Vitamin-B: ಮೆದುಳಿನ ಆರೋಗ್ಯಕ್ಕೆ ವಿಟಮಿನ್​ ಬಿ ಎಷ್ಟು ಪ್ರಯೋಜನಕಾರಿ ನೋಡಿ

ನಾವು ವಯಸ್ಸಾದಂತೆ ನರವೈಜ್ಞಾನಿಕ ಕಾಯಿಲೆಗಳ ಅಪಾಯಕ್ಕೆ ಗುರಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ವಯಸ್ಸಾದ ಮೇಲೂ ನಮ್ಮ ಮೆದುಳು ಉತ್ತಮವಾಗಿ ಕಾರ್ಯ ನಿರ್ವಹಿಸಬೇಕು ಎಂದರೆ ಏನು ಮಾಡಬೇಕು? ಯಾವ ರೀತಿಯ ಆಹಾರ ಸೇವಿಸಬೇಕು? ಎಂಬುದನ್ನು ಈ ಲೇಖನದಲ್ಲಿ ತಿಳಿಯೋಣ ಬನ್ನಿ.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ನಮ್ಮ ದೈನಂದಿನ ಜೀವನದಲ್ಲಿ ಪೋಷಕಾಂಶಗಳ (Nutrient) ಅಗತ್ಯ ಇದ್ದೆ ಇರುತ್ತದೆ. ಸಮತೋಲಿತ ಆಹಾರ ಕ್ರಮವನ್ನು ನಿರ್ವಹಿಸುವುದು ಪ್ರತಿಯೊಬ್ಬರಿಗೂ ಸವಾಲಿನ ಕೆಲಸವಾಗಿದೆ. ನಮ್ಮ ಆಹಾರದಲ್ಲಿ ವಿಟಮಿನ್‌ಗಳು (Vitamin) ಇರುವುದು ಕೂಡ ಮುಖ್ಯ. ನಮ್ಮ ದೇಹವು ಸಮತೋಲಿತ ಆಹಾರವನ್ನು (Food) ಪಡೆಯದಿದ್ದರೆ, ನಾವು ವಯಸ್ಸಾದಂತೆ ನರವೈಜ್ಞಾನಿಕ ಕಾಯಿಲೆಗಳ (Neurological Disease) ಅಪಾಯಕ್ಕೆ ಗುರಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ವಯಸ್ಸಾದ ಮೇಲೂ ನಮ್ಮ ಮೆದುಳು (Brain) ಉತ್ತಮವಾಗಿ ಕಾರ್ಯ ನಿರ್ವಹಿಸಬೇಕು ಎಂದರೆ ಏನು ಮಾಡಬೇಕು? ಯಾವ ರೀತಿಯ ಆಹಾರ ಸೇವಿಸಬೇಕು? ಎಂಬುದನ್ನು ಈ ಲೇಖನದಲ್ಲಿ ತಿಳಿಯೋಣ ಬನ್ನಿ.

B-ವಿಟಮಿನ್‌ಗಳು ಮೆದುಳಿನ ಆರೋಗ್ಯಕ್ಕೆ ಹೇಗೆ ಪ್ರಯೋಜನಕಾರಿ? ಎಂಬುದನ್ನು ಇಲ್ಲಿ ತಿಳಿಯಿರಿ.
ವಯಸ್ಸಾದ ಮೇಲೂ ನಮ್ಮ ಮೆದುಳು ಆರೋಗ್ಯವಾಗಿರಬೇಕೆಂದರೆ ಕೆಲವು ವಿಟಮಿನ್‌ಗಳು ಇರುವ ಆಹಾರ ಸೇವಿಸುವುದು ಉತ್ತಮ. ಅದರಲ್ಲೂ ವಿಟಮಿನ್‌- ʼಬಿʼ ಸೇವಿಸುವುದು ಅತಿ ಅಗತ್ಯವಾಗಿದೆ. ಇದರ ಕುರಿತು “ನಮ್ಮ ದೇಹದಲ್ಲಿ ಸಾಮಾನ್ಯವಾಗಿ ಖಿನ್ನತೆ, ಬುದ್ಧಿಮಾಂದ್ಯತೆ ಮತ್ತು ಮಾನಸಿಕ ದೌರ್ಬಲ್ಯವು B - ವಿಟಮಿನ್‌ಗಳ ಕೊರತೆಗೆ ಸಂಬಂಧಿಸಿದೆ” ಎಂದು ವೇಯ್ನ್ ಸ್ಟೇಟ್ ಯೂನಿವರ್ಸಿಟಿ ಸ್ಕೂಲ್ ಆಫ್ ಮೆಡಿಸಿನ್‌ನ ಅಧ್ಯಯನವು ಕಂಡುಹಿಡಿದಿದೆ.

“ಮೆದುಳಿನ ಸಮಸ್ಯೆಗಳಿಗೆ B12 ವಿಟಮಿನ್ ಕೊರತೆಯೇ ನೇರ ಕಾರಣವಾಗಿದೆ. ವಿಶೇಷವಾಗಿ ಒಂಟಿಯಾಗಿ ವಾಸಿಸುವ ಮತ್ತು ಸರಿಯಾಗಿ ತಿನ್ನದ ವಯಸ್ಸಾದವರಲ್ಲಿ ಈ ಮೆದುಳಿನ ಸಮಸ್ಯೆಗಳು ಹೆಚ್ಚು" ಎಂದು ಮನೋವೈದ್ಯ ಮತ್ತು ಅಧ್ಯಯನದ ಪ್ರಮುಖ ಲೇಖಕ ರಾಜಪ್ರಭಾಕರನ್ ರಾಜರೆಥಿನಮ್ ಹೇಳಿದ್ದಾರೆ.

B- ವಿಟಮಿನ್‌ಗಳಲ್ಲಿ ಒಟ್ಟು 8 ವಿಭಿನ್ನ B-ವಿಟಮಿನ್‌ಗಳಿವೆ. ಪ್ರತಿಯೊಂದು ವಿಟಮಿನ್‌ಗಳು ತನ್ನದೇ ಆದ ಪ್ರಯೋಜನಗಳನ್ನು ಹೊಂದಿವೆ: ಅವುಗಳನ್ನು ಇಲ್ಲಿ ನೋಡೋಣ.

B- ವಿಟಮಿನ್‌ಗಳ ಪ್ರಯೋಜನಗಳು:

  1. ಇವು ನಿಮ್ಮ ಶಕ್ತಿಯನ್ನು ಹೆಚ್ಚಿಸುತ್ತವೆ
    ನಮ್ಮ ಜೀವಕೋಶಗಳ ಮೂಲಭೂತ ಕಾರ್ಯ ಮತ್ತು ಶಕ್ತಿಗಾಗಿ ಪೋಷಕಾಂಶಗಳ ಅದರಲ್ಲೂ ಚಯಾಪಚಯ ಕ್ರಿಯೆಗೆ ವಿಟಮಿನ್ B 1, ಅಥವಾ ಥಯಾಮಿನ್ ವಿಟಮಿನ್‌ಗಳು ಸಹಾಯಕಾರಿಯಾಗಿವೆ. ಮೆದುಳು ನಿಮ್ಮ ದೇಹದಲ್ಲಿನ ಅತ್ಯಂತ ಕ್ರಿಯಾಶೀಲ ಅಂಗಗಳಲ್ಲಿ ಒಂದಾಗಿದೆ. ಅದಕ್ಕೆ ಇದರರ್ಥ ನರವೈಜ್ಞಾನಿಕ ಸಮಸ್ಯೆಗಳಿಗೆ ಕಾರಣವಾಗುವ ನ್ಯೂನತೆಗಳನ್ನು ತಡೆಗಟ್ಟಲು ಥಯಾಮಿನ್ ವಿಟಮಿನ್‌ ಅಗತ್ಯವಿದೆ.

  2. ಔಷಧಿಗಳ ಬಳಕೆಯನ್ನು ಕಡಿಮೆ ಮಾಡುವುದು
    ನಮ್ಮ ಜೀವಕೋಶಗಳಲ್ಲಿನ ಕಿಣ್ವಗಳಿಗೆ ವಿಟಮಿನ್ B2 ಅಥವಾ ರಿಬೋಫ್ಲಾವಿನ್ ವಿಟಮಿನ್‌ಗಳು ಸಹಾಯಕವಾಗಿ ಕಾರ್ಯನಿರ್ವಹಿಸುತ್ತದೆ. ಇದು ಜೀವಕೋಶಗಳನ್ನು ಬೆಳೆಸಲು, ಶಕ್ತಿಯನ್ನು ಉತ್ಪಾದಿಸಲು ಮತ್ತು ಕೊಬ್ಬುಗಳು ಮತ್ತು ಔಷಧಿಗಳಂತಹ ಬಾಹ್ಯ ವಸ್ತುಗಳನ್ನು ನಮ್ಮ ದೇಹದಿಂದ ತ್ಯಾಜ್ಯವಾಗಲು ಸಹಾಯ ಮಾಡುತ್ತದೆ..

  3. ಉರಿಯೂತವನ್ನು ಕಡಿಮೆ ಮಾಡುತ್ತದೆ
    ವಿಟಮಿನ್ B3, ಅಥವಾ ನಿಯಾಸಿನ್, ದೇಹದೊಳಗೆ ಅಗತ್ಯವಿರುವ ಕೊಲೆಸ್ಟ್ರಾಲ್ ಮತ್ತು ಕೊಬ್ಬಿನಂತಹ ವಸ್ತುಗಳನ್ನು ಉತ್ಪಾದಿಸಲು ಮತ್ತು ನಮ್ಮ ಎಲ್ಲಾ ಅಂಗ ವ್ಯವಸ್ಥೆಗಳಿಗೆ ಶಕ್ತಿಯನ್ನು ಪರಿವರ್ತಿಸಲು 400 ಕ್ಕೂ ಹೆಚ್ಚು ಕಿಣ್ವಗಳೊಂದಿಗೆ ಕಾರ್ಯನಿರ್ವಹಿಸುತ್ತದೆ. ನಿಯಾಸಿನ್ ಸಹ ಉತ್ಕರ್ಷಣ ನಿರೋಧಕವಾಗಿದೆ, ಇದು ಹೆಚ್ಚುವರಿ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

  4. ನಿಮ್ಮ ಒಟ್ಟಾರೆ ಮೆದುಳಿನ ಆರೋಗ್ಯವನ್ನು ಉತ್ತಮಗೊಳಿಸುತ್ತದೆ
    ವಿಟಮಿನ್ ಬಿ 5 ಅಥವಾ ಪ್ಯಾಂಟೊಥೆನಿಕ್ ಆಮ್ಲವು ಕೋ-ಎಂಜೈಮ್ ಎ ಎಂಬ ಆಣ್ವಿಕ ಸಂಯುಕ್ತವನ್ನು ತಯಾರಿಸಲು ಅವಶ್ಯಕವಾಗಿದೆ. ಇದು ನಮ್ಮ ದೇಹದ ಕಿಣ್ವಗಳು ದೇಹದ ಶಕ್ತಿಗಾಗಿ ಕೊಬ್ಬಿನಾಮ್ಲಗಳನ್ನು ಉತ್ಪಾದಿಸಲು ಮತ್ತು ಒಡೆಯಲು ಸಹಾಯ ಮಾಡುತ್ತದೆ. ಇದು ನಮ್ಮ ಜೀವಕೋಶಗಳು ಅಸಿಲ್ ಕ್ಯಾರಿಯರ್ ಪ್ರೊಟೀನ್‌ಗಳನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ. ಅಗತ್ಯ ಕೊಬ್ಬನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ. ಆದ್ದರಿಂದ ಪ್ಯಾಂಟೊಥೆನಿಕ್ ಆಮ್ಲವು ಮೆದುಳಿನ ಆರೋಗ್ಯವನ್ನು ಹೆಚ್ಚಿಸುವ ಪ್ರಮುಖ ವಿಟಮಿನ್‌ಗಳಲ್ಲಿ ಒಂದಾಗಿದೆ.

  5. ರೋಗಗಳ ವಿರುದ್ಧ ಹೋರಾಡುತ್ತವೆ
    ವಿಟಮಿನ್ B6 ಅಥವಾ ಪಿರಿಡಾಕ್ಸಿನ್ ವಿಟಮಿನ್‌ ನಮ್ಮ ದೇಹದಲ್ಲಿ ರೋಗ ತಡೆಗಟ್ಟುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಏಕೆಂದರೆ ಈ ವಿಟಮಿನ್‌ನ ಸರಿಯಾದ ಮಟ್ಟವು ಕ್ಯಾನ್ಸರ್‌ ಬರುವ ಅಪಾಯವನ್ನು ಕಡಿಮೆ ಮಾಡುತ್ತದೆ ಮತ್ತು ಪಿರಿಡಾಕ್ಸಿನ್ ಪ್ರತಿರಕ್ಷಣಾ ಕಾರ್ಯ ಮತ್ತು ದೇಹದಲ್ಲಿ ಅನೇಕ ರಾಸಾಯನಿಕ ಪ್ರತಿಕ್ರಿಯೆಗಳಿಗೆ ಸಹಾಯ ಮಾಡುವುದರ ಜೊತೆಗೆ ಮೆದುಳಿನ ಆರೋಗ್ಯವನ್ನು ಸುಧಾರಿಸುತ್ತದೆ.

  6. ಜೀವಕೋಶಗಳು ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತವೆ
    ವಿಟಮಿನ್ B7 ಅನ್ನು ಸಾಮಾನ್ಯವಾಗಿ ಬಯೋಟಿನ್ ಎಂದು ಕರೆಯಲಾಗುತ್ತದೆ. ಏಕೆಂದರೆ ದೇಹದಾದ್ಯಂತ ತ್ವರಿತ ಮತ್ತು ಪರಿಣಾಮಕಾರಿಯಾಗಿ ಕಾರ್ಯ ನಿರ್ವಹಿಸಲು ಜೀವಕೋಶದ ಸಂಕೇತಗಳನ್ನು ಈ ವಿಟಮಿನ್‌ ನಿಯಂತ್ರಿಸುತ್ತದೆ. ಈ ವಿಟಮಿನ್‌ ಮೆದುಳಿನಲ್ಲಿ, ನರಪ್ರೇಕ್ಷಕಗಳ ಮೂಲಕ ಸೆಲ್ಯುಲಾರ್ ಸಂಕೇತಗಳನ್ನು ನಿಯಂತ್ರಿಸುತ್ತದೆ.

  7. ನಿಮ್ಮ ಆರೋಗ್ಯ ಸಮತೋಲನಕ್ಕೆ ಸಹಾಯಕಾರಿ
    ವಿಟಮಿನ್ B9 ಅಥವಾ ಫೋಲೇಟ್ ಎನ್ನುವ ವಿಟಮಿನ್‌ ಒಂದು ಜನಪ್ರಿಯ ಪೂರಕ ವಿಟಮಿನ್‌ ಆಗಿದೆ. ಇದು ಮೆದುಳು ಮತ್ತು ನರವೈಜ್ಞಾನಿಕ ಆರೋಗ್ಯ, ಅತ್ಯುತ್ತಮ ನರಪ್ರೇಕ್ಷಕ ಕಾರ್ಯ ಮತ್ತು ಸಮತೋಲಿತ ಮಾನಸಿಕ ಆರೋಗ್ಯವನ್ನು ಬೆಂಬಲಿಸುವ ಪ್ರಮುಖ ವಿಟಮಿನ್ ಇದಾಗಿದೆ. ಇದರ ಮತ್ತೊಂದು ಪ್ರಯೋಜನವೆಂದರೆ ಇದು ಸೆಲ್ಯುಲಾರ್ ನಿರ್ವಿಶೀಕರಣವನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.

  8. ನಿಮ್ಮ ಹೃದಯದ ಆರೋಗ್ಯಕ್ಕೆ ಸಹಾಯಕಾರಿ
    ವಿಟಮಿನ್ ಬಿ 12, ಅಥವಾ ಕೋಬಾಲಾಮಿನ್, ಕೆಂಪು ರಕ್ತ ಕಣಗಳು ಮತ್ತು ಡಿಎನ್‌ಎಗಳನ್ನು ರೂಪಿಸಲು ಮತ್ತು ನರಮಂಡಲದ ಬೆಳವಣಿಗೆ ಮತ್ತು ಕಾರ್ಯವನ್ನು ಬೆಂಬಲಿಸಲು ಅಗತ್ಯವಾದ ವಿಟಮಿನ್ ಆಗಿದೆ. B12, ಹೋಮೋಸಿಸ್ಟೈನ್‌ನ ವಿಘಟನೆಯನ್ನು ಸಹ ಬೆಂಬಲಿಸುತ್ತದೆ. ಈ ವಿಟಮಿನ್‌ ನ ಕೊರತೆಯು ಹೃದಯರಕ್ತನಾಳದ ಆರೋಗ್ಯದ ಮೇಲೆ ಋಣಾತ್ಮಕ ಪರಿಣಾಮ ಬೀರಬಹುದು ಮತ್ತು ಅತಿಯಾದಾಗ ಬುದ್ಧಿಮಾಂದ್ಯತೆಗೆ ಕಾರಣವಾಗಬಹುದು.


ಇದನ್ನೂ ಓದಿ: Eggs: ದಿನಕ್ಕೆ ಎಷ್ಟು ಮೊಟ್ಟೆ ತಿನ್ಬೇಕು? ಅತಿಯಾಗಿ ತಿಂದ್ರೆ ಈ ಸಮಸ್ಯೆಗಳು ಬರಬಹುದು

ಅತ್ಯುತ್ತಮ ವಿಟಮಿನ್-ಬಿ ಇರುವ ಆಹಾರಗಳು
ಆಹಾರವೇ ಔಷಧಿ ಎಂಬುದು ಎಲ್ಲರಿಗೂ ತಿಳಿದಿರುವ ವಿಚಾರ ಆಗಿದೆ. ಆದ್ದರಿಂದ ಎಲ್ಲ ಪೋಷಕಾಂಶಗಳು ಮತ್ತು ವಿಟಮಿನ್‌ಗಳು ಇರುವ ಆಹಾರ ಸೇವಿಸುವುದು ಅತಿ ಉತ್ತಮವಾಗಿದೆ. ವಿಟಮಿನ್‌ ಬಿ ಇರುವ ಉತ್ತಮ ಆಹಾರಗಳನ್ನು ಈಗ ತಿಳಿಯೋಣ ಬನ್ನಿ.

  • ಮೊಟ್ಟೆ
    ಒಂದು ಮೊಟ್ಟೆಯು ವಿಟಮಿನ್ B7 ನ ಶಿಫಾರಸು ಮಾಡಲಾದ ದೈನಂದಿನ ಮೌಲ್ಯದ ಮೂರನೇ ಒಂದು ಭಾಗವನ್ನು ಹೊಂದಿರುತ್ತದೆ, ಅದೇ ಸಮಯದಲ್ಲಿ ಇತರ B ಜೀವಸತ್ವಗಳ ಸಣ್ಣ ಪ್ರಮಾಣಗಳನ್ನೂ ಸಹ ಒಳಗೊಂಡಿರುತ್ತದೆ.

  • ಮೊಸರು
    ಮೊಸರಿನಲ್ಲಿ ವಿಟಮಿನ್ ಬಿ 2 ಮತ್ತು ವಿಟಮಿನ್ ಬಿ 12 ಎರಡೂ ಅಧಿಕವಾಗಿದೆ, ಜೊತೆಗೆ ಇದು ನೈಸರ್ಗಿಕ ಪ್ರೋಬಯಾಟಿಕ್‌ ಉತ್ಪನ್ನವೂ ಆಗಿದೆ. ಇದು ಕರುಳಿನ ಆರೋಗ್ಯ ಮತ್ತು ಮಾನಸಿಕ ಆರೋಗ್ಯ ಎರಡನ್ನೂ ಸುಧಾರಿಸುತ್ತದೆ. ಮೊಸರು ಹೆಚ್ಚಿನ ಪೋಷಕಾಂಶಗಳನ್ನು ಹೊಂದಿರುತ್ತದೆ.

  • ಬೀನ್ಸ್‌ಗಳು
    ಬೀನ್ಸ್, ಕಡಲೆ, ಎಡಮಾಮ್ ಮತ್ತು ಮಸೂರಗಳಂತಹ ದ್ವಿದಳ ಧಾನ್ಯಗಳು ನಿಮ್ಮ ಮನಸ್ಥಿತಿ ಮತ್ತು ಮೆದುಳಿನ ಆರೋಗ್ಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತವೆ. ಅವು ವಿಟಮಿನ್ B9 ನ ಅತ್ಯುತ್ತಮ ಮೂಲವಾಗಿವೆ ಮತ್ತು ವಿಟಮಿನ್ B1, ವಿಟಮಿನ್ B2, ವಿಟಮಿನ್ B3, ವಿಟಮಿನ್ B5 ಮತ್ತು ವಿಟಮಿನ್ B6 ಅನ್ನು ಒಳಗೊಂಡಿವೆ.

  • ಮೀನು
    ಮೀನುಗಳಲ್ಲಿ B ವಿಟಮಿನ್‌ ಸಮೃದ್ಧವಾಗಿದೆ. ವಿಶೇಷವಾಗಿ ವಿಟಮಿನ್ B2, ವಿಟಮಿನ್ B3, ವಿಟಮಿನ್ B6 ಮತ್ತು ವಿಟಮಿನ್ B12 ಹೆಚ್ಚು ಸಮೃದ್ಧವಾಗಿವೆ. ಆದರೆ, ನಿಮ್ಮ ಸಮುದ್ರಾಹಾರದ ಮೂಲದ ಬಗ್ಗೆ ಜಾಗರೂಕರಾಗಿರಿ.

  • ಸೂರ್ಯಕಾಂತಿ ಬೀಜಗಳು
    ಸೂರ್ಯಕಾಂತಿ ಬೀಜಗಳು ವಿಟಮಿನ್ B5 ನ ಅತ್ಯುತ್ತಮ ಸಸ್ಯ ಮೂಲಗಳಲ್ಲಿ ಒಂದಾಗಿದೆ. ಶಿಫಾರಸ್ಸು ಮಾಡಲಾದ ದೈನಂದಿನ ಮೌಲ್ಯದ 20% ರಷ್ಟು ಈ ವಿಟಮಿನ್ ಅನ್ನು ನೀವು ಕೇವಲ ಒಂದು ಬಟ್ಟಲು ಬೀಜಗಳಿಂದ ಪಡೆಯಬಹುದು.

  • ಹಸಿರು ಪಲ್ಯಗಳು
    ಪಾಲಕ್, ಮೆಂತ್ಯೆ ಸೊಪ್ಪು ಮತ್ತು ಎಲೆಕೋಸುಗಳಂತಹ ಸೊಪ್ಪುಗಳು ವಿಟಮಿನ್ ಬಿ 9 ನ ಉತ್ತಮ ಮೂಲವಾಗಿವೆ. ಉತ್ತಮ ಮನಸ್ಥಿತಿ ಹೊಂದಲು ಬಯಸುವ ರೋಗಿಗಳಿಗೆ ಇದು ಹೆಚ್ಚು ಸೂಕ್ತ.


ಇದನ್ನೂ ಓದಿ:  Guava Benefits: ಫೈಬರ್, ವಿಟಮಿನ್ ಸಿ ಸತ್ವ ಹೊಂದಿರುವ ಪೇರಲೆ ಹಣ್ಣಿನಲ್ಲಿದೆ ಹಲವು ಪ್ರಯೋಜನಗಳು

ಕೊನೆಯದಾಗಿ ನಿಮ್ಮ ಮೆದುಳು ಉತ್ತಮವಾಗಿ ಕಾರ್ಯನಿರ್ವಹಿಸಬೇಕೆಂದರೆ ಆಹಾರ ಎಷ್ಟು ಮುಖ್ಯವೋ, ನೀರಿನ ಸೇವನೆಯೂ ಅಷ್ಟೆ ಮುಖ್ಯ. ನಿದ್ದೆಯೂ ಕೂಡ ಪ್ರಮುಖವಾಗಿದೆ. ಇವೆಲ್ಲವನ್ನು ನಿಮ್ಮ ಜೀವನಶೈಲಿಯಲ್ಲಿ ಅಳವಡಿಸಿಕೊಂಡು ಉತ್ತಮ ಆರೋಗ್ಯ ನಿಮ್ಮದಾಗಿಸಿಕೊಳ್ಳಿ.
Published by:Ashwini Prabhu
First published: