Breakfast Recipe: ಶ್ಯಾವಿಗೆ ಉಪ್ಪಿಟ್ಟು ರುಚಿ ಗೊತ್ತು, ಈಗ ಅದರ ಇಡ್ಲಿ ಟ್ರೈ ಮಾಡಿ

Shavige Idli: ತಯಾರಿಸಿಕೊಂಡ ಮಿಶ್ರಣಕ್ಕೆ ತುಪ್ಪದಲ್ಲಿ ಹುರಿದ ರವೆ ಮತ್ತು ಗಟ್ಟಿ ಮೊಸರು ಕಪ್‌ ಸೇರಿಸಿ ಚನ್ನಾಗಿ ಮಿಶ್ರಣ ಮಾಡಿ. ನಂತರ ಇಡ್ಲಿ ಪಾತ್ರೆಗೆ ಹಾಕಿ ಬೇಯಿಸಿದರೆ ರುಚಿ ರುಚಿಯಾದ ಶ್ಯಾವಿಗೆ ದೋಸೆ ರೆಡಿ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ದಕ್ಷಿಣ ಭಾರತದ ತಿಂಡಿಗಳಲ್ಲಿ ಇಡ್ಲಿ, ದೋಸೆ ಪ್ರಮುಖ ಪಾತ್ರವಹಿಸುತ್ತದೆ. ಶುಭ ಕಾರ್ಯದಿಂದ ಹಿಡಿದು ಪಾರ್ಟಿಗಳಲ್ಲಿ ಸಹ ಇದು ಇದ್ದೇ ಇರುತ್ತದೆ. ಇಡ್ಲಿ ಎಂದರೆ ಯಾರಿಗೆ ಇಷ್ಟವಿಲ್ಲ ಹೇಳಿ? ಬೆಳಗ್ಗೆಯ ಉಪಾಹಾರಕ್ಕೆ ಆರೋಗ್ಯಕರವೆಂದೇ ಪರಿಗಣಿಸಿರುವ ಇಡ್ಲಿಯನ್ನು (Healthy Idli) ವಿಭಿನ್ನವಾಗಿ ಮಾಡುವುದು ಉಂಟು. ತಟ್ಟೆ ಇಡ್ಲಿ, ರವೆ ಇಡ್ಲಿ, ಪುಡಿ ಇಡ್ಲಿ, ಕಾಂಚಿಪುರಂ ಇಡ್ಲಿ ಹೀಗೆ ಅನೇಕ ತರಹದ ಇಡ್ಲಿಗಳನ್ನು (Varieties of Idli) ಮಾಡುತ್ತಾರೆ. ಇಲ್ಲಿ ಇನ್ನೊಂದು ವಿಭಿನ್ನ ತರಹದ ಇಡ್ಲಿಯನ್ನು ನಿಮಗಾಗಿ ಮಾಡುವ ವಿಧಾನ ಹೇಳಿಕೊಡಲಿದ್ದೇವೆ. ಇಡ್ಲಿಯನ್ನು ಕೇವಲ 20 ನಿಮಿಷಗಳಲ್ಲಿಯೇ (20 minute breakfast) ಮಾಡಿಕೊಳ್ಳಬಹುದು.

ದಕ್ಷಿಣ ಭಾರತದ ಪಾಕ ಪದ್ಧತಿಯಲ್ಲಿ ಎರಡನೇ ಅತ್ಯಂತ ಜನಪ್ರಿಯ ಭಕ್ಷ್ಯವೆಂದರೆ ಅದು ಇಡ್ಲಿ. ಹಬೆಯಲ್ಲಿ ಬೇಯಿಸಿದ ಅಕ್ಕಿ ಇಡ್ಲಿ (Steamed Delicacy), ಸಾಂಬಾರ್ ಮತ್ತು ಚಟ್ನಿಯೊಂದಿಗೆ ಬಡಿಸಲಾಗುತ್ತದೆ. ಇಡ್ಲಿ ದಿನದ ಯಾವುದೇ ಸಮಯದಲ್ಲಿ ಸೇವಿಸಿದರೂ ಅದು ಆರೋಗ್ಯಕ್ಕೆ ಒಳ್ಳೆಯದು ಎಂದು ಹೇಳುತ್ತಾರೆ. ಇದು ತುಂಬಾ ಹಗುರ ಮತ್ತು ಮೃದುವಾಗಿದ್ದು ಸೇವಿಸಲು ಒಳ್ಳೆಯ ಭಕ್ಷ್ಯ (Tasty Food) ಎಂದು ಹೇಳಿದರೆ ತಪ್ಪಾಗುವುದಿಲ್ಲ.

ಇಡ್ಲಿಯನ್ನು ಮೆಚ್ಚುವ ಜನರು ಎಷ್ಟರ ಮಟ್ಟಿಗೆ ಇದ್ದಾರೆ ಎಂದರೆ, ಇಂದು ನಾವು ನಮ್ಮ ದೇಶದ ಮೂಲೆ ಮೂಲೆಯಲ್ಲಿ ಕನಿಷ್ಠ ಒಂದಾದರೂ ಇಡ್ಲಿ ಮಾರುವ ಹೋಟೆಲ್ ಅನ್ನು ಕಾಣಬಹುದು. ಅನೇಕರು ಮನೆಯಲ್ಲಿಯೂ ಇಡ್ಲಿಗಳನ್ನು ತಯಾರಿಸುತ್ತಾರೆ. ಇಡ್ಲಿ ತಯಾರಕ ಮತ್ತು ತ್ವರಿತ ಇಡ್ಲಿ ಮಿಶ್ರಣದ ಸಹಾಯದಿಂದ, ಮನೆಯಲ್ಲಿ ಈ ದಕ್ಷಿಣ ಭಾರತದ ಪ್ರಧಾನ ಭಕ್ಷ್ಯವನ್ನು ಬಹುತೇಕರು ತುಂಬಾ ಸುಲಭವಾಗಿ ಮಾಡುತ್ತಾರೆ. ಆದರೆ ಇಡ್ಲಿ ಪಾಕ ವಿಧಾನವು ದಕ್ಷಿಣ ಭಾರತದ ಪ್ರದೇಶಗಳಲ್ಲಿ ಅನೇಕ ವ್ಯತ್ಯಾಸಗಳನ್ನು ಹೊಂದಿದೆ.

ಇದನ್ನೂ ಓದಿ: ಬೆಳಗಿನ ತಿಂಡಿಗೆ ಬಿಸಿಬಿಸಿ ಸೋಯಾಬೀನ್​ ಇಡ್ಲಿ ರೆಸಿಪಿ ಇಲ್ಲಿದೆ

ಸಾಮಾನ್ಯವಾಗಿ ಇಡ್ಲಿ ಅಥವಾ ರವೆ ಇಡ್ಲಿಯನ್ನು ಮಾಡುತ್ತೇವೆ. ಈ ಎರಡು ರುಚಿಯನ್ನು ಹೊರತು ಪಡಿಸಿ ಹೊಸ ರುಚಿ ಬೇಕೆನ್ನುವವರು  ಶ್ಯಾವಿಗೆ ಇಡ್ಲಿ ಸಹ ಟ್ರೈ ಮಾಡಬಹುದು. ಇದು ಕೇಳಲು ವಿಚಿತ್ರವಾಗಿದ್ದರೂ ಸಹ ರುಚಿಕರ. ಶ್ಯಾವಿಗೆ ಇಡ್ಲಿ ಮಾಡುವುದು ಹೇಗೆ ಇಲ್ಲಿದೆ.

ಶ್ಯಾವಿಗೆ ಇಡ್ಲಿ ಮಾಡಲು ಬೇಕಾಗುವ ಪದಾರ್ಥಗಳು :

ಶ್ಯಾವಿಗೆ 2 ಕಪ್

ತುರಿದ ಕ್ಯಾರೆಟ್​ 1 ಕಪ್

ಅವಲಕ್ಕಿ, ಅರ್ಧ ಕಪ್

ತೆಂಗಿನಕಾಯಿ ತುರಿ ಅರ್ಧ ಕಪ್

ಗಟ್ಟಿಮೊಸರು ಅರ್ಧ ಕಪ್

ಉಪ್ಪು- ರುಚಿಕೆ ತಕ್ಕಷ್ಟು

ಕೊತ್ತಂಬರಿ ಸೊಪ್ಪು- ಸ್ವಲ್ಪ

ಹಸಿ ಮೆಣಸು- 3 ರಿಂದ 4

ಹಸಿ ಬಟಾಣಿ- ಸ್ವಲ್ಪ

ಶ್ಯಾವಿಗೆ ಇಡ್ಲಿ ಮಾಡುವ ವಿಧಾನ : 

ಒಂದು ಬಾಣಲೆಯನ್ನು ತೆಗೆದುಕೊಂಡು ಅದಕ್ಕೆ 2 ಕಪ್ ಶ್ಯಾವಿಗೆ ಹಾಕಿ, ಅದನ್ನ ಸ್ವಲ್ಪ ಹುರಿದುಕೊಂಡು ನಂತರ ಅದನ್ನ ಆರಿಸಿ ನೀರು ಹಾಕಿ ನೆನೆಸಿಡಿ. ಎರಡು ಗಂಟೆಯಾದರೂ ಅಕ್ಕಿ ನೆನಸಿದ ಬಳಿಕ, 1 ಕಪ್‌ನಷ್ಟು  ಕ್ಯಾರೆಟ್​ ಸಿಪ್ಪೆ ತೆಗೆದುಕೊಂಡು ತುರಿದುಕೊಂಡು ಹಾಕಿ.

ನಂತರ ಓಮದು ಮಿಕ್ಸಿ ಜಾರಿನಲ್ಲಿ ಒಂದು ಹಿಡಿ  ಹಸಿ ಬಟಾಣಿ (ಇದನ್ನ ಹಿಂದಿನ ದಿನ ನೆನಸಿ ಇಟ್ಟರೆ ಉತ್ತಮ) 1/2 ಕಪ್‌ ತೆಂಗಿನಕಾಯಿ ತುರಿ,ಕೊತ್ತಂಬರಿ ಸೊಪ್ಪು, ಮೆಣಸಿನ ಕಾಯಿ ,  ಚಿಟಿಕೆ ಉಪ್ಪು ಸೇರಿಸಿ ರುಬ್ಬಿಟ್ಟುಕೊಳ್ಳಿ. ರುಬ್ಬುವಾಗ ನೀರನ್ನ ಹಾಕಿ. ಹಿಟ್ಟು ದಪ್ಪವಾಗಿ, ಇಡ್ಲಿಯ ಹದಕ್ಕೆ ಇರಲಿ.

ಇದನ್ನೂ ಓದಿ: ದೋಸೆ, ಚಪಾತಿ ಬದ್ಲು ನೀವ್ಯಾಕೆ ಪಾವ್​ ಬಾಜಿ ಟ್ರೈ ಮಾಡ್ಬಾರ್ದು

ತಯಾರಿಸಿಕೊಂಡ ಮಿಶ್ರಣಕ್ಕೆ  ಶ್ಯಾವಿಗೆ ಮತ್ತು ಕ್ಯಾರೆಟ್​ ಹಾಕಿ ಮತ್ತು ಗಟ್ಟಿ ಮೊಸರು ಕಪ್‌ ಸೇರಿಸಿ ಚನ್ನಾಗಿ ಮಿಶ್ರಣ ಮಾಡಿ. ನಂತರ ಇಡ್ಲಿ ಪಾತ್ರೆಗೆ ಹಾಕಿ ಬೇಯಿಸಿದರೆ ರುಚಿ ರುಚಿಯಾದ ಶ್ಯಾವಿಗೆ ದೋಸೆ ರೆಡಿ.
Published by:Sandhya M
First published: