Cold Remedy: ವಾರವಾದ್ರೂ ಶೀತ ಹೋಗಿಲ್ಲ ಅಂದ್ರೆ ಈ ಮನೆಮದ್ದು ಬಳಸಿ ಸಾಕು

Home Remedies for Common Cold: ಕೆಮ್ಮುವುದು, ಸೀನುವುದು, ಸ್ರವಿಸುವ ಮೂಗು, ದಟ್ಟಣೆ, ನೋಯುತ್ತಿರುವ ಗಂಟಲು ಮತ್ತು ತಲೆನೋವು ಮುಂತಾದ ಶೀತ ಲಕ್ಷಣಗಳು, ಹಗಲಿನಲ್ಲಿ ಕಾರ್ಯನಿರ್ವಹಿಸಲು ಹಾಗೂ ರಾತ್ರಿಯಲ್ಲಿ ವಿಶ್ರಾಂತಿ ಪಡೆಯಲು ಅಡ್ಡಿಪಡಿಸುತ್ತವೆ. ಹಾಗಾಗಿ ಮಾರುಕಟ್ಟೆಯಲ್ಲಿ ಲಭ್ಯವಿರುವ

ಶೀತ

ಶೀತ

  • Share this:
ಹಾಗೇ ನೋಡಿದರೆ ಸಾಮಾನ್ಯ ಶೀತ (Common Cold )ನೆಗಡಿಗೆ ಇನ್ನೂ ಯಾವುದೇ ಪರಿಣಾಮಕಾರಿ ಚಿಕಿತ್ಸೆ (Medicine) ಇಲ್ಲ, ಆದರೆ ನಿಮಗೆ ನೆಗಡಿಯಾದಲ್ಲಿ ಅದು ಬಹು ಸಮಯದವರೆಗೆ ನಿಮ್ಮನ್ನು ಬಾಧಿಸದಂತೆ ತಡೆಗಟ್ಟಲು ಕೆಲವು ಸರಳ ಮನೆಮದ್ದುಗಳ ಅಥವಾ ಉಪಾಯಗಳನ್ನು ಫಾಲೋ ಮಾಡ್ಬೇಕು. ಯಾವುದಾದರೂ ಮೆಡಿಕಲ್ ಶಾಪ್ ಗೆ (Medical Shop) ಭೇಟಿ ನೀಡಿದರೆ ನಿಮಗೆ ವೈವಿಧ್ಯಮಯ ಔಷಧಿಗಳು  ನೆಗಡಿಗೆ ಪರಿಣಾಮಕಾರಿಯಾಗಿ ಕೆಲಸ ಮಾಡುವುದೆಂಬ ಬರಹವುಳ್ಳ ಉತ್ಪನ್ನಗಳು ಸಿಗಬಹುದು. ಕೆಲವನ್ನು ವಿಜ್ಞಾನವೂ ಸಮರ್ಥಿಸಿದ್ದು ಅವುಗಳನ್ನು ವೈದ್ಯರ ಸಲಹೆ ಮೂಲಕ ಪಡೆದಾಗ ಶೀತವು ನಿಯಂತ್ರಣವಾಗಬಹುದು. ಆದಾಗ್ಯೂ, ಮನೆಯಲ್ಲೇ ಕೆಲವು ಉಪಾಯಗಳ ಮೂಲಕ ಶೀತವನ್ನು ದೂರದಲ್ಲೇ ಇಡಬಹುದು ಹಾಗೂ ಬಂದಿದ್ದರೆ ಅದು ಬಹು ಕಾಲದವರೆಗೆ ನಿಮ್ಮನ್ನು ಪೀಡಿಸದಂತೆ ನಿಯಂತ್ರಿಸಬಹುದಾಗಿದೆ. ಹಾಗಾದರೆ, ಬನ್ನಿ, ಈ ಲೇಖನದ ಮೂಲಕ ಅಂತಹ ಕೆಲವು ಮನೆಮದ್ದುಗಳ ಕುರಿತು ತಿಳಿಯೋಣ. 

ವಿಟಮಿನ್ ಸಿ:

ಜೀವಸತ್ವ ಸಿ ಯ ಮಹತ್ವ ನಿಜ ಹೇಳಬೇಕೆಂದರೆ ಬಹುತೇಕ ಎಲ್ಲರಿಗೂ ಗೊತ್ತಾಗಿದ್ದು ಕಳೆದ ಎರಡು ವರ್ಷಗಳಲ್ಲಿ.  ಈ ವಿಟಮಿನ್ ಕುರಿತು ಮಾಡಲಾಗಿರುವ ಅಧ್ಯಯನಗಳು ಇದು ಶೀತವಾದಾಗ ಅದರ ಅವಧಿಯನ್ನು ಗಮನಾರ್ಹವಗಿ ತಗ್ಗಿಸುತ್ತದೆ ಎಂದು ತೋರಿಸಿವೆ. 2013 ರ ಅಧ್ಯಯನಗಳ ವಿಮರ್ಶೆಯಲ್ಲಿ ವಿಟಮಿನ್ ಸಿ ಯ ನಿಯಮಿತ ಸೇವನೆ (ಪ್ರತಿದಿನ 1 ರಿಂದ 2 ಗ್ರಾಂ) ವಯಸ್ಕರಲ್ಲಿ ಶೀತದ ಅವಧಿಯನ್ನು 8 ಪ್ರತಿಶತ ಮತ್ತು ಮಕ್ಕಳಲ್ಲಿ 14 ಪ್ರತಿಶತದಷ್ಟು ಕಡಿಮೆ ಮಾಡುತ್ತದೆ ಎಂದು ಹೇಳಿದೆ. ಇದು ಒಟ್ಟಾರೆ ಶೀತದ ತೀವ್ರತೆಯನ್ನು ಕಡಿಮೆ ಮಾಡುತ್ತದೆ ಎನ್ನಲಾಗಿದೆ. 

ಶಿಫಾರಸು ಮಾಡಲಾದ ದೈನಂದಿನ ಡೋಸ್ ವಿಟಮಿನ್ ಸಿ ಯ ವಿಶ್ವಾಸಾರ್ಹ ಮೂಲವು ಪುರುಷರಿಗೆ 90 ಮಿಲಿಗ್ರಾಂ ಮತ್ತು ಗರ್ಭಿಣಿಯರಲ್ಲದ ಮಹಿಳೆಯರಿಗೆ 75 ಮಿಗ್ರಾಂ. ಇದರ ಅತಿಯಾದ ಸೇವನೆಯೂ ಸಹ ಉತ್ತಮವಲ್ಲ. ಹಾಗಾಗಿ ವೈದ್ಯರು ಹೇಳಿರುವಷ್ಟೆ ವಿಟಮಿನ್ ಸಿ ಯನ್ನು ಸೇವಿಸುವುದು ಉತ್ತಮ. ಈ ದಿನಗಳಲ್ಲಂತೂ ಕಿತ್ತಳೆ, ಪಾಲಕ್, ನಿಂಬೆ ಪಾನಕ ಮುಂತಾದವುಗಳನ್ನು ಸೇವಿಸುವುದರ ಮೂಲಕ ವಿಟಮಿನ್ ಸಿ ಪಡೆಯಬಹುದು.

ಜಿಂಕ್ 

ಅಚ್ಚ ಕನ್ನಡದಲ್ಲಿ ಸತು ಎಂದು ಕರೆಯಲ್ಪಡುವ ರಾಸಾಯನಿಕವು ಶೀತಕ್ಕೆ ಉತ್ತಮ ಎಂದು ಹೇಳಲಾಗಿದೆಯಾದರೂ ಇದರಲ್ಲಿ ಮಿಶ್ರ ಪ್ರತಿಕ್ರಿಯೆಗಳಿವೆ. ಆದರೆ 2017 ರ ಅಧ್ಯಯನದ ವಿಶ್ವಾಸಾರ್ಹ ಮೂಲವು ಸತು ಲೋಝೆಂಜಸ್ ನಿಮಗೆ ಶೀತವನ್ನು ನಿವಾರಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದೆ. ಸರಾಸರಿಯಾಗಿ, ಸತು ಶೀತದ ಅವಧಿಯನ್ನು 33 ಪ್ರತಿಶತದಷ್ಟು ಕಡಿಮೆಗೊಳಿಸುತ್ತದೆ ಎನ್ನಲಾಗಿದೆ. ಅಂದರೆ ಇದು ಕನಿಷ್ಠ ಒಂದೆರಡು ದಿನಗಳ ಮುಂಚೆಯೇ ನೆಗಡಿಗೆ ಪರಿಹಾರ ನೀಡಬಲ್ಲುದು. 

ಈ ಅಧ್ಯಯನಗಳಲ್ಲಿನ ಡೋಸೇಜ್‌ಗಳು, ದಿನಕ್ಕೆ 80 ರಿಂದ 92 ಮಿಗ್ರಾಂ. ಆದರೆ, ಇದು ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಹೆಲ್ತ್‌ನಿಂದ ಶಿಫಾರಸು ಮಾಡಲಾದ ದೈನಂದಿನ ಗರಿಷ್ಠ ಪ್ರಮಾಣಕ್ಕಿಂತ ಹೆಚ್ಚು ಎಂದು ಗಮನಿಸಬಹುದಾಗಿದೆ. 

ಎಕಿನೇಶಿಯ

2014 ಮತ್ತು 2018 ರಲ್ಲಿ ನಡೆಸಲಾಗಿರುವ ಅಧ್ಯಯನಗಳ ವರದಿಗಳು ಎಕಿನೇಶಿಯವನ್ನು ತೆಗೆದುಕೊಳ್ಳುವುದರಿಂದ ಶೀತವನ್ನು ತಡೆಯಬಹುದು ಅಥವಾ ಕಡಿಮೆ ಮಾಡಬಹುದು ಎಂದು ಹೇಳಿದೆ. ಕೆನ್ನೇರಳೆ ಕೋನ್‌ಫ್ಲವರ್‌ನಿಂದ ತಯಾರಿಸಲಾದ ಗಿಡಮೂಲಿಕೆಯ ಈ ಪದಾರ್ಥ ಮಾತ್ರೆಗಳಲ್ಲಿ ಲಭ್ಯವಿದೆ ಹಾಗೂ ಚಹಾಗಳಲ್ಲಿ ಹಾಕಿ ಕುಡಿಯುವಂತೆ ಮಿಶ್ರಣದಲ್ಲೂ ಲಭ್ಯವಿದೆ. 

2012 ರ ಅಧ್ಯಯನದಲ್ಲಿ ಶೀತಕ್ಕೆ ಎಕಿನೇಶಿಯದ ಸಕಾರಾತ್ಮಕ ಪ್ರಯೋಜನಗಳನ್ನು ತೋರಿಸಲಾಗಿದೆ. ಈ ಅಧ್ಯಯನದಲ್ಲಿ ಭಾಗವಹಿದ್ದವರಿಗೆ ನಾಲ್ಕು ತಿಂಗಳುಗಳ ಕಾಲ ದಿನಕ್ಕೆ 2400 ಮಿಗ್ರಾಂ ಇದನ್ನು ನೀಡಲಾಗಿತ್ತು. ಆದರೆ ಗಮನಿಸಿ, ಎಕಿನೇಶಿಯಕೆಲ ಜನರಲ್ಲಿ ವಾಕರಿಕೆ ಮತ್ತು ಅತಿಸಾರದಂತಹ ಅನಪೇಕ್ಷಿತ ಅಡ್ಡಪರಿಣಾಮಗಳನ್ನು ಸಹ ಉಂಟು ಮಾಡಿದೆ. ಹಾಗಾಗಿ ಎಕಿನೇಶಿಯವನ್ನು ಪ್ರಯತ್ನಿಸುವ ಮೊದಲು ನಿಮ್ಮ ವೈದ್ಯರೊಂದಿಗೆ ಮಾತನಾಡಿ ಸಲಹೆ ಪಡೆಯಿರಿ.

ಕಪ್ಪು ಎಲ್ಡರ್ಬೆರಿ ಸಿರಪ್

ಕಪ್ಪು ಎಲ್ಡರ್ಬೆರಿ ಪ್ರಪಂಚದ ಅನೇಕ ಭಾಗಗಳಲ್ಲಿ ಶೀತ/ನೆಗಡಿಗಳ ವಿರುದ್ಧ ಹೋರಾಡಲು ಬಳಸುವ ಸಾಂಪ್ರದಾಯಿಕ ಪರಿಹಾರವಾಗಿದೆ. ಇದರ ಸಂಶೋಧನೆಯು ಸೀಮಿತವಾಗಿದ್ದರೂ, ಕನಿಷ್ಠ ಒಂದು ಹಳೆಯ ಅಧ್ಯಯನದ ವಿಶ್ವಾಸಾರ್ಹ ಮೂಲವು ಎಲ್ಡರ್‌ಬೆರಿ ಸಿರಪ್ ಜ್ವರ ತರಹದ ರೋಗಲಕ್ಷಣಗಳನ್ನು ಹೊಂದಿರುವ ಜನರಲ್ಲಿ ಶೀತವು ಬಹು ಬೇಗನೆ ಕಡಿಮೆಯಾಗುವಂತೆ ಮಾಡಿದ್ದನ್ನು ತೋರಿಸಿದೆ. 

ಬೀಟ್ರೂಟ್ ರಸ



ಇದಕ್ಕೆ ಸಂಬಂಧಿಸಿದಂತೆ 2019 ರಲ್ಲಿ ಒಂದು ಅಧ್ಯಯನ ನಡೆಸಲಾಗಿತ್ತು. ಆ ಅಧ್ಯಯನದಲ್ಲಿ ಪರೀಕ್ಷೆಯ ಅಂತಿಮ ಹಂತದ ಒತ್ತಡದಲ್ಲಿದ್ದು ನೆಗಡಿ ಬರುವಿಕೆ ನಿಚ್ಚಳವಾಗಿದ್ದ 76 ವಿದಾರ್ಥಿಗಳಿಗೆ ದಿನಕ್ಕೆ ಏಳು ಬಾರಿ ಬೀಟ್ ರೂಟ್ ರಸವನ್ನು ಕುಡಿಯಲು ನೀಡಲಾಗಿತ್ತು. ದಿನಕ್ಕೆ ಏಳು ಬಾರಿ ಸ್ವಲ್ಪ ಪ್ರಮಾಣದ ಬೀಟ್‌ರೂಟ್ ಜ್ಯೂಸ್ ಅನ್ನು ಸೇವಿಸಿದವರು ಸೇವಿಸದವರಿಗಿಂತ ಕಡಿಮೆ ಶೀತ ರೋಗಲಕ್ಷಣಗಳನ್ನು ತೋರಿಸಿದ್ದರು. ಅಧ್ಯಯನದಲ್ಲಿ, ಆಸ್ತಮಾ ಹೊಂದಿರುವ ವಿದ್ಯಾರ್ಥಿಗಳಿಗೆ ವಿಶೇಷವಾಗಿ ಸಹಾಯಕವಾಗಿದೆ. 

ಬೀಟ್ರೂಟ್ ರಸದಲ್ಲಿ ನೈಟ್ರೇಟ್ ಅಧಿಕವಾಗಿರುವುದರಿಂದ, ಇದು ದೇಹದ ನೈಟ್ರಿಕ್ ಆಕ್ಸೈಡ್ನ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ, ಇದು ಉಸಿರಾಟದ ಸೋಂಕಿನಿಂದ ನಿಮ್ಮನ್ನು ರಕ್ಷಿಸಲು ಸಹಾಯ ಮಾಡುತ್ತದೆ.

ಪ್ರೋಬಯಾಟಿಕ್ ಪಾನೀಯಗಳು

ಪ್ರೋಬಯಾಟಿಕ್‌ಗಳು ಮತ್ತು ಶೀತಗಳ ಮೇಲಿನ ಅಧ್ಯಯನಗಳು ಸೀಮಿತವಾಗಿದ್ದರೂ, ಕನಿಷ್ಠ ಒಂದು ಅಧ್ಯಯನದ ಪ್ರಕಾರ, ಲ್ಯಾಕ್ಟೋಬ್ಯಾಸಿಲಸ್  L. ಕೇಸಿ 431 ಅನ್ನು ಹೊಂದಿರುವ ಪ್ರೋಬಯಾಟಿಕ್ ಪಾನೀಯವನ್ನು ಕುಡಿಯುವುದರಿಂದ ಶೀತವು ನಿಯಂತ್ರಿತವಾಗುತ್ತದೆ ಅದರಲ್ಲೂ ವಿಶೇಷವಾಗಿ ಉಸಿರಾಟದ ರೋಗಲಕ್ಷಣಗಳಿಗೆ ಸಂಬಂಧಿಸಿದಂತೆ. 

ಪ್ರೋಬಯಾಟಿಕ್ ಬ್ಯಾಕ್ಟೀರಿಯಾವು ಉತ್ಪನ್ನದಿಂದ ಉತ್ಪನ್ನಕ್ಕೆ ಬದಲಾಗುತ್ತದೆ, ಆದ್ದರಿಂದ ನೀವು ಯಾವುದನ್ನು ಖರೀದಿಸುತ್ತಿರುವಿರಿ ಎಂಬುದನ್ನು ತಿಳಿಯಲು ಲೇಬಲ್ ಅನ್ನು ಪರಿಶೀಲಿಸಿ.

ಇದನ್ನೂ ಓದಿ: ಗರ್ಭಿಣಿಯರು ಮಿಸ್​ ಮಾಡ್ದೇ ಈ ಆಹಾರಗಳನ್ನು ತಿಂದ್ರೆ ಮಗುವಿನ ಆರೋಗ್ಯಕ್ಕೆ ಬಹಳ ಉತ್ತಮ

ವಿಶ್ರಾಂತಿ

ಸಾಮಾನ್ಯವಾಗಿ ಬಹುತೇಕ ವೈದ್ಯರು ಹಾಗೂ ಆರೋಗ್ಯ ಕೇಂದ್ರಗಳು ನಿಮಗೆ ಶೀತವಾದಾಗ ಹೆಚ್ಚು ಹೆಚ್ಚು ವಿಶ್ರಾಂತಿ ತೆಗೆದುಕೊಳ್ಳುವಂತೆ ಶಿಫಾರಸು ಮಾಡುತ್ತವೆ. 

ನಿತ್ಯ ವ್ಯಾಯಾಮ ಮಾಡುವ ಅಭ್ಯಾಸವಿರುವವರಿಗೆ ಇದು ಸ್ವಲ್ಪ ಕಷ್ಟ ಎನಿಸಿದರೂ ನೆಗಡಿಯ ಸಮಯದಲ್ಲಿ ನಿದ್ರೆ, ವಿಶ್ರಾಂತಿ ಬಹು ಮುಖ್ಯ. ನಿದ್ರೆ ಸಮರ್ಪಕವಾದಾಗ ಮಾತ್ರ ನೆಗಡಿಯ ತಗ್ಗುವಿಕೆ ಕುಸಿಯುತ್ತ ಬರುತ್ತದೆ ಎನ್ನಾಲಾಗಿದೆ. 

ಜೇನು

ನಿಮ್ಮ ಮಗುವಿನ ಶೀತವನ್ನು ನಿಯಂತ್ರಿಸಿ ಅದು ಉತ್ತಮ ನಿದ್ರೆ ಪಡೆಯಬೇಕೆಂದು ಬಯಸಿದರೆ ಒಮ್ಮೆ ಜೇನುತುಪ್ಪವನ್ನು ಪ್ರಯತ್ನಿಸಬಹುದು. 2012ರ ಅಧ್ಯಯನವೊಂದು ಮಲಗುವ ಸಮಯದಲ್ಲಿ ಒಂದು ಚಮಚ ಜೇನುತುಪ್ಪವನ್ನು ಸೇವಿಸಿದಾಗ ಮಕ್ಕಳು ಚೆನ್ನಾಗಿ ನಿದ್ದೆ ಮಾಡಲು ಮತ್ತು ರಾತ್ರಿಯ ಕೆಮ್ಮನ್ನು ಕಡಿಮೆ ಮಾಡಲು ಅದು ಸಹಾಯ ಮಾಡುತ್ತದೆ ಎಂದು ತೋರಿಸಿದೆ. ಇದು ನೋಯುತ್ತಿರುವ ಗಂಟಲನ್ನು ಶಮನಗೊಳಿಸಲು ಸಹ ಸಹಾಯ ಮಾಡುತ್ತದೆ.

ಪ್ರತ್ಯಕ್ಷವಾದ ಔಷಧಗಳು

ಕೆಮ್ಮುವುದು, ಸೀನುವುದು, ಸ್ರವಿಸುವ ಮೂಗು, ದಟ್ಟಣೆ, ನೋಯುತ್ತಿರುವ ಗಂಟಲು ಮತ್ತು ತಲೆನೋವು ಮುಂತಾದ ಶೀತ ಲಕ್ಷಣಗಳು, ಹಗಲಿನಲ್ಲಿ ಕಾರ್ಯನಿರ್ವಹಿಸಲು ಹಾಗೂ ರಾತ್ರಿಯಲ್ಲಿ ವಿಶ್ರಾಂತಿ ಪಡೆಯಲು ಅಡ್ಡಿಪಡಿಸುತ್ತವೆ. ಹಾಗಾಗಿ ಮಾರುಕಟ್ಟೆಯಲ್ಲಿ ಲಭ್ಯವಿರುವ 

ಡಿಕೊಂಜೆಸ್ಟೆಂಟ್‌ಗಳು, ಐಬುಪ್ರೊಫೇನ್ ಅಥವಾ ಅಸೆಟಾಮಿನೋಫೆನ್‌ನಂತಹ ನೋವು ನಿವಾರಕಗಳು, ಕೆಮ್ಮು ನಿವಾರಕಗಳು ಮತ್ತು ಆಂಟಿಹಿಸ್ಟಮೈನ್‌ಗಳನ್ನು ತೆಗೆದುಕೊಂಡಾಗ ನಿಮಗೆ ತ್ವರಿತ ಆರಾಮ ಸಿಗಬಹುದು. ನಿಮ್ಮಲ್ಲಿ ವೈರಲ್ ಸೋಂಕು ಮುಂದುವರಿದರೂ ಸಹ ನೀವು ಉತ್ತಮವಾಗುತ್ತೀರಿ. ಆದರೆ, ವೈದ್ಯರ ಸಲಹೆ ಮೆರೆಗೆ ಮಾತ್ರ ಈ ಔಷಧಿಗಳನ್ನು ಸೇವಿಸಿ. 

ಇದನ್ನೂ ಓದಿ: ಇನ್ಮೇಲೆ ರೆಸ್ಟೊರೆಂಟ್​ ಮೆನು ಅಲ್ಲಿ ಫುಡ್​ ಮಾತ್ರ ಅಲ್ಲ ಕ್ಯಾಲೋರಿ ಕೂಡ ಇರುತ್ತೆ

ಬಹಳಷ್ಟು ದ್ರವಗಳು

ನೀವು ಶೀತದ ವಿರುದ್ಧ ಪರಿಣಾಮಕಾರಿಯಾಗಿ ಹೋರಾಡಬೇಕೆಂದಿದ್ದರೆ ಸಾಕಷ್ಟು ದ್ರವ/ನೀರು ಕುಡಿಯುವುದನ್ನು ಮಾಡುತ್ತಿರಿ. ಬಿಸಿ ಚಹಾ, ನೀರು, ಚಿಕನ್ ಸೂಪ್ ಮತ್ತು ಇತರ ದ್ರವಗಳು ನೀವು ನಿರ್ಜಲೀಕರಣಕ್ಕೆ ಒಳಗಾದಂತೆ ನೋಡಿಕೊಳ್ಳುತ್ತವೆ ಅದರಲ್ಲೂ ವಿಶೇಷವಾಗಿ ನೀವು ಜ್ವರದಿಂದ ಬಳಲುತ್ತಿದ್ದರೆ. ದ್ರವಾಂಶವು ನಿಮ್ಮ ಎದೆ ಮತ್ತು ಮೂಗಿನ ಮಾರ್ಗಗಳಲ್ಲಿನ ದಟ್ಟಣೆಯನ್ನು ಸಡಿಲಗೊಳಿಸಬಹುದು ಆದ್ದರಿಂದ ನೀವು ಉಸಿರಾಡಲು ಸರಾಗವಾಗಬಹುದು. 

ಆದಾಗ್ಯೂ, ಕೆಫೀನ್ ಮತ್ತು ಆಲ್ಕೋಹಾಲ್ ಅನ್ನು ತಪ್ಪಿಸಿ, ಏಕೆಂದರೆ ಅವು ನಿಮ್ಮನ್ನು ನಿರ್ಜಲೀಕರಣಗೊಳಿಸಬಹುದು, ಮತ್ತು ಅವು ನಿಮಗೆ ಚೇತರಿಸಿಕೊಳ್ಳಲು ಅಗತ್ಯವಿರುವ ನಿದ್ರೆ ಮತ್ತು ವಿಶ್ರಾಂತಿಗೆ ಅಡ್ಡಿಪಡಿಸಬಹುದು. 
Published by:Sandhya M
First published: