್ಟು ಉಪ್ಪು

  • ಅರಿಶಿನ – 1/4 ಟೀ ಸ್ಪೂನ್

  • ಕತ್ತರಿಸಿದ ಟೊಮೆಟೊ – 1/2 ಕಪ್

  • ಮ್ಯಾಶ್ಡ್ ಮಾಡಿದ ಪನೀರ್ – 1 ಕಪ್

  • ಕತ್ತರಿಸಿದ ಕೊತ್ತಂಬರಿ – ಒಂದು ಹಿಡಿ


ಕಡಲೆ ಬೇಳೆ ಚಟ್ನಿ ಮಾಡಲು ಬೇಕಾಗಿರುವ ಸಾಮಗ್ರಿಗಳು:

  • ಎಣ್ಣೆ - 2 ಟೇಬಲ್ ಸ್ಪೂನ್

  • ಅಸಾಫೋಟಿಡಾ - ಒಂದು ಚಿಟಿಕೆ

  • ಒಣ ಕೆಂಪು ಮೆಣಸಿನಕಾಯಿ - 2 ಪ್ರತಿಶತ

  • ಕಡಲೆ ಬೇಳೆ - 1/4 ಕಪ್

  • ಕತ್ತರಿಸಿದ ಶುಂಠಿ – 1 ಟೇಬಲ್ ಸ್ಪೂನ್

  • ಕರಿಬೇವಿನ ಎಲೆಗಳು - ಒಂದು ಹಿಡಿ

  • ಅರಿಶಿನ - 1/2 ಟೀ ಸ್ಪೂನ್

  • ತೆಂಗಿನ ತುರಿ - 1/2 ಕಪ್

  • ಹುಣಸೆಹಣ್ಣಿನ ಪೇಸ್ಟ್ - 1 ಟೇಬಲ್ ಸ್ಪೂನ್

  • ರುಚಿಗೆ ತಕ್ಕಷ್ಟು ಉಪ್ಪು

  • ನೀರು - 1/2 ಕಪ್


ಚಟ್ನಿಗೆ ಒಗ್ಗರಣೆ ಹಾಕಲು ಬೇಕಾಗಿರುವ ಸಾಮಗ್ರಿಗಳು:

  • ಎಣ್ಣೆ - 1 ಟೇಬಲ್ ಸ್ಪೂನ್

  • ಸಾಸಿವೆ - 1 ಟೀ ಸ್ಪೂನ್

  • ಜೀರಿಗೆ - 1/2 ಟೀ ಸ್ಪೂನ್

  • ಕಪ್ಪು ಕಡಲೆ ಹಿಟ್ಟು - 1/2 ಟೀ ಸ್ಪೂನ್

  • ಕರಿಬೇವಿನ ಎಲೆ -7 ರಿಂದ 8


ತೊಗರಿ ಬೇಳೆ ದೋಸೆ ಮಾಡುವ ವಿಧಾನ:

1. ಮೊದಲಿಗೆ ತೊಗರಿ ಬೇಳೆ ದೋಸೆ ಹಿಟ್ಟನ್ನು ಮಾಡಿಕೊಳ್ಳಬೇಕು
ಮೊದಲಿಗೆ ನೀವು ತೊಗರಿ ಬೇಳೆ ಮತ್ತು ಅಕ್ಕಿಯನ್ನು ಸರಿಯಾಗಿ ತೊಳೆದು, 3 ರಿಂದ 4 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ ಅಥವಾ ರಾತ್ರಿಯಿಡೀ ನೆನೆಸಿಡಿ. ಇದನ್ನು ಮಾಡಿದ ನಂತರ, ನೀರನ್ನು ಸೋಸಿ ಮತ್ತು ತೊಗರಿ ಬೇಳೆ ಮತ್ತು ಅಕ್ಕಿಯನ್ನು ಪಕ್ಕದಲ್ಲಿ ಇರಿಸಿಕೊಳ್ಳಿರಿ.

ಇದನ್ನೂ ಓದಿ:  Non-Veg Recipe: ಭಾನುವಾರ ಸಂಜೆಗೆ ಟೇಸ್ಟಿ ಫಿಶ್ ಕಟ್ಲೆಟ್! ಇಲ್ಲಿದೆ ರೆಸಿಪಿ

ನಂತರ ಅವುಗಳನ್ನು ಮಿಕ್ಸರ್ ಗ್ರೈಂಡರ್ ಗೆ ಸೇರಿಸಿ. ಶುಂಠಿ, ಬೆಳ್ಳುಳ್ಳಿ, ಒಣ ಕೆಂಪು ಮೆಣಸಿನಕಾಯಿ, ಕರಿಬೇವಿನ ಎಲೆಗಳು, ಕರಿಮೆಣಸು, ಜೀರಿಗೆ, ಅಸಫೋಟಿಡಾ, ಉಪ್ಪು ಮತ್ತು ಅರಿಶಿನವನ್ನು ಆ ಮಿಶ್ರಣಕ್ಕೆ ಸೇರಿಸಿಕೊಳ್ಳಿರಿ. ಈಗ ಅದಕ್ಕೆ ಸ್ವಲ್ಪ ನೀರನ್ನು ಸೇರಿಸಿ ಮತ್ತು ಸ್ವಲ್ಪ ಸಮಯದವರೆಗೆ ಹಾಗೆ ಇರಿಸಿಕೊಳ್ಳಿರಿ. ಅದು ನಯವಾದ ಸ್ಥಿರತೆಯನ್ನು ರೂಪಿಸುವವರೆಗೆ ಅದನ್ನು ರುಬ್ಬಲು ಬಿಡಿ. ಅಗತ್ಯವಿದ್ದರೆ ಹೆಚ್ಚಿನ ನೀರನ್ನು ಅದಕ್ಕೆ ಸೇರಿಸಿ. ಈಗ ತೊಗರಿ ಬೇಳೆ ದೋಸೆ ಹಿಟ್ಟು ಸಿದ್ಧವಾಗಿದೆ.

2. ನಂತರ ಪನ್ನೀರ್ ಸ್ಟಫಿಂಗ್ ಮಾಡಿಕೊಳ್ಳಿರಿ
ನಂತರ ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ. ಒಣ ಕೆಂಪು ಮೆಣಸಿನಕಾಯಿ, ಸಾಸಿವೆ, ಕಡಲೆ ಬೇಳೆ, ಕರಿಬೇವಿನ ಎಲೆಗಳು, ಶುಂಠಿ ಮತ್ತು ಹಸಿಮೆಣಸಿನಕಾಯಿಯನ್ನು ಸೇರಿಸಿ. ಇದನ್ನು ಒಂದು ನಿಮಿಷ ಅಥವಾ ಅದಕ್ಕಿಂತ ಹೆಚ್ಚು ಕಾಲ ಬೇಯಲು ಬಿಡಿ. ಈರುಳ್ಳಿ, ಉಪ್ಪು, ಅರಿಶಿನ ಮತ್ತು ಟೊಮೆಟೊವನ್ನು ಸೇರಿಸಿ ಹೆಚ್ಚಿನ ಶಾಖದಲ್ಲಿ ಇರಿಸಿ. ಅವುಗಳು ಸಂಪೂರ್ಣವಾಗಿ ಕಂದು ಬಣ್ಣಕ್ಕೆ ಬದಲಾಗದಂತೆ ನೋಡಿಕೊಳ್ಳಿ. ಚೆನ್ನಾಗಿ ಮಿಶ್ರಣ ಮಾಡಿ. ಈಗ, ಪನ್ನೀರ್, ಕೊತ್ತಂಬರಿ ಸೊಪ್ಪನ್ನು ಸೇರಿಸಿ ಮತ್ತು 1 ರಿಂದ 2 ನಿಮಿಷಗಳ ಕಾಲ ಅದನ್ನು ಬೇಯಲು ಬಿಡಿ.

3. ಚಟ್ನಿಯನ್ನು ಮಾಡಿಕೊಳ್ಳುವ ವಿಧಾನ
ಚಟ್ನಿಯನ್ನು ಮಾಡಿಕೊಳ್ಳಲು ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ. ನಂತರ ಅದಕ್ಕೆ ಅಸಫೋಟಿಡಾ, ಒಣ ಕೆಂಪು ಮೆಣಸಿನಕಾಯಿ ಮತ್ತು ಕಡಲೆ ಬೇಳೆಯನ್ನು ಸೇರಿಸಿಕೊಳ್ಳಿರಿ. ಅದನ್ನು ಸಮನಾಗಿ ಕಂದು ಬಣ್ಣಕ್ಕೆ ತಿರುಗಲು ಬಿಡಿ. ಈಗ, ಶುಂಠಿ ಮತ್ತು ಕರಿಬೇವಿನ ಎಲೆಗಳನ್ನು ಸೇರಿಸಿ. ಆನಂತರ ಗ್ಯಾಸ್ ಆಫ್ ಮಾಡಿ ಮತ್ತು ಸ್ವಲ್ಪ ಅರಿಶಿನವನ್ನು ಅದಕ್ಕೆ ಸೇರಿಸಿಕೊಳ್ಳಿರಿ. ಒಂದು ಬೌಲ್ ಗೆ ಅದನ್ನೆಲ್ಲಾ ಹಾಕಿಕೊಳ್ಳಿರಿ ಮತ್ತು ಅದನ್ನು ಸ್ವಲ್ಪ ತಣ್ಣಗಾಗಲು ಬಿಡಿ. ಅದೆಲ್ಲವೂ ತಣ್ಣಗಾದ ನಂತರ, ಮಿಕ್ಸರ್ ಗ್ರೈಂಡರ್ ಗೆ ಹಾಕಿ ಅದರಲ್ಲಿ ತೆಂಗಿನಕಾಯಿ, ಹುಣಸೆಹಣ್ಣು, ಉಪ್ಪು ಮತ್ತು ನೀರನ್ನು ಸೇರಿಸಿ. ಚೆನ್ನಾಗಿ ರುಬ್ಬಿಕೊಂಡರೆ ನಿಮ್ಮ ಚಟ್ನಿ ಸಿದ್ಧವಾಗುತ್ತದೆ.

4. ಚಟ್ನಿಗೆ ಒಗ್ಗರಣೆ ಮಾಡಿಕೊಳ್ಳುವುದು ಹೀಗೆ
ಮೊದಲು ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿಕೊಂಡು ಬಿಸಿ ಮಾಡಿ. ನಂತರ ಅದಕ್ಕೆ ಸಾಸಿವೆ, ಜೀರಿಗೆ ಮತ್ತು ಉದ್ದಿನ ಬೇಳೆಯನ್ನು ಸೇರಿಸಿ. ಕಂದು ಬಣ್ಣ ಬರುವವರೆಗೆ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಅದಕ್ಕೆ ಕರಿಬೇವಿನ ಎಲೆಗಳನ್ನು ಸೇರಿಸಿ. ಗ್ಯಾಸ್ ಅನ್ನು ಸ್ವಿಚ್ ಆಫ್ ಮಾಡಿ ಮತ್ತು ನೀವು ಈಗಾಗಲೇ ಮಾಡಿಕೊಂಡಿರುವಂತಹ ಚಟ್ನಿಯ ಮೇಲೆ ಈ ತಡ್ಕಾವನ್ನು ಸೇರಿಸಿಕೊಳ್ಳಿರಿ.

ಇದನ್ನೂ ಓದಿ: Non-Veg Recipe: ಬಕ್ರೀದ್ ಸ್ಪೆಷಲ್ ಪೆಪ್ಪರ್ ಮಟನ್ ರೆಸಿಪಿ

ತೊಗರಿ ಬೇಳೆ ದೋಸೆಯನ್ನು ತಯಾರಿಸುವ ವಿಧಾನ
ಮೊದಲು ನಾನ್ ಸ್ಟಿಕ್ ಪ್ಯಾನ್ ಅನ್ನು ಬಿಸಿ ಮಾಡಿ ಮತ್ತು ದೋಸೆ ಹಿಟ್ಟನ್ನು ಅದರ ಮೇಲೆ ಸಮನಾಗಿ ಹರಡಿ. ಈಗ, ಹೆಚ್ಚಿನ ಉರಿಯಲ್ಲಿ ಅದರ ಮೇಲೆ ಸ್ವಲ್ಪ ಎಣ್ಣೆ ಅಥವಾ ಬೆಣ್ಣೆಯನ್ನು ಚಿಮುಕಿಸಿ. ಪನೀರ್ ಫಿಲ್ಲಿಂಗ್ ಅನ್ನು ಆ ದೋಸೆಯ ಮೇಲೆ ಹಾಕಿಕೊಳ್ಳಿರಿ. ಜಾಗರೂಕತೆಯಿಂದ ಆ ದೋಸೆಯನ್ನು ಮೇಲೆತ್ತಿ ನಿಧಾನವಾಗಿ ಮಡಚಿ. ತೊಗರಿ ಬೇಳೆ ದೋಸೆ ತಿನ್ನಲು ಸಿದ್ಧವಾಗಿದೆ, ಚಟ್ನಿಯೊಂದಿಗೆ ಇದನ್ನು ತಿಂದು ಆನಂದಿಸಿರಿ.
Published by:Ashwini Prabhu
First published: