Bun Pizza: ಮಕ್ಕಳು ಪಿಜ್ಜಾ ಬೇಕು ಅಂತ ಹಠ ಮಾಡ್ತಿದ್ದಾರಾ? ಚಿಂತಿಸಬೇಡಿ, ಮನೆಯಲ್ಲೇ ಮಾಡಿ ಬನ್​ನಲ್ಲಿ ಪಿಜ್ಜಾ!

ಚಿಕ್ಕವರಿಂದ ಹಿಡಿದು ದೊಡ್ಡವರವರೆಗೂ ಎಲ್ಲರೂ ಕೂಡ ಪಿಜ್ಜಾ (Bun Pizza) ತಿನ್ನಲು ಇಷ್ಟಪಡುತ್ತಾರೆ. ಪಿಜ್ಜಾಗಳಲ್ಲಿ ವೆಜ್​ ಪಿಜ್ಜಾ ಹಾಗೂ ನಾನ್​ವೆಜ್ ಪಿಜ್ಜಾ ಹೀಗೆ ಹಲವಾರು ವಿವಿಧ ರೀತಿಯ ಪಿಜ್ಜಾಗಳಿದೆ. ಇಂದಿನ ಮಕ್ಕಳು ಪಿಜ್ಜಾ ತಿನ್ನುವ ಮೂಲಕ ಸಂತೋಷ ಪಡುತ್ತಾರೆ. ಆದರೆ ಯಾವುದೇ ಕಾರ್ಯಕ್ರಮ, ಸಮಾರಂಭ (Function)  ಅಥವಾ ಪಾರ್ಟಿಯಲ್ಲಾಗಲಿ (Party) ಪಿಜ್ಜಾ ತಿನ್ನುವುದು ಒಳ್ಳೆಯದಲ್ಲ. ಅಲ್ಲದೇ ಯಾವಾಗಲೂ ಹೊರಗಿನ ಪಿಜ್ಜಾ ತಿನ್ನುವುದು ಆರೋಗ್ಯಕ್ಕೆ ಹಾನಿಕಾರಕ. ಆದರೆ ಮಕ್ಕಳು (Childrens) ಯಾವಾಗಲೂ ಪಿಜ್ಜಾ (Pizza) ತಿನ್ನಲು ತುಂಬಾ ಇಷ್ಟಪಡುತ್ತಾರೆ. ಹೀಗಾಗಿ ಪಿಜ್ಜಾವನ್ನು ನೀವು ಮನೆಯಲ್ಲಿಯೇ ತಯಾರಿಸಬಹುದು. ಇದು ಬೆಸ್ಟ್​ ಉಪಾಯವಾಗಿದೆ. ಆರೋಗ್ಯಕರ ಪದಾರ್ಥಗಳೊಂದಿಗೆ ಬನ್ ಪಿಜ್ಜಾವನ್ನು ಮನೆಯಲ್ಲಿಯೇ ತಯಾರಿಸಬಹುದು. ಇದಕ್ಕಾಗಿ, ಬರ್ಗರ್ ಬನ್ (Burger Bun) ಅಥವಾ ಸಾಮಾನ್ಯ ಬನ್ ಉಪಯೋಗಿಸಬಹುದು ಮತ್ತು ಪಿಜ್ಜಾ ಸಾಸ್ನ ಅಗತ್ಯವಿದೆ. ಹಾಗಾದರೆ ಮನೆಯಲ್ಲಿಯೇ ಪಿಜ್ಜಾ ಮಾಡುವುದು ಹೇಗೆ ಅಂತ ತಿಳಿದುಕೊಳ್ಳೋಣ.

ಬನ್ ಪಿಜ್ಜಾ

ಬನ್​ ಪಿಜ್ಜಾ ಮಾಡಲು ಬೇಕಾಗುವ ಸಾಮಾಗ್ರಿಗಳು

• 4 ಬನ್ ಚೂರುಗಳು


• 2 ಟೇಬಲ್​ ಸ್ಪೂನ್ ಸಣ್ಣದಾಗಿ ಹಚ್ಚಿದ ಟೊಮ್ಯಾಟೊ


• 2 ಟೇಬಲ್​ ಸ್ಪೂನ್ ಸಣ್ಣದಾಗಿ ಹಚ್ಚಿದ ಕ್ಯಾಪ್ಸಿಕಂ


• 2 ಟೇಬಲ್​ ಸ್ಪೂನ್ ಸಣ್ಣದಾಗಿ ಹಚ್ಚಿದ ಈರುಳ್ಳಿ


• 1 ಚಮಚ ಬೇಯಿಸಿದ ಕಾರ್ನ್


• 3 ಟೇಬಲ್​ ಸ್ಪೂನ್ ಮೊಝ್ಝಾರೆಲ್ಲಾ ಚೀಸ್


• 3-4 ಚೀಸ್ ಪೀಸ್​ಗಳು


• ರುಚಿಗೆ ತಕ್ಕಷ್ಟು ಉಪ್ಪು


• ಚಿಲ್ಲಿ ಫ್ಲೇಕ್ಸ್​


• ಓರೆಗಾನೊ


• ½ ಚಮಚ ಪಿಜ್ಜಾ ಸಾಸ್

ಬನ್ ಪಿಜ್ಜಾ

ಬನ್​ ಪಿಜ್ಜಾ ಮಾಡುವ ವಿಧಾನ

• ಮೊದಲು, ದೊಡ್ಡ ಬಟ್ಟಲಿನಲ್ಲಿ, ಕತ್ತರಿಸಿದ ಟೊಮ್ಯಾಟೊ, ಕ್ಯಾಪ್ಸಿಕಂ, ಈರುಳ್ಳಿ ಮತ್ತು ಬೇಯಿಸಿದ ಕಾರ್ನ್ ಅನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಪಿಜ್ಜಾ ಸಾಸ್, ಚೀಸ್, ಚಿಲ್ಲಿ ಫ್ಲೇಕ್ಸ್, ಓರೆಗಾನೊ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.


• ಅದಾದ ನಂತರ, ಬರ್ಗರ್ ಬನ್ ಮಧ್ಯಭಾಗವನ್ನು ಖಾಲಿ ಮಾಡಬೇಕು. ಕುಕೀ ಕಟ್ಟರ್ ಅಥವಾ ಚೂಪಾದ ಚಾಕುವನ್ನು ಇದಕ್ಕಾಗಿ ಬಳಸಬಹುದು.


• ಬರ್ಗರ್ ಮಧ್ಯದಲ್ಲಿ ಚೀಸ್ ಸ್ಲೈಸ್ ಇರಿಸಿ. ಅದರ ನಂತರ, ಪಿಜ್ಜಾವನ್ನು ಮೇಲೋಗರಗಳು ಮತ್ತು ಮೊಝ್ಝಾರೆಲ್ಲಾ ಚೀಸ್​ನಿಂದ ತುಂಬಿಸಬೇಕು. ಈ ಬನ್ ಅನ್ನು ಸಣ್ಣ ತಟ್ಟೆಯಲ್ಲಿ ಇರಿಸಿ.


• ಪ್ಯಾನ್ ಅನ್ನು ಬಿಸಿ ಮಾಡಿ ಮತ್ತು ಸಣ್ಣ ಬಟ್ಟಲನ್ನು ಇರಿಸಿ. ಈಗ ಬನ್ ಪ್ಲೇಟ್ ಅನ್ನು ಪ್ಯಾನ್ ನ ಸ್ಟ್ಯಾಂಡ್ ಮೇಲೆ ಇರಿಸಿ. ಚೀಸ್ ಕರಗುವ ತನಕ ಸುಮಾರು 7 ರಿಂದ 8 ನಿಮಿಷಗಳ ಕಾಲ ಮುಚ್ಚಿ ಮತ್ತು ಬೇಯಿಸಿ.


• ಅದರ ನಂತರ ಬಾಯಲ್ಲಿ ನೀರೂರಿಸುವ ಪಿಜ್ಜಾ ಸಿದ್ಧವಾಗುತ್ತದೆ. ನಿಮ್ಮ ಮಕ್ಕಳು ಚಿಕನ್ ತಿನ್ನಲು ಇಷ್ಟಪಟ್ಟರೆ, ಚಿಕನ್ ಅನ್ನು ಬನ್ ಪಿಜ್ಜಾದಲ್ಲಿ ಸೇರಿಸಬಹುದು. ಈ ಪಿಜ್ಜಾ ಕೆಫೆ ಅಥವಾ ರೆಸ್ಟೋರೆಂಟ್ ಪಿಜ್ಜಾದ ರುಚಿಯನ್ನು ಮೀರಿಸಲಿದೆ.

ಇಂದಿನ ದಿನಗಳಲ್ಲಿ ಹಲವರಿಗೆ ಹೊತ್ತಿಗೆ ಸರಿಯಾಗಿ ಊಟ ಮಾಡೋದಕ್ಕಿಂತ ಪಿಜ್ಜಾ, ಬರ್ಗರ್ ಮೊದಲಾದ ಜಂಕ್‌ಫುಡ್ ತಿನ್ನೋದೆ ಇಷ್ಟವಾಗುತ್ತೆ. ಸಾಲ್ದು ಅಂತ ಇಂಥಾ ಡೊಮಿನೋಸ್‌, ಪಿಜ್ಜಾ ಹಟ್‌, ಮೆಕ್‌ ಡೊನಾಲ್ಡ್‌ ಮೊದಲಾದ ಕಡೆ ಬೈ ಒನ್‌ ಗೆಟ್‌ ಒನ್ ಎಂಬ ಆಫರ್‌ ಬೇರೆ ಕೊಟ್ಟಿರ್ತಾರೆ. ಮಾತ್ರವಲ್ಲ ಸ್ಪೀಡ್ ಡೆಲಿವರಿ ಅನ್ನೋ ಹೆಸರಿನಲ್ಲ ಕೆಲವೇ ನಿಮಿಷಗಳಲ್ಲಿ ಪಿಜ್ಜಾ ಮನೆ ಡೋರ್ ಮುಂದೆ ಇರುತ್ತೆ. ಹೀಗಾಗಿ ಎಲ್ರಿಗೂ ಹಸಿವಾದಾಗ ಥಟ್ಟಂತ ಪಿಜ್ಜಾ ಡೆಲಿವರಿ ಮಾಡೋದು ಸುಲಭವಾಗಿದೆ. ಆದ್ರೆ ಇನ್ಮುಂದೆ ಇದ್ಯಾವುದರ ಅಗತ್ಯವಿಲ್ಲ. ಮನೆಯಲ್ಲಿಯೇ ನೀವು ಬನ್​ನಲ್ಲಿ ಪಿಜ್ಜಾ ಮಾಡಬಹುದಾಗಿದೆ.