Morning Breakfast: ಮನೆಯಲ್ಲೇ ತಯಾರಿಸಿ ರೆಸ್ಟೊರೆಂಟ್ ಶೈಲಿಯ ಟೇಸ್ಟಿ ಚಿಕನ್ ನೂಡಲ್ಸ್​!

ನೂಡಲ್ಸ್​​ನಲ್ಲಿ ವೆರೈಟಿ ನೂಡೆಲ್ಸ್​ಗಳನ್ನು ನಾವು ಕೇಳಿರುತ್ತೇವೆ. ತರಕಾರಿ ನೂಡಲ್ಸ್, ಪನೀರ್ ನೂಡೆಲ್ಸ್, ಮಶ್ರೂಮ್ ನೂಡಲ್ಸ್ ಬೇಬಿ ಕಾರ್ನ್​ ನೂಡೆಲ್ಸ್​, ಗೋಬಿ ನೂಡೆಲ್ಸ್​ ಹೀಗೆ ನಾನಾ ರೀತಿಯ ನೂಡಲ್ಸ್​ ಇದೆ. ಆದರೆ ನೂಡಲ್ಸ್​ನಲ್ಲಿ ನಾನ್​ ವೆಜ್​ ನಿರೀಕ್ಷೆ ಮಾಡುವವರು ಚಿಕನ್ ನೂಡಲ್ಸ್​ ಅನ್ನು ಟ್ರೈ ಮಾಡಬಹುದು. ಸಾಮಾನ್ಯವಾಗಿ ರಸ್ತೆಬದಿಗಳಲ್ಲಿ, ರೆಸ್ಟೊರೆಂಟ್​ಗಳಲ್ಲಿ ಡಾಬಾಗಳಲ್ಲಿ ನೀವು ಚಿಕನ್ ನೂಡಲ್ಸ್​ ತಿಂದಿರಬಹುದು. ಆದರೆ ಈಗ ಚಿಕನ್ ನೂಡಲ್ಸ್​ ಸವಿಯಲು ಹೊರಗಡೆ ಹೋಗುವ ಅಗತ್ಯವಿಲ್ಲ ಏಕೆಂದರೆ ಮನೆಯಲ್ಲಿಯೇ ನೀವು ಈ ಟೆಸ್ಟಿ ನೂಡಲ್ಸ್​ ಅನ್ನು ಸುಲಭವಾಗಿ ಮತ್ತು ಸರಳವಾಗಿ ತಯಾರಿಸಿ ತಿನ್ನಬಹುದು. ಮಕ್ಕಳಿಂದ ಹಿಡಿದು ಹಿರಿಯರವರೆಗೂ ಈ ಚೈನೀಸ್​ ಸ್ಪೆಷಲ್ ನೂಡಲ್ಸ್​ ಖಂಡಿತ ಎಲ್ಲರಿಗೂ ಇಷ್ಟವಾಗುತ್ತದೆ.

ಚಿಕನ್ ನೂಡೆಲ್ಸ್​

ಬೇಕಾಗುವ ಸಾಮಾಗ್ರಿಗಳು

• 200 ಗ್ರಾಂ ಚಿಕನ್


• 2 ಮೊಟ್ಟೆ


• 1 ಕಪ್ ವಿನೆಗರ್ ಸಾಸ್


• 1 ಕಪ್​ ಸೋಯಾ ಸಾಸ್


• 1 ಸ್ಪೋನ್ ಗ್ರೀನ್ ಚಿಲ್ಲಿ ಸಾಸ್


• 2 ಸ್ಪೋನ್ ರೆಡ್​​ ಚಿಲ್ಲಿ ಸಾಸ್


• 1 ಕಪ್ ಟೊಮೆಟೋ ಸಾಸ್


• 1 ಕಪ್ ಮೆಣಸಿನ ಪುಡಿ


• 1 ಕಪ್ ಉಪ್ಪು


• 200 ಗ್ರಾಂ ನೂಡೆಲ್ಸ್


• 1 ಕಪ್ ಎಣ್ಣೆ


• 1 ಕಪ್ ಕತ್ತರಿಸಿಟ್ಟುಕೊಂಡಿರುವ ಬೆಳ್ಳುಳ್ಳಿ


• 1 ಕಪ್ ಕತ್ತರಿಸಿಟ್ಟುಕೊಂಡಿರುವ ಶುಂಠಿ


• 1 ಈರುಳ್ಳಿ


• 1 ಕ್ಯಾಪ್ಸಿಕಮ್


• 1/2 ಕಪ್ ಎಲೆಕೋಸು


• 1 ಕಪ್ ಸ್ಪ್ರಿಂಗ್ ಆನಿಯನ್


• 1 ಕಪ್ ಕೊತ್ತಂಬರಿ ಸೊಪ್ಪು

ಚಿಕನ್ ನೂಡೆಲ್ಸ್

ಚಿಕನ್ ನೂಡಲ್ಸ್​ ಮಾಡುವ ವಿಧಾನ

• ಮೊದಲಿಗೆ 200 ಗ್ರಾಂ ಬೋನ್​ಲೇಸ್​ ಚಿಕನ್ ಅನ್ನು ಸಣ್ಣದಾಗಿ ಕತ್ತರಿಸಿ ಇಟ್ಟುಕೊಳ್ಳಬೇಕು. ನಂತರ ಅದಕ್ಕೆ ಅರ್ಥ ಚಮಚ ಉಪ್ಪು, 1 ಚಮಚ ವಿನೆಗರ್ ಅಥವಾ ನಿಂಬೆ ರಸ, 1 ಚಮಚ ಸೋಯಾ ಸಾಸ್, 1/4 ಚಮಚ ಮೆಣಸಿನ ಪುಡಿ , ಅರ್ಧದಷ್ಟು ಮೊಟ್ಟೆ ಹಾಕಿ ಎಲ್ಲವನ್ನು ಚೆನ್ನಾಗಿ ಬೆರೆಸಿ ಅರ್ಧ ಗಂಟೆಗಳ ಕಾಲ ನೆನೆಸಬೇಕು.


• ನಂತರ ಒಲೆ ಮೇಲೆ ಒಂದು ಕಾಡಾಯಿ ಇಟ್ಟು, ಅದಕ್ಕೆ 2 ಲೀ. ನೀರು ಹಾಕಿ, ಒಂದು ಚಮಚ ಉಪ್ಪು, 2 ಚಮಚ ಎಣ್ಣೆ, ​200 ಗ್ರಾಂ ನೂಡಲ್ಸ್ ಹಾಕಬೇಕು. ಹೀಗೆ ಕುದಿಯುವ ನೀರಿನಲ್ಲಿ 5 ನಿಮಿಷಗಳ ಕಾಲ ನೂಡಲ್ಸ್​​ ಬೇಯಿಸಿಕೊಳ್ಳಬೇಕು.


• ಬಳಿಕ ನೀರು ಸೋರುವ ಪಾತ್ರೆ (ಸ್ಟ್ರೇನ್)ಯಲ್ಲಿ ನೂಡಲ್ಸ್​ ಹಾಕಿ ಅದರ ಮೇಲೆ ಒಂದು ಚಮಚ ಎಣ್ಣೆ ಹಾಕಿ, ಮಿಕ್ಸ್​ ಮಾಡಿ ಆ ನೂಡಲ್ಸ್​ ಅನ್ನು ಒಂದು ಪ್ಲೇಟ್​​ನಲ್ಲಿ ಹಾಕಿಕೊಳ್ಳಬೇಕು.


• ಮತ್ತೆ ಒಲೆ ಮೇಲೆ ಒಂದು ಪ್ಯಾನ್ ಇಟ್ಟು ಅದಕ್ಕೆ 2 ಚಮಚ ಎಣ್ಣೆ ಹಾಕಿ. ಕಾದ ಪ್ಯಾನ್​ಗೆ ಒಂದೂವರೆ ಮೊಟ್ಟೆ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಉರಿದುಕೊಳ್ಳಬೇಕು. ಬಳಿಕ ಅದನ್ನು ಒಂದು ಸಣ್ಣ ಕಪ್​ನಲ್ಲಿ ಹಾಕಿಕೊಂಡು ಇಟ್ಟುಕೊಳ್ಳಬೇಕು.

ಚಿಕನ್​ ನೂಡೆಲ್ಸ್​

• ಅದೇ ಪ್ಯಾನ್​ಗೆ 3 ಚಮಚದಷ್ಟು ಎಣ್ಣೆ ಹಾಕಿ, ನೆನೆಸಿಟ್ಟ ಚಿಕನ್ ಹಾಕಿ ಚೆನ್ನಾಗಿ ಫ್ರೈ ಮಾಡಬೇಕು. ಫ್ರೈ ಆದ ಚಿಕನ್​ಗೆ 2 ಚಮಚದಷ್ಟು ಬೆಳ್ಳುಳ್ಳಿ, 2 ಚಮಚ ಶುಂಠಿ, ಸ್ಲೈಸ್ ಮಾಡಿರುವ 2 ಹಸಿಮೆಣಸಿನಕಾಯಿ ಹಾಕಿ ಎರಡು ನಿಮಿಷ ಉರಿಯಬೇಕು. ಇದಕ್ಕೆ ಸ್ಲೈಸ್ ಮಾಡಿಕೊಂಡಿದ್ದ 1 ಈರುಳ್ಳಿ, 1 ದಪ್ಪ ಮೆಣಸಿನಕಾಯಿ, 1 ಕ್ಯಾರೆಟ್, ಅರ್ಧ ಕಪ್ ಎಲೆಕೋಸು ಹಾಕಿ ಚಿಕನ್ ಜೊತೆಗೆ ಚೆನ್ನಾಗಿ ಫ್ರೈ ಮಾಡಿಕೊಳ್ಳಬೇಕು.


• ತರಕಾರಿ ಚಿಕನ್ ಎಲ್ಲವೂ ಬೆಂದ ಬಳಿಕ ಪ್ಲೇಟ್​ನಲ್ಲಿಟ್ಟುಕೊಂಡಿದ್ದ ನೂಡಲ್ಸ್​ ಅನ್ನು ಅದಕ್ಕೆ ಹಾಕಿ, 1 ಚಮಚ ಗ್ರೀನ್ ಚಿಲ್ಲಿ ಸಾಸ್, 2 ಚಮಚ ರೆಡ್ ಚಿಲ್ಲಿ ಸಾಸ್, 2 ಚಮಚ ವಿನಿಗರ್, 2 ಚಮಚ ಸೋಯಾ ಸಾಸ್, 3 ಚಮಚ ಟೋಮೆಟೋ ಸಾಸ್, ರುಚಿಗೆ ತಕ್ಕಷ್ಟು ಉಪ್ಪು, 1/2 ಚಮಚ ಕಾಳು ಮೆಣಸಿನ ಪುಡಿ ಹಾಕಿ ಚೆನ್ನಾಗಿ ಮಿಕ್ಸ್​ ಮಾಡಿ. ಕೊನೆಗೆ 2 ಚಮಚದಷ್ಟು ಶೇಸ್ವಾನ್ ಸಾಸ್ ಹಾಕಿ, 3 ಚಮಚದಷ್ಟು ಕೊತ್ತಂಬರಿ ಸೊಪ್ಪು, ಉರಿದಿಟ್ಟುಕೊಂಡಿದ್ದ ಮೊಟ್ಟೆ, ಸ್ಪ್ರಿಂಗ್ ಆನಿಯನ್ ಹಾಕಿ ಮತ್ತೆ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.


• ನಂತರ ಒಂದು ಪ್ಲೇಟ್​ಗೆ ಚಿಕನ್​ ನೂಡಲ್ಸ್​ ಹಾಕಿ ಅದರ ಮೇಲೆ ಸ್ಪ್ರಿಂಗ್ ಆನಿಯನ್ ಮೂಲಕ ಅಲಂಕರಿಸಿ, ಟೊಮೆಟೋ ಸಾಸ್​ ಜೊತೆಗೆ ನೀಡಿದರೆ ಚಿಕನ್ ನೂಡಲ್ಸ್​ ಸವಿಯಲು ಸಿದ್ಧ.