Breakfast Recipe: ಹಿಂದಿನ ದಿನ ಅನ್ನ ಉಳಿದಿದ್ರೆ 15 ನಿಮಿಷದಲ್ಲಿ ಈ ಸ್ಪೆಷಲ್ ದೋಸೆ ಮಾಡಿ

Instant Dosa Recipe: ಸಾಮಾನ್ಯವಾಗಿ ರಾತ್ರಿ ಅನ್ನ ಉಳಿದರೆ ಬೆಳಗ್ಗೆ ಚಿತ್ರಾನ್ನ, ರೈಸ್​ ಬಾತ್ ಏನಾದರು ಮಾಡಲಾಗುತ್ತದೆ. ಆದರೆ ದೋಸೆ ಮಾಡುವುದು ಅಪರೂಪ. ದಿಢೀರ್ ದೋಸೆ ಮಾಡಲು ಸಾಧ್ಯವಾಗುತ್ತದೆ ಎಂದರೆ ಖುಷಿಯಾಗದೇ ಇರದು.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ಬೆಳಗ್ಗೆ (Morning) ಎದ್ದು ತಿಂಡಿ (Breakfast) ಮಾಡುವುದು ಒಂದು ಸವಾಲಿನ ಕೆಲಸ ಎನ್ನಬಹುದು. ದಿನಾ ಬೆಳಗಾದರೆ ಏನು ತಿಂಡಿ ಮಾಡುವುದು ಎಂಬ ಚಿಂತೆ ಎಲ್ಲರನ್ನೂ ಕಾಡುತ್ತದೆ. ಅದರಲ್ಲೂ ಮಕ್ಕಳಿರುವ (Children) ಮನೆಯಲ್ಲಿ ಪ್ರತಿದಿನ ವಿಭಿನ್ನ ತಿಂಡಿ ಬೇಕು. ಅವರಿಗೆ ತಿಂಡಿ ತಿನ್ನಿಸುವುದು ಸುಲಭದ ಮಾತಲ್ಲ. ಹಾಗಾಗಿ ತಿಂಡಿ ಮಾಡುವುದು 7 ಕೆರೆ ಈಜಿದಂತೆ ಎನ್ನಬಹುದು. ಆದರೆ ನಾವು ನಿಮಗಾಗಿ ಒಂದು ಸುಲಭ ದೋಸೆಯನ್ನು ಹೇಳಿಕೊಡುತ್ತೇವೆ. ಇದು ಮಾಡುವುದು ಬಹಳ ಸುಲಭ. ಮುಖ್ಯವಾಗಿ ಇದನ್ನು ಮಾಡುವುದು ಉಳಿದ ಅನ್ನದಿಂದ. 

ಸಾಮಾನ್ಯವಾಗಿ ರಾತ್ರಿ ಅನ್ನ ಉಳಿದರೆ ಬೆಳಗ್ಗೆ ಚಿತ್ರಾನ್ನ, ರೈಸ್​ ಬಾತ್ ಏನಾದರು ಮಾಡಲಾಗುತ್ತದೆ. ಆದರೆ ದೋಸೆ ಮಾಡುವುದು ಅಪರೂಪ. ದಿಢೀರ್ ದೋಸೆ ಮಾಡಲು ಸಾಧ್ಯವಾಗುತ್ತದೆ ಎಂದರೆ ಖುಷಿಯಾಗದೇ ಇರದು. ನಿಮಗೂ ಸಹ ಬಹಳ ಸಮಯವಿಲ್ಲದಿದ್ದರೆ. ಅನ್ನದ ದೋಸೆ ಮಾಡಿ. ಹೇಗೆ ಮಾಡುವುದು ಎಂಬುದನ್ನ ನಾವಿಲ್ಲಿ ನೀಡಿದ್ದೇವೆ.

ಉಳಿದ ಅನ್ನದ ದೋಸೆ ಮಾಡಲು ಬೇಕಾಗುವ ಸಾಮಾಗ್ರಿಗಳು

ರವೆ - 1 ಕಪ್


ಉಳಿದ ಅನ್ನ- 1 ½ ಕಪ್


ಹುಳಿ ಮೊಸರು - 1 ಕಪ್


ರುಚಿಗೆ ಉಪ್ಪು


ಅಡುಗೆ ಸೋಡಾ



ಉಳಿದ ಅನ್ನದ ದೋಸೆ ಮಾಡುವ ವಿಧಾನ




ಇದನ್ನೂ ಓದಿ: ಜಿರಳೆ ಕಾಟ ಕಡಿಮೆ ಮಾಡ್ಬೇಕು ಅಂದ್ರೆ ಈ ಸೂಪರ್ ಹ್ಯಾಕ್ಸ್​ ಟ್ರೈ ಮಾಡಿ

ಮೊದಲು ಒಂದು ಕಪ್ ರವೆ ತೆಗೆದುಕೊಂಡು ಅದನ್ನು ಸುರಿದುಕೊಳ್ಳಿ. ನಂತರ ಅದನ್ನು ಜಾರ್​ನಲ್ಲಿ ಹಾಕಿ ಪುಡಿಮಾಡಿಕೊಳ್ಳಿ. ಈಗ ಅದಕ್ಕೆ  1 ½ ಕಪ್ ಉಳಿದ ಅನ್ನವನ್ನು ಗ್ರೈಂಡರ್ ಜಾರ್ಗೆ ಸೇರಿಸಿ ಮತ್ತೆ ರುಬ್ಬಿಕೊಳ್ಳಿ. ಚೆನ್ನಾಗಿ ಪೇಸ್ಟ್​ ಮಾಡಿಕೊಳ್ಳಿ. 


ಈಗ ಅದೇ ಮಿಶ್ರಣಕ್ಕೆ ಮತ್ತೆ 1 ಕಪ್ ಮೊಸರು ಸೇರಿಸಿ ದೋಸೆ ಹಿಟ್ಟಿನ ಹದಕ್ಕೆ ರುಬ್ಬಿಕೊಳ್ಳಿ. ನಿಮಗೆ ಅಗತ್ಯ ಅನಿಸಿದರೆ ನೀರು ಹಾಕಿ. ಆದರೆ ಸಾಧ್ಯವಾದಷ್ಟು ನೀರು ಹಾಕದೇ ಇದನ್ನು ತಯಾರಿಸುವುದು ಒಳ್ಳೆಯ ರುಚಿ ನೀಡುತ್ತದೆ. ಅಂದರೆ ರುಬ್ಬಿಕೊಳ್ಳುವಾಗಲೇ ಇದಕ್ಕೆ ನೀರು ಸೆರಿಸಬಾರದು. ನಂತರ ಸೇರಿಸಬಹುದು. 

ಈಗ ಮಿಶ್ರಣವನ್ನು ರುಬ್ಬಿಕೊಂಡ ನಂತರ  ¾ ಕಪ್ ನೀರು ಸೇರಿಸಿ ಕಲಸಿ ಇಟ್ಟುಕೊಳ್ಳಿ. ಈಗ ಒಂದು ಪಾತ್ರೆಯನ್ನು ತೆಗೆದುಕೊಂಡು ಅದಕ್ಕೆಈ  ಹಿಟ್ಟನ್ನು ಹಾಕಿ 10 ನಿಮಿಷಗಳ ಕಾಲ ಅದನ್ನು ಹಾಗೆಯೇ ಬಿಡಿ. ನಂತರ ಇದಕ್ಕೆ  ಉಪ್ಪು ಮತ್ತು ಚಿಟಿಕೆಯಷ್ಟು ಅಡುಗೆ ಸೋಡಾ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ. ನಿಮಗೆ ಅಡುಗೆ ಸೋಡಾ ಬೇಡ ಎಂದರೆ ಹೆಚ್ಚು ಸಮಯ ಬಿಡಬೇಕಾಗುತ್ತದೆ. 

ಇದನ್ನೂ ಓದಿ: ಹಬ್ಬದ ಅಡುಗೆಯನ್ನು ಈಗ ಮನೆಯಿಂದ್ಲೇ ಆರ್ಡರ್ ಮಾಡಿ, ರುಚಿಯಾದ ವೆರೈಟಿ ಊಟ ಕೂತಲ್ಲೇ ತಂದುಕೊಡ್ತಾರೆ

ಈಗ ಈ ಹಿಟ್ಟು ತಯಾರಾಗಿದೆ. ಒಂದು ಪ್ಯಾನ್ ತೆಗೆದುಕೊಂಡು ಅದಕ್ಕೆ ಎಣ್ಣೆ ಹಚ್ಚಿ ಬಿಡಿ. ಪ್ಯಾನ್​ ಕಾದ ನಂತರ  ದೋಸೆ ಹಾಕಿ. ನೀವು ಎಣ್ಣೆ ಬದಲು ಬೆಣ್ಣೆ ಅಥವಾ ತುಪ್ಪವನ್ನು ಸಹ ಬಳಸಬಹುದು. ಇದನ್ನು ತೆಂಗಿನಕಾಯಿ ಚಟ್ನಿ ಜೊತೆ ತಿಂದರೆ ಅದೇನೋ ಸ್ವಾದ. 
Published by:Sandhya M
First published: