Intermittent Fasting: ತೂಕ ಇಳಿಕೆಗೆ ಮಧ್ಯಂತರ ಉಪವಾಸ ಪರಿಣಾಮಕಾರಿಯೇ? ಈ ಬಗ್ಗೆ ತಜ್ಞರು ಹೇಳುವುದೇನು?

ಮಧ್ಯಂತರ ಉಪವಾಸದಲ್ಲಿ ಏನು ತಿನ್ನಬೇಕು ಎನ್ನುವುದಕ್ಕಿಂತ, ತಿನ್ನುವ ಸಮಯ ಮತ್ತು ಉಪವಾಸದ ಅವಧಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ. ಮಧ್ಯಂತರ ಉಪವಾಸ ಆರೋಗ್ಯಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಪ್ರಯೋಜನಕಾರಿಯಾಗಿದೆ. ಇದು ದೇಹದ ತೂಕ ಮತ್ತು ಉರಿಯೂತ ಕಡಿಮೆ ಮಾಡುತ್ತದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ತೂಕ ಹೆಚ್ಚಾಗುವುದು (Weight Gain) ಗಂಭೀರ ಕಾಯಿಲೆಗಳಾದ (Serious Disease) ಮಧುಮೇಹ, ಅಧಿಕ ರಕ್ತದೊತ್ತಡ, ಹೃದ್ರೋಗ ಮತ್ತು ಯಕೃತ್ತಿನ ಕಾಯಿಲೆ (Liver Disease) ಸೇರಿದಂತೆ ಅನೇಕ ಕಾಯಿಲೆಗೆ ಕಾರಣವಾಗುತ್ತದೆ. ಅಂತಹ ವೇಳೆ ಹೆಚ್ಚುತ್ತಿರುವ ತೂಕವನ್ನು ನಿಯಂತ್ರಿಸುವುದು (Weight Control) ಅವಶ್ಯಕ. ಇದಕ್ಕಾಗಿ ವ್ಯಾಯಾಮ, ಆಹಾರ ಪದ್ಧತಿ ಮತ್ತು ಇತರ ವಿಧಾನಗಳ ಜೊತೆಗೆ ಮಧ್ಯಂತರ ಉಪವಾಸದ ಆಯ್ಕೆ ಸಹ ಪರಿಣಾಮಕಾರಿ ಆಗಿದೆ. ಮಧ್ಯಂತರ ಉಪವಾಸ ಇದೀಗ ಅತ್ಯಂತ ಜನಪ್ರಿಯ ತೂಕ ನಷ್ಟ ಪ್ರವೃತ್ತಿಗಳಲ್ಲಿ ಒಂದಾಗಿದೆ. ವಿವಿಧ ರೀತಿಯಲ್ಲಿ ಪ್ರಯತ್ನಿಸಬಹುದು. ಆದರೆ ತೂಕ ಕಳೆದುಕೊಳ್ಳಲು ಮಧ್ಯಂತರ ಉಪವಾಸ ನಿಜವಾಗಿಯೂ ಪರಿಣಾಮಕಾರಿ ಪರಿಹಾರವೇ ಎಂಬುದನ್ನು ಇಲ್ಲಿ ತಿಳಿಯೋಣ.

    ಮಧ್ಯಂತರ ಉಪವಾಸದಲ್ಲಿ ತಿನ್ನುವ ಸಮಯಕ್ಕೆ ಆದ್ಯತೆ

    ಮಧ್ಯಂತರ ಉಪವಾಸದಲ್ಲಿ ಏನು ತಿನ್ನಬೇಕು ಎನ್ನುವುದಕ್ಕಿಂತ ತಿನ್ನುವ ಸಮಯ ಮತ್ತು ಉಪವಾಸದ ಅವಧಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ. ಮಧ್ಯಂತರ ಉಪವಾಸ ಆರೋಗ್ಯಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಪ್ರಯೋಜನಕಾರಿಯಾಗಿದೆ.ಇದು ದೇಹದ ತೂಕ ಮತ್ತು ಉರಿಯೂತ ಕಡಿಮೆ ಮಾಡುತ್ತದೆ. ಅನೇಕ ಆರೋಗ್ಯ ಸಮಸ್ಯೆಗಳಿಂದ ರಕ್ಷಿಸುತ್ತದೆ.

    ಮಧ್ಯಂತರ ಉಪವಾಸವನ್ನು ಈ 7 ವಿಧಾನಗಳಲ್ಲಿ ಫಾಲೋ ಮಾಡಬಹುದು

    16 ಗಂಟೆ ಉಪವಾಸ ಮತ್ತು 8 ಗಂಟೆ ತಿನ್ನುವುದು- ಇಂಟರ್ಮಿಟೆಂಟ್ ಫಾಸ್ಟಿಂಗ್

    ಮಧ್ಯಂತರ ಉಪವಾಸದ ಅತ್ಯಂತ ಜನಪ್ರಿಯ ವಿಧ. ಇದರಲ್ಲಿ 16 ಗಂಟೆಗಳ ಕಾಲ ಉಪವಾಸ ಮಾಡಲಾಗುತ್ತದೆ. ಮತ್ತು 8 ಗಂಟೆಗಳ ಕಾಲ ತಿನ್ನಲು ಇಡಲಾಗುತ್ತದೆ. ಈ ರೀತಿ 8 ಗಂಟೆಗಳ ಆಹಾರ ಅಥವಾ ಸಮಯ ನಿರ್ಬಂಧಿತ ಆಹಾರ ಎಂದೂ ಕರೆಯುತ್ತಾರೆ.

    ಇದನ್ನೂ ಓದಿ: ನಾಲಿಗೆ ಮೇಲೆ ಈ ರೀತಿ ಆದಲ್ಲಿ ವಿಟಮಿನ್ ಡಿ ಕೊರತೆಯಂತೆ, ಎಚ್ಚರ ವಹಿಸಿ

    ಪ್ರತಿ ದಿನ ಉಪವಾಸ

    ಇದು ಪ್ರತಿ ದಿನ ಉಪವಾಸ ಮಾಡುವ ಪದ್ಧತಿ ಆಗಿದೆ. ಇದು ನಿಮ್ಮ ದೇಹವನ್ನು ವಿಭಿನ್ನ ಕ್ಯಾಲೋರಿ ಪೂರೈಕೆಗಳಿಗೆ ಹೊಂದಿಸಲು ನೀವು ಕಲಿಯುತ್ತೀರಿ. ಇದು ಕೆಲವರು ತಮ್ಮ ಸಮಯಕ್ಕೆ ತಕ್ಕಂತೆ ನಿಗದಿತ ಸಮಯ ಆರಿಸಿಕೊಂಡು ಉಪವಾಸ ಮಾಡುತ್ತಾರೆ.

    24 ಗಂಟೆ ಉಪವಾಸ

    ಇದರಲ್ಲಿ ವ್ಯಕ್ತಿಯು ವಾರದಲ್ಲಿ 1 ಅಥವಾ 2 ದಿನಗಳವರೆಗೆ 24 ಗಂಟೆಗಳ ಕಾಲ ಉಪವಾಸ ಮಾಡಬಹುದು. ಒಬ್ಬ ವ್ಯಕ್ತಿಯು ತನ್ನ ವೇಳಾಪಟ್ಟಿ ಮತ್ತು ಅನುಕೂಲಕ್ಕೆ ತಕ್ಕಂತೆ ದಿನ ಆರಿಸಿಕೊಳ್ಳುವುದು. ನಂತರ ಉಪವಾಸ ಮಾಡುವುದು ಉತ್ತಮ.

    ರಂಜಾನ್ ಸಮಯದಲ್ಲಿ ಉಪವಾಸ

    ರಂಜಾನ್ ತಿಂಗಳಲ್ಲಿ ಮಾಡುವ ಉಪವಾಸವೂ ಮಧ್ಯಂತರ ಉಪವಾಸದ ವರ್ಗಕ್ಕೆ ಬರುತ್ತದೆ. ಸೂರ್ಯೋದಯಕ್ಕೆ ಮುಂಚೆ ಲಘು ಆಹಾರ ಸೇವಿಸಲಾಗುತ್ತದೆ. ಆದರೆ ಸೂರ್ಯಾಸ್ತದ ನಂತರ ಹೆಚ್ಚು ಆಹಾರ ಸೇವಿಸುವುದಾಗಿದೆ. ರಂಜಾನ್‌ನಲ್ಲಿ ತಿನ್ನುವ ಮತ್ತು ಉಪವಾಸದ ಅವಧಿಯು ಸುಮಾರು 12 ಗಂಟೆಗಳಿರುತ್ತದೆ.

    ಒಂದು ಊಟ ಮಾಡದೇ ಇರುವುದು

    ಮಧ್ಯಂತರ ಉಪವಾಸದಲ್ಲಿ ಒಬ್ಬರು ಊಟ ಮಾಡದೇ ಇರುವುದು ಇದೆ. ಉದಾಹರಣೆಗೆ, ಉಪಹಾರ ಹೊರತುಪಡಿಸಿ ಊಟ ಮತ್ತು ರಾತ್ರಿಯ ಊಟ ಸೇವಿಸಬಹುದು. ಅಥವಾ ಉಪಹಾರದ ನಂತರ ನೇರವಾಗಿ ರಾತ್ರಿಯ ಊಟ ಮಾಡಬಹುದು.

    ವಾರದ ಒಂದು ದಿನ ಉಪವಾಸ ಮಾಡುವುದು

    ವ್ಯಕ್ತಿಯು ನಿರಂತರವಾಗಿ ಉಪವಾಸ ಮಾಡುವುದು ಕಷ್ಟವಾಗಿದ್ದರೆ, ವಾರದ ಒಂದು ದಿನ ಉಪವಾಸ ಮಾಡಬಹುದು. ದಿನವಿಡೀ ಒಂದು ಊಟ ಬಿಡಬಹುದು. ಅನುಕೂಲಕ್ಕೆ ತಕ್ಕಂತೆ ಅನುಸರಿಸಬಹುದು. ದೀರ್ಘಾವಧಿಯ ಮಧ್ಯಂತರ ಉಪವಾಸ ಪ್ರಾರಂಭಿಸಲು ಉತ್ತಮ ಮಾರ್ಗ.

    ಹಗಲು ಲಘು ಆಹಾರ ಮತ್ತು ರಾತ್ರಿ ಹೆಚ್ಚು ಆಹಾರ ಸೇವನೆ

    ಹಗಲಿನಲ್ಲಿ ಲಘು ಆಹಾರವನ್ನು ಮತ್ತು ರಾತ್ರಿಯಲ್ಲಿ ಹೆಚ್ಚಿನ ಆಹಾರ ಸೇವಿಸಲು ಸಲಹೆ ನೀಡಲಾಗುತ್ತದೆ. ಇದು ಪ್ರೋಟೀನ್-ಭರಿತ ಆಹಾರ ಒಳಗೊಂಡಿದೆ. ಉಪವಾಸದ ಸಮಯದಲ್ಲಿ ವ್ಯಾಯಾಮವೂ ಅಗತ್ಯ.

    ಮಧ್ಯಂತರ ಉಪವಾಸ ತೂಕ ನಷ್ಟಕ್ಕೆ ಸಹಕಾರಿಯೇ?

    ನ್ಯಾಷನಲ್ ಸೆಂಟರ್ ಫಾರ್ ಬಯೋಟೆಕ್ನಾಲಜಿ ಮಾಹಿತಿ ವೆಬ್‌ಸೈಟ್‌ನಲ್ಲಿ ಪ್ರಕಟವಾದ ಸಂಶೋಧನೆಯ ಪ್ರಕಾರ, ಸಾಮಾನ್ಯ ತೂಕ, ಅಧಿಕ ತೂಕ ಮತ್ತು ಬೊಜ್ಜು ಹೊಂದಿರುವ ವ್ಯಕ್ತಿಗಳಲ್ಲಿ ಮಧ್ಯಂತರ ಉಪವಾಸ ತೂಕ ನಷ್ಟದಲ್ಲಿ ಪರಿಣಾಮಕಾರಿಯಾಗಿದೆ.

    ಇದನ್ನೂ ಓದಿ: ಕೂದಲು ಮತ್ತು ತ್ವಚೆಯ ಆರೋಗ್ಯಕ್ಕೆ ಮಜ್ಜಿಗೆ ಬಳಸ್ತೀರಾ? ಹಾಗಾದ್ರೆ ತಪ್ಪದೇ ಓದಿ

    ಮಧ್ಯಂತರ ಉಪವಾಸದ ಪರಿಣಾಮವು ಪ್ರಾಣಿಗಳ ಮೇಲೆ ಮಾಡಿದ ಸಂಶೋಧನೆಯಲ್ಲಿ ಪ್ರಯೋಜನಕಾರಿಯಾಗಿದೆ ಎಂದು ತಿಳಿದು ಬಂದಿದೆ. ವ್ಯಕ್ತಿಯು ಆರೋಗ್ಯಕ್ಕೆ ಮಧ್ಯಂತರ ಉಪವಾಸ ಮಾಡಬಹುದು.
    Published by:renukadariyannavar
    First published: