Hair Care Tips: ರಾತ್ರಿ ಕೂದಲಿಗೆ ಎಣ್ಣೆ ಹಚ್ಚಬಹುದೇ? ಪರಿಣಾಮಗಳೇನೇನು?

ಎಣ್ಣೆ ಹಚ್ಚುವುದರಿಂದ ಕೂದಲಿಗೆ ಸರಿಯಾದ ಪೋಷಣೆ ಸಿಗುತ್ತದೆ. ಜೊತೆಗೆ ಇದು ನಮ್ಮ ಕೂದಲ ರಕ್ಷಣೆಯ ದಿನಚರಿಯ ಪ್ರಮುಖ ಭಾಗ. ಅನೇಕ ಜನರು ಎಣ್ಣೆ ಹಚ್ಚಿದ ನಂತರ ರಾತ್ರಿಯಿಡೀ ಬಿಟ್ಟು ಮರುದಿನ ಬೆಳಿಗ್ಗೆ ಕೂದಲನ್ನು ತೊಳೆಯುತ್ತಾರೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಸರಿಯಾದ ಮತ್ತು ಸೂಕ್ತ ಕಾಳಜಿಯಿಂದ (Care) ಕೂದಲಿನ (Hair) ಸೌಂದರ್ಯ (Beauty) ದುಪ್ಪಟ್ಟಾಗುತ್ತದೆ. ಅದಕ್ಕಾಗಿಯೇ ಕೂದಲನ್ನು ಹೇಗೆ (How) ಮತ್ತು ಯಾವಾಗ (When) ಸರಿಯಾದ ಕಾಳಜಿ ತೆಗೆದುಕೊಳ್ಳಬೇಕು ಎಂಬುದನ್ನು ಸರಿಯಾಗಿ ತಿಳಿಯಬೇಕು. ನಿಮ್ಮ ಕೂದಲಿನ ಪ್ರಕಾರ ಯಾವುದು ಎಂದು ನೋಡಿಕೊಂಡು ಅದಕ್ಕೆ ಅಗತ್ಯ ಕಾಳಜಿ ವಹಿಸಬೇಕು. ಅದೇ ವೇಳೆ ನಾವು ಕೂದಲಿನ ಆರೈಕೆಯ ಬಗ್ಗೆ ಹೇಳುವುದಾದರೆ, ಅದರಲ್ಲಿ ಅನೇಕ ಮುಖ್ಯ ಕಾರ್ಯಗಳನ್ನು ಮಾಡಬೇಕಾಗುತ್ತದೆ. ಕೂದಲು ಇತ್ತೀಚಿನ ದಿನಗಳಲ್ಲಿ ಉದುರುವುದು, ಡ್ರೈ ಆಗುವುದು, ಬಿಳಿ ಆಗುವ ಸಮಸ್ಯೆ ಹೆಚ್ಚಿದೆ. ಹಾಗಾಗಿ ಕೂದಲಿನ ಆರೈಕೆಗೆ ಮೊದಲು ಎಣ್ಣೆ ಹಾಕುವುದು ಮುಖ್ಯ.

    ಎಣ್ಣೆಯಿಂದ ಕೂದಲ ಪೋಷಣೆ

    ಎಣ್ಣೆ ಹಚ್ಚುವುದರಿಂದ ಕೂದಲಿಗೆ ಸರಿಯಾದ ಪೋಷಣೆ ಸಿಗುತ್ತದೆ. ಜೊತೆಗೆ ಇದು ನಮ್ಮ ಕೂದಲ ರಕ್ಷಣೆಯ ದಿನಚರಿಯ ಪ್ರಮುಖ ಭಾಗ ಎಂದು ಪರಿಗಣಿಸಲಾಗಿದೆ. ನಮ್ಮ ಅಜ್ಜಿ ಉದ್ದ ಮತ್ತು ಆರೋಗ್ಯಕರ ಕೂದಲು ಹೊಂದಿದ್ದರು ಎಂದು ಹೇಳುವುದನ್ನು ಕೇಳಿರುತ್ತೀರಿ. ಇದಕ್ಕೆ ಕಾರಣ ಅವರು ಕೂದಲಿಗೆ ಎಣ್ಣೆ ಮಸಾಜ್ ತಪ್ಪದೇ ಮಾಡುತ್ತಿದ್ದರು.

    ಹೀಗಾಗಿ ಅನೇಕ ಜನರು ಎಣ್ಣೆ ಹಚ್ಚಿದ ನಂತರ ರಾತ್ರಿಯಿಡೀ ಬಿಟ್ಟು ಮರುದಿನ ಬೆಳಿಗ್ಗೆ ಕೂದಲನ್ನು ತೊಳೆಯುತ್ತಾರೆ. ರಾತ್ರೋ ರಾತ್ರಿ ಕೂದಲಿಗೆ ಎಣ್ಣೆ ಹಚ್ಚುವುದು ತುಂಬಾ ಜನರು ಅನುಸರಿಸುತ್ತಿರುವ ರೂಢಿ ಕ್ರಮ. ಆದರೆ ಇದು ಸರಿಯೋ, ತಪ್ಪೋ ಎಂದು ಯೋಚಿಸುವುದು ಮುಖ್ಯ. ಇದರ ಬಗ್ಗೆ ಜನರು ವಿಭಿನ್ನ ಅಭಿಪ್ರಾಯ ಹೊಂದಿದ್ದಾರೆ.

    ಇದನ್ನೂ ಓದಿ: ಬಾದಾಮಿ ತಿಂದು ಸಿಪ್ಪೆ ಎಸೆಯೋ ಮುನ್ನ ಅದರ ಪ್ರಯೋಜನ ತಿಳಿಯಿರಿ!

    ಕೂದಲಿಗೆ ರಾತ್ರೋರಾತ್ರಿ ಎಣ್ಣೆ ಹಚ್ಚುವುದು ಎಷ್ಟು ಸರಿ?

    ತಜ್ಞರ ಪ್ರಕಾರ ಕೂದಲಿಗೆ ರಾತ್ರೋರಾತ್ರಿ ಎಣ್ಣೆ ಹಚ್ಚುವುದು ಸರಿಯಲ್ಲ. ವಾಸ್ತವವಾಗಿ, ಆಯುರ್ವೇದ ತಜ್ಞೆ ಡಾ. ರೇಖಾ ರಾಧಾಮಣಿ Instagram ನಲ್ಲಿ ಅದರ ಬಗ್ಗೆ ಪೋಸ್ಟ್ ಶೇರ್ ಮಾಡಿದ್ದಾರೆ. ಈ ಪೋಸ್ಟ್ ಮೂಲಕ ಅವರು ಅದಕ್ಕೆ ಸಂಬಂಧಿಸಿದ ಮಾಹಿತಿ ತಿಳಿಸಿದ್ದಾರೆ. ಎಣ್ಣೆ ಹಚ್ಚಿದ ನಂತರ ರಾತ್ರಿಯಿಡೀ ಕೂದಲನ್ನು ಏಕೆ ಬಿಡಬಾರದು ಎಂದು ಅವರು ಹೇಳಿದ್ದಾರೆ.

    ಕಫ ದೋಷದ ಸಮಸ್ಯೆ ಹೆಚ್ಚುವ ಸಂಭವ

    ಆಯುರ್ವೇದದಲ್ಲಿ ಮೂರು ವಿಧದ ದೋಷಗಳಿವೆ, ಅವುಗಳಲ್ಲಿ ವಾತ, ಪಿತ್ತ ಮತ್ತು ಕಫ ಸೇರಿವೆ. ನೀವು ರಾತ್ರಿಯಿಡೀ ಕೂದಲಿಗೆ ಎಣ್ಣೆ ಹಾಕಿ ಹಾಗೇ ಬಿಡುವುದು ಕಫ ದೋಷವನ್ನು ಹೆಚ್ಚಿಸಬಹುದು. ಹೆಚ್ಚಿದ ಕಫ ದೋಷ ಎಂದರೆ ನೆತ್ತಿಯ ತುರಿಕೆ, ಎಣ್ಣೆಯುಕ್ತ ತಲೆಹೊಟ್ಟು ಮತ್ತು ಎಣ್ಣೆಯುಕ್ತ ಕೂದಲು ಇತ್ಯಾದಿ ಆಗುತ್ತದೆ. ಈ ಎಲ್ಲಾ ಸಮಸ್ಯೆಗಳು ನಿಮ್ಮ ಕೂದಲನ್ನು ಮೂಲದಿಂದ ದುರ್ಬಲಗೊಳಿಸುತ್ತವೆ.

    ಎಣ್ಣೆ ಹಚ್ಚಿದ ತಕ್ಷಣ ಕೂದಲು ತೊಳೆಯಬೇಕಾ?

    ರಾತ್ರಿಯಿಡೀ ಕೂದಲಿಗೆ ಎಣ್ಣೆ ಬಿಟ್ಟರೆ ಕೂದಲು ಬೆಳೆಯುತ್ತದೆ ಎಂದು ಹಲವರು ಭಾವಿಸುತ್ತಾರೆ. ಕೂದಲು ಉದುರುವ ಸಮಸ್ಯೆ ತಡೆಯಬಹುದು ಎಂದುಕೊಳ್ತಾರೆ. ಇದೆಲ್ಲವೂ ಒಂದು ಪುರಾಣ ಎಂದು ನೀವು ಅರ್ಥ ಮಾಡಿಕೊಳ್ಳಬೇಕು. ಆಯುರ್ವೇದದಲ್ಲಿ ಕೂದಲಿಗೆ ಎಣ್ಣೆ ಹಚ್ಚಿದ ತಕ್ಷಣ ಕೂದಲು ತೊಳೆಯಲು ಸಲಹೆ ನೀಡಲಾಗಿದೆ.

    ಕೂದಲಿನಲ್ಲಿ ಎಣ್ಣೆಯನ್ನು ಎಷ್ಟು ನಿಮಿಷ ಇಡಬೇಕು?

    ನಿಮ್ಮ ದೋಷ ಸಮತೋಲನ ಅವಲಂಬಿಸಿ, ಎಣ್ಣೆಯನ್ನು 30-45 ನಿಮಿಷಗಳಿಗಿಂತ ಹೆಚ್ಚು ಕಾಲ ಕೂದಲಿಗೆ ಬಿಡಬಾರದು ಎಂದು ತಜ್ಞರು ಹೇಳುತ್ತಾರೆ. ಎಣ್ಣೆ ಅನ್ವಯಿಸಿದ ತಕ್ಷಣ, ಕೆಲವು ನಿಮಿಷಗಳ ನಂತರ ನೀವು ಸ್ನಾನ ಮಾಡಬೇಕು.

    ಇದನ್ನೂ ಓದಿ: ನೀವು ಬಳಸುವ ಟೂತ್ ಪೇಸ್ಟ್ ನಿಮ್ಮ ಹಲ್ಲುಗಳಿಗೆ ಎಷ್ಟು ಉತ್ತಮ ಗೊತ್ತಾ? ಇಲ್ಲಿದೆ ಸಂಪೂರ್ಣ ಮಾಹಿತಿ

    ಕೇರಳದ ಆಯುರ್ವೇದ ವ್ಯವಸ್ಥೆಯಿಂದ ಈ ಸಲಹೆ ಸ್ವೀಕರಿಸಲಾಗಿದೆ. ಭಾರತದ ಶ್ರೀಮಂತ ಸಂಸ್ಕೃತಿ ಆಯುರ್ವೇದವು ಪ್ರಾಚೀನ ಕಾಲದಿಂದಲೂ ನಮ್ಮ ಸಂಸ್ಕೃತಿಯೊಂದಿಗೆ ನಿಕಟ ಸಂಬಂಧ ಹೊಂದಿದೆ.
    Published by:renukadariyannavar
    First published: