• Home
  • »
  • News
  • »
  • lifestyle
  • »
  • Poisonous Plants: ನಮ್ಮ ಪರಿಸರದಲ್ಲಿರುವ ಈ ಸಸ್ಯಗಳು ತುಂಬಾ ಡೇಂಜರಸ್!

Poisonous Plants: ನಮ್ಮ ಪರಿಸರದಲ್ಲಿರುವ ಈ ಸಸ್ಯಗಳು ತುಂಬಾ ಡೇಂಜರಸ್!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಗಿಡ ಮತ್ತು ಮರಗಳು ಹಾಗೂ ಸಸ್ಯಗಳು ಜೀವನಕ್ಕೆ ಬಹಳ ಮುಖ್ಯ. ಹಾಗಾಗಿ ಜನರು ತಮ್ಮ ಮನೆಯಿಂದ ಕಚೇರಿಯವರೆಗೆ ವಿವಿಧ ರೀತಿಯ ಗಿಡಗಳನ್ನು ನೆಡುತ್ತಾರೆ. ಅವುಗಳ ಹಸಿರು ಮತ್ತು ಸೌಂದರ್ಯ ಮನಸ್ಸನ್ನು ಉಲ್ಲಾಸಗೊಳಿಸುತ್ತದೆ. ಆದರೆ ಎಲ್ಲಾ ಸಸ್ಯಗಳು ನಮಗೆ ಪ್ರಯೋಜನ ನೀಡಲ್ಲ. ನಮ್ಮ ಸುತ್ತಲ ಪ್ರದೇಶದಲ್ಲಿರುವ ಕೆಲವು ಸಸ್ಯಗಳು ವಿಷಕಾರಿ ಮತ್ತು ಮಾರಣಾಂತಿಕವಾಗಿವೆ.

ಮುಂದೆ ಓದಿ ...
  • Share this:

    ನಾವು ವಾಸಿಸುವ ಪರಿಸರದಲ್ಲಿ (Environment) ಮತ್ತು ನಮ್ಮ ಸುತ್ತಮುತ್ತಲು ಅನೇಕ ಗಿಡಗಳು (Trees), ಸಸ್ಯಗಳು, ಮರಗಳಿವೆ. ಕೆಲವು ಮರಗಳ ಹೆಸರು (Name) ಗೊತ್ತಿರುತ್ತದೆ. ಇನ್ನು ಎಷ್ಟೋ ಸಸ್ಯಗಳ ಹೆಸರು ಗೊತ್ತೇ ಇರುವುದಿಲ್ಲ. ಗಿಡ ಮತ್ತು ಮರಗಳು ವಾತಾವರಣವನ್ನು ಶುಚಿಗೊಳಿಸುತ್ತವೆ (Clean). ಶುದ್ಧ ಗಾಳಿ ಮತ್ತು ಉತ್ತಮ ವಾತಾವರಣ ನಿರ್ಮಾಣ ಮಾಡುತ್ತವೆ. ಹಾಗಾಗಿ ತುಂಬಾ ಜನರು (People) ಮನೆಯ ಮುಂದೆ ಚಿಕ್ಕ ತೋಟ ಮಾಡುತ್ತಾರೆ. ಅಲ್ಲಿ ತಮಗಿಷ್ಟದ ಹೂವು, ಹಣ್ಣಿನ ಹಾಗೂ ಕೆಲವು ಔಷಧೀಯ ಸಸ್ಯಗಳನ್ನು ಬೆಳೆಸುತ್ತಾರೆ. ಕೆಲವರು ತರಕಾರಿ ಬೆಳೆಸುತ್ತಾರೆ. ಯಾಕಂದ್ರೆ ಮರಗಳು ಮತ್ತು ಸಸ್ಯಗಳು ಪರಿಸರವನ್ನು ಸುರಕ್ಷಿತವಾಗಿರಿಸಿ, ಸಕಾರಾತ್ಮಕತೆ ತರುತ್ತವೆ.


    ಜೀವನಕ್ಕೆ ಅತೀ ಮುಖ್ಯ ಗಿಡ ಮರಗಳು


    ಗಿಡ ಮತ್ತು ಮರಗಳು ಹಾಗೂ ಸಸ್ಯಗಳು ಜೀವನಕ್ಕೆ ಬಹಳ ಮುಖ್ಯ. ಹಾಗಾಗಿ ಜನರು ತಮ್ಮ ಮನೆಯಿಂದ ಕಚೇರಿಯವರೆಗೆ ವಿವಿಧ ರೀತಿಯ ಗಿಡಗಳನ್ನು ನೆಡುತ್ತಾರೆ. ಅವುಗಳ ಹಸಿರು ಮತ್ತು ಸೌಂದರ್ಯ ಮನಸ್ಸನ್ನು ಉಲ್ಲಾಸಗೊಳಿಸುತ್ತದೆ. ಕಣ್ಣುಗಳಿಗೆ ಸಮಾಧಾನ ಸಿಗುತ್ತದೆ. ತಾಜಾ ಮತ್ತು ಶುದ್ಧ ಗಾಳಿ ಸಿಗುವುದರ ಜೊತೆಗೆ ಅನೇಕ ಪ್ರಯೋಜನ ಪಡೆಯಬಹುದು.


    ಕೆಲವು ಸಸ್ಯಗಳು ನಮಗೆ ಹಣ್ಣು ನೀಡುತ್ತವೆ. ಕೆಲವು ಸಸ್ಯಗಳು ನಮಗೆ ತರಕಾರಿ ನೀಡುತ್ತವೆ. ಅಂತಹ ಅನೇಕ ಸಸ್ಯಗಳಿವೆ. ಅದು ನಮಗೆ ಔಷಧಿಯಂತೆ ಕೆಲಸ ಮಾಡುತ್ತದೆ. ಆದರೆ ಎಲ್ಲಾ ಸಸ್ಯಗಳು ನಮಗೆ ಪ್ರಯೋಜನ ನೀಡಲ್ಲ.




    ನಮ್ಮ ಸುತ್ತಲ ಪ್ರದೇಶದಲ್ಲಿರುವ ಕೆಲವು ಸಸ್ಯಗಳು ವಿಷಕಾರಿ ಮತ್ತು ಮಾರಣಾಂತಿಕವಾಗಿವೆ. ಆಕಸ್ಮಿಕವಾಗಿ ಅವುಗಳ ಸಂಪರ್ಕಕ್ಕೆ ಬಂದರೆ, ಸೇವಿಸಿದರೆ ಆರೋಗ್ಯಕ್ಕೆ ಹಾನಿಯಾಗುವ ಸಾಧ್ಯತೆ ಹೆಚ್ಚು. ಇಲ್ಲಿ ನಾವು ಕೆಲವು ವಿಷಕಾರಿ ಸಸ್ಯಗಳ ಬಗ್ಗೆ ನೋಡೋಣ.


    ವೈಟ್ ಸ್ನೇಕ್ ರೂಟ್


    ವೈಟ್ ಸ್ನೇಕ್ ರೂಟ್ ಅತ್ಯಂತ ವಿಷಕಾರಿ ಎಂದು ಪರಿಗಣಿಸಲಾಗಿದೆ. ಈ ಸಸ್ಯವು ಸಣ್ಣ ಬಿಳಿ ಹೂವು ಬಿಡುತ್ತದೆ. ವೈಟ್ ಸ್ನೇಕ್ ರೂಟ್ ನಲ್ಲಿ ವಿಷಕಾರಿ ಆಲ್ಕೋಹಾಲ್ ಟ್ರೆಮಾಟಾಲ್ ಇದೆ. ಈ ವಿಷವು ಮಾರಣಾಂತಿಕವಾಗಿದೆ.


    ಒಲಿಯಾಂಡರ್ ಸಸ್ಯ


    ಒಲಿಯಾಂಡರ್ ಸಸ್ಯವನ್ನು ಕನೆರಾ ಎಂದು ಕರೆಯುತ್ತಾರೆ. ಈ ಸಸ್ಯದಲ್ಲಿ ಮಾರಣಾಂತಿಕ ಕಾರ್ಡಿಯಾಕ್ ಗ್ಲೈಕೋಸೈಡ್‌ ಇದೆ. ಇದು ಸೇವಿಸಿದರೆ ವಾಂತಿ, ತಲೆತಿರುಗುವುದು, ಕೋಮಾ ಅಪಾಯ ಹೆಚ್ಚು. ಅದರ ಎಲೆಗಳ ಸ್ಪರ್ಶವು ದೇಹದಲ್ಲಿ ತುರಿಕೆ ಉಂಟು ಮಾಡುತ್ತದೆ. ಅದರ ಹೂವಿನ ರಸವು ವ್ಯಕ್ತಿಯನ್ನು ಅನಾರೋಗ್ಯಕ್ಕೆ ತುತ್ತಾಗಿಸುತ್ತದೆ.


    ರೋಸರಿ ಪೀ ಸಸ್ಯ


    ಈ ಸಸ್ಯವು ಹೆಚ್ಚಾಗಿ ಕಾಡಿನಲ್ಲಿ ಇದೆ. ಅಧ್ಯಯನದ ಪ್ರಕಾರ, ಅದು ನೋಡಲು ತುಂಬಾ ಸುಂದರವಾಗಿದೆ. ಇದು ಪ್ರಾಣಾಂತಿಕ ರೈಬೋಸೋಮ್ ಪ್ರತಿಬಂಧಕ ಪ್ರೋಟೀನ್ ಹೊಂದಿದೆ. ಇದನ್ನು ಆಭರಣಗಳಲ್ಲಿ ಮತ್ತು ಪ್ರಾರ್ಥನೆಗೆ ಬಳಸುವ ಮಾಲೆಗಳಲ್ಲಿ ಬಳಸುತ್ತಾರೆ. ಹಾಗಾಗಿ ಮಾಲೆಯನ್ನ ಅಗಿಯುವುದು ಮತ್ತು ಸ್ಕ್ರಾಚಿಂಗ್ ಮಾಡುವುದು ಮಾರಕವಾಗಬಹುದು. 3 ಮೈಕ್ರೋಗ್ರಾಂ ಅಬ್ರಿನ್ ಸಾವು ತಂದೊಡ್ಡುತ್ತದೆ.


    ಹರಳೆಣ್ಣೆ ಸಸ್ಯ


    ಕ್ಯಾಸ್ಟರ್ ಸೀಡ್ ತುಂಬಾ ವಿಷಕಾರಿ. ಕ್ಯಾಸ್ಟರ್ ಆಯಿಲ್ ಅನ್ನು ಅದರಿಂದ ಹೊರ ತೆಗೆಯಲಾಗುತ್ತದೆ. ಇದು ನಿಮ್ಮ ಮನೆಯ ಸುತ್ತಲೂ ಇರಬಹುದು. ಬೀಜವು ರಿಸಿನ್ ಎಂಬ ವಿಷ ಹೊಂದಿದೆ. ಮನುಷ್ಯನನ್ನು ಕೊಲ್ಲುತ್ತದೆ.


    ಟ್ಯಾಕ್ಸಸ್ ಬ್ಯಾಕಾಟಾ ಸಸ್ಯ


    ಈ ಮರವು ಯುರೋಪ್, ಆಫ್ರಿಕಾ ಮತ್ತು ಏಷ್ಯಾದಂತಹ ಎಲ್ಲಾ ಪ್ರದೇಶಗಳಲ್ಲಿದೆ. ಸುಂದರವಾದ ಕೆಂಪು ಬಣ್ಣದ ಹಣ್ಣು ಇದೆ. ಈ ಸಸ್ಯವು ಹೆಚ್ಚು ಅಪಾಯಕಾರಿ. ಇಡೀ ಸಸ್ಯದಲ್ಲಿ ಟ್ಯಾಕ್ಸಿನ್ ಎಂಬ ವಿಷವಿದೆ. ಇದು ಸಾವಿಗೆ ಕಾರಣವಾಗುತ್ತದೆ.


    ಇದನ್ನೂ ಓದಿ: ಬೆಳಗಿನ ತಿಂಡಿಗೆ ಮಧುಮೇಹ ಸ್ನೇಹಿ ರೊಟ್ಟಿ, ಸಾಸಿವೆ ಸಾಗ್ ರೆಸಿಪಿ ಹೀಗೆ ಮಾಡಿ!


    ಡೆಡ್ಲಿ ನೈಟ್ಶೇಡ್


    ಈ ಸಸ್ಯವು ತುಂಬಾ ಅಪಾಯಕಾರಿ. ಟ್ರೋಪಿನ್ ಮತ್ತು ಸ್ಕೋಪೋಲಮೈನ್ ಎಂಬ ವಿಷ ಕಾಂಡ, ಎಲೆಗಳು, ಹಣ್ಣು ಮತ್ತು ಬೇರುಗಳಲ್ಲಿದೆ. ಇದರ ಸೇವನೆ ಪಾರ್ಶ್ವವಾಯು ಉಂಟಾಗುತ್ತದೆ.

    Published by:renukadariyannavar
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು