Lahori Green Chicken: ಮನೆಯಲ್ಲಿಯೇ ಟ್ರೈ ಮಾಡಿ ಲಹೋರಿ ಗ್ರೀನ್ ಚಿಕನ್​!

ಸಾಮಾನ್ಯವಾಗಿ ಹೆಚ್ಚಿನ ಜನರು ಎಲ್ಲಾ ರೆಸಿಪಿಗಳ ಟೇಸ್ಟ್​ ಸವಿದಿರುತ್ತೀರಾ. ಆದರೆ ಇಂದು ಹೊಸ ರೆಸಿಪಿಯೊಂದನ್ನು ಹೇಳುತ್ತಿದ್ದೇವೆ. ಅದುವೇ ಲಹೋರಿ ಗ್ರೀನ್​ ಚಿಕನ್​ ರೆಸಿಪಿ. ಇದನ್ನು ಮಾಡೋದು ಹೇಗೆ ಗೊತ್ತಾ?.

ಲಹೋರಿ ಗ್ರೀನ್ ಚಿಕನ್

ಲಹೋರಿ ಗ್ರೀನ್ ಚಿಕನ್

  • Share this:
    ಕೋಳಿ ಮಾಂಸ ಬಳಸಿ ಅಡುಗೆ ಮಾಡಲು ಬರುತ್ತಾ? ಬಹುತೇಕರ ಮನೆಯಲ್ಲಿ ವಿಕನ್​ ಪುಲಿಮುಂಚಿ (Chicken Pulimunchi), ಚಿಕನ್​ ಸಾಂಬರ್​, ಚಿಕನ್​​ ಸುಕ್ಕ (Chicken Sukka), ಚಿಕನ್​ ಬಿರಿಯಾನಿ (Chicken Biriyani) ಮಾಡಿಯೇ ಮಾಡುತ್ತಾರೆ. ಸಾಮಾನ್ಯವಾಗಿ ಹೆಚ್ಚಿನ ಜನರು ಈ ಎಲ್ಲಾ ರೆಸಿಪಿಗಳ ಟೇಸ್ಟ್​ ಸವಿದಿರುತ್ತೀರಾ. ಆದರೆ ಇಂದು ಹೊಸ ರೆಸಿಪಿಯೊಂದನ್ನು ಹೇಳುತ್ತಿದ್ದೇವೆ. ಅದುವೇ ಲಹೋರಿ ಗ್ರೀನ್​ ಚಿಕನ್ (Lahori Green Chicken)​ ರೆಸಿಪಿ. ಇದನ್ನು ಮಾಡೋದು ಹೇಗೆ ಗೊತ್ತಾ?.

    ಹೊಸ  ಹೆಸರು ಕೇಳಿದಂತಿದೆ ಅನಿಸುತ್ತಿದ್ದೆಯಾ?. ಹೌದು. ಇದೊಂದು ಹೊಸ ರೆಸಿಪಿ. ಚಿಕನ್​​ ಬಳಸಿಕೊಂಡು ಲಹೋರಿ ಗ್ರೀನ್​ ರೆಸಿಪಿ ತಯಾರಿಸಲಾಗುತ್ತದೆ. ಅಂದಹಾಗೆಯೇ ಈ ರೆಸಿಪಿಯ ಟೇಸ್ಟ್​ ಅದ್ಭುತವಾಗಿದೆ. ಮಸಾಲೆಯೊಂದಿಗಿನ ಚಿಕನ್​ ಸವಿದಾಗ ಈ ರೆಸಿಪಿಯ ಟೇಸ್ಟ್​ ತಿಳಿಯುತ್ತದೆ. ಅಂದಹಾಗೆಯೇ ಲಹೋರಿ ಗ್ರೀನ್​ ಚಿಕನ್​ ರೆಸಿಪಿ ತಯಾರಿಸುವುದು ಹೇಗೆ ಗೊತ್ತಿದ್ಯಾ?. ಸುಲಭವಾಗಿ ಮತ್ತು ವೇಗವಾಗಿ ಲಹೋರಿ ಗ್ರೀನ್​ ಚಿಕನ್​ ರೆಸಿಪಿ ತಯಾರಿಸುವ ವಿಧಾನದ ಬಗ್ಗೆ ಮಾಹಿತಿ ಇಲ್ಲಿದೆ.

    ಲಹೋರಿ ಗ್ರೀನ್ ಚಿಕನ್​ಗೆ ಬೇಕಾಗುವ ಸಾಮಗ್ರಿಗಳು:

    1.6 ಕೆಜಿ ಚಿಕನ್, ಕೊತ್ತಂಬರಿ ಸೊಪ್ಪು, ಪುದೀನ ಸೊಪ್ಪು, ಹಸಿ ಮೆಣಸು, ಎಣ್ಣೆ , ದನದ ತುಪ್ಪ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಮೆಣಸಿನ ಪುಡಿ, ಅರಶಿನ ಪುಡಿ, 1 ಕಪ್ ಮೊಸರು, ಕಾಳು ಮೆಣಸಿನಪುಡಿ, ಜೀರಿಗೆ ಪುಡಿ, ಕೊತ್ತಂಬರಿ ಸೊಪ್ಪು, ಫ್ರೆಶ್ ಕ್ರೀಮ್.

    ಮಾಡುವ ವಿಧಾನ:

    1 ಕಪ್ ಪುದೀನ ಸೊಪ್ಪು, 1 ಕಪ್ ಕೊತ್ತಂಬರಿಸೊಪ್ಪು, 4 ಹಸಿ ಮೆಣಸನ್ನು ಒಂದು ಮಿಕ್ಸಿ ಜಾರಿಗೆ ಹಾಕಿ, ಸ್ವಲ್ಪ ನೀರು ಸೇರಿಸಿ ಮಿಕ್ಸಿ ಮಾಡಿಕೊಳ್ಳಿ.

    ಒಂದು ಪಾತ್ರೆಗೆ ಒಂದು ಕಪ್ ಎಣ್ಣೆ ಹಾಕಿ, 2-3 ಚಮಚ ತುಪ್ಪ ಹಾಕಿ,2 ಚಮಚ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ,1/2 ಚಮಚ ಮೆಣಸಿನ ಪುಡಿ,1/2 ಚಮಚ ಅರಶಿಣ ಪುಡಿ ಹಾಕಿ ಚೆನ್ನಾಗಿ ಹುರಿಯಿರಿ.
    ನಂತರ ತೊಳೆದಿಟ್ಟು ಕೊಂಡ ಚಿಕನ್,4 ಹಸಿ ಮೆಣಸು ತುಂಡರಿಸಿ ಹಾಕಿ, 10 ನಿಮಿಷಗಳ ಕಾಲ ಫ್ರೈ ಮಾಡಿ.

    ನಂತರ ಮಿಕ್ಸಿ ಮಾಡಿಟ್ಟ ಮಿಶ್ರಣ ವನ್ನು ಸೇರಿಸಿ, 3 ನಿಮಿಷಗಳ ವರೆಗೆ ಬೇಯಲು ಇಡಿ.
    ನಂತರ ಮೊಸರು ಸೇರಿಸಿ 3 ನಿಮಿಷಗಳ ಕಾಲ ಬೇಯಲು ಇಡಿ.
    ನಂತರ 1 ಚಮಚ ಕಾಳುಮೆಣಸಿನ ಪುಡಿ,1 ಚಮಚ ಜೀರಿಗೆ ಪುಡಿ,ಕೊತಂಬರಿ ಸೊಪ್ಪು ಹಾಕಿ ಚೆನ್ನಾಗಿ ಮಿಶ್ರ ಮಾಡಿ, ಬೇಯಲು ಬಿಡಿ.

    ನಂತರ ಫ್ರೆಶ್ ಕ್ರೀಮ್ ಹಾಕಿ ಚೆನ್ನಾಗಿ ಮಿಶ್ರ ಮಾಡಿ , ಸಣ್ಣ ಉರಿಯಲ್ಲಿ ಬೇಯಿಸಿ.
    ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಲಹೋರಿ ಗ್ರೀನ್ ಚಿಕನ್ ಸವಿಯಲು ಸಿದ್ದ.


    KFC ಚಿಕನ್​ ಮಾಡೋದು ಹೇಗೆ? ಮನೆಯಲ್ಲಿಯೇ ಈ ವಿಧಾನ ಟ್ರೈ ಮಾಡಿ ನೋಡಿ

    ಕೆಎಫ್​ಸಿ ಚಿಕನ್ (KFC Chicken)​ ಸವಿದಿದ್ದೀರಾ?. ಸಾಮಾನ್ಯವಾಗಿ ನಗರದ ಕಡೆಗೆ ಹೆಜ್ಜೆ ಹಾಕಿದಾಗ ಅಲ್ಲಿರುವ ಕೆಎಫ್​ಸಿ ಮಳಿಗೆಗೆ ಭೇಟಿ ನೀಡಿ ಕೆಎಫ್​ಸಿ ಚಿಕನ್​ ಸವಿದದ್ದು ನೆನಪಿಗೆ ಬರಬಹುದು. ಆ ಮಳಿಗೆ ಬಳಿಗೆ ಹೋದಾಗಲೆಲ್ಲಾ ಕೆಎಫ್​ಸಿ ಚಿಕನ್​ನ ಟೇಸ್ಟ್(Taste)​ ಮತ್ತೆ ಮತ್ತೆ ನೆನಪಾಗಬಹುದು. ಆದರೆ ಮನೆಯಲ್ಲಿಯೇ ಕೆಎಫ್​ಸಿ ತಹರದ ಚಿಕನ್​ ಮಾಡಬಹುದಾಗಿದೆ. ಅದು ಹೇಗೆ ಎಂದು ತಿಳಿದಿದೆಯಾ?. ಸುಲಭವಾಗಿ ಮತ್ತು ವೇಗವಾಗಿ ಮನೆಯಲ್ಲಿರುವ ಮಸಾಲೆಯನ್ನು (Recipe) ಬಳಸಿಕೊಂಡು ಕೆಎಫ್​ಸಿ ತರಹದ ಚಿಕನ್​ ಅನ್ನು ಮಾಡಬಹುದಾಗಿದೆ. ಅಂದಹಾಗೆಯೇ, ಕೆಎಫ್​​ಸಿ ತಹರದ ಚಿಕನ್​ ಮಾಡಲು ಬೇಕಾಗುವ ಸಾಮಾಗ್ರಿ ಮತ್ತು ವಿಧಾನದ ಬಗ್ಗೆ ಮಾಹಿತಿ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು

    -ತೊಳೆದ 3.5 KG ಚಿಕನ್​

    -300 ಗ್ರಾಂ ಮೈದಾ ಹಿಟ್ಟು

    -100 ಗ್ರಾಂ ಕಾರ್ನ್​ ಪ್ಲವರ್

    -ರುಚಿಗೆ ತಕ್ಕ ಗರಂ ಮಸಾಲೆ

    -ಮೆಣಸಿನ ಹುಡಿ,

    -ಅರಶಿನ ಹುಡಿ

    -ಉಪ್ಪು

    ಮಾಡುವ ವಿಧಾನ

    ಮೊದಲಿಗೆ ಚಿಕನ್ ಶುಚಿ ಮಾಡಿ ಇಟ್ಟುಕೊಳ್ಳಿ. ಬಳಿಕ ಒಂದು ಪಾತ್ರೆ ತೆಗೆದುಕೊಂಡು 300 ಗ್ರಾಂನಷ್ಟು ಮೈದಾವನ್ನು ಅದಕ್ಕೆ ಸುರಿಯಿರಿ. ಬಳಿಕ 100 ಗ್ರಾಂ ಕಾರ್ನ್​ ಪ್ಲವರ್​ ಹುಡಿಯನ್ನುಹಾಕಿ ಮಿಕ್ಸ್​ ಮಾಡಿ. ಇವಿಷ್ಟು  ಆದ ಬಳಿಕ ರುಚಿಗೆ ತಕ್ಕ ಗರಂ ಮಸಾಲೆ, ಮೆಣಸಿನ ಹುಡಿ ಮತ್ತು ಅರಶಿನ ಹುಡಿಯನ್ನು ಹಾಕಿ.  ಬಳಿಕ ಉಪ್ಪನ್ನು ಸೇರಿಸಿ. ರುಚಿಗೆ ಬೇಕಾದಷ್ಟು ಉಪ್ಪನ್ನು ನೋಡಿಕೊಂಡು ಹಾಕಿ. ಬಳಿಕ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಹಸಿ ಚಿಕನ್​ ಅನ್ನು ಅದಕ್ಕೆ ಸೇರಿಸಿ ಮಿಶ್ರಣ ಮಾಡಿ.

    ಇದನ್ನೂ ಓದಿ: Weight Loss: ಈ 5 ಪಾನೀಯಗಳನ್ನು ಸೇವಿಸಿದ್ರೆ ದೇಹದಲ್ಲಿನ ಕೊಬ್ಬನ್ನು ಬರ್ನ್ ಮಾಡಬಹುದು!

    ಮಿಶ್ರಣ ಮಾಡಿದಂತೆ, ಚಿಕನ್​ಗೆ ಮೈದಾ ಅಂಟಿಕೊಳ್ಳುತ್ತದೆ. ನಂತರ ಅದಕ್ಕೆ ಹಸಿ ಮೊಟ್ಟೆಯನ್ನು ಸೇರಿಸಬೇಕು. 4 ಮೊಟ್ಟೆಯನ್ನು ಹಾಕಿದರೆ ಸಾಕು. ಬಳಿಕ ಮತ್ತೊಮ್ಮೆ ಚೆನ್ನಾಗಿ ಮಿಶ್ರಣ ಮಾಡಬೇಕು. ಇದಾದ ಬಳಿಕ ಬೆಳ್ಳುಳ್ಳಿ ಪೇಸ್ಟ್​​ ಅನ್ನು ಅದಕ್ಕೆ ಹಾಕಬೇಕು. ನಂತರ ಅದರೊಂದಿಗೆ ನೀರುಳ್ಳಿ ಪೇಸ್ಟ್​ ಸೇರಿಸಿ ಮಿಶ್ರಣ ಮಾಡಬೇಕು. ವಿನೇಗರ್​ ಬದಲಿಗೆ ಲಿಂಬೆ ರಸವನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ 30 ನಿಮಿಷಗಳ ಕಾಲ ಇಡಿ.



    ಇದನ್ನೂ ಓದಿ: Kitchen Hacks: ಈ ವಸ್ತುಗಳನ್ನು ಫ್ರಿಡ್ಜ್​ನಲ್ಲಿ ಇಡಲೇಬಾರದಂತೆ, ಇಲ್ಲಿದೆ ನೋಡಿ ಲಿಸ್ಟ್

    ನಂತರ ಪಾತ್ರೆಯೊಂದನ್ನು ತೆಗೆದುಕೊಂಡು ಅದಕ್ಕೆಎಣ್ಣೆ ಸುರಿಯಿರಿ. ಗ್ಯಾಸ್​ ಉರಿಸಿ, ಎಣ್ಣೆ ಹದ ಬಿಸಿಗೆ ಬರುವವರೆಗೆ ನೋಡಿಕೊಳ್ಳಿ. ನಂತರ ಅರ್ಧ ನಿಮಿಷಗಳ ಕಾಲ ತೆಗೆದಿಟ್ಟ ಚಿಕನ್​ ಮಿಶ್ರಣವನ್ನು ಬಳಿ ಇಟ್ಟುಕೊಳ್ಳಿ. ಜೊತೆಗೆ ಮತ್ತೊಂದು ಪಾತ್ರೆಯಲ್ಲಿ ಓಟ್ಸ್​ ಇಟ್ಟುಕೊಳ್ಳಿ. ಎಣ್ಣೆ ಬಿಸಿಯಾಗುತ್ತಿದ್ದಂತೆಯೇ ಚಿಕನ್​ ತೆಗೆದುಕೊಂಡು, ಓಟ್ಸ್​ಗೆ ಮಿಶ್ರಣ ಮಾಡಿ ನೇರವಾಗಿ ಎಣ್ಣೆಗೆ ಬಿಡಿ. ಕೊಂಚ ಹೊತ್ತು ಕಾದ ಬಳಿಕ ಎಣ್ಣೆಯಿಂದ ಚಿಕನ್ ತೆಗೆಯಿರಿ. ಈಗ ಕೆಎಫ್​ಸಿ ಚಿಕನ್​ ಸವಿಯಲು ಸಿದ್ಧ.

    ಅಂಗಡಿ ತೆರಳಿ ಸಾವಿರಾರು ರೂಪಾಯಿ ಹಣ ನೀಡಿ ಕೆಎಫ್​ಸಿ ಚಿಕನ್​ ಸವಿಯುವ ಬದಲು, ಮನೆಯಲ್ಲಿಯೇ ಮಾಡಿ ಸವಿಯಬಹುದಾಗಿದೆ. ಅಂದಹಾಗೆಯೇ ಈ ರೀತಿ ಚಿಕನ್​ ರೆಸಿಪಿ ತಯಾರಿಸಲು ಹೆಚ್ಚು ಹಣ ಖರ್ಚು ಮಾಡುವ ಅವಶ್ಯಕತೆಯಿಲ್ಲ. ಮನೆಯಲ್ಲಿಯೇ ಇರುವ ಸಾಮಾಗ್ರಿ ಬಳಸಿ ಕೆಎಫ್​ಸಿ ಚಿಕನ್​ ರೆಸಿಪಿ ತಯಾರಿಸಬಹುದು. ಯಾವುದೇ ಅಡುಗೆಯನ್ನು ಮೊದಲ ಬಾರಿ ಪ್ರಯತ್ನಿಸಿದಾಗ ಮಾತ್ರ ಅದರ ರುಚಿಯ ಬಗ್ಗೆ ತಿಳಿಯುತ್ತದೆ. ಹಾಗೆಯೇ  ಕೆಎಫ್​ಸಿ ಚಿಕನ್​ ಅನ್ನು ಮನೆಯಲ್ಲಿಯೇ ಟ್ರೈ ಮಾಡಿ ನೋಡಿ.
    Published by:Harshith AS
    First published: