Night Shift And Health: ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡೋರಿಗೆ ಬರೋ ಖಾಯಿಲೆಗಳಿವು; ಮಿಸ್ ಮಾಡ್ದೇ ಓದಿ

ರಾತ್ರಿ ಪಾಳಿ ಕೆಲಸ ಮಾಡುವುದು ಮಹಿಳೆಯರು ಮತ್ತು ಪುರುಷರ ಆರೋಗ್ಯ ಮತ್ತು ಜೀವನದ ಮೇಲೆ ಋಣಾತ್ಮಕ ಪರಿಣಾಮ ಬೀರುತ್ತದೆ. ನೈಟ್ ಶಿಫ್ಟ್ ಮಾಡುವವರು ನಿದ್ರೆ ಮಾಡಲು ಸಾಧ್ಯ ಆಗಲ್ಲ. ಇದು ಅವರ ದೇಹದ ಮೇಲೆ ಅನೇಕ ಗಂಭೀರ ಕಾಯಿಲೆಗಳ ಅಪಾಯ ಹೆಚ್ಚಿಸುತ್ತದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಜನರು (People) ಉತ್ತಮ ಜೀವನಕ್ಕಾಗಿ (Good Life) ಹಗಲು ರಾತ್ರಿಯೆನ್ನದೇ (Day And Night) ದುಡಿಯುತ್ತಾರೆ. ಕೆಲವು ಕಂಪನಿಗಳಲ್ಲಿ ನೈಟ್ ಶಿಫ್ಟ್ (Night Shift) ನಲ್ಲಿ ಕೆಲಸ ಮಾಡುತ್ತಾರೆ. ಉದ್ಯೋಗ ಅಥವಾ ಸ್ವಂತ ವ್ಯಾಪಾರ ಮಾಡುತ್ತಾರೆ. ತಮ್ಮ ಹಾಗೂ ಕುಟುಂಬದ ಹಾಗೂ ಮನೆಯ ಎಲ್ಲಾ ರೀತಿಯ ಅಗತ್ಯತೆಗಳು ಮತ್ತು ಅವಶ್ಯಕತೆಗಳನ್ನು ಪೂರೈಸುತ್ತದೆ. ಅದೇ ವೇಳೆ ರಾತ್ರಿ ಪಾಳಿ ಕೆಲಸ ಮಾಡುವುದು ಮಹಿಳೆಯರು ಮತ್ತು ಪುರುಷರ ಆರೋಗ್ಯ ಮತ್ತು ಜೀವನದ ಮೇಲೆ ಋಣಾತ್ಮಕ ಪರಿಣಾಮ ಬೀರುತ್ತದೆ. ನೈಟ್ ಶಿಫ್ಟ್ ಕೂಡ 24 ಗಂಟೆಗಳ ಕಾಲ ಕೆಲಸ ಮಾಡುವ ಅಗತ್ಯವಿರುವ ಅನೇಕ ವೃತ್ತಿಗಳಿವೆ. ಅವುಗಳಲ್ಲಿ ಅತ್ಯಂತ ಸಾಮಾನ್ಯ ವೃತ್ತಿಗಳೆಂದರೆ ವೈದ್ಯಕೀಯ, ಪೊಲೀಸ್, ರಕ್ಷಣಾ ಪಡೆ, ಮಾಧ್ಯಮ ಇತ್ಯಾದಿ.

    ರಾತ್ರಿ ಪಾಳಿ ಕೆಲಸ ಮತ್ತು ಆರೋಗ್ಯ ಸಮಸ್ಯೆ

    ಆದರೆ ರಾತ್ರಿ ಪಾಳಿ ಕೆಲಸ ಮಾಡುವವರು, ನಿದ್ರೆ ಮಾಡಲು ಸಾಧ್ಯ ಆಗಲ್ಲ. ಇದು ಅವರ ದೇಹದ ಮೇಲೆ ಅನೇಕ ಗಂಭೀರ ಕಾಯಿಲೆಗಳ ಅಪಾಯ ಹೆಚ್ಚಿಸುತ್ತದೆ. ನ್ಯಾಷನಲ್ ಸ್ಲೀಪ್ ಫೌಂಡೇಶನ್ ಪ್ರಕಾರ, ರಾತ್ರಿ ಪಾಳಿ ಮತ್ತು ದೀರ್ಘಾವಧಿಯ ಕೆಲಸ ಮತ್ತು ಅನೇಕ ಆರೋಗ್ಯ ಸಮಸ್ಯೆಗಳ ನಡುವೆ ಸಂಬಂಧವಿದೆ.

    ಇವುಗಳಲ್ಲಿ ಚಯಾಪಚಯ ಸಮಸ್ಯೆ, ಹೃದ್ರೋಗ, ಜಠರಗರುಳಿನ ತೊಂದರೆ, ಸ್ಥೂಲಕಾಯ ಮತ್ತು ಕೆಲವು ಕ್ಯಾನ್ಸರ್‌ ಅಪಾಯ ಹೆಚ್ಚು. ಆಯುರ್ವೇದ ತಜ್ಞ ಡಾ.ಶರದ್ ಕುಲಕರ್ಣಿ ಅವರ ಪ್ರಕಾರ, ರಾತ್ರಿ ನಿದ್ದೆ ಮಾಡದಿದ್ದರೆ ಹಲವು ಗಂಭೀರ ಹಾಗೂ ಮಾರಣಾಂತಿಕ ಕಾಯಿಲೆ ಕಾಡುತ್ತವೆ.

    ಇದನ್ನೂ ಓದಿ: ನಿಂಬೆ ಅಷ್ಟೇ ಅಲ್ಲ ಅದರ ಎಲೆಗಳೂ ಸಹ ಹಲವು ಆರೋಗ್ಯ ಪ್ರಯೋಜನ ನೀಡುತ್ತವೆ! ಹೇಗೆ ಎಂದು ನೋಡಿ

    ನಿದ್ರೆಯ ಅಭಾವ ಸಂಪೂರ್ಣವಾಗಿ ತಡೆಯಲು ಸಾಧ್ಯವಾಗದೇ ಹೋದ್ರೆ ಕೆಲವು ಕ್ರಮಗಳ ಮೂಲಕ, ನೀವು ಅಡ್ಡ ಪರಿಣಾಮ ಕಡಿಮೆ ಮಾಡಬಹುದು. ರಾತ್ರಿ ಪಾಳಿ ಕೆಲಸ ಮಾಡುವಾಗ ಆರೋಗ್ಯವಾಗಿರಲು ಇರುವ ಮಾರ್ಗಗಳನ್ನು ನೋಡೋಣ.

    ದೇಹದ ಸಿರ್ಕಾಡಿಯನ್ ಲಯ ತೊಂದರೆಗೊಳಗಾಗುತ್ತದೆ

    ರಾತ್ರಿ ಪಾಳಿ ಕೆಲಸ ಮಾಡುವುದು ದೇಹದ ಸಿರ್ಕಾಡಿಯನ್ ರಿದಮ್ ಅಥವಾ ನಿದ್ರೆ ಎಚ್ಚರ ಚಕ್ರವನ್ನು ನಿಯಂತ್ರಿಸುವ 24 ಗಂಟೆಗಳ ಆಂತರಿಕ ಗಡಿಯಾರಕ್ಕೆ ತೊಂದರೆ ಉಂಟು ಮಾಡುತ್ತದೆ. ಇದು ಮಧುಮೇಹ, ಹೃದ್ರೋಗ ಮತ್ತು ಬೊಜ್ಜು ಬೆಳವಣಿಗೆ ಅಪಾಯ ಹೆಚ್ಚಿಸುತ್ತದೆ. NIH ನಲ್ಲಿ ಪ್ರಕಟವಾದ ಅಧ್ಯಯನವು ರಾತ್ರಿ ತಿನ್ನುವುದರಿಂದ ಸಕ್ಕರೆ ಅಥವಾ ಗ್ಲೂಕೋಸ್ ಅನ್ನು ಸಂಸ್ಕರಿಸುವ ದೇಹದ ಸಾಮರ್ಥ್ಯ ಕಡಿಮೆ ಆಗುತ್ತದೆ.

    ಮಾನಸಿಕ ಆರೋಗ್ಯ

    ರಾತ್ರಿ ಪಾಳಿಯ ಕೆಲಸಗಾರರು ಖಿನ್ನತೆ ಮತ್ತು ಇತರೆ ಮೂಡ್ ಡಿಸಾರ್ಡರ್‌ಗಳ ಲಕ್ಷಣಗಳಿಂದ ಬಳಲುತ್ತಾರೆ. ಮೆದುಳಿನ ರಸಾಯನಶಾಸ್ತ್ರದ ಮೇಲೆ ಪರಿಣಾಮ ಬೀರುತ್ತದೆ. ರಾತ್ರಿ ಕೆಲಸ ಮಾಡುವವರಲ್ಲಿ ಸಿರೊಟೋನಿನ್ ಮಟ್ಟವು ಗಮನಾರ್ಹವಾಗಿ ಕಡಿಮೆ ಆಗಿದೆ. ಇದು ಮನಸ್ಥಿತಿಯಲ್ಲಿ ಪ್ರಮುಖ ಪಾತ್ರ ವಹಿಸುವ ಮೆದುಳಿನ ರಾಸಾಯನಿಕ ಆಗಿದೆ.

    ಹೃದಯ ಕಾಯಿಲೆ ಅಪಾಯ

    Webmd ಪ್ರಕಾರ, ರಾತ್ರಿ ಪಾಳಿ ಕೆಲಸ ಮಾಡುವವರು ಹೃದ್ರೋಗ ಅಪಾಯ 40 ಪ್ರತಿಶತ ಹೆಚ್ಚಾಗುತ್ತದೆ. ರಾತ್ರಿ ಪಾಳಿ ಕೆಲಸ ಮಾಡುವ ಜನರು ಪ್ರತಿ ಐದು ವರ್ಷಗಳಿಗೊಮ್ಮೆ ಸ್ಟ್ರೋಕ್ ಅಪಾಯ 5 ಪ್ರತಿಶತ ಹೆಚ್ಚುತ್ತದೆ. 15 ವರ್ಷಗಳ ಕಾಲ ನಿರಂತರವಾಗಿ ರಾತ್ರಿ ಪಾಳಿ ಕೆಲಸ ಮಾಡುವವರಲ್ಲಿ ಮಾತ್ರ ಪಾರ್ಶ್ವವಾಯು ಅಪಾಯವು ಕಂಡು ಬಂದಿದೆ.

    ಮೆಟಾಬಾಲಿಕ್ ಸಿಂಡ್ರೋಮ್ ಅಪಾಯ

    ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುವವರು ಮೆಟಬಾಲಿಕ್ ಸಿಂಡ್ರೋಮ್‌ ಅಪಾಯ ಹೊಂದಿದ್ದಾರೆ. ಮೆಟಾಬಾಲಿಕ್ ಸಿಂಡ್ರೋಮ್ ಅಧಿಕ ರಕ್ತದೊತ್ತಡ, ಅಧಿಕ ರಕ್ತದ ಸಕ್ಕರೆ, ಬೊಜ್ಜು ಮತ್ತು ಅನಾರೋಗ್ಯಕರ ಕೊಲೆಸ್ಟ್ರಾಲ್ ಮಟ್ಟ ಆರೋಗ್ಯ ಸಮಸ್ಯೆ ಹೆಚ್ಚಿಸುತ್ತದೆ.

    ಬಂಜೆತನ ಸಮಸ್ಯೆ

    ರಾತ್ರಿ ಪಾಳಿ ಕೆಲಸ ಮಹಿಳೆಯ ಸಂತಾನೋತ್ಪತ್ತಿ ವ್ಯವಸ್ಥೆ, ಗರ್ಭಾವಸ್ಥೆಯಲ್ಲಿ ಕೆಲಸ ಮಾಡುವ ಫ್ಲೈಟ್ ಅಟೆಂಡೆಂಟ್‌ಗಳು ಗರ್ಭಪಾತದ ಸಾಧ್ಯತೆ ಎರಡು ಪಟ್ಟು ಹೆಚ್ಚು. ಹೆರಿಗೆ ಸಮಯದಲ್ಲಿ ಉಂಟಾಗುವ ತೊಂದರೆ, ಫಲವತ್ತತೆ ಸಮಸ್ಯೆ, ಎಂಡೊಮೆಟ್ರಿಯೊಸಿಸ್, ಅನಿಯಮಿತ ಅವಧಿ ಮತ್ತು ನೋವಿನ ಅವಧಿ ಉಂಟು ಮಾಡುತ್ತದೆ.

    ತೀವ್ರ ಜಠರಗರುಳಿನ ತೊಂದರೆ

    ರಾತ್ರಿ ಪಾಳಿ ಕೆಲಸವು ಪೆಪ್ಟಿಕ್ ಹುಣ್ಣುಗಳ ಅಪಾಯ, ಕ್ರಿಯಾತ್ಮಕ ಕರುಳಿನ ಕಾಯಿಲೆ ಅಪಾಯ ಹೆಚ್ಚಿಸುತ್ತದೆ.

    ಇದನ್ನೂ ಓದಿ: ಗರ್ಭಧಾರಣೆಯ ನಂತರ ಹೊಟ್ಟೆ ಕೊಬ್ಬನ್ನು ಕಡಿಮೆ ಮಾಡುವುದು ಹೇಗೆ?

    ರಾತ್ರಿ ಪಾಳಿಯ ಅಡ್ಡ ಪರಿಣಾಮ ತಪ್ಪಿಸುವುದ್ಹೇಗೆ?

    ಜೀವನಶೈಲಿ ಮತ್ತು ಆಹಾರ ಪದ್ಧತಿ ಸುಧಾರಿಸಿ. ರಾತ್ರಿ 8 ಗಂಟೆ ಮೊದಲು ಲಘು ಆಹಾರ ಸೇವಿಸಿ. ರಾತ್ರಿ ಹೆಚ್ಚು ದ್ರವ ಆಹಾರ ಸೇವಿಸಿ. ರಾತ್ರಿ ಪಾಳಿ ಮುಗಿಸಿ ಮನೆಗೆ ಹೋದ ನಂತರ ನೇರವಾಗಿ ಮಲಗುವ ಬದಲು ಮೊದಲು ಲಘು ಉಪಹಾರ ಸೇವಿಸಿ. ನಂತರ ಮಲಗಿ.
    Published by:renukadariyannavar
    First published: