Liver Donate: ಯಕೃತ್ತು ದಾನ ಹೇಗೆ ಮಾಡಲಾಗುತ್ತದೆ? ಆರೋಗ್ಯಕರ ಯಕೃತ್ತನ್ನು ಗುರುತಿಸುವುದು ಹೇಗೆ?

ಎಷ್ಟೋ ಜನರಿಗೆ ಯಕೃತ್ ದಾನದ ಬಗ್ಗೆ ಗೊತ್ತೇ ಇಲ್ಲ. ನಮ್ಮ ದೇಹದಲ್ಲಿನ ಏಕೈಕ ಅಂಗವಾಗಿದೆ ಯಕೃತ್ತು. ಅದರ ಒಂದು ಭಾಗವನ್ನು ತೆಗೆದ ನಂತರ ಮತ್ತೆ ಬೆಳೆಯಬಹುದು.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಮನುಷ್ಯ (Human) ತನ್ನ ದೇಹದ (Body) ಅನೇಕ ಭಾಗಗಳನ್ನು (Parts) ದಾನ ಮಾಡಬಹುದು. ನಾವು ದಾನ (Donate) ಮಾಡುವ ಅಂಗಗಳು ಅತ್ಯವಶ್ಯಕತೆ ಇರುವ ಒಬ್ಬ ವ್ಯಕ್ತಿಯ (Person) ಜೀವ ಮತ್ತು ಜೀವನವನ್ನೇ (Life) ಉಳಿಸುತ್ತವೆ. ಆದರೆ ಅನೇಕ ಜನರು ಅಂಗಾಗಂಗಗಳ ದಾನ ಮಾಡಲು ಭಯ ಪಡುತ್ತಾರೆ. ಇಲ್ಲವೇ ಅಂಗಾಂಗ ದಾನದ ಬಗ್ಗೆ ಮಾಹಿತಿ ಅಥವಾ ಜಾಗ್ರತೆ ಕೊರತೆಯಿಂದ ನಿರ್ಲಕ್ಷ್ಯ ಮಾಡುತ್ತಾರೆ. ಜೀವಂತವಾಗಿರುವಾಗ ದೇಹದ ಯಾವುದಾದರೂ ಭಾಗವನ್ನು ದಾನ ಮಾಡಿದರೆ ತಾವು ದೀರ್ಘ ಕಾಲ ಬದುಕಿ ಉಳಿಯುವುದಿಲ್ಲ ಎಂದು ಅವರು ಭಾವಿಸುತ್ತಾರೆ. ಆದರೆ ಅದು ಹಾಗಲ್ಲ. ಅದರಲ್ಲೂ ಯಕೃತ್ ದಾನದ ಬಗ್ಗೆ ಸರಿಯಾದ ಜಾಗೃತಿ ಮೂಡಿಸುವುದು ಅನಿವಾರ್ಯತೆ ಇದೆ.

    ಯಕೃತ್ತು ದಾನದ ಬಗ್ಗೆ ಹೆಚ್ಚಿನ ಅರಿವು ಮೂಡಿಸಬೇಕಿದೆ

    ಯಾಕೆಂದರೆ ಎಷ್ಟೋ ಜನರಿಗೆ ಯಕೃತ್ ದಾನದ ಬಗ್ಗೆ ಗೊತ್ತೇ ಇಲ್ಲ. ವಿಚಾರದಲ್ಲಿ ಜನ ಹೀಗೆ ಯೋಚಿಸುವುದು ಸಂಪೂರ್ಣ ತಪ್ಪು. ವಾಸ್ತವವಾಗಿ ನಮ್ಮ ದೇಹದಲ್ಲಿನ ಏಕೈಕ ಅಂಗವಾಗಿದೆ ಯಕೃತ್ತು. ಅದರ ಒಂದು ಭಾಗವನ್ನು ತೆಗೆದ ನಂತರ ಮತ್ತೆ ಬೆಳೆಯಬಹುದು.

    ಯಕೃತ್ತಿನ ಭಾಗವನ್ನು ಶಸ್ತ್ರಚಿಕಿತ್ಸೆಯಿಂದ ತೆಗೆದು ರೋಗಿಯ ದೇಹಕ್ಕೆ ಕಸಿ ಮಾಡಿದಾಗ, ಯಕೃತ್ತಿನ ಎರಡೂ ಭಾಗಗಳು ಆರರಿಂದ ಎಂಟು ವಾರಗಳಲ್ಲಿ ಮತ್ತೆ ಬೆಳೆಯುತ್ತವೆ. ಒಮ್ಮೆ ಯಕೃತ್ತಿನ ಹಾನಿ ಸಂಭವಿಸಿದರೆ, ಅದಕ್ಕೆ ಯಾವುದೇ ವೈದ್ಯಕೀಯ ಚಿಕಿತ್ಸೆ ಇಲ್ಲ.

    ಇದನ್ನೂ ಓದಿ: ಅನ್ನದಿಂದ ಟ್ಯಾನ್ ನಿವಾರಣೆ, ಸಿಂಪಲ್ ಆಗಿ ಫೇಸ್ ಪ್ಯಾಕ್ ಮಾಡಿಕೊಳ್ಳಿ

    ಯಕೃತ್ತಿನ ಕಸಿ ಮಾಡುವುದು ಯಕೃತ್ತಿನ ಗಾಯವನ್ನು ಗುಣಪಡಿಸುವ ಏಕೈಕ ಮಾರ್ಗವಾಗಿದೆ. ಯಕೃತ್ತಿನ ಕಸಿ ಶಸ್ತ್ರಚಿಕಿತ್ಸೆಯಾಗಿದ್ದು, ಇದರಲ್ಲಿ ರೋಗಿಯ ಹಾನಿಗೊಳಗಾದ ಯಕೃತ್ತನ್ನು ತೆಗೆದು ಹಾಕಿದ ನಂತರ ಆರೋಗ್ಯಕರ ಯಕೃತ್ತನ್ನು ದಾನಿ ಯಕೃತ್ತಿನಿಂದ ಬದಲಾಯಿಸಲಾಗುತ್ತದೆ.

    ಯಕೃತ್ತು ದಾನ ಹೇಗೆ ಮಾಡಲಾಗುತ್ತದೆ?

    ಗ್ಲೋಬಲ್ ಆಸ್ಪತ್ರೆಯ ಮುಂಬೈ ಪರೇಲ್‌ನ ವಯಸ್ಕರ ಹೆಪಟಾಲಜಿ ಮತ್ತು ಲಿವರ್ ಟ್ರಾನ್ಸ್‌ಪ್ಲಾಂಟ್ ಘಟಕದ ಹಿರಿಯ ಸಲಹೆಗಾರ ಮತ್ತು ಘಟಕದ ಮುಖ್ಯಸ್ಥ ಡಾ.ಅಮಿತ್ ಮಂಡೋಟ್ ಅವರು, ಯಕೃತ್ತು ದಾನ ಹೇಗೆ ಮಾಡಲಾಗುತ್ತದೆ ಎಂಬುದನ್ನು ಹೇಳಿದ್ದಾರೆ. ಯಕೃತ್ ಸಂಪೂರ್ಣ ಹಾಳಾಗಿದ್ದರೂ ಮತ್ತೆ ಬೆಳೆಯುತ್ತದೆ. ಒಮ್ಮೆ ಅದು ಅಭಿವೃದ್ಧಿಗೊಂಡರೆ ಅದು 4-6 ವಾರಗಳಲ್ಲಿ ಮೊದಲಿನಂತೆಯೇ ಕಾರ್ಯ ನಿರ್ವಹಿಸುತ್ತದೆ.

    ದೀರ್ಘಕಾಲದ ಯಕೃತ್ತಿನ ಕಾಯಿಲೆ ಇರುವ ಜನರು ಅಂದರೆ ಸಿರೋಸಿಸ್, ಅವರ ಯಕೃತ್ತು ಎಷ್ಟು ಹಾನಿಗೊಳಗಾಗುತ್ತದೆ ಎಂದರೆ ಅದು ಮತ್ತೆ ಅಭಿವೃದ್ಧಿಪಡಿಸುವ ಸಾಮರ್ಥ್ಯವನ್ನು ಕಳೆದುಕೊಳ್ಳುತ್ತದೆ. ಈ ಸ್ಥಿತಿಯನ್ನು ಯಕೃತ್ತಿನ ವೈಫಲ್ಯ ಎಂದು ಕರೆಯಲಾಗುತ್ತದೆ.

    ಹದಿನೆಂಟರಿಂದ ಐವತ್ತೈದು ವರ್ಷ ವಯಸ್ಸಿನವರು ಯಕೃತ್ತು ದಾನ ಮಾಡಬಹುದು

    ಯಕೃತ್ತು ಕಸಿ ಮಾಡಲು ದಾನಿಯ ವಯಸ್ಸು 18-55 ರ ನಡುವೆ ಇರಬೇಕು ಎನ್ನುತ್ತಾರೆ ಡಾ.ಮಂಡೋಟ್. ದಾನಿಯ ರಕ್ತದ ಗುಂಪು ರೋಗಿಯ ರಕ್ತದ ಗುಂಪಿನೊಂದಿಗೆ ಹೊಂದಿಕೆಯಾಗಬೇಕು. ಇದರ ನಂತರ, ದಾನಿಯ ಯಕೃತ್ತಿಗೆ ಸಂಬಂಧಿಸಿದ ಎಲ್ಲಾ ಪರೀಕ್ಷೆಗಳನ್ನು ಮಾಡಲಾಗುತ್ತದೆ.

    ಯಕೃತ್ತಿನ ಆರೋಗ್ಯ, ಸ್ಥಿತಿ ಮತ್ತು ಪರಿಮಾಣ ಎಲ್ಲವನ್ನೂ ನೋಡಲಾಗುತ್ತದೆ. ಈ ಎಲ್ಲಾ ವಿಷಯಗಳು ಸಿಟಿ ಸ್ಕ್ಯಾನ್, ಎಂಆರ್ಐ ಅಥವಾ ರಕ್ತದ ವರದಿಯ ಮೂಲಕ ತಿಳಿಯುತ್ತದೆ. ದಾನಿಯ ಪಿತ್ತಜನಕಾಂಗವು ಆರೋಗ್ಯಕರವಾಗಿಲ್ಲ ಎಂದು ಎಂದಾದರೂ ಅನಿಸಿದರೆ, ನಂತರ ಅದನ್ನು ಸೂಕ್ಷ್ಮದರ್ಶಕದ ಸಹಾಯದಿಂದ ಪರೀಕ್ಷಿಸಲು ಬಯಾಪ್ಸಿ ಮಾಡಲಾಗುತ್ತದೆ.

    ಯಕೃತ್ತು ಆರೋಗ್ಯಕರವಾಗಿದೆ ಎಂಬುದನ್ನು ತಿಳಿಯುವುದು ಹೇಗೆ?

    - ಯಕೃತ್ತಿನ ಮೇಲೆ ಹೆಚ್ಚು ಕೊಬ್ಬನ್ನು ಸಂಗ್ರಹಿಸಬಾರದು.

    - ದಾನಿಗಳ ದೈಹಿಕ ಮತ್ತು ಮಾನಸಿಕ ಆರೋಗ್ಯ ಉತ್ತಮವಾಗಿರಬೇಕು.

    - ದಾನಿಯ ತೂಕ ಆರೋಗ್ಯಕರವಾಗಿರಬೇಕು ಅಂದರೆ BMI 32 ಕ್ಕಿಂತ ಕಡಿಮೆ ಇರಬೇಕು.

    - ಯಕೃತ್ತಿನ ಕಿಣ್ವಗಳಾದ SGOT, SGPT, ಬೈಲಿರುಬಿನ್ ಮಟ್ಟಗಳು ಸಾಮಾನ್ಯವಾಗಿರಬೇಕು

    ಯಕೃತ್ತು ದಾನವು ಸಂಪೂರ್ಣ ಸುರಕ್ಷಿತ ಶಸ್ತ್ರಚಿಕಿತ್ಸೆಯಾಗಿದೆ. ಇದು ವ್ಯಕ್ತಿಯ ಜೀವವನ್ನು ಉಳಿಸಬಹುದು.

    ಇದನ್ನೂ ಓದಿ: ಸೌತೆಕಾಯಿ-ಮುಳ್ಳು ಸೌತೆಕಾಯಿ ನಡುವಿನ ವ್ಯತ್ಯಾಸವೇನು? ಯಾವುದು ಬೆಸ್ಟ್?

    ಲಿವಿಂಗ್ ಲಿವರ್ ದಾನ ಉತ್ತಮ ಆಯ್ಕೆ

    ಹೆಚ್ಚಿನ ಜನರು ಸತ್ತ ದಾನಿಯಿಂದ ಅಂಗಾಂಗ ದಾನಕ್ಕಾಗಿ ತಿಂಗಳುಗಳು ಅಥವಾ ವರ್ಷಗಳವರೆಗೆ ಕಾಯುತ್ತಾರೆ. ಕೊನೆಯ ಹಂತದ ಯಕೃತ್ತಿನ ಕಾಯಿಲೆ ಇರುವವರಿಗೆ ಲಿವಿಂಗ್ ಲಿವರ್ ದಾನವು ಉತ್ತಮ ಆಯ್ಕೆಯಾಗಿದೆ. ಲಿವಿಂಗ್ ಲಿವರ್ ಡೋನರ್ ಟ್ರಾನ್ಸ್‌ಪ್ಲಾಂಟೇಶನ್ ಭಾರತ ಮತ್ತು ಏಷ್ಯಾದಾದ್ಯಂತ ಬಹಳ ಜನಪ್ರಿಯವಾಗಿದೆ.
    Published by:renukadariyannavar
    First published: