Vitamin B-12: ಸಸ್ಯಾಹಾರಿಗಳಿಗೂ ಸಿಗುತ್ತೆ ವಿಟಮಿನ್ ಬಿ-12, ಇದು ಯಾವೆಲ್ಲಾ ಆಹಾರದಲ್ಲಿ ಹೇರಳವಾಗಿದೆ ಗೊತ್ತಾ?

ವಿಟಮಿನ್ ಬಿ 12 ಕೊರತೆಯು ರಕ್ತಹೀನತೆ ಅಥವಾ ನರಮಂಡಲದ ಹಾನಿಗೆ ಕಾರಣವಾಗಬಹುದು, ಇದು ಮರಗಟ್ಟುವಿಕೆ ಅಥವಾ ಜುಮ್ಮೆನಿಸುವಿಕೆ, ಸ್ನಾಯು ದೌರ್ಬಲ್ಯ, ಜ್ಞಾಪಕ ಶಕ್ತಿ ನಷ್ಟ, ಖಿನ್ನತೆ, ಹಸಿವಿನ ಕೊರತೆ, ಮಲಬದ್ಧತೆ ಮತ್ತು ಅತಿಸಾರಗಳನ್ನು ಉಂಟು ಮಾಡುತ್ತದೆ.

ವಿಟಮಿನ್ ಬಿ 12 ಹೇರಳವಾಗಿರುವ ಸಸ್ಯಾಹಾರಗಳು

ವಿಟಮಿನ್ ಬಿ 12 ಹೇರಳವಾಗಿರುವ ಸಸ್ಯಾಹಾರಗಳು

  • Share this:
    ಪೋಷಕಾಂಶ (Nutrient) ರೂಪದಲ್ಲಿ ಸಿಗುವ ವಿಟಮಿನ್ (Vitamins) ಅಥವಾ ಜೀವಸತ್ವಗಳು ಆರೋಗ್ಯವಂತ ಮನುಷ್ಯನಿಗೆ (Healthy man) ಅಗತ್ಯವಾಗಿ ಬೇಕಾಗಿರುವ ಸತ್ವಗಳು. ವಿಟಮಿನ್ ಡಿ, ಸಿ, ಇ, ಕೆ ಹಾಗೂ ವಿಟಮಿನ್ ಬಿ 12 ಇವು ನಮ್ಮ ದೇಹದಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ವಿಟಮಿನ್ ಬಿ 12 (Vitamin B 12) ಬಗ್ಗೆ ನೋಡುವುದಾದರೆ ಇದು 8 ಬಿ ಜೀವಸತ್ವಗಳಲ್ಲಿ ಒಂದಾಗಿದ್ದು, ಕೆಂಪು ರಕ್ತ ಕಣಗಳು (Red blood cells) ಮತ್ತು ಡಿಎನ್‌ಎ (DNA) ರಚನೆಯಲ್ಲಿ ಬಹುಮುಖ್ಯವಾಗಿದೆ. ವಿಟಮಿನ್ ಬಿ 12 ಕೊರತೆಯು ರಕ್ತಹೀನತೆ ಅಥವಾ ನರಮಂಡಲದ ಹಾನಿಗೆ ಕಾರಣವಾಗಬಹುದು, ಇದು ಮರಗಟ್ಟುವಿಕೆ ಅಥವಾ ಜುಮ್ಮೆನಿಸುವಿಕೆ, ಸ್ನಾಯು ದೌರ್ಬಲ್ಯ, ಜ್ಞಾಪಕ ಶಕ್ತಿ ನಷ್ಟ, ಖಿನ್ನತೆ, ಹಸಿವಿನ ಕೊರತೆ, ಮಲಬದ್ಧತೆ ಮತ್ತು ಅತಿಸಾರಗಳನ್ನು ಉಂಟು ಮಾಡುತ್ತದೆ.

    ಇದು ನೀರಿನಲ್ಲಿ ಕರಗುವ ವಿಟಮಿನ್

    ವಿಟಮಿನ್ ಬಿ 12 ನೀರಿನಲ್ಲಿ ಕರಗುವ ವಿಟಮಿನ್ ಆಗಿದೆ, ಇದು ಮಾಂಸ, ಡೈರಿ ಮತ್ತು ಮೊಟ್ಟೆಯಂತಹ ಪ್ರಾಣಿ ಮೂಲದ ಆಹಾರಗಳಲ್ಲಿ ಗಣನೀಯವಾಗಿ ಕಂಡುಬರುತ್ತದೆ. ರಕ್ತಹೀನತೆಯಂತಹ ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುವ ಕೊರತೆಯನ್ನು ತಪ್ಪಿಸಲು ಈ ವಿಟಮಿನ್ 12 ಅನ್ನು ಹೇರಳವಾಗಿ ಪಡೆಯುವುದು ಅತ್ಯಗತ್ಯ.

    ದೇಹದಲ್ಲಿ ಉತ್ಪಾದನೆಯಾಗುವುದಿಲ್ಲ ಬಿ 12

    ಮಾನವ ದೇಹವು ವಿಟಮಿನ್ ಬಿ 12 ಅನ್ನು ಉತ್ಪಾದಿಸುವುದಿಲ್ಲ ಮತ್ತು ಸಸ್ಯಾಧಾರಿತ ಆಹಾರಗಳು ನೈಸರ್ಗಿಕವಾಗಿ ವಿಟಮಿನ್ ಬಿ 12 ಅನ್ನು ಹೊಂದಿರುವುದಿಲ್ಲ, ಆದ್ದರಿಂದ ಸಸ್ಯಾಹಾರಿ ಅಥವಾ ವೇಗನ್‌ ಆಹಾರವನ್ನು ಸೇವಿಸುವ ಜನರು ವಿಟಮಿನ್ ಬಿ 12 ಕೊರತೆಯನ್ನು ತಪ್ಪಿಸಲು ಮತ್ತು ಒಟ್ಟಾರೆ ಆರೋಗ್ಯಕ್ಕೆ ಕೆಲವು ವಿಟಮಿನ್ ಬಿ 12 ಸಮೃದ್ಧ ಆಹಾರಗಳನ್ನು ಸೇವಿಸಲು ತಜ್ಞರು ಸಲಹೆ ನೀಡುತ್ತಾರೆ.

    ಡಯೆಟಿಷಿಯನ್ ನತಾಶಾ ಮೋಹನ್ ಸೂಚಿಸಿದ ನಿಮ್ಮ ಆಹಾರದ ಭಾಗವಾಗಬಹುದಾದ ಕೆಲವು ವಿಟಮಿನ್ ಬಿ 12 ಸಮೃದ್ಧ ಆಹಾರಗಳು ಇಲ್ಲಿವೆ. ಸಸ್ಯಾಹಾರಿಗಳಿಗೆ ವಿಟಮಿನ್ ಬಿ 12 ನ ಅತ್ಯುತ್ತಮ ಮೂಲಗಳು ಯಾವುದು ನೋಡೋಣ...

    ಇದನ್ನೂ ಓದಿ: Diabetes Care: ಮಧುಮೇಹಿಗಳು ಈ ಎಲೆಗಳನ್ನು ಸೇವಿಸಿದ್ರೆ ಸಕ್ಕರೆ ಮಟ್ಟ ಕಂಟ್ರೋಲ್ ಆಗುತ್ತೆ

     ಪಾಲಕ್ ಸೊಪ್ಪು

    ಇದು ಒಂದು ಸೂಪರ್‌ಫುಡ್, ವಿಟಮಿನ್ ಬಿ12 ಸಮೃದ್ಧವಾಗಿರುವ ಪಾಲಕ್, ನಿಮ್ಮ ಒಟ್ಟಾರೆ ಬೆಳವಣಿಗೆಗೆ ಸಹಾಯ ಮಾಡುವ ಪೋಷಕಾಂಶಗಳ ಶಕ್ತಿ ಕೇಂದ್ರವಾಗಿದೆ. ಬಹುಮುಖ ಪ್ರಯೋಜನ ಹೊಂದಿರುವ ಪಾಲಕ್ ಅನ್ನು ಸೂಪ್‌ನಿಂದ ಸ್ಮೂಥಿಗಳವರೆಗೆ ವಿವಿಧ ರೀತಿಯಾಗಿ ಸೇವಿಸಬಹುದು.

    ಬೀಟ್‌ರೂಟ್‌

    ಬೀಟ್‌ರೂಟ್‌ ಅನ್ನು ನಿಮ್ಮ ದೈನಂದಿನ ಆಹಾರದಲ್ಲಿ ಆರೋಗ್ಯಕರ ಆಹಾರ ಸೇವನೆಗಾಗಿ ಸೇರಿಸಲು ತಜ್ಞರು ಸಲಹೆ ನೀಡುತ್ತಾರೆ. ಏಕೆಂದರೆ ಇದು ಕಬ್ಬಿಣದಿಂದ ಸಮೃದ್ಧವಾಗಿದೆ ಮತ್ತು ವಿಟಮಿನ್ ಬಿ 12ನ ಅತ್ಯುತ್ತಮ ಮೂಲವಾಗಿದೆ.

    ಕಡಲೆಕಾಳು

    ಚಿಕನ್ ತಿನ್ನದವರಿಗೆ ಕಡಲೆಕಾಳು ಅತ್ಯುತ್ತಮ ಪರ್ಯಾಯ ಆಯ್ಕೆಯಾಗಿದೆ. ಇದು ವಿಟಮಿನ್ ಬಿ 12 ಜೊತೆಗೆ ಫೈಬರ್, ಪ್ರೋಟೀನ್‌ ಮತ್ತು ಹಲವಾರು ಇತರ ಅಗತ್ಯ ಪೋಷಕಾಂಶಗಳಿಂದ ತುಂಬಿರುತ್ತವೆ. ಇದರಲ್ಲಿ ಸಲಾಡ್, ಪಲ್ಯ, ಹಾಗೆ ಬೇಯಿಸಿದ ಕಡಲೆಯನ್ನು ನಿಮ್ಮ ಆಹಾರಕ್ಕೆ ಸೇರಿಸಬಹುದು.

    ಮೊಸರು

    ಪ್ರೋಬಯಾಟಿಕ್‌ಗಳ ಕಾರಣದಿಂದಾಗಿ ನಿಮ್ಮ ಕರುಳಿನ ಆರೋಗ್ಯವನ್ನು ಸುಧಾರಿಸಲು ಇದು ಅದ್ಭುತವಾದ ಆಹಾರವೆಂದು ಪರಿಗಣಿಸಲಾಗಿದೆ. ಮೊಸರು ವಿಟಮಿನ್ ಬಿ 12 ನೊಂದಿಗೆ ಕೂಡಿದೆ. ಕಡಿಮೆ ಕೊಬ್ಬಿನ ಹಾಲು ಮತ್ತು ಪನ್ನೀರ್‌ನಲ್ಲಿ ನೀವು ಸಾಕಷ್ಟು ವಿಟಮಿನ್ ಬಿ 12 ಅನ್ನು ಪಡೆಯಬಹುದು. ಸಸ್ಯಾಹಾರಿಗಳಿಗೆ, ವಿಟಮಿನ್ ಬಿ 12 ಪ್ರಯೋಜನಗಳನ್ನು ಪಡೆಯಲು ನೀವು ಹಾಲನ್ನು ಸೋಯಾ ಹಾಲಿನೊಂದಿಗೆ ಮತ್ತು ಪನ್ನೀರ್‌ ಅನ್ನು ತೋಫು ಜೊತೆ ಬದಲಾಯಿಸಬಹುದು.

    ಹಾಲೊಡಕು

    ಹಾಲನ್ನು ಮೊಸರು ಮಾಡಿದ ನಂತರ ಕಂಡುಬರುವ ಹಾಲೊಡಕು ನೀರನ್ನು ಸಾಮಾನ್ಯವಾಗಿ ಚೆಲ್ಲಲಾಗುತ್ತದೆ. ಆದರೆ ಈ ನೀರಿನಲ್ಲಿ ಅಗತ್ಯವಾದ ಪ್ರೋಟೀನ್‌ಗಳು, ಖನಿಜಗಳು ಮತ್ತು ವಿಟಮಿನ್‌ಗಳಿವೆ. ಈ ಹಾಲೊಡಕು ನೀರನ್ನು ದಾಲ್ ಜೊತೆ ಸೇರಿಸಿ ಬೇಯಿಸುವ ಮೂಲಕ ಪ್ರಯೋಜನ ಪಡೆಯಬಹುದು.

    ಇದನ್ನೂ ಓದಿ: Hair Care Mistakes: ಕೂದಲಿನ ಆರೈಕೆ ಮಾಡಿದರೂ ಪ್ರಯೋಜನವಾಗುತ್ತಿಲ್ಲವೇ? ಹಾಗಿದ್ದರೆ ನೀವು ಈ ತಪ್ಪು ಮಾಡುತ್ತಿರಬಹುದು!

    "ನೀವು ವಿಟಮಿನ್ ಬಿ 12 ಅನ್ನು ಪ್ರಾಣಿ ಮೂಲದ ಆಹಾರಗಳಿಂದ ಪಡೆಯಬಹುದು, ಅಂದರೆ, ಡೈರಿ ಮತ್ತು ಮೊಟ್ಟೆಗಳು ಅಥವಾ ಬಲವರ್ಧಿತ ಆಹಾರಗಳಿಂದಲೂ ಪಡೆಯಬಹುದು. ಕೆಲವು ಸಂದರ್ಭಗಳಲ್ಲಿ, ಅಣಬೆಗಳು ವಿಟಮಿನ್ ಬಿ 12 ಅಗತ್ಯವನ್ನು ಪೂರೈಸುತ್ತವೆ. ಸಸ್ಯಾಹಾರಿಗಳು ತಮ್ಮ ವಿಟಮಿನ್ ಬಿ 12 ಸೇವನೆಯ ಬಗ್ಗೆ ಗಮನ ಹರಿಸಬೇಕು. ಈ ವಿಟಮಿನ್ ದೇಹಕ್ಕೆ ಮುಖ್ಯವಾದದ್ದು ಎನ್ನುತ್ತಾರೆ ನತಾಶಾ ಮೋಹನ್.
    Published by:Annappa Achari
    First published: