• Home
  • »
  • News
  • »
  • lifestyle
  • »
  • Tourist Spot: ಹೊಸ ವರ್ಷಕ್ಕೆ ಹೊಸ ಟ್ರಿಪ್​; ಟ್ರೈನ್​ನಲ್ಲೇ ಕುಳಿತು ಈ ಸುಂದರ ತಾಣಗಳನ್ನು ಒಮ್ಮೆ ನೋಡಲೇಬೇಕು!

Tourist Spot: ಹೊಸ ವರ್ಷಕ್ಕೆ ಹೊಸ ಟ್ರಿಪ್​; ಟ್ರೈನ್​ನಲ್ಲೇ ಕುಳಿತು ಈ ಸುಂದರ ತಾಣಗಳನ್ನು ಒಮ್ಮೆ ನೋಡಲೇಬೇಕು!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಹೊಸ ವರ್ಷದಲ್ಲಿ ನೀವು ರೈಲುಗಳಲ್ಲಿ ಕೂತು ಭಾರತದ ಕೆಲವು ಸುಂದರವಾದ ಸ್ಥಳಗಳನ್ನು ನೋಡಬೇಕು ಅಂತ ಪ್ಲಾನ್ ಮಾಡಿದ್ರೆ, ಇಲ್ಲಿದೆ ನೋಡಿ ಅವುಗಳ ಮಾಹಿತಿ.

  • Trending Desk
  • Last Updated :
  • Karnataka, India
  • Share this:

ಕೆಲಸದ ಮಧ್ಯೆ ಒತ್ತಡವನ್ನು (Stress) ಸ್ವಲ್ಪ ಮಟ್ಟಿಗಾದರೂ ಕಡಿಮೆ ಮಾಡಿಕೊಳ್ಳಬೇಕು ಅಂತ ಜನರು ಒಂದು ವಾರ ಅಥವಾ ಎರಡು ವಾರ ತಮ್ಮ ಕೆಲಸದಿಂದ ರಜೆ ತೆಗೆದುಕೊಂಡು ದೂರದ ಊರುಗಳಿಗೆ, ಪ್ರವಾಸಿ ತಾಣಗಳಿಗೆ (Tourist Spot) ಹೋಗಿ ತಮ್ಮ ರಜಾ ದಿನಗಳನ್ನು ಕಳೆದು ಬರುವುದನ್ನು ನಾವೆಲ್ಲಾ ನೋಡುತ್ತಿರುತ್ತೇವೆ. ನೀವು ಯೋಜಿಸುವ ರಜಾ ದಿನಗಳು ನಿಮ್ಮ ಬಾಲ್ಯದ ನೆನಪುಗಳನ್ನು ಮೆಲುಕು ಹಾಕುವಂತೆ ಇರಬೇಕು ಅಂತಾದರೆ ನೀವು ಈ ರೈಲಿನಲ್ಲಿ ಕೂತು ಸುಂದರವಾದ ಸ್ಥಳಗಳನ್ನು (Beautiful Place) ನೋಡಬೇಕು. ಹೊಸ ವರ್ಷದಲ್ಲಿ ನೀವು ರೈಲುಗಳಲ್ಲಿ ಕೂತು ಭಾರತದ ಕೆಲವು ಸುಂದರವಾದ ಸ್ಥಳಗಳನ್ನು ನೋಡಬೇಕು ಅಂತ ಪ್ಲಾನ್ ಮಾಡಿದ್ರೆ, ಇಲ್ಲಿದೆ ನೋಡಿ ಅದರ ಮಾಹಿತಿ.


1. ಡಾರ್ಜಿಲಿಂಗ್


ನೀವು ಪ್ರವಾಸಕ್ಕೆ ಅಂತ ಡಾರ್ಜಿಲಿಂಗ್ ಗೆ ಹೋದರೆ, ಅಲ್ಲಿ ನೀವು ಮಾಡಲೇಬೇಕಾದ ರೋಮಾಂಚಕಾರಿ ಕೆಲಸವೆಂದರೆ, ನ್ಯೂ ಜಲ್ಪೈಗುರಿ (ಎನ್‌ಜೆಪಿ) ಯಿಂದ ಡಾರ್ಜಿಲಿಂಗ್ ಗೆ ರೈಲು ಪ್ರಯಾಣವನ್ನು ಆನಂದಿಸುವುದನ್ನು ಮರೆಯಬೇಡಿ. ಅದು ನಿಮ್ಮನ್ನು ಅದ್ಭುತ ಭೂದೃಶ್ಯಗಳ ಮಧ್ಯೆ ಕರೆದುಕೊಂಡು ಹೋಗುತ್ತದೆ.




ರೈಲು ಜಲ್ಪೈಗುರಿಯಿಂದ ಪ್ರಾರಂಭವಾಗಿ, ಸಿಲಿಗುರಿ, ಸುಖ್ನಾ, ಕುರ್ಸಿಯೋಂಗ್ ಮತ್ತು ಅಂತಹ ಇತರ ಸುಂದರ ಸ್ಥಳಗಳ ಮೂಲಕ ಹಾದು ಘೂಮ್ ತಲುಪಿ ನಂತರ ಡಾರ್ಜಿಲಿಂಗಿನ ಕಡೆಗೆ ಬರುತ್ತದೆ. ಚಹಾ ತೋಟಗಳು, ಸೊಂಪಾದ ಹಸಿರು ಕಾಡು ಮತ್ತು ಹಿಮಾಚ್ಛಾದಿತ ಕಾಂಚನಜುಂಗಾ ಈ ಮಾರ್ಗದ ಮೂಲಕ ನಿಮ್ಮ ಪ್ರಯಾಣವನ್ನು ಇನ್ನಷ್ಟು ಮಾಂತ್ರಿಕವಾಗಿಸುತ್ತದೆ.


2. ಗೋವಾ


ನೀವು ಪ್ರಕೃತಿ ಪ್ರೇಮಿಯಾಗಿದ್ದರೆ, ಈ ಸುಂದರವಾದ ರೈಲು ಮಾರ್ಗವು ಖಂಡಿತವಾಗಿಯೂ ನಿಮ್ಮ ಪ್ರಯಾಣದ ಬಯಕೆಯ ಪಟ್ಟಿಯಲ್ಲಿರಬೇಕು. ಇದಕ್ಕಾಗಿ, ನೀವು ಬೆಂಗಳೂರಿನಿಂದ ಗೋವಾ ರೈಲು ಮಾರ್ಗವನ್ನು ಆಯ್ಕೆ ಮಾಡಬಹುದು, ಅದು ನಿಮ್ಮನ್ನು ಭವ್ಯವಾದ ದೂದ್​ ಸಾಗರ್ ಜಲಪಾತದ ಮೂಲಕ ಕರೆದೊಯ್ಯುತ್ತದೆ. ಇದು ಮಾನ್ಸೂನ್ ಸಮಯದಲ್ಲಿ ಮತ್ತು ನಂತರ ಅದರ ಪೂರ್ಣ ವೈಭವವಾಗಿ ಬದಲಾಗುತ್ತದೆ.




ಈ ಸುಂದರವಾದ ಜಲಪಾತವನ್ನು ಹತ್ತಿರದಿಂದ ನೋಡಲು, ನೀವು ಖಂಡಿತವಾಗಿಯೂ ಈ ರೈಲು ಸವಾರಿಯನ್ನು ತೆಗೆದುಕೊಳ್ಳಬೇಕು. ಅದು ಸಾಮಾನ್ಯವಾಗಿ ಜಲಪಾತದ ಬಳಿ ನಿಧಾನಗೊಳ್ಳುತ್ತದೆ. ಇದು ಪ್ರಕೃತಿಯ ಈ ಸುಂದರ ಸೃಷ್ಟಿಯ ಸೌಂದರ್ಯದಲ್ಲಿ ಮುಳುಗಲು ನಿಮಗೆ ಅನುವು ಮಾಡಿಕೊಡುತ್ತದೆ.


3. ಶಿಮ್ಲಾ


ನಿಮ್ಮ ಜೀವಿತಾವಧಿಯಲ್ಲಿ ಒಮ್ಮೆಯಾದರೂ ನೀವು ಅನುಭವಿಸಬೇಕಾದ ರೈಲು ಪ್ರಯಾಣಗಳಲ್ಲಿ ಇದು ಒಂದಾಗಿದೆ. ಕಲ್ಕಾ ಮತ್ತು ಶಿಮ್ಲಾ ನಡುವಿನ ಚಗ್ಸ್ ಹಿಮಾಲಯನ್ ಕ್ವೀನ್ ರೈಲಿನಲ್ಲಿ ನೀವು ಕೂತು ಒರಟಾದ ಪರ್ವತಗಳು, ಎತ್ತರದ ಪೈನ್ ಮರಗಳು, ಕ್ಯಾಸ್ಕೇಡಿಂಗ್ ಜಲಪಾತಗಳು ಮತ್ತು ಇನ್ನೂ ಹೆಚ್ಚಿನವುಗಳ ಸುಂದರವಾದ ದೃಶ್ಯಗಳನ್ನು ನೀವು ನೋಡಬಹುದು.




ನಿಮ್ಮ ಪ್ರಯಾಣವು 102 ಸುರಂಗಗಳ ಮೂಲಕ ಇರುತ್ತದೆ ಮತ್ತು ಅಸಾಧ್ಯವಾದ ಕೆಲವು ಸುಂದರವಾದ ದೃಶ್ಯಗಳನ್ನು ಸಹ ನೀವು ಅಲ್ಲಿ ನೋಡಬಹುದು. ಈ ಮಾರ್ಗವನ್ನು 2008 ರಲ್ಲಿ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವೆಂದು ಘೋಷಿಸಲಾಯಿತು. ಎತ್ತರದಲ್ಲಿ ಕಡಿದಾದ ಏರಿಕೆಗಾಗಿ ಗಿನ್ನಿಸ್ ವಿಶ್ವ ದಾಖಲೆಯನ್ನು ಸಹ ಹೊಂದಿದೆ.


4. ಕನ್ಯಾಕುಮಾರಿ


ನೀವು ಈ ಸ್ಥಳದ ಸೌಂದರ್ಯವನ್ನು ನೋಡಲು ಬಯಸಿದರೆ ಕನ್ಯಾಕುಮಾರಿಯಿಂದ ತಿರುವನಂತಪುರಕ್ಕೆ ರೈಲು ಪ್ರಯಾಣವನ್ನು ಮಾಡಿ. ಇದು 2 ಗಂಟೆಗಳ ಸಣ್ಣ ಮಾರ್ಗವಾಗಿದ್ದರೂ, ಇದು ಕನ್ಯಾಕುಮಾರಿ ಮತ್ತು ತಿರುವನಂತಪುರದ ಅತ್ಯಂತ ಸುಂದರವಾದ ಭಾಗಗಳಿಗೆ ನಿಮ್ಮನ್ನು ಕರೆದೊಯ್ಯುತ್ತದೆ.


ಇಡೀ ಮಾರ್ಗದಲ್ಲಿ ತಾಳೆ ಮರಗಳು, ತೆಂಗಿನ ಮರಗಳು, ಕಾಡಿನಂತಹ ಪ್ರದೇಶಗಳು ಮತ್ತು ಭತ್ತದ ಗದ್ದೆಗಳನ್ನು ನೋಡಬಹುದು. ಇದು ಖಂಡಿತವಾಗಿಯೂ ಭಾರತದ ದಕ್ಷಿಣ ಭಾಗದ ನಿಜವಾದ ಸೌಂದರ್ಯವನ್ನು ನೋಡಲು ನೀವು ಆನಂದಿಸಬೇಕಾದ ರೋಮಾಂಚಕ ರೈಲು ಪ್ರಯಾಣಗಳಲ್ಲಿ ಒಂದಾಗಿದೆ.


5. ದೂಯರ್ಸ್


ಇದು ಖಂಡಿತವಾಗಿಯೂ ಭಾರತದ ಅತ್ಯುತ್ತಮ ರೈಲು ಮಾರ್ಗಗಳಲ್ಲಿ ಒಂದಾಗಿದೆ. ಇದು ಮಹಾನಂದ ವನ್ಯಜೀವಿ ಅಭಯಾರಣ್ಯ, ಬಕ್ಸಾ ಹುಲಿ ಮೀಸಲು, ಚಪ್ರಮರಿ ಅರಣ್ಯ, ಜಲ್ಡಾಪಾರಾ ವನ್ಯಜೀವಿ ಅಭಯಾರಣ್ಯ ಮತ್ತು ಇತರ ಹಲವಾರು ರೋಮಾಂಚಕ ಸ್ಥಳಗಳ ಮೂಲಕ ನಿಮ್ಮನ್ನು ಕರೆದೊಯ್ಯುತ್ತದೆ. ರೈಲು ಮಾರ್ಗವನ್ನು ಇತ್ತೀಚೆಗೆ ಬ್ರಾಡ್ ಗೇಜ್ ಆಗಿ ಪರಿವರ್ತಿಸಲಾಗಿದೆ.


6. ರಾಮೇಶ್ವರಂ


ಈ ರೈಲು ಮಾರ್ಗವು ರೋಮಾಂಚನಕಾರಿಯಾಗಿದೆ ಮತ್ತು ಸಾಹಸ ಪ್ರಿಯರಿಗೆ ಇದು ಹೇಳಿ ಮಾಡಿಸಿದ ಮಾರ್ಗ ಅಂತ ಹೇಳಬಹುದು. ಸೇತುವೆಯ ಮೇಲೆ ಚಲಿಸುವ ರೈಲಿನಲ್ಲಿ ಕುಳಿತು ಸುತ್ತಲಿನ ಪ್ರಕೃತಿ ನೋಡಿ ಮೈ ಮರೆಯುತ್ತೀರಾ?


ಈ ಸೇತುವೆಯನ್ನು ಭಾರತದ ಎರಡನೇ ಅತಿ ಉದ್ದದ ಸೇತುವೆ ಎಂದು ಕರೆಯಲಾಗುತ್ತದೆ. ಆದರೆ ರೈಲು ಮಾರ್ಗವು ತಮಿಳುನಾಡಿನ ಮಂಟಪಂ ಅನ್ನು ರಾಮೇಶ್ವರಂ ದ್ವೀಪಕ್ಕೆ ಸಂಪರ್ಕಿಸುತ್ತದೆ.




7. ಜೈಸಲ್ಮೇರ್


ನೀವು ರಾಜಸ್ಥಾನಕ್ಕೆ ಹೋದರೆ ಅಲ್ಲಿ ಅವಿಸ್ಮರಣೀಯ ಅನುಭವವನ್ನು ಪಡೆಯಲು ನೀವು ಜೈಸಲ್ಮೇರ್ ನಿಂದ ಜೋಧಪುರಕ್ಕೆ ರೈಲಿನಲ್ಲಿ ಪ್ರಯಾಣಿಸಿ ನೋಡಿ. ನೀವು ‘ಡಸರ್ಟ್ ಕ್ವೀನ್’ ರೈಲಿನಲ್ಲಿ ಪ್ರಯಾಣ ಬೆಳಸಬಹುದು, ಅದು ನಿಮ್ಮನ್ನು ನಿಮ್ಮ ಜೀವನದ ಅತ್ಯಂತ ಸುಂದರವಾದ ರೈಲು ಪ್ರಯಾಣಗಳಲ್ಲಿ  ಒಂದಾಗುತ್ತದೆ.


ಇದು 6 ಗಂಟೆಗಳ ಸುದೀರ್ಘ ಪ್ರಯಾಣವಾಗಿದ್ದು, ಇದು ನಿಮ್ಮನ್ನು ವೈವಿಧ್ಯಮಯ ಭೂದೃಶ್ಯಗಳು, ಮರಳಿನ ದಿಬ್ಬಗಳ ಮೂಲಕ ಕರೆದೊಯ್ಯುತ್ತದೆ. ನೀವು ಮಾರ್ಗ ಮಧ್ಯೆದಲ್ಲಿ ಅವೆಲ್ಲವನ್ನೂ ನೋಡಬಹುದು. ಸಂಕ್ಷಿಪ್ತವಾಗಿ ಹೇಳುವುದಾದರೆ, ಈ ಪ್ರಯಾಣವು ದೀರ್ಘ ಮರುಭೂಮಿಯ ಸಫಾರಿಯಂತೆ ಇರುತ್ತದೆ.

Published by:ಪಾವನ ಎಚ್ ಎಸ್
First published: