• Home
  • »
  • News
  • »
  • lifestyle
  • »
  • Travel Plans: ಕರ್ನಾಟಕದಲ್ಲಿರುವ ವನ್ಯಜೀವಿ ಅಭಯಾರಣ್ಯಗಳಿವು, ವೀಕೆಂಡ್​ ಎಂಜಾಯ್ ಮಾಡೋಕೆ ಬೆಸ್ಟ್ ಪ್ಲೇಸ್

Travel Plans: ಕರ್ನಾಟಕದಲ್ಲಿರುವ ವನ್ಯಜೀವಿ ಅಭಯಾರಣ್ಯಗಳಿವು, ವೀಕೆಂಡ್​ ಎಂಜಾಯ್ ಮಾಡೋಕೆ ಬೆಸ್ಟ್ ಪ್ಲೇಸ್

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Wildlife Destinations In Karnataka: ಕೆಲವರಿಗೆ ಈ ವನ್ಯಜೀವಿಗಳನ್ನು ನೋಡುವುದು, ಅವುಗಳ ಫೋಟೋಗಳನ್ನು ಸೆರೆ ಹಿಡಿಯುವುದು ಮತ್ತು ಈ ಅಭಯಾರಣ್ಯಗಳಲ್ಲಿ ಸುತ್ತಾಡುವುದು ಎಂದರೆ ತುಂಬಾನೇ ಇಷ್ಟವಿರುತ್ತದೆ.

  • Share this:

ಸಾಮಾನ್ಯವಾಗಿ ಬಹುತೇಕರು ಸಮಯ (Time) ಸಿಕ್ಕಾಗಲೆಲ್ಲಾ ತಮ್ಮ ಕುಟುಂಬದ (Family)  ಜೊತೆ ತಮ್ಮ ರಜಾದಿನಗಳನ್ನು (Holiday) ದೂರದ ಊರುಗಳಲ್ಲಿರುವ ಹಸಿರು ಬೆಟ್ಟ ಗುಡ್ಡಗಳಿಗೆ, ಜಲಪಾತಗಳಿಗೆ (Falls) , ಸಮುದ್ರತೀರಗಳಿಗೆ (Beach) ಮತ್ತು ಪ್ರೇಕ್ಷಣೀಯ ಸ್ಥಳಗಳಿಗೆ ಭೇಟಿ ನೀಡಲು ಮತ್ತು ಅಲ್ಲಿ ಸಮಯ ಕಳೆಯಲು ಇಷ್ಟಪಡುತ್ತಾರೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಇನ್ನೂ ಕೆಲವರಿಗೆ ಈ ವನ್ಯಜೀವಿಗಳನ್ನು ನೋಡುವುದು, ಅವುಗಳ ಫೋಟೋಗಳನ್ನು ಸೆರೆ ಹಿಡಿಯುವುದು ಮತ್ತು ಈ ಅಭಯಾರಣ್ಯಗಳಲ್ಲಿ (Wildlife) ಸುತ್ತಾಡುವುದು ಎಂದರೆ ತುಂಬಾನೇ ಇಷ್ಟವಿರುತ್ತದೆ. ಒಟ್ಟಿನಲ್ಲಿ ಹಸಿರು ಪ್ರಕೃತಿಯ ನಡುವೆ ಮತ್ತು ಮಡಿಲಲ್ಲಿ ಕಾಲ ಕಳೆಯುವುದೇ ಒಂದು ರೀತಿಯ ಮಜಾ ಅಂತ ಹೇಳಬಹುದು.


ಒಟ್ಟಿನಲ್ಲಿ ಹೇಳುವುದಾದರೆ ಕರ್ನಾಟಕವು ಭಾರತದ ಜೀವವೈವಿಧ್ಯತೆಗೆ ಅತ್ಯುತ್ತಮ ಹಾಟ್‌ಸ್ಪಾಟ್ ಗಳಲ್ಲಿ ಒಂದಾಗಿದೆ, ಇದಕ್ಕೆಲ್ಲ ಕಾರಣ ಅಪಾರ ವೈವಿಧ್ಯಮಯ ವನ್ಯಜೀವಿಗಳು ಮತ್ತು ಸೊಂಪಾದ ಅರಣ್ಯ ಆವಾಸಸ್ಥಾನಗಳು ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಪ್ರಪಂಚದಾದ್ಯಂತದ ಪ್ರವಾಸಿಗರು ಮತ್ತು ಪ್ರಕೃತಿ ಉತ್ಸಾಹಿಗಳು ಈ ಪ್ರದೇಶದ ಹೇರಳವಾದ ಮತ್ತು ವೈವಿಧ್ಯಮಯ ಪ್ರಾಣಿಗಳಿಂದ ತುಂಬಿರುವ ಈ ಪ್ರದೇಶಕ್ಕೆ ಆಕರ್ಷಿತರಾಗಿದ್ದಾರೆ. ಆದಾಗ್ಯೂ, ಕರ್ನಾಟಕದಲ್ಲಿ ಇನ್ನೂ ಸಂಪೂರ್ಣವಾಗಿ ಅನ್ವೇಷಿಸದ ಅನೇಕ ಪ್ರದೇಶಗಳಿವೆ. ನಿಮ್ಮ ಮುಂದಿನ ಪ್ರವಾಸದಲ್ಲಿ ನೀವು ಹೋಗಬೇಕಾದ ಈ ಕಡಿಮೆ ತಿಳಿದಿರುವ ವನ್ಯಜೀವಿ ಆಶ್ರಯಗಳನ್ನು ಒಮ್ಮೆ ಪರಿಶೀಲಿಸಿ.


1. ಭದ್ರಾ ವನ್ಯಜೀವಿ ಅಭಯಾರಣ್ಯ


ಚಿಕ್ಕಮಗಳೂರು ಮತ್ತು ಶಿವಮೊಗ್ಗದ ನಡುವೆ, ಪಶ್ಚಿಮ ಘಟ್ಟಗಳಲ್ಲಿ ಸುಮಾರು 492 ಚದರ ಕಿಲೋ ಮೀಟರ್ ಗಳಷ್ಟು ವಿಸ್ತಾರವಾದ ಭದ್ರಾ ವನ್ಯಜೀವಿ ಅಭಯಾರಣ್ಯವಿದೆ. ಚಿಕ್ಕಮಗಳೂರು ಜಿಲ್ಲೆಯಿಂದ 38 ಕಿಲೋ ಮೀಟರ್ ದೂರದಲ್ಲಿರುವ ಈ ಅಭಯಾರಣ್ಯಕ್ಕೆ ದಟ್ಟವಾದ ಕಾಡುಗಳ ಮೂಲಕ ಹರಿಯುವ ಭದ್ರಾ ನದಿಯ ಹೆಸರನ್ನು ಇಡಲಾಗಿದೆ ಎಂದು ಹೇಳಬಹುದು.


250 ಕ್ಕೂ ಹೆಚ್ಚು ವಿಭಿನ್ನ ಪಕ್ಷಿ ಪ್ರಭೇದಗಳನ್ನು ಹೊಂದಿರುವ ಈ ಅಭಯಾರಣ್ಯವನ್ನು ಪಕ್ಷಿಗಳ ಸ್ವರ್ಗವೆಂದು ಪರಿಗಣಿಸಲಾಗಿದೆ. ಹುಲಿಗಳು ಮತ್ತು ಚಿರತೆಗಳಿಂದ ಹಿಡಿದು ಮಲಬಾರ್ ದೈತ್ಯ ಅಳಿಲಿನವರೆಗೆ ನೀವು ಇಲ್ಲಿ ವಿವಿಧ ರೀತಿಯ ವನ್ಯಜೀವಿಗಳನ್ನು ನೋಡಬಹುದು. ಇಷ್ಟೇ ಅಲ್ಲದೆ ಇಲ್ಲಿ ಕಯಾಕಿಂಗ್, ಜೆಟ್ ಸ್ಕೀಯಿಂಗ್ ಮತ್ತು ಇತರ ಜಲಕ್ರೀಡೆಗಳನ್ನು ಇತರ ಮನರಂಜನಾ ಚಟುವಟಿಕೆಗಳೊಂದಿಗೆ ಆನಂದಿಸಬಹುದು.


ಇದನ್ನೂ ಓದಿ: ನಿಮ್ಮ ಮದುವೆ ಮೇಕಪ್ ಮಾಡಿಸುವಾಗ ಈ ತಪ್ಪುಗಳನ್ನು ಮಾಡ್ಬೇಡಿ


2. ಬ್ರಹ್ಮಗಿರಿ ವನ್ಯಜೀವಿ ಅಭಯಾರಣ್ಯ


ಕರ್ನಾಟಕದ ನೆರೆ ರಾಜ್ಯವಾದ ಕೇರಳದ ವಾಯ್ನಾಡ್ ಮತ್ತು ಕರ್ನಾಟಕದ ಕೂರ್ಗ್ ನಡುವೆ 1607 ಮೀಟರ್ ಎತ್ತರದಲ್ಲಿರುವ ಈ ವನ್ಯಜೀವಿ ಅಭಯಾರಣ್ಯವು ಬ್ರಹ್ಮಗಿರಿ ಬೆಟ್ಟದ ಅತ್ಯಂತ ಎತ್ತರದ ಸ್ಥಳವಾಗಿದೆ. ಇದು ಸಿಂಹ ಬಾಲದ ಕೋತಿಗಳು, ಆನೆಗಳು, ಚುಕ್ಕೆ ಜಿಂಕೆಗಳು, ನೀಲಗಿರಿ ಲಂಗೂರ್ ಗಳು ಮತ್ತು ಕಾಡು ಹಂದಿಗಳು ಸೇರಿದಂತೆ ವ್ಯಾಪಕ ಶ್ರೇಣಿಯ ಪ್ರಾಣಿಗಳಿಗೆ ನೆಲೆಯಾಗಿದೆ.




ಪಾಕ್ಶಿಪಥಾಲಂ, ಇರುಪ್ಪು ಜಲಪಾತ ಮತ್ತು ತಿರುಣ್ಣೆಲೈ ದೇವಾಲಯಗಳು ಹತ್ತಿರದ ಕೆಲವು ಆಕರ್ಷಣೆಯ ಸ್ಥಳಗಳಾಗಿವೆ ಎಂದು ಹೇಳಬಹುದು. ಇದು ಚಾರಣಕ್ಕೆ ಹೇಳಿ ಮಾಡಿಸಿರುವಂತಹ ಸ್ಥಳವಾಗಿದೆ. ಏಕೆಂದರೆ ಹೆಚ್ಚಿನ ಸಸ್ಯವರ್ಗವು ನಿತ್ಯಹರಿದ್ವರ್ಣ ಮತ್ತು ಅರೆ ನಿತ್ಯಹರಿದ್ವರ್ಣ ಕಾಡುಗಳನ್ನು ಒಳಗೊಂಡಿದೆ.


3. ಕಾವೇರಿ ವನ್ಯಜೀವಿ ಅಭಯಾರಣ್ಯ


ಮೈಸೂರು, ಬೆಂಗಳೂರು ಮತ್ತು ಮಂಡ್ಯ ಜಿಲ್ಲೆಗಳನ್ನು ವ್ಯಾಪಿಸಿರುವ 102.59 ಚದರ ಕಿಲೋ ಮೀಟರ್ ವಿಸ್ತೀರ್ಣದ ಕಾವೇರಿ ವನ್ಯಜೀವಿ ಅಭಯಾರಣ್ಯವು ಶಾಂತಿಯನ್ನು ಬಯಸುವ ಜನರಿಗೆ ಸೂಕ್ತವಾದ ಸ್ಥಳವಾಗಿದೆ ಎಂದು ಹೇಳಬಹುದು.


ಇದನ್ನೂ ಓದಿ: ಪುನೀತ್ ಹೋಗಿದ್ದ ಕಾಳಿ ನದಿಯಲ್ಲಿ ನೀವೂ ಎಂಜಾಯ್ ಮಾಡ್ಬೇಕಾ? ಹೋಗೋದು ಹೇಗೆ, ಇಲ್ಲಿದೆ ಫುಲ್ ಡೀಟೇಲ್ಸ್


ಸಸ್ಯ ಮತ್ತು ಪ್ರಾಣಿಗಳನ್ನು ಹೊರತುಪಡಿಸಿ, ನೀವು ಕಾಡಿನಲ್ಲಿ ಗಟ್ಟಿಯಾದ ಮರ, ತೇಗ ಮತ್ತು ರೋಸ್ ವುಡ್ ಮರಗಳನ್ನು ಸಹ ನೋಡಬಹುದು. ಚುಕ್ಕೆ ಜಿಂಕೆ, ಸಾಂಬಾರ್ ಜಿಂಕೆ, ಕಾಡು ನಾಯಿಗಳು ಮತ್ತು ನಾಲ್ಕು ಕೊಂಬಿನ ಜಿಂಕೆಗಳು ಸೇರಿದಂತೆ ವ್ಯಾಪಕ ಶ್ರೇಣಿಯ ಪ್ರಾಣಿಸಂಕುಲದ ಜೊತೆಗೆ, ಈ ಪ್ರದೇಶವು ಸುಮಾರು 100 ರೀತಿಯ ಪಕ್ಷಿಗಳಿಗೆ ನೆಲೆಯಾಗಿದೆ ಅಂತ ಹೇಳಲಾಗುತ್ತದೆ.

Published by:Sandhya M
First published: