Drinking Milk: ಕ್ಯಾಲ್ಸಿಯಂ ಬೇಕು ನಿಜ.. ಆದರೆ ದೊಡ್ಡವರು ದಿನಕ್ಕೆ ಎಷ್ಟು ಹಾಲು ಕುಡಿದರೆ ಸೇಫ್?

ನಿಮ್ಮ ದೇಹದಲ್ಲಿನ ಸುಮಾರು ಶೇ. 99ರಷ್ಟು ಕ್ಯಾಲ್ಸಿಯಂ ಮೂಳೆಗಳು ಮತ್ತು ಹಲ್ಲುಗಳಲ್ಲಿ ಇರುತ್ತವೆ. ಕ್ಯಾಲ್ಸಿಯಂ ಮೂಳೆಗಳಿಗೆ ಸಾಂದ್ರತೆ ಮತ್ತು ಶಕ್ತಿಯನ್ನು ನೀಡುತ್ತದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:

    ಪುರುಷರಾಗಲಿ, ಮಹಿಳೆಯರಾಗಿರಲಿ (Man and Woman) ವಯಸ್ಕರು ಕೂಡ, ಮೂಳೆಗಳ (Bones) ಸಾಂದ್ರತೆಯನ್ನು ಕಾಪಾಡಿಕೊಳ್ಳಲು ಮತ್ತು ಆಸ್ಟಿಯೋಪೋರೋಸಿಸ್ ಅನ್ನು ತಡೆಯಲು, ಕ್ಯಾಲ್ಸಿಯಂ, ವಿಟಮಿನ್ ಡಿ (Calcium and Vitamin D) ಮತ್ತಿತರ ಪೌಷ್ಟಿಕಾಂಶಗಳ ಅಗತ್ಯ ಇರುತ್ತದೆ. ಹಾಲನ್ನು ಕುಡಿಯುವ ಮೂಲಕ ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು. ಆದರೆ, ಹಾಲನ್ನು ಇಷ್ಟಪಡದವರು ಅಥವಾ ಹಾಲಿನಿಂದ ಅಲರ್ಜಿ ಹೊಂದಿರುವವರು ಏನು ಮಾಡಬೇಕು..? ಹಾಲಿಗೆ ಪರ್ಯಾಯವಾದ ಕೆಲವು ನಿರ್ದಿಷ್ಟ ಆಹಾರಗಳ ಸೇವನೆಯಿಂದ ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಅಗತ್ಯಗಳನ್ನು ಪೂರೈಸಿಕೊಳ್ಳಲು ಸಾಧ್ಯವಿದೆ.


    ಇದನ್ನೂ ಓದಿ: Heart Health: 50 ವರ್ಷದ ನಂತರ ಹೃದಯದ ಆರೋಗ್ಯಕ್ಕಾಗಿ ಈ 4 ಅಂಶಗಳನ್ನು ನೆನಪಿಡಿ

    ಹಾಲಿನ ಮೂಲಕ ಕ್ಯಾಲ್ಸಿಯಂ ಅಗತ್ಯಗಳನ್ನು ಪೂರೈಸುವುದು
    ನಿಮ್ಮ ದೇಹದಲ್ಲಿನ ಸುಮಾರು ಶೇಕಡಾ 99ರಷ್ಟು ಕ್ಯಾಲ್ಸಿಯಂ ಮೂಳೆಗಳು ಮತ್ತು ಹಲ್ಲುಗಳಲ್ಲಿ ಇರುತ್ತವೆ. ಕ್ಯಾಲ್ಸಿಯಂ ಮೂಳೆಗಳಿಗೆ ಸಾಂದ್ರತೆ ಮತ್ತು ಶಕ್ತಿಯನ್ನು ನೀಡುತ್ತದೆ. ಫೆಡರಲ್ ಆಫೀಸ್ ಆಫ್ ಡಯೆಟರಿ ಸಪ್ಲಿಮೆಂಟ್ ಪ್ರಕಾರ, ಆಹಾರದ ಮೂಲಕ ಕ್ಯಾಲ್ಸಿಯಂ ಅವಶ್ಯಕತೆಗಳನ್ನು ಪೂರೈಸಲು, 19 ರಿಂದ 50 ವರ್ಷದೊಳಗಿನ ಮಹಿಳೆಯರಿಗೆ 1,000 ಮಿಲಿಗ್ರಾಂ ಮತ್ತು 51 ವರ್ಷಕ್ಕೂ ಮೇಲಿನ ಮಹಿಳೆಯರಿಗೆ 1,200 ಮಿಲಿಗ್ರಾಂ ಅಗತ್ಯವಿರುತ್ತದೆ. 3 - 4 ಲೋಟ ಹಾಲು ಕುಡಿಯುವುದರಿಂದ ನಿಮ್ಮ ದೇಹದ ಕ್ಯಾಲ್ಸಿಯಂ ಅಗತ್ಯಗಳ ಪೂರೈಕೆ ಸಾಧ್ಯ. ಇನ್ನು ಪುರುಷರ ಬಗ್ಗೆ ಹೇಳುವುದಾದರೆ, 19 ರಿಂದ 70 ವರ್ಷದೊಳಗಿನ ಪುರುಷರಿಗೆ 1,000 ಮಿಲಿ ಗ್ರಾಂ , 70 ವರ್ಷದ ಬಳಿಕ 1,200 ಮಿಲಿ ಗ್ರಾಂ ಅಗತ್ಯವಿರುತ್ತದೆ.


    ಹಾಲಿನ ಮೂಲಕ ವಿಟಮಿನ್ ಡಿ ಪಡೆಯುವುದು
    ಕ್ಯಾಲ್ಸಿಯಂ ನಿಮ್ಮ ದೇಹದ ಮೂಳೆಗಳನ್ನು ಸದೃಢಗೊಳಿಸುತ್ತದೆ ಎಂಬುದೇನೋ ನಿಜ. ಆದರೆ ದೇಹ ಅದನ್ನು ಹೀರಿಕೊಳ್ಳಲು ಅಗತ್ಯ ಪ್ರಮಾಣದ ಮಿಟಮಿನ್ ಡಿ ಬೇಕಾಗುತ್ತದೆ. ಅಗತ್ಯವಿರುವಷ್ಟು ವಿಟಮಿನ್ ಡಿ ನಿಮ್ಮ ದೇಹಕ್ಕೆ ಸಿಗದೇ ಹೋದಲ್ಲಿ, ನೀವು ಅತ್ಯಧಿಕ ಪ್ರಮಾಣದಲ್ಲಿ ಕ್ಯಾಲ್ಸಿಯಂ ಸೇವಿಸಿದರೂ, ಮೂಳೆ ಸಾಂದ್ರತೆಯನ್ನು ಕಳೆದುಕೊಳ್ಳುತ್ತದೆ. 8 ಔನ್ಸ್ ಹಾಲು, ದೇಹದ ದೈನಂದಿನ ವಿಟಮಿನ್ ಡಿ ಅಗತ್ಯದ ಸುಮಾರು ಶೇಕಡಾ 30 ರಷ್ಟನ್ನು ಅಥವಾ 115 ರಿಂದ 124 ಮಿಲಿಗ್ರಾಂಗಳಷ್ಟನ್ನು ವಿಟಮಿನ್ ಡಿಯನ್ನು ಪೂರೈಸುತ್ತದೆ. ದಿನಕ್ಕೆ ಮೂರು ಗ್ಲಾಸ್ ಹಾಲು ಕುಡಿಯುವುದರಿಂದ ನಿಮ್ಮ ವಿಟಮಿನ್ ಡಿ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು.


    ಪರ್ಯಾಯ ಆಹಾರ ಆಯ್ಕೆಗಳು
    ನೀವು ಹಾಲನ್ನು ಇಷ್ಟ ಪಡದಿದ್ದರೆ ಅಥವಾ ಅದರಿಂದ ನಿಮಗೆ ಯಾವುದೇ ರೀತಿಯ ಅಲರ್ಜಿ ಇದ್ದರೆ, ನಿಮಗೆ ಡೈರಿ ಅಥವಾ ಡೈರಿ ರಹಿತ ವಿವಿಧ ಆಹಾರದ ಆಯ್ಕೆಗಳಿವೆ. ಅವು ನಿಮ್ಮ ನಿತ್ಯದ ಪೌಷ್ಟಿಕಾಂಶದ ಅಗತ್ಯಗಳನ್ನು ಪೂರೈಸಲು ಮತ್ತು ನಿಮ್ಮ ಮೂಳೆಗಳನ್ನು ಬಲವಾಗಿಡಲು ಸಹಾಯ ಮಾಡುತ್ತವೆ. ಮೊಸರು ಹಾಲಿಗಿಂತ ಹೆಚ್ಚು ಕ್ಯಾಲ್ಸಿಯಂ ಹೊಂದಿರುತ್ತದೆ. ಆದರೆ ಸಾಮಾನ್ಯವಾಗಿ ಅದು ವಿಟಮಿನ್ ಡಿ ಯಿಂದ ಬಲವರ್ಧಿತವಾಗಿಲ್ಲ.


    ಇದನ್ನೂ ಓದಿ: Health Tips: ಚರ್ಮ ಬಿಗಿಯಾಗಿ, ಕಾಂತಿಯುತವಾಗಿ ಕಾಣಲು ಬೇವು, ಅರಿಶಿನವನ್ನು ಈ ರೀತಿ ಸೇವಿಸಿ..

    ಹಾಲಿನಲ್ಲಿರುವಂತೆಯೇ, ವಿವಿಧ ರೀತಿಯ ಚೀಸ್‍ಗಳಾದ ಚೆಡ್ಡರ್ ಮತ್ತು ಮೊಜರೆಲ್ಲಾ ಚೀಸ್‍ಗಳಲ್ಲೂ ಹೇರಳ ಕ್ಯಾಲ್ಸಿಯಂ ಇರುತ್ತದೆ. ಸಾಲ್ಮನ್ ಅಥವಾ ಮೂಳೆಗಳುಳ್ಳ ಸಾರ್ಡಿನ್ ಮೀನುಗಳನ್ನು ತಿನ್ನುವುದರಿಂದ, ಹಾಲನ್ನು ಕುಡಿಯದೆಯೇ ನೀವು ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು. ಒಂದು ವೇಳೆ ನೀವು ಸಸ್ಯಾಹಾರಿ ಆಗಿದ್ದಲ್ಲಿ, ಹಾಲಿನ ಉತ್ಪನ್ನಗಳು, ತೋಫು, ಬಲವರ್ಧಿತ ಧಾನ್ಯಗಳು ಮತ್ತು ಕಾಲೇ , ಟರ್ನಿಪ್ ಗ್ರೀನ್ಸ್ ಮತ್ತು ಬೊಕ್‍ಚಾಯ್‍ನಂತಹ ತರಕಾರಿಗಳನ್ನು ಸೇವಿಸುವು ಮೂಲಕ ಕ್ಯಾಲ್ಸಿಯಂ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು. ಬಲವರ್ಧಿತ ಧಾನ್ಯಗಳು, ಸಾಮಾನ್ಯವಾಗಿ ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂ ಎರಡೂ ಇರುತ್ತವೆ.


    ಹಾಲಿನ ಅಪಾಯಗಳು
    ಕೆಲವು ಸಂದರ್ಭಗಳಲ್ಲಿ ಅತಿಯಾದ ಹಾಲಿನ ಸೇವನೆ ಹಾನಿಕಾರಕ ಆಗಬಹುದು. 2001ರಲ್ಲಿ ವರದಿಯಾದ, ಹಾರ್ವರ್ಡ್ ಸ್ಕೂಲ್ ಪಬ್ಲಿಕ್ ಹೆಲ್ತ್ ಅಧ್ಯಯನವೊಂದರ ಪ್ರಕಾರ, ದಿನಕ್ಕೆ ಅರ್ಧ ಸರ್ವಿಂಗ್ಸ್‌ಗಿಂತ ಕಡಿಮೆ ಡೈರಿ ಉತ್ಪನ್ನಗಳನ್ನು ಸೇವಿಸುವು ಪುರುಷರಿಗಿಂತ, ದಿನಕ್ಕೆ 2.5 ಕ್ಕಿಂತ ಹೆಚ್ಚು ಡೈರಿ ಉತ್ಪನ್ನಗಳನ್ನು ಸೇವಿಸುವ ಪುರುಷರು, ಪ್ರಾಸ್ಟೇಟ್‌ ಕ್ಯಾನ್ಸರ್‌ನ ಅಪಾಯವನ್ನು ಹೊಂದಿರುತ್ತಾರೆ ಎಂಬುದನ್ನು ಸೂಚಿಸುವ ಪುರಾವೆಗಳನ್ನು ಪರಿಶೀಲಿಸಲಾಗಿದೆ. ಟಫ್ಟ್ಸ್ ವಿಶ್ವ ವಿದ್ಯಾಲಯವು ನಡೆಸಿದ ಲಭ್ಯವಿರುವ ಅಧ್ಯಯನಗಳ ಮೆಟಾ- ವಿಶ್ಲೇಷಣೆಯು , ಜರ್ನಲ್ ಆಫ್ ದ ನ್ಯಾಷನಲ್ ಕ್ಯಾನ್ಸರ್ ಇನ್ಸಿಟ್ಯೂಟ್ 2005ರ ಡಿಸೆಂಬರ್ ಸಂಚಿಕೆಯಲ್ಲಿ ಅದೇ ರೀತಿಯ ಸಂಶೋಧನಾ ವರದಿಗಳನ್ನು ಪ್ರಕಟ ಮಾಡಿದೆ. ಹಾಗಾಗಿ, ನೀವು ಪ್ರಾಸ್ಟೇಟ್ ಕ್ಯಾನ್ಸರ್‌ನ ಅಪಾಯ ಹೊಂದಿರುವ ಪುರುಷ ಆಗಿದ್ದಲ್ಲಿ, ಕ್ಯಾಲ್ಸಿಯಂ ಸೇವನೆಯ ಕುರಿತು ನಿಮ್ಮ ವೈದ್ಯರ ಸಲಹೆಯನ್ನು ಪಡೆಯುವುದು ಅತ್ಯಂತ ಅಗತ್ಯವಾಗಿದೆ.

    Published by:Kavya V
    First published: