• Home
  • »
  • News
  • »
  • lifestyle
  • »
  • Sleep tips: ನಿದ್ದೆ ಬಂದಿಲ್ಲ ನಂಗೆ ನಿದ್ದೆ ಬಂದಿಲ್ಲ...ಸುಖ ನಿದ್ರೆಗೆ 6 ಸೂತ್ರಗಳನ್ನು ಪಾಲಿಸಿ

Sleep tips: ನಿದ್ದೆ ಬಂದಿಲ್ಲ ನಂಗೆ ನಿದ್ದೆ ಬಂದಿಲ್ಲ...ಸುಖ ನಿದ್ರೆಗೆ 6 ಸೂತ್ರಗಳನ್ನು ಪಾಲಿಸಿ

Photo: Google

Photo: Google

Rainy day snacking: ನಿಮ್ಮ ನಿದ್ರೆಗೆ ಭಂಗ ತರುತ್ತಿರುವ ಅಂಶಗಳನ್ನು ನೀವು ನಿಯಂತ್ರಿಸಲು ಸಾಧ್ಯವಿಲ್ಲದಿರಬಹುದು. ಆದರೆ, ಕೆಲವು ಅಭ್ಯಾಸಗಳ ಮೂಲಕ ನೆಮ್ಮದಿಯ ನಿದ್ರೆ ಮಾಡಲು ಸಾಧ್ಯವಿದೆ. ಈ ಕೆಳಗಿನ ಸಲಹೆಗಳನ್ನು ಅನುಸರಿಸಿ.

  • Share this:

ಅನಾರೋಗ್ಯ, ಕೆಲಸದ ಒತ್ತಡ, ಕುಟುಂಬದ ಜವಾಬ್ಧಾರಿಗಳು ಮತ್ತು ಅನಿರೀಕ್ಷಿತ ಸವಾಲುಗಳು ಸೇರಿದಂತೆ, ನಿಮ್ಮ ನಿದ್ರೆಗೆ ಕಿರಿಕಿರಿ ಉಂಟು ಮಾಡುವ ಸಂಗತಿಗಳ ಬಗ್ಗೆ ಯೋಚಿಸಿ. ನಿದ್ರಾಹೀನತೆ ಉಂಟಾಗಿರುವುದರಲ್ಲಿ ಏನು ಅಚ್ಚರಿಯಿಲ್ಲ ಎನಿಸುತ್ತದೆ. ನಿಮ್ಮ ನಿದ್ರೆಗೆ ಭಂಗ ತರುತ್ತಿರುವ ಅಂಶಗಳನ್ನು ನೀವು ನಿಯಂತ್ರಿಸಲು ಸಾಧ್ಯವಿಲ್ಲದಿರಬಹುದು. ಆದರೆ, ಕೆಲವು ಅಭ್ಯಾಸಗಳ ಮೂಲಕ ನೆಮ್ಮದಿಯ ನಿದ್ರೆ ಮಾಡಲು ಸಾಧ್ಯವಿದೆ. ಈ ಕೆಳಗಿನ ಸಲಹೆಗಳನ್ನು ಅನುಸರಿಸಿ.


1. ನಿದ್ರೆಗೆ ನಿರ್ದಿಷ್ಟ ಅವಧಿ ಮೀಸಲಿಡಿ


ಎಂಟು ಗಂಟೆಗಳ ನಿದ್ರೆಗೆ ಮಹತ್ವ ನೀಡಿ. ವಯಸ್ಕರು ಕನಿಷ್ಟ 7 ಗಂಟೆಗಳ ಕಾಲ ನಿದ್ರಿಸಲೇಬೇಕು. ಪ್ರತಿದಿನ ನಿಗದಿತ ಸಮಯಕ್ಕೆ ಮಲಗುವುದು ಮತ್ತು ಏಳುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ವಾರ ಮತ್ತು ವಾರಾಂತ್ಯದಲ್ಲಿ ಆ ನಿಗದಿತ ಸಮಯದಲ್ಲಿ ಒಂದು ಗಂಟೆಗಿಂತ ಹೆಚ್ಚಿನ ವ್ಯತ್ಯಾಸ ಇರಬಾರದು. ನಿರಂತರವಾಗಿ ಹೀಗೆ ಮಾಡುವುದರಿಂದ, ದೇಹ ನಿರ್ದಿಷ್ಟ ಮಲಗುವ-ಏಳುವ ಸಮಯಕ್ಕೆ ಒಗ್ಗಿಕೊಳ್ಳುತ್ತದೆ. 20 ನಿಮಿಷಗಳ ಒಳಗೆ ನಿಮಗೆ ನಿದ್ರೆ ಬರದಿದ್ದರೆ, ಮಲಗುವ ಕೋಣೆಯಿಂದ ಹೊರಬಂದು ಯಾವುದಾದರೂ ಉಲ್ಲಾಸದಾಯಕ ಚಟುವಟಿಕೆಯಲ್ಲಿ ತೊಡಗಿಕೊಳ್ಳಿ. ಉದಾಹರಣೆಗೆ ಓದುವುದು ಅಥವಾ ಸಂಗೀತ ಕೇಳುವುದು. ದಣಿವಾದಾಗ ಹೋಗಿ ಮಲಗಿ. ಅಗತ್ಯ ಬಿದ್ದರೆ ಈ ಕ್ರಿಯೆಯನ್ನು ಪುನರಾವರ್ತನೆ ಮಾಡಬಹುದು.


2. ನೀವೇನು ತಿನ್ನುತ್ತೀರಿ ಮತ್ತು ಕುಡಿಯುತ್ತೀರಿ ಎಂಬುದರ ಬಗ್ಗೆ ಗಮನವಿಡಿ


ಹಸಿದುಕೊಂಡು ಅಥವಾ ಹೊಟ್ಟೆ ಬಿರಿಯ ತಿಂದು ಮಲಗಲು ಹೋಗಬೇಡಿ. ಮಲಗುವ ಕೆಲವು ಗಂಟೆಗಳ ಮೊದಲೇ , ಭರ್ಜರಿಯಾಗಿ ತಿನ್ನವುದನ್ನು ನಿಲ್ಲಿಸಿ. ನಿಕೋಟಿನ್, ಕೆಫೀನ್ ಮತ್ತು ಅಲ್ಕೋಹಾಲ್ ಸೇವನೆ ಕೂಡ ನಿದ್ದೆಗೆ ಭಂಗ ತರುತ್ತವೆ. ಮದ್ಯ ನಿಮಗೆ ನಿದ್ರೆ ತರಿಸಿದರೂ, ಮಧ್ಯರಾತ್ರಿಯಲ್ಲಿ ಎಚ್ಚರಗೊಳ್ಳಬಹುದು.


3. ವಿಶ್ರಾಂತಿಯ ವಾತಾವರಣವನ್ನು ಸೃಷ್ಟಿಸಿ


ಮಲಗುವ ಕೋಣೆ ವಿಶ್ರಾಂತಿಗೆ ಪೂರಕವಾಗಿ ಇರಲಿ. ಕೋಣೆಯಲ್ಲಿ ಆದಷ್ಟು ಕತ್ತಲು ಇದ್ದರೆ ಒಳ್ಳೆಯದು. ಫ್ಯಾನ್ , ಇಯರ್ ಪ್ಲಗ್ ಮತ್ತು ಮಲಗುವ ವಾತಾವರಣವನ್ನು ಸೃಷ್ಟಿಸುವ ಸಾಧನಗಳು ಅಲ್ಲಿರಲಿ. ಮಲಗುವ ಮುನ್ನ ಸ್ನಾನ ಮಾಡುವುದು ಕೂಡ ಒಳ್ಳೆಯದು.


4. ಹಗಲಿನಲ್ಲಿ ಮಲಗಬೇಡಿ


ಹಗಲಿನ ವೇಳೆಯಲ್ಲಿ ಮಲಗುವುದರಿಂದ, ರಾತ್ರಿಯ ನಿದ್ರೆಗೆ ತೊಂದರೆ ಆಗಬಹುದು. ಮಲಗಲೇಬೇಕು ಎಂದಿದ್ದರೆ ಹಗಲಿನಲ್ಲಿ 30 ನಿಮಿಷದವರೆಗೆ ಮಲಗಬಹುದು.


5. ನಿತ್ಯ ದೈಹಿಕ ಚಟುವಟಿಕೆ ಅಗತ್ಯ


ನಿತ್ಯದ ದೈಹಿಕ ಚಟುವಟಿಕೆ ಒಳ್ಳೆಯ ನಿದ್ರೆಯನ್ನು ಕೊಡಬಹುದು. ಹಾಗಂತ ಮಲಗಲು ಸ್ವಲ್ಪ ಸಮಯ ಇರುವಾಗ ವ್ಯಾಯಾಮ ಮಾಡಲು ಹೋಗಬೇಡಿ. ಪ್ರತಿದಿನ ಹೊರಗೆ ಸಮಯ ಕಳೆಯುವುದು ಕೂಡ ನಿದ್ರೆಗೆ ಪೂರಕವಾಗಬಹುದು.


6. ಚಿಂತೆಗಳನ್ನು ನಿಯಂತ್ರಣದಲ್ಲಿಡಿ


ಮಲಗುವ ಮುನ್ನ ನಿದ್ರೆಗೆ ಭಂಗ ತರಬಲ್ಲ ಚಿಂತೆಗಳನ್ನು ನಿಯಂತ್ರಣದಲ್ಲಿಡಲು ಪ್ರಯತ್ನಿಸಿ. ತಲೆಯಲ್ಲಿರುವ ಚಿಂತೆಗಳನ್ನು ಬದಿಗಿಟ್ಟು, ಮಲಗಲು ಪ್ರಯತ್ನಿಸಿ. ಒತ್ತಡ ನಿರ್ವಣೆ ನಿದ್ರೆಗೆ ಸಹಾಯಕ. ಧ್ಯಾನ ಮಾಡುವುದರಿಂದಲೂ ಆತಂಕ ನಿವಾರಣೆ ಆಗುತ್ತದೆ.


ವೈದ್ಯರನ್ನು ಯಾವಾಗ ಭೇಟಿಯಾಗಬೇಕು ಎಂಬುದನ್ನು ಆರಿಯಿರಿ


ಸಾಮಾನ್ಯವಾಗಿ ಹೆಚ್ಚಿನವರಿಗೆ ಆಗಾಗ ನಿದ್ರಾಹೀನತೆ ಉಂಟಾಗುವುದು ಸಹಜ. ಆದರೆ ನಿಮಗೆ ನಿರಂತರವಾಗಿ ನಿದ್ರಾಹೀನತೆ ಉಂಟಾದರೆ ವೈದ್ಯರನ್ನು ಕಾಣಬೇಕು. ನಿದ್ರಾಹೀನತೆಯ ಕಾರಣಗಳಿಗೆ ಚಿಕಿತ್ಸೆ ಸಿಕ್ಕಿದರೆ, ನೆಮ್ಮದಿಯ ನಿದ್ರೆಯುಳ್ಳ ರಾತ್ರಿಗಳು ನಿಮ್ಮದಾಗುವವು.


First published: