Diabetic foot: ಮಧುಮೇಹಿಗಳಿಗೆಂದೇ ತಯಾರಿಸಲಾಗಿದೆ ಈ ಸ್ವಯಂ ನಿಯಂತ್ರಕ ಪಾದರಕ್ಷೆ!

Snapping footwear: ಈ ಪಾದರಕ್ಷೆಗಳನ್ನು IISc ನೇತೃತ್ವದ ತಂಡವು ಅಭಿವೃದ್ಧಿಪಡಿಸಿದೆ. ವಿಶೇಷವಾಗಿ ವಿನ್ಯಾಸಗೊಳಿಸಿದ ಸ್ಯಾಂಡಲ್‌ಗಳು - 3D ಮುದ್ರಿತ ಮತ್ತು ವ್ಯಕ್ತಿಯ ಪಾದದ ಆಯಾಮಗಳು ಮತ್ತು ವಾಕಿಂಗ್ ಶೈಲಿಗೆ ಕಸ್ಟಮೈಸ್ ಮಾಡಬಹುದು.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಭಾರತೀಯ ಸಂಶೋಧಕರು (Indian Researchers) ನಿರಂತರ ಸಂಶೋಧನೆಯಿಂದ ಏನಾದರು ಹೊಸ ಸಂಗತಿಗಳನ್ನು ಬೆಳಕಿಗೆ ತರುತ್ತಿರುತ್ತಾರೆ. ಅದರಂತೆ ಇದೀಗ ಭಾರತೀಯ ವಿಜ್ಞಾನ ಸಂಸ್ಥೆಯ (Indian Institute Of Science) ಮೆಕ್ಯಾನಿಕಲ್ ಇಂಜಿನಿಯರಿಂಗ್ (Mechanical Engineering) ವಿಭಾಗದ ಸಂಶೋಧಕರು ಕರ್ನಾಟಕ ಅಂತಃಸ್ರಾವಶಾಸ್ತ್ರ ಮತ್ತು ಸಂಶೋಧನಾ ಸಂಸ್ಥೆ (KIER) ಸಹಯೋಗದೊಂದಿಗೆ ಮಧುಮೇಹ (Diabetes) ಹೊಂದಿರುವ ವ್ಯಕ್ತಿಗಳಿಗೆ ವಿಶಿಷ್ಟವಾದ ಸ್ವಯಂ-ನಿಯಂತ್ರಕ ಪಾದರಕ್ಷೆಗಳನ್ನು (Self-regulating) ಅಭಿವೃದ್ಧಿಪಡಿಸಿದ್ದಾರೆ. ಅಂದಹಾಗೆಯೇ ಮಧುಮೇಹ ಹೊಂದಿರುವ ವ್ಯಕ್ತಿಗಳಲ್ಲಿ ಆಗಿರುವ ಪಾದದ ಗಾಯಗಳು ಆರೋಗ್ಯವಂತ ವ್ಯಕ್ತಿಗಿಂತ ನಿಧಾನವಾಗಿ ಗುಣವಾಗುತ್ತದೆ. ಕೆಲವೊಂದು ಗಾಯ ಗುಣವಾಗದೇ ಇರಬಹುದು ಅಥವಾ ತಿಂಗಳು ಕಾಲ ಸಮಯ ತೆಗೆದುಕೊಂಡು ನಿಧಾನವಾಗಿ ಗಾಯ ವಾಸಿಯಾಗುತ್ತದೆ. ಮಾತ್ರವಲ್ಲದೆ ಮಧುಮೇಹ ಸೋಂಕಿನ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಮತ್ತು ವಿಪರೀತ ಸಂದರ್ಭಗಳಲ್ಲಿ ಅಂಗಚ್ಛೇದನದ (amputation ) ಅಗತ್ಯವಿರುವ ತೊಡಕುಗಳಿಗೆ ಕಾರಣವಾಗಬಹುದು.

    ಅಂದಹಾಗೆಯೇ, ಈ ಪಾದರಕ್ಷೆಗಳನ್ನು IISc ನೇತೃತ್ವದ ತಂಡವು ಅಭಿವೃದ್ಧಿಪಡಿಸಿದೆ. ವಿಶೇಷವಾಗಿ ವಿನ್ಯಾಸಗೊಳಿಸಿದ ಸ್ಯಾಂಡಲ್‌ಗಳು - 3D ಮುದ್ರಿತ ಮತ್ತು ವ್ಯಕ್ತಿಯ ಪಾದದ ಆಯಾಮಗಳು ಮತ್ತು ವಾಕಿಂಗ್ ಶೈಲಿಗೆ ಕಸ್ಟಮೈಸ್ ಮಾಡಬಹುದು. ಸಾಂಪ್ರದಾಯಿಕ ಚಿಕಿತ್ಸಕ ಪಾದರಕ್ಷೆಗಳಿಗಿಂತ ಭಿನ್ನವಾಗಿ, ಈ ಸ್ಯಾಂಡಲ್‌ಗಳಲ್ಲಿನ ಸ್ನ್ಯಾಪಿಂಗ್ ಕಾರ್ಯವಿಧಾನವು ಪಾದಗಳನ್ನು ಸಮತೋಲಿತವಾಗಿರಿಸುತ್ತದೆ, ಗಾಯಗೊಂಡ ಪ್ರದೇಶವನ್ನು ವೇಗವಾಗಿ ಗುಣಪಡಿಸಲು ಮತ್ತು ಪಾದಗಳ ಇತರ ಪ್ರದೇಶಗಳಲ್ಲಿ ಉಂಟಾಗುವ ಗಾಯಗಳನ್ನು ತಡೆಯುತ್ತದೆ.

    ಡಯಾಬಿಟಿಕ್ ಪೆರಿಫೆರಲ್ ನ್ಯೂರೋಪತಿ ಹೊಂದಿರುವ ಜನರಿಗೆ ಪಾದರಕ್ಷೆಗಳು ವಿಶೇಷವಾಗಿ ಪ್ರಯೋಜನಕಾರಿಯಾಗುತ್ತವೆ. ಮಧುಮೇಹದಿಂದ ಉಂಟಾಗುವ ನರಗಳ ಹಾನಿಯಿಂದ ಬಳಲುತ್ತಿರುವವರು, ಪಾದದಲ್ಲಿ ಸಂವೇದನೆಯ ನಷ್ಟಕ್ಕೆ ಕಾರಣವಾಗುತ್ತದೆ.

    KIER ನಲ್ಲಿ ಪೊಡಿಯಾಟ್ರಿ ವಿಭಾಗದ ಮುಖ್ಯಸ್ಥ ಪವನ್ ಬೇಲೇಹಳ್ಳಿ ಈ ಬಗ್ಗೆ ಮಾತನಾಡಿ "ಡಯಾಬಿಟಿಕ್ ಪೆರಿಫೆರಲ್ ನ್ಯೂರೋಪತಿಯು ಮಧುಮೇಹದ ದೀರ್ಘಕಾಲದ ತೊಡಕುಗಳಲ್ಲಿ ಒಂದಾಗಿದೆ, ಮತ್ತು ಅದರ ರೋಗನಿರ್ಣಯವನ್ನು ಹೆಚ್ಚಾಗಿ ನಿರ್ಲಕ್ಷಿಸಲಾಗುತ್ತದೆ" ಎಂದು ಹೇಳಿದ್ದಾರೆ. ಇವರು ವೇರಬಲ್ ಟೆಕ್ನಾಲಜೀಸ್‌ನಲ್ಲಿ ಪ್ರಕಟವಾದ ಅಧ್ಯಯನದ ಲೇಖಕರಲ್ಲಿ ಒಬ್ಬರಾಗಿದ್ದಾರೆ.

    ಉದಾಹರಣೆಗೆ: ಆರೋಗ್ಯವಂತ ವ್ಯಕ್ತಿಯು ಸಾಮಾನ್ಯವಾಗಿ ತಮ್ಮ ಹಿಮ್ಮಡಿಯನ್ನು ನೆಲದ ಮೇಲೆ ಇರಿಸಿ, ನಂತರ ಕಾಲು ಮತ್ತು ಕಾಲ್ಬೆರಳುಗಳನ್ನು, ಮತ್ತು ನಂತರ ಮತ್ತೆ ಹಿಮ್ಮಡಿಯನ್ನು ಇಡುತ್ತಾರೆ - ಈ 'ನಡಿಗೆ ಚಕ್ರ' ಪಾದದಾದ್ಯಂತ ಒತ್ತಡವನ್ನು ಸಮವಾಗಿ ವಿತರಿಸುತ್ತದೆ. ಆದರೆ ಸಂವೇದನೆಯ ನಷ್ಟದಿಂದಾಗಿ, ಮಧುಮೇಹ ಹೊಂದಿರುವ ವ್ಯಕ್ತಿಗಳು ಯಾವಾಗಲೂ ಈ ಅನುಕ್ರಮವನ್ನು ಅನುಸರಿಸದಿರಬಹುದು. ಅಂದರೆ ಒತ್ತಡವು ಅಸಮಾನವಾಗಿ ವಿತರಿಸಲ್ಪಡುತ್ತದೆ. ಒತ್ತಡವು ಹೆಚ್ಚಿರುವ ಪಾದದ ಪ್ರದೇಶಗಳು ಹುಣ್ಣುಗಳು, ಕಾನರ್ಗಳು, ಕಾಲ್ಸಸ್ ಮತ್ತು ಇತರ ತೊಡಕುಗಳನ್ನು ಅಭಿವೃದ್ಧಿಪಡಿಸುವ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತವೆ.

    ಇದನ್ನೂ ಓದಿ: Mango Leaves: ನಿಮಗಿದು ಗೊತ್ತೇ? ಮಾವಿನ ಎಲೆಗಳಿಂದಲೂ ಮಧುಮೇಹವನ್ನು ನಿಯಂತ್ರಿಸಬಹುದಂತೆ

    ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹೆಚ್ಚಿನ ಚಿಕಿತ್ಸಕ ಪಾದರಕ್ಷೆಗಳು ಮಧುಮೇಹ ಹೊಂದಿರುವ ವ್ಯಕ್ತಿಗಳ 'ಅಸಹಜ' ನಡಿಗೆ ಚಕ್ರದಿಂದ ಉಂಟಾಗುವ ಅಸಮ ಒತ್ತಡವನ್ನು ಆಫ್-ಲೋಡ್ ಮಾಡುವಲ್ಲಿ ನಿಷ್ಪರಿಣಾಮಕಾರಿಯಾಗಿದೆ ಎಂದು ಸಂಶೋಧಕರು ಹೇಳುತ್ತಾರೆ. ಈ ಸವಾಲನ್ನು ಎದುರಿಸಲು, ಅವರು ತಮ್ಮ ಸ್ಯಾಂಡಲ್‌ಗಳಲ್ಲಿ ಕಮಾನುಗಳನ್ನು ವಿನ್ಯಾಸಗೊಳಿಸಿದರು. ಅದು ನಿರ್ದಿಷ್ಟ ಮಿತಿ ಮೀರಿದ ಒತ್ತಡವನ್ನು ಅನ್ವಯಿಸಿದಾಗ ತಲೆಕೆಳಗಾದ ಆಕಾರಕ್ಕೆ 'ಸ್ನ್ಯಾಪ್' ಆಗುತ್ತದೆ.



    ಲೇಖಕಿ ಪ್ರಿಯಬ್ರತ ಮಹಾರಾಣಾ "ನಾವು ಒತ್ತಡವನ್ನು ತೆಗೆದುಹಾಕಿದಾಗ, ಸ್ವಯಂಚಾಲಿತವಾಗಿ ಅದರ ಆರಂಭಿಕ ಸ್ಥಾನಕ್ಕೆ ಹಿಂತಿರುಗುತ್ತದೆ - ಇದನ್ನು ಸ್ವಯಂ-ಆಫ್ಲೋಡಿಂಗ್ ಎಂದು ಕರೆಯಲಾಗುತ್ತದೆ" ಎಂದು ವಿವರಿಸಿದ್ದಾರೆ.

    ಐಐಎಸ್‌ಸಿಯ ಮೆಕ್ಯಾನಿಕಲ್ ಎಂಜಿನಿಯರಿಂಗ್ ವಿಭಾಗದ ಪ್ರಾಧ್ಯಾಪಕ ಮತ್ತು ಅಧ್ಯಯನದ ಹಿರಿಯ ಲೇಖಕ ಜಿಕೆ ಅನಂತಸುರೇಶ್ "ಇದು ಸಮಸ್ಯೆಗೆ ಯಾಂತ್ರಿಕ ಪರಿಹಾರವಾಗಿದೆ" ಎಂದು ವಿವರಿಸಿದ್ದಾರೆ.

    ನಂತರ ಮಾತನಾಡಿದ ಅವರು "ಹೆಚ್ಚಿನ ಸಮಯ, ಜನರು ಎಲೆಕ್ಟ್ರೋಮೆಕಾನಿಕಲ್ ಪರಿಹಾರಗಳನ್ನು ಬಳಸುತ್ತಾರೆ." ಅಂತಹ ಪರಿಹಾರಗಳು ಸಂವೇದಕಗಳು ಮತ್ತು ಆಕ್ಯೂವೇಟರ್‌ಗಳನ್ನು ಬಳಸುವುದನ್ನು ಒಳಗೊಂಡಿರುತ್ತವೆ, ಅದು ಪಾದರಕ್ಷೆಗಳ ಬೆಲೆಯನ್ನು ಹೆಚ್ಚಿಸಬಹುದು ಮತ್ತು ಅವುಗಳನ್ನು ತುಂಬಾ ದುಬಾರಿಯಾಗಿಸಬಹುದು ಎಂದು ಅವರು ಹೇಳುತ್ತಾರೆ.

    ಇದನ್ನೂ ಓದಿ: Palmistry: ಅಂಗೈಯಲ್ಲಿ ಈ ರೇಖೆ ಯೋಗವಿದ್ರೆ ಸರ್ಕಾರಿ ಕೆಲಸದ ಕನಸು ನನಸು

    ಅನಂತಸುರೇಶ್ ಅವರು ಮಾತು ಮುಂದುವರಿಸಿದ್ದು, ತಂಡವು ತಮ್ಮ ಉತ್ಪನ್ನವನ್ನು ವಾಣಿಜ್ಯೀಕರಿಸಲು ಸ್ಟಾರ್ಟ್-ಅಪ್‌ಗಳಾದ ಫುಟ್ ಸೆಕ್ಯೂರ್ ಮತ್ತು ಯೋಸ್ಟ್ರಾ ಲ್ಯಾಬ್‌ಗಳೊಂದಿಗೆ ಸಹಕರಿಸುತ್ತಿದೆ. "ಮೆಮೊರಿ ಫೋಮ್ ಎಂದು ಕರೆಯುವ ಮೂಲಕ ಸೌಕರ್ಯವನ್ನು ನೀಡುವ ಹೆಸರಿನಲ್ಲಿ ಸಾಕಷ್ಟು ವಾಣಿಜ್ಯ ಶೂ ತಯಾರಕರು ದುಬಾರಿ ಪಾದರಕ್ಷೆಗಳನ್ನು ಮಾರಾಟ ಮಾಡುತ್ತಿದ್ದಾರೆ, ಆದರೆ ನಾವು ಅವುಗಳನ್ನು ಪರೀಕ್ಷಿಸಿದ್ದೇವೆ ಮತ್ತು ಅವುಗಳು ಅಗತ್ಯ ಗುಣಲಕ್ಷಣಗಳನ್ನು ಹೊಂದಿಲ್ಲ. ಈ ಪಾದರಕ್ಷೆಗಳನ್ನು ಮಧುಮೇಹ ನರರೋಗದಿಂದ ಬಳಲುತ್ತಿರುವ ಜನರು ಮಾತ್ರವಲ್ಲದೆ ಇತರರೂ ಸಹ ಬಳಸಬಹುದು ಎಂದು ಹೇಳುತ್ತಾರೆ.
    Published by:Harshith AS
    First published: