• Home
  • »
  • News
  • »
  • lifestyle
  • »
  • Munjarabad Fort Trip: ಸಿನಿಮಾಗಳಲ್ಲಿ ನೋಡಿದ ನಕ್ಷತ್ರಾಕಾರದ ಕೋಟೆ ನಮ್ಮ ಕರ್ನಾಟಕದಲ್ಲೇ ಇದೆ, ಒಮ್ಮೆ ಹೋಗ್ಬನ್ನಿ!

Munjarabad Fort Trip: ಸಿನಿಮಾಗಳಲ್ಲಿ ನೋಡಿದ ನಕ್ಷತ್ರಾಕಾರದ ಕೋಟೆ ನಮ್ಮ ಕರ್ನಾಟಕದಲ್ಲೇ ಇದೆ, ಒಮ್ಮೆ ಹೋಗ್ಬನ್ನಿ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Manjarabad Fort: ಎಲ್ಲರ ಬಾಯಲ್ಲಿ ಮೊದಲ ಬರುವುದು ಮಂಜರಾಬಾದ್ ಕೋಟೆ. ಈ ಕೋಟೆಯ ಆಕಾರವೇ ಒಂದು ವಿಶೇಷ. ಅದರಲ್ಲೂ ಈ ಕೋಟೆಯ ಮೂಲೆ ಮೂಲೆಗಳು ಒಂದೊಂದು ಕಥೆಗಳನ್ನು ಸಾರಿ ಹೇಳುತ್ತವೆ. ಈ ವಿಭಿನ್ನ ಕೋಟೆ ಇತಿಹಾಸ ಹಾಗೂ ಮಾಹಿತಿ ಇಲ್ಲಿದೆ.  

  • News18 Kannada
  • Last Updated :
  • Karnataka, India
  • Share this:

ಕೆಲವೊಂದು ಸ್ಥಳಗಳು ಬಹಳ ವಿಶೇಷವಾಗಿರುತ್ತದೆ. ಅವುಗಳ ಇತಿಹಾಸ, (History)  ಸೌಂದರ್ಯ ಎಲ್ಲರನ್ನು ಆಕರ್ಷಿಸುತ್ತದೆ. ಅಂತಹ ಒಂದು ಸ್ಥಳ ಸಕಲೇಶಪುರ (Sakaleshpura) . ನೀವು ಸಣ್ಣ ಟ್ರಿಪ್ ಹೋಗ್ಬೇಕು ಅಂದ್ರೆ ಮೊದಲು ನೆನಪಾಗೋದು ಸಕಲೇಶಪುರ. ಬೆಂಗಳೂರಿಗರ (Bengaluru) ಫೇವರೇಟ್​ ಸ್ಥಳ ಇದು ಎನ್ನಬಹುದು. ನಿಮಗೆ ಈ ಊರಿನಲ್ಲಿ ನೋಡಲು ಹಲವಾರು ಜಾಗಗಳಿದೆ. ಆದರೆ ಎಲ್ಲರ ಬಾಯಲ್ಲಿ ಮೊದಲ ಬರುವುದು ಮಂಜರಾಬಾದ್ ಕೋಟೆ (manjarabad fort). ಈ ಕೋಟೆಯ ಆಕಾರವೇ ಒಂದು ವಿಶೇಷ. ಅದರಲ್ಲೂ ಈ ಕೋಟೆಯ ಮೂಲೆ ಮೂಲೆಗಳು ಒಂದೊಂದು ಕಥೆಗಳನ್ನು ಸಾರಿ ಹೇಳುತ್ತವೆ. ಈ ವಿಭಿನ್ನ ಕೋಟೆ ಇತಿಹಾಸ ಹಾಗೂ ಮಾಹಿತಿ ಇಲ್ಲಿದೆ.  


ಮಾರ್ಗ ಮಧ್ಯೆ ಸಿಗುತ್ತದೆ ಈ ಸುಂದರ ಕೋಟೆ


ಸಕಲೇಶಪುರಕ್ಕೆ ಪ್ರವಾಸ ಹೊರಟಾಗ ಮಾರ್ಗ ಮಧ್ಯೆಯೇ ನಿಮಗೆ ಈ ಕೋಟೆ ಸಿಗುತ್ತದೆ. ರಾಷ್ಟ್ರೀಯ ಹೆದ್ದಾರಿ 48ರಲ್ಲಿ ಇರುವ ಈ ಮಂಜರಾಬಾದ್ ಕೋಟೆಗೆ ನೀವು ವಿಸಿಟ್​ ಮಾಡಿ, ವಿಹಂಗಮ ನೋಟವನ್ನು ಆನಂದಿಸಬಹುದು. ಇಸ್ಲಾಮಿಕ್ ಶೈಲಿಯ ವಾಸ್ತು ಶಿಲ್ಪ ಶೈಲಿಯ ಈ ಕೋಟೆಯನ್ನು ನೋಡಲು ಟ್ರಕ್ಕಿಂಗ್ ಮಾಡಬೇಕು. ಟ್ರಕ್ಕಿಂಗ್ ಎಂದ ತಕ್ಷಣ ಬೆಟ್ಟ, ಗುಡ್ಡಗಳ ಆಲೊಚನೆ ತಲೆಯಲ್ಲಿ ಬರುತ್ತದೆ. ಆದರೆ, ಇದು ಆ ರೀತಿ ಅಲ್ಲ, ಸ್ವಲ್ಪ ದೂರು ಮಾತ್ರ ಇದೆ. ಕೋಟೆಯ ಆರಂಬದಲ್ಲಿ 200ಮೀ ನಡೆದರೆ ನಿಮಗೆ 250 ಮೆಟ್ಟಿಲುಗಳು ಸಿಗುತ್ತದೆ.




ಈ ಕೋಟೆ ಕಮಾನು ದ್ವಾರಗಳನ್ನು ಹೊಂದಿದೆ. ಈ ಕೋಟೆಯು ಸಮುದ್ರ ಮಟ್ಟದಿಂದ 3,240 ಅಡಿ ಎತ್ತರದಲ್ಲಿದ್ದು, ಇದನ್ನು ಟಿಪ್ಪು ಸುಲ್ತಾನ್ ನಿರ್ಮಾಣ ಮಾಡಿದ್ದ, ಎನ್ನಲಾಗುತ್ತದೆ. ಇದು ಎಂಟು ಗೋಡೆಗಳನ್ನು ಹೊಂದಿರುವ ಆಸಕ್ತಿದಾಯಕ ಅಷ್ಟಭುಜಾಕೃತಿಯ ವಿನ್ಯಾಸವನ್ನು ಹೊಂದಿದೆ. ಈ ಕೋಟೆಯ ವಿಶೇಷತೆ ಎಂದರೆ ಇದು  ಎಂಟು-ಬಿಂದುಗಳ ನಕ್ಷತ್ರದ ಆಕಾರದಲ್ಲಿದೆ. ಕೋಟೆಯ ಹೊರಗಿನ ಗೋಡೆಗಳನ್ನು ಗ್ರಾನೈಟ್ ಕಲ್ಲುಗಳು ಮತ್ತು ಸುಣ್ಣದ ಗಾರೆಗಳಿಂದ ನಿರ್ಮಾಣ ಮಾಡಲಾಗಿದ್ದು,  ಸೈನ್ಯದ ಬ್ಯಾರಕ್‌ಗಳು, ಶಸ್ತ್ರಾಸ್ತ್ರ ಸಂಗ್ರಹಾಲಯಗಳು, ಮಳಿಗೆಗಳನ್ನು ಇಟ್ಟಿಗೆಗಳಿಂದ ನಿರ್ಮಿಸಲಾಗಿದೆ.




ನಕ್ಷತ್ರದಾಕಾರದ ಕೋಟೆ ಇದು


ಈ ಕೋಟೆಯನ್ನು ಭಾರತದ ಅತ್ಯಂತ ಸಂಪೂರ್ಣವಾದ ವೌಬನೆಸ್ಕ್ ನಕ್ಷತ್ರಾಕಾರದ ಕೋಟೆ ಎಂದು ಕರೆಯಲಾಗುತ್ತದೆ. ಟಿಪ್ಪು ಸುಲ್ತಾನನ ಕಾಲದಲ್ಲಿ ಈ ಕೋಟೆಯು ಮದ್ದುಗುಂಡುಗಳ ಸಂಗ್ರಹ ಮಾಡಲು ಬಳಸಲಾಗುತ್ತಿತ್ತು. ಅಲ್ಲದೆ ಬ್ರಿಟೀಷರ ಸೈನ್ಯವನ್ನು ಮಂಗಳೂರಿನತ್ತ ಹೋಗದಂತೆ ತಡೆಯುವ ಉದ್ದೇಶಕ್ಕಾಗಿ ಸಹ ಈ ಕೋಟೆಯನ್ನು ಬಳಸಲಾಗುತ್ತಿತ್ತು. ಈ ಮಂಜರಾಬಾದ್ ಕೋಟೆಯು ಒಂದು ಸಣ್ಣ ಗುಡ್ದದ ಮೇಲೆ ಕಟ್ಟಲಾಗಿದೆ. ಈ ಕೋಟೆಯು ಪಶ್ಚಿಮ ಘಟ್ಟದ ಭವ್ಯ ನೋಟವನ್ನು ನಿಮಗೆ ತೋರಿಸುತ್ತಿದೆ.




ಇದನ್ನೂ ಓದಿ: ಗಟ್ಟೆ ಕಿ ಸಬ್ಜಿಯಿಂದ ಮಿರ್ಚಿ ವಡಾವರೆಗೆ ಬೆಸ್ಟ್​ ರಾಜಸ್ಥಾನಿ ಥಾಲಿ ಸಿಗುವ ಬೆಂಗಳೂರಿನ ರೆಸ್ಟೊರೆಂಟ್​ಗಳಿವು


ಇಲ್ಲೊಂದು ಆಳವಾದ ಬಾವಿ ಇದ್ದು, ಅದರ ಪಕ್ಕದಲ್ಲಿ ಎರಡು ನೆಲಮಾಳಿಗೆಗಳನ್ನು ನಿರ್ಮಿಸಲಾಗಿದೆ, ಅವುಗಳಲ್ಲಿ ಗನ್‌ಪೌಡರ್ ಸಂಗ್ರಹಿಸಲಾಗುತ್ತಿತ್ತಂತೆ. ಅಲ್ಲದೇ, ಇವುಗಳನ್ನು ಬಹಳ ಸೀಕ್ರೇಟ್​ ಆಗಿ ರಚನೆ ಮಾಡಲಾಗಿದ್ದು, ಇದರ ವಿಶೇಷತೆ ಎಂದರೆ, ಬೇಸಿಗೆಯ ತಿಂಗಳುಗಳಲ್ಲಿಯೂ ಈ ಕೊಠಡಿಗಳು ತಂಪಾಗಿರುತ್ತವೆ.  ಈ ನಕ್ಷತ್ರಾಕಾರದ ಕೋಟೆಯನ್ನು1785ರಲ್ಲಿ ನಿರ್ಮಾಣ ಮಾಡಲು ಆರಂಭಿಸಿದ್ದರಂತೆ, ಇದರ ನಿರ್ಮಾಣ ಕಾರ್ಯ 1792ರಲ್ಲಿ ಮುಗಿಯಿತು ಎನ್ನಲಾಗುತ್ತದೆ.


Manjarabad Fort a beautiful place to visit
ಸಾಂದರ್ಭಿಕ ಚಿತ್ರ


ರಹಸ್ಯ ಸುರಂಗ ಹೊಂದಿದೆ ಈ ಸ್ಥಳ


ಈ ಕೋಟೆಯಲ್ಲಿ ಹಲವಾರು ಕೊಠಡಿಗಳು ಸಹ ಇದ್ದು, ಅವುಗಳಲ್ಲಿ ಕೆಲವೊಂದನ್ನು ಕುದುರೆಗಳನ್ನು ಕಟ್ಟುವ ಲಾಯವನ್ನಾಗಿ ಬಳಸಿದರೆ, ಇನ್ನೂ ಕೆಲವೊಂದು ರೂಂಗಳನ್ನು ಅಡಿಗೆ ಮನೆಯಾಗಿ ಮತ್ತು ಸೈನಿಕರ ಶೌಚಾಲಯವಾಗಿ ಬಳಸಲಾಗುತ್ತಿತ್ತು. ನಿಮಗೆ ಈ ಕೋಟೆಯಲ್ಲಿ  ಒಂದು ಸುರಂಗ ಮಾರ್ಗ ಕಾಣಿಸುತ್ತದೆ. ಅದು ಶ್ರೀರಂಗ ಪಟ್ಟಣಕ್ಕೆ ಸಂಪರ್ಕ ಕಲ್ಪಿಸುತ್ತದೆಯಂತೆ. ಟಿಪ್ಪು ಕಾಲದಲ್ಲಿ ಈ ಸುರಂಗವನ್ನು ಸೀಕ್ರೇಟ್ ಕೆಲಸಗಳಿಗೆ ಬಳಸಲಾಗುತ್ತಿದ್ದರೂ ಸಹ, ನಂತರ ಇದು ಶವಗಳನ್ನು ಬಿಸಾಡುವುದಕ್ಕೆ ಬಳಕೆ ಮಾಡಲಾಗಿತ್ತು.






ಇದನ್ನೂ ಓದಿ: ಶಿಲೆಯಲ್ಲ ಇದು ಕಲೆಯ ಬಲೆಯೋ! ಶಿಲಾಬಾಲಿಕೆಯರ ಬೇಲೂರಿನ ಇತಿಹಾಸ ಬಲು ರೋಚಕ


ಈ ಕೋಟೆ ಸಕಲೇಶಪುರ ಪಟ್ಟಣದಿಂದ 10 ಕಿಲೋಮೀಟರ್ (6.2 ಮೈಲಿ) ದೂರದಲ್ಲಿದೆ, ಇದು ಹೇಮಾವತಿ ನದಿಯ ದಂಡೆಯಲ್ಲಿದ್ದು,  ಹಾಸನದಿಂದ ಸುಮಾರು 37 ಕಿ.ಮೀ ದೂರದಲ್ಲಿ.ಇದು  ರಾಷ್ಟ್ರೀಯ ಹೆದ್ದಾರಿ 75  ಬೆಂಗಳೂರಿನಿಂದ ಮಂಗಳೂರಿಗೆ ಹೋಗುವ ಮಾರ್ಗದಲ್ಲಿದ್ದು,  ಸುಲಭವಾಗಿ ಈ ಕೋಟೆಯನ್ನು ತಲುಪಬಹುದು.

Published by:Sandhya M
First published: