Upma Recipe: ಹೊಸ ಬಗೆಯ, ಭಿನ್ನ ರುಚಿಯ ಸ್ವೀಟ್​ ಕಾರ್ನ್​ ಉಪ್ಪಿಟ್ಟು ಮಾಡುವ ವಿಧಾನ

Sweet Corn Upma: ಪ್ರತಿದಿನ ಮನೆಯಲ್ಲಿ ಬೆಳಗ್ಗೆ ತಿಂಡಿ (Breakfast Recipe) ಏನು ಮಾಡೋದು ಅನ್ನೋ ಚಿಂತೆಯಲ್ಲಿದ್ದೀರಾ? ಮಾರುಕಟ್ಟೆಗೆ ಹೋದ್ರೆ ಮಕ್ಕಳು ಹಠ ಮಾಡಿ ಸ್ವೀಟ್ ಕಾರ್ನ್ (Sweetcorn) ಖರೀದಿಸಿ ತಿನ್ನುತ್ತಾರೆ. ಇಂದು ನೀವು ಅದೇ ಸ್ವೀಟ್ ಕಾರ್ನ್​ ಬಳಸಿ ಬೆಳಗಿನ ತಿಂಡಿ ಮಾಡಬಹುದು. ಇಂದು ಮಾರುಕಟ್ಟೆಯಲ್ಲಿ (Market) ಹಸಿಯಾದ ಸ್ವೀಟ್ ಕಾರ್ನ್​ ಸಿಗುತ್ತದೆ. ಇದನ್ನೇ ಬಳಸಿ ರುಚಿಯಾದ ಉಪ್ಪಿಟ್ಟು (Sweetcorn Uppittu) ತಯಾರಿಸಬಹುದು. ಸ್ವೀಟ್ ಕಾರ್ನ್​ ಇಷ್ಟಪಡುವ ಮಕ್ಕಳು ಈ ಉಪ್ಪಿಟ್ಟನ್ನು (Upma Recipe) ಇಷ್ಟಪಟ್ಟು ಸೇವಿಸುತ್ತಾರೆ. ಇಂದು ನಾವು ನಿಮಗೆ ರುಚಿಯಾದ ಸ್ವೀಟ್ ಕಾರ್ನ್​ ಉಪ್ಪಿಟ್ಟು ಹೇಗೆ ಮಾಡಬೇಕು ಎಂಬುದನ್ನು ಹೇಳುತ್ತಿದ್ದೇವೆ.

ಬೇಕಾಗುವ ಸಾಮಾಗ್ರಿಗಳು

ಸ್ವೀಟ್​ ಕಾರ್ನ್​: 4 ಕಪ್

ರವೆ: ಒಂದು ಕಪ್

ತೆಂಗಿನಕಾಯಿ ತುರಿ: ಮೂರು ಟೇಬಲ್ ಸ್ಪೂನ್

ಕಡಲೆಬೀಜ: 1 ಟೀ ಸ್ಪೂನ್

ಉದ್ದಿನಬೇಳೆ: 1 ಟೀ ಸ್ಪೂನ್

ಟೊಮ್ಯಾಟೋ: ಒಂದು  (ದೊಡ್ಡದು)

ಈರುಳ್ಳಿ: ಒಂದು (ದೊಡ್ಡದು)

ಹಸಿಮೆಣಸಿನಕಾಯಿ: 4 ರಿಂದ 5

ಅರಿಶಿನ: ಚಿಟಿಕೆ

ಕರೀಬೇವು: 4 ರಿಂದ 5 ದಳ

ಎಣ್ಣೆ: ಮೂರು ಟೀ ಸ್ಪೂನ್

ಉಪ್ಪು: ರುಚಿಗೆ ತಕ್ಕಷ್ಟು

ಸ್ವೀಟ್​ ಕಾರ್ನ್​ ಉಪ್ಪಿಟ್ಟು ಮಾಡುವ ವಿಧಾನ

*ಮೊದಲಿಗೆ ಮೂರು ಕಪ್​ನಷ್ಟು ಸ್ವೀಟ್​ ಕಾರ್ನ್​ಗಳನ್ನು ಜಾರ್​ಗೆ ಹಾಕಿ ಮಿಕ್ಸಿಯಲ್ಲಿ ಸ್ವಲ್ಪ ನೀರು ಸೇರಿಸಿ ಚೆನ್ನಾಗಿ ನುಣ್ಣಗೆ ರುಬ್ಬಿಕೊಳ್ಳಿ. ಈಗ ರುಬ್ಬಿದ ಸ್ವೀಟ್​ ಕಾರ್ನ್​ ತೆಗೆದಿಟ್ಟುಕೊಳ್ಳಿ.

*ಈಗ ಇದೇ ಜಾರ್​ಗೆ ಉಳಿದ ಮತ್ತೊಂದು ಕಪ್​ ಸ್ವೀಟ್ ಕಾರ್ನ್​ ಹಾಕಿ ನೀರು ಸೇರಿಸದೇ ತರಿ ತರಿಯಾಗಿ ರುಬ್ಬಿಕೊಳ್ಳಬೇಕು. (ಒಂದ ಸ್ವೀಟ್​ ಕಾರ್ನ್​ ನಾಲ್ಕರಿಂದ ಐದು ತುಣುಕ ಆಗುವ ರೀತಿಯಲ್ಲಿ ರುಬ್ಬಬೇಕು)

*ಈಗ ಒಂದು ಪ್ಯಾನ್ ಒಲೆ ಮೇಲೆ ಇರಿಸಿಕೊಳ್ಳಿ. ಪ್ಯಾನ್ ಬಿಸಿ ಆಗುತ್ತಿದ್ದಂತೆ ಎಣ್ಣೆ ಹಾಕಿ. ಎಣ್ಣೆ ಬಿಸಿ ಆಗುತ್ತಿದ್ದಂತೆ ಸಾಸವೆ ಮತ್ತು ಜೀರಿಗೆ ಹಾಕಿ. ಸಾಸವೆ ಮತ್ತು ಜೀರಿಗೆ ಚಿಟಪಟ ಅಂತ ಸಿಡಿಯಲು ಆರಂಭಿಸುತ್ತಿದ್ದಂತೆ  ಉದ್ದಿನಬೇಳೆ ಮತ್ತು ಶೇಂಗಾ ಸೇರಿಸಿ.

*ಉದ್ದಿನಬೇಳೆ ಮತ್ತು ಶೇಂಗಾ ಫ್ರೈ ಆಗುತ್ತಿದ್ದಂತೆ ಈರುಳ್ಳಿ ಸೇರಿಸಿ ಹಸಿ ವಾಸನೆ ಹೋಗುವರೆಗೂ ಬೇಯಿಸಿ. ಈರುಳ್ಳಿಯ ಹಸಿ ವಾಸನೆ ಹೋಗುತ್ತಿದ್ದಂತೆ ಟೊಮ್ಯಾಟೋ ಮಿಕ್ಸ್​ ಮಾಡಿ ಎರಡರಿಂದ ಮೂರು ನಿಮಿಷ ಬೇಯಿಸಿಕೊಳ್ಳಿ.

ಇದನ್ನೂ ಓದಿ:  ಸಿಂಪಲ್ ಆಗಿ ಬ್ಯಾಚೂಲರ್ ಗಳು ತಯಾರಿಸುವ ಬೆಳ್ಳುಳ್ಳಿ ಉಪ್ಪಿಟ್ಟು ಮಾಡಿ ಸವಿಯಿರಿ

*ಈಗ ಉದ್ದವಾಗಿ ಕತ್ತರಿಸಿಕೊಂಡಿರುವ ಹಸಿಮೆಣಸಿನಕಾಯಿ ಮತ್ತು ಕರೀಬೇವು ಸೇರಿಸಿ. ಈಗ ಇದಕ್ಕೆ ಚಿಟಿಕೆ ಅರಿಶಿನ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಿ.

*ಎಲ್ಲಾ ಮಸಾಲೆ ಎರಡರಿಂದ ಮೂರು ನಿಮಿಷ ಬೇಯಿಸಿದ ನಂತರ ನುಣ್ಣಗೆ ರುಬ್ಬಿಕೊಂಡಿರುವ ಸ್ವೀಟ್ ಕಾರ್ನ್​ ಪೇಸ್ಟ್​​ ಸೇರಿಸಿ. ನಂತರ ತರಿ ತರಿಯಾಗಿ ರುಬ್ಬಿರುವ ಸ್ವೀಟ್ ಕಾರ್ನ್​ ಸಹ ಸೇರಿಸಿಕೊಳ್ಳಿ.

*ಸ್ವೀಟ್​ ಕಾರ್ನ್​ ಪೇಸ್ಟ್​ ಸೇರಿಸಿದ ನಂತರ ಅದು ಸೀದು ಹೋಗದಂತೆ ಕೈ ಆಡಿಸುತ್ತಿರಬೇಕು. ಈ ವೇಳೆ ಅರ್ಧ ಕಪ್​ ನೀರು ಸೇರಿಸಿಕೊಂಡು ಮಿಕ್ಸ್ ಮಾಡಿಕೊಳ್ಳಬೇಕು.

*ಸ್ವೀಟ್ ಕಾರ್ನ್​ ಪೇಸ್ಟ್​ ಬೇಯುತ್ತಿರುವಾಗ ತೆಂಗಿನಕಾಯಿ ತುರಿ ಸೇರಿಸಿ ಮಿಕ್ಸ್​ ಮಾಡಿ.

*ಈಗ ಸಿದ್ಧವಾಗಿರುವ ಮಸಾಲೆಗೆ ಎರಡೂವರೆ ಕಪ್​ನಷ್ಟು ನೀರು ಸೇರಿಸಿ ಮುಚ್ಚಳ ಮುಚ್ಚಿ ನಾಲ್ಕರಿಂದ ಐದು ನಿಮಿಷ ಬೇಯಿಸಿಕೊಳ್ಳಿ.

ಇದನ್ನೂ ಓದಿ:  Upma Recipe: ಮಕ್ಕಳಿಗೆ ಇಷ್ಟವಾಗುತ್ತೆ ಕಟ್ಟಾ ಮಿಟ್ಟಾ ಉಪ್ಪಿಟ್ಟು; ನೀವೂ ಟ್ರೈ ಮಾಡಿ ರೆಸಿಪಿ

*ನೀರು ಬೇಯುತ್ತಿರುವಾಗಲೇ ರವೆ ಸೇರಿಸಿ ಚೆನ್ನಾಗಿ ಮಿಕ್ಸ್​ ಮಾಡಿ ಮುಚ್ಚಳ ಮುಚ್ಚಿ ಕಡಿಮೆ ಉರಿಯಲ್ಲಿ ನಾಲ್ಕರಿಂದ ಐದು ನಿಮಿಷ ಬೇಯಿಸಿಕೊಳ್ಳಿ.

*ನಂತರ ಮುಚ್ಚಳ ತೆಗೆದು ಸೀದು ಹೋಗದಂತೆ ರವೆಯನ್ನು ಮೇಲೆ ಕೆಳಗೆ ತಿರುಗಿಸುತ್ತಿರಬೇಕು. ಈಗ ಒಲೆ ಬಂದ್ ಮಾಡಿ ಮುಚ್ಚಳ ಮುಚ್ಚಿ ನಾಲ್ಕರಿಂದ ಐದು ನಿಮಿಷ ಎತ್ತಿಡಿ. ನಂತರ ಮುಚ್ಚಳ ತೆಗೆದು ಕೋತಂಬರಿ ಸೊಪ್ಪು ಸೇರಿಸಿದ್ರೆ ರುಚಿಯಾದ ಸ್ವೀಟ್ ಕಾರ್ನ್​ ಉಪ್ಪಿಟ್ಟು ಸವಿಯಲು ಸಿದ್ಧ.