Stomach Ulcer: ಎದೆ ಉರಿ ಇದೆಯಾ? ಹೊಟ್ಟೆ ಹುಣ್ಣಿನ ಬಗ್ಗೆ ಇರಲಿ ಎಚ್ಚರ, ಇಲ್ಲಿದೆ ಕೆಲವು ಮನೆಮದ್ದುಗಳು

ಹೊಟ್ಟೆಯ ಹುಣ್ಣುಗಳನ್ನು ಸುಲಭವಾಗಿ ಗುಣಪಡಿಸಬಹುದು. ಆದರೂ ಸಹ ಸರಿಯಾದ ಚಿಕಿತ್ಸೆ ನೀಡದೇ ಹೋದರೆ ಗಂಭೀರ ಪರಿಣಾಮ ಎದುರಿಸಬೇಕಾಗಬಹುದು. ಪೆಪ್ಟಿಕ್ ಅಲ್ಸರ್ ಇದ್ದವರಿಗೆ ವೈದ್ಯರು 10 ದಿನಗಳವರೆಗೆ ಔಷಧ ನೀಡುತ್ತಾರೆ. ಎಲೆಕೋಸು ಹುಣ್ಣುಗಳನ್ನು ಗುಣಪಡಿಸುತ್ತದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಹೊಟ್ಟೆಯಲ್ಲಿ (Stomach) ಉಂಟಾಗುವ ಹುಣ್ಣುಗಳನ್ನು (Ulcer) ಗ್ಯಾಸ್ಟ್ರಿಕ್ ಅಲ್ಸರ್ (Gastric Ulcer) ಎಂದು ಕರೆಯುತ್ತಾರೆ. ಇವು ಹೊಟ್ಟೆಯ ಒಳಪದರದಲ್ಲಿ ಉಂಟಾಗುವ ನೋವಿನ (Pain) ಹುಣ್ಣುಗಳಾಗಿವೆ. ಇದು ಒಂದು ರೀತಿಯ ಪೆಪ್ಟಿಕ್ ಹುಣ್ಣು. ಪೆಪ್ಟಿಕ್ ಹುಣ್ಣುಗಳು ಹೊಟ್ಟೆ ಮತ್ತು ಸಣ್ಣ ಕರುಳು ಮತ್ತು ಅನ್ನನಾಳದ ಒಳಪದರದ ಮೇಲೆ ಉಂಟಾಗುತ್ತವೆ. ಜೀರ್ಣಕಾರಿ ರಸದಿಂದ ನಿಮ್ಮ ಹೊಟ್ಟೆಯನ್ನು ರಕ್ಷಿಸುವ ಲೋಳೆಯ ದಪ್ಪ ಪದರವು ಕುಗ್ಗಿದಾಗ ಹೊಟ್ಟೆಯ ಹುಣ್ಣು ಉಂಟಾಗುತ್ತದೆ. ಹೊಟ್ಟೆಯ ಹುಣ್ಣುಗಳು ಮುಖ್ಯವಾಗಿ ಬ್ಯಾಕ್ಟೀರಿಯಂ ಹೆಲಿಕೋಬ್ಯಾಕ್ಟರ್ ಪೈಲೋರಿ (H. ಪೈಲೋರಿ) ಸೋಂಕಿನಿಂದ ಅಥವಾ ಆಸ್ಪಿರಿನ್, ಐಬುಪ್ರೊಫೇನ್ ಅಥವಾ ನ್ಯಾಪ್ರೋಕ್ಸೆನ್‌ನಂತಹ ಉರಿಯೂತದ ಔಷಧಗಳ ದೀರ್ಘಾವಧಿಯ ಬಳಕೆಯಿಂದ ಉಂಟಾಗುತ್ತವೆ.

    ಹೊಟ್ಟೆಯಲ್ಲಿ ಹುಣ್ಣುಗಳಿದ್ದರೆ ಏನು ಮಾಡಬೇಕು?

    ಹೊಟ್ಟೆಯ ಹುಣ್ಣುಗಳನ್ನು ಸುಲಭವಾಗಿ ಗುಣಪಡಿಸಬಹುದು. ಆದರೂ ಸಹ ಸರಿಯಾದ ಚಿಕಿತ್ಸೆ ನೀಡದೇ ಹೋದರೆ ಗಂಭೀರ ಪರಿಣಾಮ ಎದುರಿಸಬೇಕಾಗಬಹುದು. ಪೆಪ್ಟಿಕ್ ಅಲ್ಸರ್ ಇದ್ದವರಿಗೆ ವೈದ್ಯರು 10 ದಿನಗಳವರೆಗೆ ಔಷಧ ನೀಡುತ್ತಾರೆ.

    ಇದು ಮುಖ್ಯವಾಗಿ PPI ಗಳು (ಪ್ರೋಟಾನ್  ಪಂಪ್ ಇನ್ಹಿಬಿಟರ್ಗಳು), ಕ್ಲಾರಿಥ್ರೊಮೈಸಿನ್ ಮತ್ತು ಅಮೋಕ್ಸಿಸಿಲಿನ್ ಗುಂಪಿನ ಔಷಧವಾಗಿದೆ. ಅದು ಆಮ್ಲದ ಪರಿಣಾಮ ಕಡಿಮೆ ಮಾಡುತ್ತದೆ. ಮನೆಯಲ್ಲಿ ಮನೆಮದ್ದುಗಳ ಮೂಲಕ ಪೆಪ್ಟಿಕ್ ಅಲ್ಸರ್ ನ್ನು ತೊಡೆದು ಹಾಕಬಹುದು. ಅವುಗಳ ಬಗ್ಗೆ ಇಲ್ಲಿ ನೋಡೋಣ.

    ಇದನ್ನೂ ಓದಿ: ದೀರ್ಘಕಾಲ ಕುಳಿತುಕೊಳ್ಳುತ್ತೀರಾ? ಉಬ್ಬಿರುವ ರಕ್ತನಾಳ ಸಮಸ್ಯೆ ಬರದಂತೆ ಇರಲಿ ಎಚ್ಚರ

    ಪೆಪ್ಟಿಕ್ ಅಲ್ಸರ್ ಲಕ್ಷಣಗಳು

    ಹೊಟ್ಟೆಯಲ್ಲಿ ಮಂದ ನೋವು, ತೂಕ ಇಳಿಕೆ, ಆಹಾರ ಸೇವನೆ ಮಾಡಲಾಗದಿರುವುದು, ಊತ, ಹೊಟ್ಟೆ ತುಂಬಿದ ಭಾವನೆ, ಬೆಲ್ಚಿಂಗ್ ಅಥವಾ ಆಮ್ಲೀಯತೆ, ಎದೆಯುರಿ, ರಕ್ತಹೀನತೆ, ಡಾರ್ಕ್, ಟಾರಿ ಮಲ, ರಕ್ತಸಿಕ್ತ ವಾಂತಿ,

    ಅಲ್ಸರ್ಗೆ ರಾಮಬಾಣ - ಎಲೆಕೋಸು ರಸ

    ಅಧ್ಯಯನದ ಪ್ರಕಾರ ಎಲೆಕೋಸು ಹುಣ್ಣುಗಳನ್ನು ಗುಣಪಡಿಸುತ್ತದೆ. ಹುಣ್ಣುಗಳಿಗೆ ಇದು ಜನಪ್ರಿಯ ಮತ್ತು ನೈಸರ್ಗಿಕ ಚಿಕಿತ್ಸೆ. ಹೊಟ್ಟೆಯ ಹುಣ್ಣುಗಳನ್ನು ಗುಣಪಡಿಸಲು ಪ್ರತಿಜೀವಕಗಳು ಲಭ್ಯವಾಗುವ ದಶಕಗಳ ಮೊದಲು ಇದನ್ನು ವೈದ್ಯರು ಬಳಸುತ್ತಿದ್ದರು.

    ಎಲೆಕೋಸು ರಸವು ಹೊಟ್ಟೆಯ ಹುಣ್ಣುಗಳನ್ನು ತಡೆಗೆ ಮತ್ತು ಗುಣಪಡಿಸುವ ಸಂಯುಕ್ತಗಳನ್ನು ಹೊಂದಿದೆ. ಎಲೆಕೋಸು ವಿಟಮಿನ್ ಸಿ ಯಲ್ಲಿ ಸಮೃದ್ಧವಾಗಿದೆ. ರಕ್ಷಣಾತ್ಮಕ ಗುಣಗಳನ್ನು ಹೊಂದಿದೆ.

    ಬಳಸುವುದು ಹೇಗೆ

    ಎಲೆಕೋಸು ರಸ ತಯಾರಿಸಿ. ಪ್ರತಿದಿನ 1 ಕಪ್ ರಸ ಸೇವಿಸಿ. ಇದು ಹುಣ್ಣುಗಳ ನಿವಾರಣೆಗೆ ತುಂಬಾ ಪ್ರಯೋಜನಕಾರಿ.

    ಹುಣ್ಣು ಗುಣಪಡಿಸಲು ಏನು ತಿನ್ನಬೇಕು - ಜೇನುತುಪ್ಪ

    ಜೇನುತುಪ್ಪವು ಉತ್ಕರ್ಷಣ ನಿರೋಧಕ-ಭರಿತ ಆಹಾರ. ವಿವಿಧ ಆರೋಗ್ಯ ಪ್ರಯೋಜನ ನೀಡುತ್ತದೆ. ಈ ಕಿಣ್ವವು ಹೈಡ್ರೋಜನ್ ಪೆರಾಕ್ಸೈಡ್ ಅನ್ನು ಉತ್ಪಾದಿಸುತ್ತದೆ. ಇದು ಹುಣ್ಣು ಉಂಟು ಮಾಡುವ ಬ್ಯಾಕ್ಟೀರಿಯಾ ಹೆಲಿಕೋಬ್ಯಾಕ್ಟರ್ ಪೈಲೋರಿ ವಿರುದ್ಧ ಹೋರಾಡುತ್ತದೆ. ಅಲ್ಲದೇ ಕೆಲವು ರೀತಿಯ ಕ್ಯಾನ್ಸರ್ ಸೇರಿದಂತೆ ಕಣ್ಣಿನ ಆರೋಗ್ಯ, ಹೃದ್ರೋಗ ಮತ್ತು ಪಾರ್ಶ್ವವಾಯು ತಡೆಗೆ ಸಹಕಾರಿ.

    ಬಳಸುವುದು ಹೇಗೆ

    ಒಂದು ಲೋಟ ಬೆಚ್ಚಗಿನ ನೀರಿನಲ್ಲಿ ಒಂದು ಚಮಚ ಜೇನುತುಪ್ಪ ಮತ್ತು ಒಂದು ಚಿಟಿಕೆ ದಾಲ್ಚಿನ್ನಿ ಪುಡಿ ಬೆರೆಸಿ ಮಿಶ್ರಣ ತಯಾರಿಸಿ. ದಿನಕ್ಕೆರಡು ಬಾರಿ ಸೇವಿಸಿ. ಇದು ಅಲ್ಸರ್ ಸಮಸ್ಯೆ ನಿವಾರಣೆ ಮಾಡುತ್ತದೆ.

    ಬೆಳ್ಳುಳ್ಳಿ ಹುಣ್ಣುಗಳಿಗೆ ನೈಸರ್ಗಿಕ ಔಷಧ

    ಒಂದು ಅಧ್ಯಯನದ ಪ್ರಕಾರ, ಬೆಳ್ಳುಳ್ಳಿ ಅಲಿಸಿನ್ ಎಂಬ ಸಂಯುಕ್ತ ಹೊಂದಿದೆ. ಇದು ಪ್ರಬಲವಾದ ಆಂಟಿಮೈಕ್ರೊಬಿಯಲ್ ಗುಣಲಕ್ಷಣ ಹೊಂದಿದೆ. ಇದು ಹೆಲಿಕೋಬ್ಯಾಕ್ಟರ್ ಪೈಲೋರಿ ವಿರುದ್ಧ ಹೋರಾಡುತ್ತದೆ. ಈ ಬ್ಯಾಕ್ಟೀರಿಯಾಗಳು ಪೆಪ್ಟಿಕ್ ಹುಣ್ಣು ಉಂಟು ಮಾಡುತ್ತವೆ. ಇದು ಹುಣ್ಣುಗಳಾಗದಂತೆ ತಡೆಯುತ್ತದೆ. ಹುಣ್ಣು ಗುಣ ಪಡಿಸುತ್ತದೆ.

    ಬಳಸುವುದು ಹೇಗೆ

    ಪ್ರತಿದಿನ 2-3 ಎಸಳು ಬೆಳ್ಳುಳ್ಳಿ ತರಕಾರಿಗೆ ಹಾಕಿ ಸೇವಿಸಿ. ಪ್ರತಿದಿನ 1 ಲವಂಗ ಮತ್ತು ಬೆಳ್ಳುಳ್ಳಿ ಜಗಿಯುವುದು ಪ್ರಯೋಜನಕಾರಿ.

    ಮೂಲದಿಂದ ಹುಣ್ಣು ತೊಡೆದು ಹಾಕುವುದು ಹೇಗೆ?  

    ಅರಿಶಿನದಲ್ಲಿರುವ ಕರ್ಕ್ಯುಮಿನ್ ಎಂಬ ಸಂಯುಕ್ತವು ಉರಿಯೂತದ ಮತ್ತು ಉತ್ಕರ್ಷಣ ನಿರೋಧಕ ಗುಣಲಕ್ಷಣ ಹೊಂದಿದೆ. ಇದು ಹೊಟ್ಟೆಯ ಹುಣ್ಣುಗಳಿಗೆ ಕಾರಣವಾಗುವ ಬ್ಯಾಕ್ಟೀರಿಯಾಗಳನ್ನು ತಡೆಯುತ್ತದೆ. ಇದು ರಕ್ತನಾಳಗಳ ಕಾರ್ಯ ಸುಧಾರಿಸಲು ಮತ್ತು ಉರಿಯೂತ ಮತ್ತು ಹೃದ್ರೋಗದ ಅಪಾಯ ಕಡಿಮೆ ಮಾಡುತ್ತದೆ.

    ಇದನ್ನೂ ಓದಿ: ಚರ್ಮದ ವಿವಿಧ ಭಾಗಗಳಲ್ಲಿ ತುರಿಕೆ! ಇದಕ್ಕೇನು ಪರಿಹಾರ?

    ಬಳಸುವುದು ಹೇಗೆ

    ಒಂದು ಲೋಟ ಬೆಚ್ಚಗಿನ ನೀರಿನಲ್ಲಿ ಒಂದು ಚಮಚ ಅರಿಶಿನ ಬೆರೆಸಿ. ಇದನ್ನು 2-3 ಬಾರಿ ಕುಡಿಯಿರಿ. ರುಚಿಗೆ ನೀವು ಜೇನುತುಪ್ಪ ಸೇರಿಸಿ.
    Published by:renukadariyannavar
    First published: