• Home
  • »
  • News
  • »
  • lifestyle
  • »
  • Memory Loss: ವಯಸ್ಸಾದವರಲ್ಲಿ ಎಷ್ಟು ಪ್ರಮಾಣದ ನೆನಪಿನ ಶಕ್ತಿ ನಾಶ ಸಾಮಾನ್ಯ? ವೈದ್ಯರು ಹೇಳೋದೇನು ನೋಡಿ

Memory Loss: ವಯಸ್ಸಾದವರಲ್ಲಿ ಎಷ್ಟು ಪ್ರಮಾಣದ ನೆನಪಿನ ಶಕ್ತಿ ನಾಶ ಸಾಮಾನ್ಯ? ವೈದ್ಯರು ಹೇಳೋದೇನು ನೋಡಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Memory Loss is Normal with Ageing: ವಯಸ್ಸಾದ ವ್ಯಕ್ತಿಗೆ ನೆನಪಿನ ಶಕ್ತಿ ಕಡಿಮೆಯಾಗುವುದು ಸಾಮಾನ್ಯ ಎಂದಾದಲ್ಲಿ ಇದು ಎಷ್ಟು ಪ್ರಮಾಣದಲ್ಲಿ ಉಂಟಾಗುತ್ತದೆ,  ಅದರ ಆರಂಭಿಕ ಚಿಹ್ನೆಗಳನ್ನು ಗಮನಿಸೋದು ಹೇಗೆ ಅನ್ನೋದು ಇಲ್ಲಿದೆ.

  • Trending Desk
  • 4-MIN READ
  • Last Updated :
  • Share this:

ವಯಸ್ಸಾದಂತೆ (Ageing) ಮರೆವು ಸಾಮಾನ್ಯ (Memory Loss). ಅವರು ಕೇಳಿಸಿಕೊಂಡಿದ್ದು, ಮಾತನಾಡಿದ್ದು, ಇಟ್ಟಿದ್ದು ನೋಡಿದ್ದು, ತಿಂದಿದ್ದು ಹೀಗೆ ಬಹುತೇಕ ವಿಷಯಗಳನ್ನೆಲ್ಲ ಮರೆಯುತ್ತಾ ಬರುತ್ತಾರೆ. ಕೆಲವೊಮ್ಮೆ ಅಸ್ಪಷ್ಟ ನೆನಪು. ಕೇಳಿದರೆ ಅರ್ಧಂಬರ್ಧ ಹೇಳುತ್ತಾರೆ. ಸ್ಪಷ್ಟವಾಗಿ ಹೇಳೋಕೆ ಅವರಿಗೂ ಸಾಧ್ಯವಾಗೋದಿಲ್ಲ. ಹೀಗಾದಾಗ ಮಕ್ಕಳು (Children), ಮೊಮ್ಮಕ್ಕಳು, ಸುತ್ತಲಿನವರು ಅವರನ್ನು ಅನುಮಾನದಿಂದ ನೋಡುತ್ತಾರೆ. ಹಾಗಿದ್ರೆ ವಯಸ್ಸಾದ ವ್ಯಕ್ತಿಗೆ ನೆನಪಿನ ಶಕ್ತಿ ಕಡಿಮೆಯಾಗುವುದು ಸಾಮಾನ್ಯ ಎಂದಾದಲ್ಲಿ ಇದು ಎಷ್ಟು ಪ್ರಮಾಣದಲ್ಲಿ ಉಂಟಾಗುತ್ತದೆ,  ಅದರ ಆರಂಭಿಕ ಚಿಹ್ನೆಗಳನ್ನು ಗಮನಿಸೋದು ಹೇಗೆ ಅನ್ನೋದನ್ನು ನೋಡೋಣ.


ಪಟ್ಟರ್‌ ಗಂಜ್‌ ನ ಮ್ಯಾಕ್ಸ್‌ ಆಸ್ಪತ್ರೆಯ ನ್ಯೂರಾಲಜಿ ಪ್ರಧಾನ ಸಲಹೆಗಾರರಾದ ಡಾ. ಅಮಿತ್‌ ಬಾತ್ರಾ ಅವರು, "ಸ್ವಲ್ಪ ಮಟ್ಟಿಗೆ, ಕೆಲವು ಮೆಮೊರಿ ನಷ್ಟವು ವಯಸ್ಸಾದ ಪ್ರಕ್ರಿಯೆಯ ಭಾಗವಾಗಿದೆ. ಕೆಲವೊಮ್ಮೆ ಹೆಸರುಗಳು, ಮಾತನಾಡಿದ್ದು, ವಸ್ತುಗಳನ್ನು ಮರೆತುಬಿಡುವುದು ಸಾಮಾನ್ಯ ವ್ಯಾಪ್ತಿಯಲ್ಲಿ ಬರುತ್ತದೆ. ಆದರೆ ಮೆಮೊರಿ ನಷ್ಟದಿಂದಾಗಿ ದೈನಂದಿನ ಜೀವನವನ್ನು ನಿರ್ವಹಿಸುವುದೇ ಕಷ್ಟವಾದರೆ ಅದನ್ನು ಗಂಭೀರವಾಗಿ ಪರಿಗಣಿಸಿ ವೈದ್ಯರನ್ನು ಸಂಪರ್ಕಿಸಬೇಕು ಎಂಬುದಾಗಿ ಹೇಳುತ್ತಾರೆ.


ಯಾವುದನ್ನು ಬುದ್ಧಿಮಾಂದ್ಯತೆ ಎನ್ನಲಾಗುತ್ತದೆ?


ಮಧುರೈನ ಮೀನಾಕ್ಷಿ ಮಿಷನ್ ಹಾಸ್ಪಿಟಲ್ ಮತ್ತು ರಿಸರ್ಚ್ ಸೆಂಟರ್‌ನ ನರವಿಜ್ಞಾನ ವಿಭಾಗದ ಸಲಹೆಗಾರ ಡಾ.ನರೇಂದ್ರನ್ ಎಸ್ ಪ್ರಕಾರ, "ರೋಗಿಗೆ ಗಮನ, ಸ್ಮರಣೆ, ​​ಕಾರ್ಯಗತಗೊಳಿಸುವಿಕೆ, ಭಾಷೆ, ದೃಷ್ಟಿಗೋಚರ ಮತ್ತು ಸಾಮಾಜಿಕ ಅರಿವಿನ ಸಮಸ್ಯೆಗಳಿದ್ದರೆ ಮಾತ್ರ ಅವುಗಳನ್ನು ಬುದ್ದಿಮಾಂದ್ಯತೆ ಎಂದು ಪರಿಗಣಿಸಲಾಗುತ್ತದೆ. ಇದು ರೋಗಿಯ ದೈನಂದಿನ ಚಟುವಟಿಕೆಗಳ ಮೇಲೆ ಪರಿಣಾಮ ಬೀರುತ್ತದೆ. ಬುದ್ಧಿಮಾಂದ್ಯತೆ ಹೊಂದಿರುವ ಜನರು ಸೌಮ್ಯವಾದ ಮೂಡ್ ಬದಲಾವಣೆಗಳು, ಮಾನವ ಸಂವಹನದಲ್ಲಿ ಆಸಕ್ತಿಯ ನಷ್ಟ, ಹೆಚ್ಚಿದ ಕೋಪ, ಆತಂಕ ಇತ್ಯಾದಿಗಳೊಂದಿಗೆ ಪ್ರಾರಂಭಿಸಬಹುದು ಎಂದು ಹೇಳುತ್ತಾರೆ.


ನ್ಯೂರೋ ಡಿಜೆನೆರೆಟಿವ್ ಡಿಸಾರ್ಡರ್‌ಗಳು ಹೆಚ್ಚುತ್ತಿವೆಯೇ?


ಸಾಮಾನ್ಯವಾಗಿ ಇಂತಹ ಅಸ್ವಸ್ಥೆಗಳ ಏರಿಕೆಯನ್ನು ಗಮನಿಸುತ್ತಿರುವುದಾಗಿ ವೈದ್ಯರು ಹೇಳುತ್ತಾರೆ. ಆಲ್ಝೈಮರ್ಸ್, ಫ್ರಾಂಟೊ ಟೆಂಪೊರಲ್ ರೂಪಾಂತರ, ನಾಳೀಯ, ಪಾರ್ಕಿನ್ಸನ್ ಕಾಯಿಲೆ, ಮೋಟಾರ್ ನ್ಯೂರಾನ್ ಕಾಯಿಲೆ, ಕ್ಷೀಣಗೊಳ್ಳುವ ಅಟಾಕ್ಸಿಯಾಗಳು ಮತ್ತು ಸ್ನಾಯು ಕಾಯಿಲೆಗಳೊಂದಿಗೆ ಅವರು ನಿಯಮಿತವಾಗಿ ಬುದ್ಧಿಮಾಂದ್ಯತೆಯ ರೋಗಿಗಳನ್ನು ನೋಡುತ್ತಿರುವುದಾಗ ಅವರು ಹೇಳುತ್ತಾರೆ.


ಗುರುಗ್ರಾಂನ ಮೇದಾಂತ ನರವಿಜ್ಞಾನ ಸಂಸ್ಥೆಯ ನಿರ್ದೇಶಕ ಡಾ. ವಿನಯ್‌ ಗೋಯೆಲ್‌, ವಾರಕ್ಕೆ ಸುಮಾರು 40-60 ರೋಗಿಗಳನ್ನು ನ್ಯೂರೋ ಡಿಜೆನೆರೆಟಿವ್ ಡಿಸಾರ್ಡರ್‌ಗಳೊಂದಿಗೆ ನೋಡುವುದಾಗಿ ಹೇಳುತ್ತಾರೆ. ಒಬ್ಬರ ದೈನಂದಿನ ಚಟುವಟಿಕೆಗಳ ಮೇಲೆ ಪರಿಣಾಮ ಬೀರುವ ಯಾವುದೇ ಮೆಮೊರಿ ನಷ್ಟವನ್ನು ತನಿಖೆ ಮಾಡಬೇಕು ಎಂದು ಅವರು ಹೇಳುತ್ತಾರೆ.


ಅಸ್ವಸ್ಥತೆಯ ಲಕ್ಷಣಗಳು


ನ್ಯೂರೋ ಜನರೇಟಿವ್‌ ಡಿಸ್‌ ಆರ್ಡರ್‌ ನಲ್ಲಿ ದೇಹದ ಚಲನೆಗಳಲ್ಲಿ ನಿಧಾನತೆ, ಅತ್ಯಂತ ಸೂಕ್ಷ್ಮವಾದ ಸ್ಮರಣಶಕ್ತಿ ನಷ್ಟ, ನಡವಳಿಕೆ/ವ್ಯಕ್ತಿತ್ವದಲ್ಲಿನ ಬದಲಾವಣೆ, ನಡಿಗೆಯಲ್ಲಿನ ಸಮಸ್ಯೆಗಳುಗಳನ್ನು ಕಾಣಬಹುದು. ಆರಂಭಿಕ ಬುದ್ಧಿಮಾಂದ್ಯತೆಯ ಸಂದರ್ಭದಲ್ಲಿ, ಮರೆವು ವಯಸ್ಸಿಗೆ ಸಂಬಂಧಿಸಿದೆ ಎಂದು ಪರಿಗಣಿಸಲಾಗುತ್ತದೆ. ನಡವಳಿಕೆಯಲ್ಲಿನ ಬದಲಾವಣೆಗಳು ಜೀವನ ಒತ್ತಡಗಳಿಗೆ ಸಂಬಂಧಿಸಿವೆ ಎಂದು ಪರಿಗಣಿಸಲಾಗುತ್ತದೆ ಎಂದು ಡಾ. ವಿರಾಜರಾವ್ ಕೋರೆ ಹೇಳುತ್ತಾರೆ.




ಇದನ್ನೂ ಓದಿ: ನಿಮ್ಮ ಸಂಖ್ಯೆಯಲ್ಲಿ 9 ಇದ್ದರೆ ಗಮ್ಮತ್ತು, ಹೊಸವರ್ಷದಲ್ಲಿ ಬದಲಾಗುತ್ತೆ ನಿಮ್ಮ ಗತ್ತು!


ಪಾರ್ಕಿನ್ಸನ್ ಕಾಯಿಲೆಯ ರೋಗಿಗಳಲ್ಲಿ, ನಿಧಾನಗತಿ, ಕೈ ನಡುಕ ಮತ್ತು ವಾಕಿಂಗ್ ಸಮಸ್ಯೆಗಳಿಗೆ ವಯಸ್ಸು ಅಥವಾ ದುರ್ಬಲ ನರಗಳು ಕಾರಣವೆಂದು ಡಾ ಬಾತ್ರಾ ಎಚ್ಚರಿಸಿದ್ದಾರೆ.


ಮೆದುಳಿನ ವ್ಯಾಯಾಮ ಮಾಡಿ


ವ್ಯಕ್ತಿಯು ಮಾನಸಿಕವಾಗಿ ಸವಾಲಿನ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುತ್ತಿದ್ದರೆ ಅದರ ಅರಿವು ಚೆನ್ನಾಗಿರಬಹುದು. ಮೆದುಳಿನ ವ್ಯಾಯಾಮಗಳು ವ್ಯಕ್ತಿಗೆ ಉತ್ತೇಜಕವಾಗಿವೆ ಎಂಬುದಾಗಿ ಡಾ.ನರೇಂದ್ರನ್ ಎಸ್.‌ ಹೇಳುತ್ತಾರೆ.


ಡಾ ಬಾತ್ರಾ ಅವರು, ಸುಡೋಕು, ಕ್ರಾಸ್‌ವರ್ಡ್‌ಗಳು, ಪದಬಂಧಗಳು, ಚೆಸ್ ಮುಂತಾದ ಆಟಗಳನ್ನು ಶಿಫಾರಸು ಮಾಡುತ್ತಾರೆ. ಅವರು ಜನರನ್ನು ಹೆಚ್ಚು ಬೆರೆಯಲು, ಮನೆಯಲ್ಲಿ ಈವೆಂಟ್‌ಗಳನ್ನು ಯೋಜಿಸಲು, ಹೊಸ ಕೌಶಲ್ಯಗಳನ್ನು ಕಲಿಯಲು, ಹೊಸ ಶಬ್ದಕೋಶವನ್ನು ಅಭ್ಯಾಸ ಮಾಡಲು, ದೈನಂದಿನ ಏರೋಬಿಕ್ ವ್ಯಾಯಾಮಗಳು ಮತ್ತು ಧ್ಯಾನದಲ್ಲಿ ತೊಡಗಿಸಿಕೊಳ್ಳಲು ಸಲಹೆ ನೀಡುತ್ತಾರೆ.


ಇದನ್ನೂ ಓದಿ: ಬಾಳೆ ಎಲೆಯಲ್ಲಿ ಊಟ ಮಾಡುತ್ತೀರಾ? ಹಾಗಾದ್ರೆ ನೀವು ಈ ಪ್ರಯೋಜನಗಳ ಬಗ್ಗೆ ತಿಳಿದುಕೊಳ್ಳಲೇಬೇಕು


ಮಾನಸಿಕ ಅಂಕಗಣಿತ, ತಾರ್ಕಿಕ ವ್ಯಾಯಾಮಗಳು, ಚರ್ಚೆ, ಇಸ್ಪೀಟೆಲೆಗಳು, ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಮಾತನಾಡುವುದು ಮೆದುಳನ್ನು ಸಕ್ರಿಯವಾಗಿಡಲು ಕೆಲವು ಮಾರ್ಗಗಳಾಗಿವೆ ಎಂದು ಡಾ ಗೋಯಲ್ ಅಭಿಪ್ರಾಯ ಪಡುತ್ತಾರೆ.

Published by:Sandhya M
First published: