Blood Cancer in Kids: ಮಕ್ಕಳನ್ನೇ ಹೆಚ್ಚಾಗಿ ಬಾಧಿಸುವ ಕ್ಯಾನ್ಸರ್ ಲ್ಯುಕೇಮಿಯಾ ಬಗ್ಗೆ ನೀವೂ ತಿಳ್ಕೊಳ್ಳಿ

ಲ್ಯುಕೇಮಿಯಾ (Leukemia) ಅನ್ನೋ ಹೆಸರು ತುಂಬಾ ಸಲ ನೀವು ಕೇಳಿರಿಲಿಕ್ಕಿಲ್ಲ, ಆದರೆ ಅದನ್ನೇ ಕನ್ನಡದಲ್ಲಿ ಹೇಳಿದರೆ ನಿಮಗೆ ಥಟ್ಟನೆ ಅರ್ಥವಾಗುತ್ತದೆ. ಹೌದು.. ಇದನ್ನ ರಕ್ತದ ಕ್ಯಾನ್ಸರ್ (Blood Cancer) ಅಂತ ಹೇಳ್ತಾರೆ, ಇತ್ತೀಚೆಗೆ 10 ವರ್ಷದ ಬಾಲ ನಟ ರಾಹುಲ್ ಕೋಲಿ ಅವರು ಅಕ್ಟೋಬರ್ 2 ರಂದು ನಿಧನರಾದಾಗ ಅವರ ಸಾವಿಗೆ (Death) ಕಾರಣ ಎಂದರೆ ಅವರು ಲ್ಯುಕೇಮಿಯಾದಿಂದ ಬಳಲುತ್ತಿದ್ದರು ಅಂತ ಬಹುತೇಕರು ಸುದ್ದಿ ಮಾಧ್ಯಮದ ವರದಿಯಲ್ಲಿ ಓದಿರುತ್ತೀರಿ. ರಾಹುಲ್ ಅಭಿನಯದ ಚಲನಚಿತ್ರ ‘ಚೆಲೋ ಶೋ’ ಬಿಡುಗಡೆಗೆ ಮುಂಚಿತವಾಗಿ ಅವರು ನಿಧನರಾದರು, ಈ ಚಿತ್ರವು ಆಸ್ಕರ್ ಗೆ (Oscar) ಭಾರತದಿಂದ ಅಧಿಕೃತ ಪ್ರವೇಶ ಸಹ ಪಡೆಯಿತು.

ಹದಿಹರೆಯದವರಲ್ಲಿ ಸಾಮಾನ್ಯವಾಗಿ ಕಾಣಿಸಿಕೊಳ್ಳುತ್ತಿರುವ ರಕ್ತದ ಕ್ಯಾನ್ಸರ್ 
ಕುಟುಂಬವು ರಾಹುಲ್ ಅವರಿಗಿದ್ದ ಈ ರೋಗದ ಬಗ್ಗೆ ಹೆಚ್ಚಿನದನ್ನು ಬಹಿರಂಗಪಡಿಸದಿದ್ದರೂ, ಅವರ ತಂದೆ ಅವರು ರಾಹುಲ್ ತಮ್ಮ ಕೊನೆಯ ಉಸಿರು ಬಿಡುವ ಮುಂಚೆ ವಿಪರೀತ ವಾಂತಿ ಮಾಡುತ್ತಲೇ ಇದ್ದರು ಎಂದು ಹೇಳಿದರು. ಬಾಲ್ಯದ ಲ್ಯುಕೇಮಿಯಾ ಅಥವಾ ರಕ್ತದ ಕ್ಯಾನ್ಸರ್ ವಿಶ್ವದಾದ್ಯಂತ ಹದಿಹರೆಯದವರು ಮತ್ತು ಮಕ್ಕಳಲ್ಲಿ ಕಂಡುಬರುವ ಅತ್ಯಂತ ಸಾಮಾನ್ಯ ರೀತಿಯ ಕ್ಯಾನ್ಸರ್ ಆಗಿದೆ.

ಸರಿಯಾದ ಸಮಯದಲ್ಲಿ ಚಿಕಿತ್ಸೆ ಮತ್ತು ರೋಗನಿರ್ಣಯವು ಪ್ರಮುಖವಾಗಿದ್ದರೂ ಸಹ ಒಬ್ಬರ ಆರೋಗ್ಯದ ಹಣೆಬರಹವನ್ನು ನಿರ್ಧರಿಸುತ್ತದೆಯಾದರೂ, ಮಕ್ಕಳು ವಯಸ್ಕರಿಗಿಂತ ಅಂತಹ ಚಿಕಿತ್ಸೆಗಳಿಗೆ ಹೆಚ್ಚು ಸ್ವೀಕಾರಾರ್ಹರಾಗಿರುತ್ತಾರೆ ಎಂದು ಹೇಳಲಾಗುತ್ತಿದೆ.

ಬ್ಲಡ್ ಕ್ಯಾನ್ಸರ್ ಎಂದರೇನು ಮತ್ತು ನಿಮ್ಮ ದೇಹದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?
ಅಂತರರಾಷ್ಟ್ರೀಯ ಕ್ಯಾನ್ಸರ್ ಸಂಸ್ಥೆಯು ವಿವರಿಸಿದಂತೆ, ಲ್ಯುಕೇಮಿಯಾವು ನಿಮ್ಮ ಬಿಳಿ ರಕ್ತ ಕಣಗಳ ಮೇಲೆ ಪರಿಣಾಮ ಬೀರುವ ಕ್ಯಾನ್ಸರ್ ಆಗಿದ್ದು, ಸೋಂಕು ಮತ್ತು ರೋಗಗಳ ವಿರುದ್ಧ ಹೋರಾಡಲು ಕಾರಣವಾಗಿದೆ. ಬಿಳಿ ರಕ್ತ ಕಣಗಳು ನಮ್ಮ ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯ ಪ್ರಮುಖ ಭಾಗವಾಗಿದೆ. ಈ ಜೀವಕೋಶಗಳ ಮೇಲೆ ಪರಿಣಾಮ ಬೀರಿದಾಗ, ಅಸ್ಥಿಮಜ್ಜೆಯಲ್ಲಿ ಅಸಹಜವಾದ ಬಿಳಿ ಜೀವಕೋಶಗಳು ರೂಪುಗೊಳ್ಳುತ್ತವೆ, ಅದು ರಕ್ತಪ್ರವಾಹದ ಮೂಲಕ ಪ್ರಯಾಣಿಸುತ್ತದೆ ಮತ್ತು ನಿಮ್ಮ ದೇಹದ ಇತರ ಭಾಗಗಳನ್ನು ತಲುಪುತ್ತದೆ, ಇದು ಆರೋಗ್ಯಕರ ಜೀವಕೋಶಗಳ ಮೇಲೆ ಒತ್ತಡ ಹೇರುತ್ತದೆ.

ಈ ಆರೋಗ್ಯಕರ ಜೀವಕೋಶಗಳು ಅಸಹಜವಾದಾಗ, ದೇಹವು ಸೋಂಕು ಮತ್ತು ರೋಗಗಳನ್ನು ಆಕರ್ಷಿಸುವ ಸಾಧ್ಯತೆಗಳು ಹೆಚ್ಚಾಗುತ್ತವೆ ಮತ್ತು ಅದು ದುರ್ಬಲಗೊಳ್ಳುತ್ತ ಸಾಗುತ್ತದೆ.

ಅಂತಹ ಸೋಂಕುಗಳ ವಿರುದ್ಧ ಹೋರಾಡಲು ಮಕ್ಕಳು ಮತ್ತು ಹದಿಹರೆಯದವರನ್ನು ವಯಸ್ಕರಿಗಿಂತ ಬಲಶಾಲಿ ಎಂದು ಪರಿಗಣಿಸಲಾಗುತ್ತದೆ. ದೇಹವು ಇನ್ನೂ ಒಳಗಿನ ಯಾವುದೇ ಅಸಹಜತೆಯನ್ನು ಅಭಿವೃದ್ಧಿಪಡಿಸಲು ಮತ್ತು ಎದುರಿಸಲು ಕಲಿಯುತ್ತಿರುವುದರಿಂದ, ಮಕ್ಕಳು ಕ್ಯಾನ್ಸರ್ ಚಿಕಿತ್ಸೆಗಳಿಗೆ ಉತ್ತಮ ಪ್ರತಿಕ್ರಿಯೆಯನ್ನು ನೀಡುತ್ತಾರೆ.

ಮಕ್ಕಳಲ್ಲಿ ಕಾಣಿಸಿಕೊಂಡ ರಕ್ತದ ಕ್ಯಾನ್ಸರ್ ನ ಅಪಾಯದ ಅಂಶಗಳು

• ನಿಮ್ಮ ಮಗುವಿನ ದೇಹವು ಈಗಾಗಲೇ ಹೋರಾಡುತ್ತಿರುವ ಅಸ್ತಿತ್ವದಲ್ಲಿರುವ ಕಾಯಿಲೆಯ ಹೊರತಾಗಿ ಮಕ್ಕಳು ಸಾಮಾನ್ಯವಾಗಿ ಯಾವುದೇ ಸಾಮಾನ್ಯ ಅಪಾಯದ ಅಂಶಗಳನ್ನು ಹೊಂದಿರುವುದಿಲ್ಲ. ಇದು ಸಾಮಾನ್ಯ ಸೋಂಕುಗಳು ಮತ್ತು ರೋಗ ನಿರೋಧಕ ಶಕ್ತಿಗೆ ಸಂಬಂಧಿಸಿದ ಸಮಸ್ಯೆಗಳು ಸೇರಿದಂತೆ ಹುಟ್ಟಿನಿಂದಲೇ ಆರೋಗ್ಯ ಪರಿಸ್ಥಿತಿಗಳನ್ನು ಒಳಗೊಂಡಿರಬಹುದು.

ಇದನ್ನೂ ಓದಿ: Liver Health: ಈ ಜ್ಯೂಸ್​ಗಳನ್ನು ಕುಡಿಯೋದು ನಿಮ್ಮ ಲಿವರ್ ಆರೋಗ್ಯಕ್ಕೆ ಒಳ್ಳೆಯದಂತೆ

• ಕುಟುಂಬದಲ್ಲಿ ರಕ್ತದ ಕ್ಯಾನ್ಸರ್ ನಿಂದ ಬಳಲುತ್ತಿರುವ ಅಥವಾ ಬಳಲುತ್ತಿರುವ ಯಾರಾದರೂ ಈಗಾಗಲೇ ಇದ್ದರೆ ಸಾಧ್ಯತೆಗಳು ಹೆಚ್ಚಾಗುತ್ತವೆ. ಇದನ್ನು ಲಿ-ಫ್ರೌಮೆನಿ ಸಿಂಡ್ರೋಮ್ ಎಂದು ಸಹ ಕರೆಯಲಾಗುತ್ತದೆ. ಸೋಂಕಿತ ವಂಶವಾಹಿಗಳ ಆಧಾರದ ಮೇಲೆ ಮಕ್ಕಳಲ್ಲಿ ಕ್ಯಾನ್ಸರ್ ಅಪಾಯವು ಸಹ ಹೆಚ್ಚಾಗುತ್ತದೆ.


• ಈ ಹಿಂದೆ ಯಾವುದೇ ಚಿಕಿತ್ಸೆಯ ಸಮಯದಲ್ಲಿ ಮಗುವು ಯಾವುದೇ ರೀತಿಯ ವಿಕಿರಣ ಚಿಕಿತ್ಸೆಗೆ ಅಥವಾ ಬೆಂಜೀನ್ ನಂತಹ ರಾಸಾಯನಿಕಗಳ ಅತಿಯಾದ ಬಳಕೆಗೆ ಒಡ್ಡಿಕೊಂಡಿದ್ದರೆ, ದೇಹವು ರಕ್ತದ ಕ್ಯಾನ್ಸರ್ ಅನ್ನು ಆಕರ್ಷಿಸುವ ಅಪಾಯವು ಹೆಚ್ಚಾಗುತ್ತದೆ.

ಮಕ್ಕಳಲ್ಲಿ ರಕ್ತ ಕ್ಯಾನ್ಸರ್ ನ ರೋಗಲಕ್ಷಣಗಳು ಯಾವುವು?
ಹೆಚ್ಚಿನ ಮಕ್ಕಳು ಮತ್ತು ಹದಿಹರೆಯದವರು ಈ ಲ್ಯುಕೇಮಿಯಾದಿಂದ ಬಳಲುತ್ತಿರುವಾಗ ಯಾವುದೇ ಅಸಾಮಾನ್ಯ ರೋಗಲಕ್ಷಣಗಳು ಅಥವಾ ಚಿಹ್ನೆಗಳನ್ನು ತೋರಿಸುವುದಿಲ್ಲ. ಇದು ರೋಗ ನಿರೋಧಕ ಶಕ್ತಿಗೆ ಸಂಬಂಧಿಸಿದ ಕಾಯಿಲೆಯಾಗಿದೆ ಮತ್ತು ರೋಗಲಕ್ಷಣಗಳು ರಾಜಿಯಾದ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಹೊಂದಿರುವ ಪ್ರತಿಯೊಬ್ಬರೂ ಅನುಭವಿಸುವ ಎಲ್ಲವನ್ನೂ ಒಳಗೊಂಡಿರುತ್ತವೆ.

• ಮಕ್ಕಳಲ್ಲಿ ಅತಿಯಾದ ಆಯಾಸವಾಗುವುದು: ನಿಮ್ಮ ಮಗುವು ಎಲ್ಲಾ ಸಮಯದಲ್ಲೂ ದಣಿದಿದ್ದರೆ, ಅಥವಾ ಇತರ ಮಕ್ಕಳೊಂದಿಗೆ ಆಟವಾಡುವಾಗ ದೈಹಿಕವಾಗಿ ಶ್ರಮಿಸಲು ಸಾಧ್ಯವಾಗದಿದ್ದರೆ, ಅದು ಈ ಕ್ಯಾನ್ಸರ್ ನ ದಾಳಿಗೊಳಗಾಗುತ್ತಿರುವ ಪ್ರತಿರಕ್ಷಣಾ ವ್ಯವಸ್ಥೆಯ ಸಂಕೇತವಾಗಿರಬಹುದು. ಮಗುವು ತನ್ನ ದೇಹದಿಂದ ಬೇರೆ ಏನನ್ನೂ ಮಾಡಲು ಸಾಧ್ಯವಿಲ್ಲ ಮತ್ತು ಇನ್ನೂ ದುರ್ಬಲವಾಗಿದೆ ಎಂದು ಭಾವಿಸುತ್ತದೆ ಎಂಬುದನ್ನು ಗಮನಿಸಿ. ಅದು ವಿವರಿಸಲಾಗದ ಆಯಾಸ ಸಹ ಆಗಿರಬಹುದು ಮತ್ತು ಅದನ್ನು ಪರೀಕ್ಷಿಸಬೇಕು.


• ರಕ್ತಸ್ರಾವ : ಮಕ್ಕಳು ಬೇರೆ ಬೇರೆ ರೀತಿಯ ಸಣ್ಣ ಪುಟ್ಟ ಗಾಯಗಳೊಂದಿಗೆ ಬೆಳೆಯುತ್ತಾರೆ. ಕೆಲವು ದಿನಗಳಲ್ಲಿ ಮಸುಕಾಗುವ ಸಣ್ಣ ಗಾಯಗಳು ಮತ್ತು ಕೆಲವು ಗಂಭೀರ ಗಾಯಗಳು ಹೀಗೆ ಅನೇಕ ರೀತಿಯ ಗಾಯಗಳಾಗುತ್ತವೆ. ಹೀಗೆ ಗಾಯಗಳಾದಾಗ ವೈದ್ಯರ ಗಮನಕ್ಕೆ ತರುವುದು ಅಗತ್ಯವಾಗಿರುತ್ತದೆ. ಆದಾಗ್ಯೂ, ನಿಮ್ಮ ಮಗುವು ಇತರ ಮಕ್ಕಳೊಂದಿಗೆ ಆಟವಾಡುವಾಗ ದೇಹದ ಯಾವುದೇ ಭಾಗದಲ್ಲಿ ಪೆಟ್ಟು ಬಿದ್ದು ರಕ್ತಸ್ರಾವವಾದರೆ, ಅದು ದೊಡ್ಡ ಸಮಸ್ಯೆಯ ಸಂಕೇತವಾಗಿರಬಹುದು.

ಇದನ್ನೂ ಓದಿ: Uric Acid: ದೇಹದಲ್ಲಿ ಯೂರಿಕ್ ಆಮ್ಲದ ಮಟ್ಟ ಎಷ್ಟಿರಬೇಕು? ಯಾವ ಪದಾರ್ಥಗಳ ಸೇವನೆ ತಪ್ಪಿಸಬೇಕು?

• ಸೋಂಕುಗಳು ಮತ್ತು ಜ್ವರ ಕಾಣಿಸಿಕೊಳ್ಳುವುದು: ಮಕ್ಕಳು ಮತ್ತು ವಯಸ್ಕರಲ್ಲಿ ಎಲ್ಲಾ ರೀತಿಯ ಕ್ಯಾನ್ಸರ್ ಗಳಲ್ಲಿ ಇದು ಒಂದು ಸಾಮಾನ್ಯ ಲಕ್ಷಣವಾಗಿದೆ. ನೀವು ನಿರಂತರವಾಗಿ ಜ್ವರವನ್ನು ಅನುಭವಿಸುತ್ತಿದ್ದರೆ, ಅದು ನಿಮ್ಮ ಮಗುವಿಗೆ ಒಂದು ರೀತಿಯ ಅಹಿತಕರವಾದ ಭಾವನೆಯನ್ನು ಉಂಟು ಮಾಡುತ್ತದೆ ಮತ್ತು ಇದನ್ನು ನೀವು ಗಮನಿಸಿದರೆ, ಕೂಡಲೇ ವೈದ್ಯರ ಬಳಿ ಕರೆದುಕೊಂಡು ಹೋಗಿ ಬೇರೆ ಬೇರೆ ಆರೋಗ್ಯ ತಪಾಸಣೆಗಳನ್ನು ಮಾಡಿಸುವುದು ಒಳ್ಳೆಯದು. ಸಾಮಾನ್ಯ ಔಷಧಿಗಳು ಮತ್ತು ವೈದ್ಯರಿಗೆ ಅನೇಕ ಬಾರಿ ಭೇಟಿ ನೀಡುವ ಮೂಲಕ ಗುಣಪಡಿಸಲಾಗದ ನಿಯಮಿತ ಸೋಂಕುಗಳು ಮತ್ತು ಜ್ವರವನ್ನು ತಕ್ಷಣವೇ ಪರೀಕ್ಷಿಸಬೇಕು.


• ಉಸಿರಾಟದ ತೊಂದರೆ ಅಥವಾ ಕೆಮ್ಮು ಹೆಚ್ಚಾಗುವುದು: ನಿಮ್ಮ ಮಗುವಿಗೆ ಶ್ವಾಸಕೋಶಕ್ಕೆ ಸಂಬಂಧಿಸಿದ ಯಾವುದೇ ಸಮಸ್ಯೆಗಳು ಇಲ್ಲದಿದ್ದರೆ, ಅವನು ಅಥವಾ ಅವಳು ವಿವರಿಸಲಾಗದ ಕೆಮ್ಮು ಅಥವಾ ಉಸಿರಾಟದ ತೊಂದರೆಯನ್ನು ಅನುಭವಿಸಬಾರದು. ದೇಹದ ಶ್ರಮವು ನಿಮ್ಮ ಮಗುವು ಅವನ / ಅವಳ ಉಸಿರನ್ನು ಕಳೆದುಕೊಳ್ಳುವಂತೆ ಮಾಡಿದರೆ, ಇದು ಇನ್ನೂ ಕೆಲವು ಪರೀಕ್ಷೆಗಳನ್ನು ಮಾಡುವ ಸಮಯ ಮತ್ತು ಲ್ಯುಕೇಮಿಯಾದ ಅಪಾಯವನ್ನು ತಳ್ಳಿಹಾಕುವ ಸಮಯವಾಗಿದೆ ಎಂದು ಅರ್ಥ ಬರುತ್ತದೆ.

ಬ್ಲಡ್ ಕ್ಯಾನ್ಸರ್ ನ ಇನ್ನಿತರೆ ರೋಗಲಕ್ಷಣಗಳು:
ಸಾಮಾನ್ಯವಲ್ಲದ ಆದರೆ ರಕ್ತದ ಕ್ಯಾನ್ಸರ್ ವಿರುದ್ಧ ಹೋರಾಡುವ ಮಗುವು ಅನುಭವಿಸಬಹುದಾದ ಇತರ ರೋಗಲಕ್ಷಣಗಳಿವೆ. ಇವುಗಳಲ್ಲಿ ಒಸಡಿನ ಸಮಸ್ಯೆಗಳು, ದೇಹದ ಮೇಲೆ ದದ್ದುಗಳು ಆಗುವುದು, ನಿರಂತರವಾಗಿ ದೇಹದ ತೂಕ ಕಡಿಮೆಯಾಗುವುದು, ದೇಹದ ಯಾವುದೇ ಭಾಗದಲ್ಲಿ ಊತ, ಕೀಲು ನೋವು, ಸೆಳೆತಗಳು, ವಿವರಿಸಲಾಗದ ತಲೆನೋವು ಮತ್ತು ನಿಯಮಿತವಾಗಿ ವಾಂತಿಯಾಗುವುದು ಸಹ ಸೇರಿವೆ ಎಂದು ವೈದ್ಯರು ಹೇಳುತ್ತಾರೆ.

ಇದನ್ನೂ ಓದಿ: Arthritis Problem: ಸಂಧಿವಾತ ಸಮಸ್ಯೆಯಿದ್ದವರು ಯಾವೆಲ್ಲಾ ಆಹಾರ ಪದಾರ್ಥ ಸೇವನೆ ತಪ್ಪಿಸಬೇಕು?

ಉತ್ತಮ ಜೀವನಶೈಲಿಯನ್ನು ನಡೆಸಿಕೊಂಡು ಹೋಗುವುದು ಮತ್ತು ನಿಮ್ಮ ಮಗುವಿಗೆ ಆರೋಗ್ಯಕರ ದಿನದಲ್ಲಿನ ವೇಳಾಪಟ್ಟಿಯನ್ನು ಯೋಜಿಸುವುದು ಇಂದಿನ ಪೋಷಕರಿಗೆ ಮೊದಲ ಆದ್ಯತೆಯಾಗಿರಬೇಕು. ವಿಶೇಷವಾಗಿ ಕೋವಿಡ್-19 ಸಾಂಕ್ರಾಮಿಕ ರೋಗದ ನಂತರದ ಸೂಕ್ಷ್ಮ ಸಮಯಗಳಲ್ಲಿ ಹೀಗೆ ಮಕ್ಕಳಿಗೆ ಒಂದು ನಿರ್ದಿಷ್ಟವಾದ ದಿನಚರಿ ಅಥವಾ ಜೀವನಶೈಲಿಯನ್ನು ಅಭ್ಯಾಸ ಮಾಡಿಸುವುದು ಒಳ್ಳೆಯದು.