Benefits Of Tea Tree Oil: ಮುಖದ ಅಂದ ಹೆಚ್ಚಿಸಿಕೊಳ್ಳಬೇಕಾ? ಹಾಗಾದ್ರೆ ಟೀ ಟ್ರೀ ಎಣ್ಣೆ ಬಳಕೆ ಮಾಡಿ..

Skin Care : ಈ ಅಧ್ಯಯನದಲ್ಲಿ ಭಾಗವಹಿಸಿದ್ದ ಜನರು  12 ವಾರಗಳವರೆಗೆ ದಿನಕ್ಕೆ ಎರಡು ಬಾರಿ ತಮ್ಮ ಮುಖಕ್ಕೆ ಎಣ್ಣೆಯನ್ನು ಹಚ್ಚಿದರು. ಇದು ಅವರ ಅವರ ಮುಖದ ಮೇಲಿನ ಮೊಡವೆಗಳು ನಿವಾರಣೆಯಾಗಲು ಸಹಾಯ ಮಾಡಿದೆ. ಹಾಗಾಗಿ ಹೆಚ್ಚಿನ ಮೊಡವೆಗಳಿದ್ದಲ್ಲಿ ದಿನಕ್ಕೆ ಎರೆಡು ಬಾರಿ ನಿಯಮಿತವಾಗಿ ಹಚ್ಚುವುದರಿಂದ ಬಹು ಬೇಗನೆ ಮುಕ್ತಿ ಸಿಗುತ್ತದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಟೀ ಟ್ರೀ (Tea Tree Oil)ಎಣ್ಣೆಯ ಬಗ್ಗೆ ಎಲ್ಲರೂ ಕೇಳಿರುತ್ತಾರೆ. ಆದರೆ ಅದರಿಂದ ಚರ್ಮಕ್ಕೆ ಹಲವಾರು ಉಪಯೋಗಗಳಿವೆ ಎಂಬುದು ಹಲವರಿಗೆ ತಿಳಿದಿಲ್ಲ.  ಹಲವಾರು ಔಷಧೀಯ ಅಂಶಗಳಿರುವ ಆಸ್ಟ್ರೇಲಿಯಾದಲ್ಲಿ ಬೆಳೆಯುವ ಮೆಲಲಿಯುಕಾ ಆಲ್ಟರ್ನಿಫೋಲಿಯಾ ಎಂಬ ಜಾತಿಯ ಮರದ ಎಲೆಗಳಿಂದ  ತಯಾರಿಸಲಾಗುತ್ತದೆ.ಈ ಟೀ ಟ್ರೀ ಎಣ್ಣೆಯು ಚರ್ಮದ(Skin) ಮೇಲೆ ಯಾವ ರೀತಿ ಪರಿಣಾಮ ಬೀರುತ್ತದೆ ಎಂಬುದು ಇಲ್ಲಿದೆ.  

ಟೀ  ಟ್ರೀ ಎಣ್ಣೆಯನ್ನು ಚರ್ಮಕ್ಕೆ ಬಳಸುವುದರಿಂದ  ವಿವಿಧ ರೀತಿಯ ಚರ್ಮದ ಸಮಸ್ಯೆಗಳಿಂದ ಮುಕ್ತಿ ಪಡೆಯಲು ಸಹಾಯ ಮಾಡಬಹುದು

ಮೊಡವೆ ಹೋಗಲಾಡಿಸುತ್ತದೆ. ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಉರಿಯೂತದ ಗುಣಲಕ್ಷಣಗಳಿಂದಾಗಿ ಟೀ ಟ್ರೀ ಎಣ್ಣೆಯು ಮೊಡವೆಗಳಿಗೆ ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ.  ಒಂದು ಅಧ್ಯಯನದ ಪ್ರಕಾರ, ಮೊಡವೆ ಹೊಂದಿರುವ 14 ಮಂದಿಯಲ್ಲಿ ಮೊಡವೆಗಳಿಂದ ಮುಕ್ತಿ ಪಡೆಯಲು  ಟೀ ಟ್ರೀ ಎಣ್ಣೆಯ ಬಳಕೆ ಮಾಡಿದವರಲ್ಲಿ ಮೊಡವೆಗಳು ಮಾಯವಾಗಿದೆ. ಈ ಅಧ್ಯಯನದಲ್ಲಿ ಭಾಗವಹಿಸಿದ್ದ ಜನರು  12 ವಾರಗಳವರೆಗೆ ದಿನಕ್ಕೆ ಎರಡು ಬಾರಿ ತಮ್ಮ ಮುಖಕ್ಕೆ ಎಣ್ಣೆಯನ್ನು ಹಚ್ಚಿದರು. ಇದು ಅವರ ಅವರ ಮುಖದ ಮೇಲಿನ ಮೊಡವೆಗಳು ನಿವಾರಣೆಯಾಗಲು ಸಹಾಯ ಮಾಡಿದೆ. ಹಾಗಾಗಿ ಹೆಚ್ಚಿನ ಮೊಡವೆಗಳಿದ್ದಲ್ಲಿ ದಿನಕ್ಕೆ ಎರೆಡು ಬಾರಿ ನಿಯಮಿತವಾಗಿ ಹಚ್ಚುವುದರಿಂದ ಬಹು ಬೇಗನೆ ಮುಕ್ತಿ ಸಿಗುತ್ತದೆ.

ಇದನ್ನೂ ಓದಿ: ಈ ಎಲ್ಲಾ ಸಮಸ್ಯೆಗಳಿಗೆ ವಿಟಮಿನ್ ಇ ಎಣ್ಣೆಯಲ್ಲಿದೆ ಪರಿಹಾರ..

ಎಣ್ಣೆಯುಕ್ತ ಚರ್ಮಕ್ಕೆ ಇದು ಸಹಾಯ ಮಾಡುತ್ತದೆ. ಟೀ ಟ್ರೀ ಎಣ್ಣೆಯು ಎಣ್ಣೆಯುಕ್ತ ಚರ್ಮಕ್ಕೆ ಪ್ರಯೋಜನವನ್ನು ನೀಡುತ್ತದೆ. ಒಂದು ಅಧ್ಯಯನವದ ಪ್ರಕಾರ  ಟೀ ಟ್ರೀ ಆಯಿಲ್ ಎಣ್ಣೆಯುಕ್ತ ಚರ್ಮವನ್ನು ಕಡಿಮೆ ಮಾಡುತ್ತದೆ. ಎಣ್ಣೆಯುಕ್ತ ಚರ್ಮದ ಸಮಸ್ಯೆಯನ್ನು ಅನುಭವಿಸುತ್ತಿರುವವರು ಹತ್ತಿಯನ್ನು ಬಳಸಿ ಈ ಎಣ್ಣೆಯನ್ನು ದಿನಕ್ಕೆ 2 ಬಾರಿ ಹಚ್ಚಿ ನಂತರ ಬಿಸಿ ನೀರಿನಲ್ಲಿ ತೊಳೆಯಿರಿ. ಇನ್ನೊಂದು ಮಾರ್ಗ ಎಂದರೆ ಬೆಳಗ್ಗೆ ಒಮ್ಮೆ ಹಚ್ಚಿ ಅದನ್ನು ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ. ಆದರೆ ರಾತ್ರಿ ಮಲಗುವ ಮುನ್ನ ಹಚ್ಚಿ, ಹಾಗೆಯೇ ಬಿಡಿ. ಬೆಳಗ್ಗೆ ತೊಳೆಯಿರಿ.

ಒಣ ಚರ್ಮ ನಿವಾರಣೆ ಮಾಡುತ್ತದೆ ಟೀ ಟ್ರೀ ಎಣ್ಣೆಯನ್ನು ಚರ್ಮಕ್ಕೆ ಹಚ್ಚುವುದರಿಂದ ಶುಷ್ಕತೆಯನ್ನು ನಿವಾರಣೆ ಮಾಡಬಹುದು.  ಟೀ ಟ್ರೀ ಎಣ್ಣೆ ಮತ್ತು ಚರ್ಮದ ಶುಷ್ಕತೆಯ ಬಗ್ಗೆ ಹೆಚ್ಚು ಅಧ್ಯಯನಗಳು ಆಗಿಲ್ಲ. ಆದರೂ ಕೂಡ ಇದರ ಬಳಕೆ ಮಾಡುವುದರಿಂದ ಒಣ ಚರ್ಮದ ಸಮಸ್ಯೆಯನ್ನು ನಿವಾರಣೆ ಮಾಡುತ್ತದೆ. ನಿಮ್ಮ ಚರ್ಮ ಒಣಗಿದ್ದಲ್ಲಿ, ದಿನಕ್ಕೊಮ್ಮೆ ಈ ಎಣ್ಣೆಯನ್ನು ಬಳಕೆ ಮಾಡಿ, ಪ್ರಯೋಜನ ಪಡೆಯಿರಿ.

ತುರಿಕೆ ನಿವಾರಣೆ ಮಾಡುವಲ್ಲಿ ಸಹಾಯ ಮಾಡುತ್ತದೆ. ಈ ಎಣ್ಣೆಯ ಉರಿಯೂತ ಕಡಿಮೆ ಮಾಡುವ ಲಕ್ಷಣಗಳ ಪರಿಣಾಮವಾಗಿ, ತುರಿಕೆ ಚರ್ಮವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.  ಆರ್ಕೈವ್ಸ್ ಆಫ್ ಡರ್ಮಟಾಲಾಜಿಕಲ್ ರಿಸರ್ಚ್‌ನಲ್ಲಿನ ಒಂದು ಅಧ್ಯಯನದ  ಪ್ರಕಾರ  ಈ ಎಣ್ಣೆಯ ಬಳಕೆ ಬೇಗನೆ ಪ್ರಯೋಜನೆ ನೀಡುವುದಲ್ಲದೆ , ತುರಿಕೆ ಮರುಕಳಿಸದಂತೆ ನೋಡಿಕೊಳ್ಳುತ್ತದೆ.  ಇತರ ಏಜೆಂಟ್‌ಗಳಿಗಿಂತ ಅಲರ್ಜಿಕ್ ಡರ್ಮಟೈಟಿಸ್ ಅನ್ನು ಕಡಿಮೆ ಮಾಡಲು  ಈ ಎಣ್ಣೆಯು ಉತ್ತಮವಾಗಿದೆ ಎಂದು  ಅಧ್ಯಯನಗಳು ಸಾಬೀತು ಮಾಡಿವೆ. ಟೀ ಟ್ರೀ ಎಣ್ಣೆಯನ್ನು ಆರಿಸುವುದರಿಂದ ಚರ್ಮದಿಂದ ಕಲ್ಮಶಗಳನ್ನು ತೆಗೆದುಹಾಕಬಹುದು.

ಟಿ ಟ್ರೀ ಎಣ್ಣೆಯನ್ನು ತೆಂಗಿನ ಎಣ್ಣೆ ಜೊತೆ ಮಿಕ್ಸ್ ಮಾಡಿ ಮತ್ತು ಪೀಡಿತ ಪ್ರದೇಶದ ಮೇಲೆ ಹಚ್ಚಿ. ಒಂದು ಅಥವಾ ಎರಡು ನಿಮಿಷ ಮಸಾಜ್ ಮಾಡಿ . ಮಿಶ್ರಣವನ್ನು ರಾತ್ರಿಯಿಡೀ ಬಿಡಿ. ಟೀ ಟ್ರೀ ಎಣ್ಣೆಯಲ್ಲಿ ಆಂಟಿಬ್ಯಾಕ್ಟೀರಿಯಲ್, ಆಂಟಿವೈರಲ್ ಮತ್ತು ಆಂಟಿಫಂಗಲ್ ಗುಣಗಳಿವೆ, ಇದರಿಂದ ಚರ್ಮದ  ಸಮಸ್ಯೆ ನಿವಾರಣೆಯಾಗುತ್ತದೆ.

ಇದನ್ನೂ ಓದಿ: ಕೆಂಪು ತುಟಿ ಬೇಕಾ? ಹೀಗೆ ಮಾಡಿ ಕೇವಲ ಒಂದು ತಿಂಗಳಲ್ಲಿ ತುಟಿಯ ಬಣ್ಣ ಬದಲಾಗುತ್ತದೆ..

ಈ ಎಣ್ಣೆ ಬಲವಾದ ಆಂಟಿ ಸೆಪ್ಟಿಕ್ ಆಗಿರುವುದರಿಂದ, ಉಗುರುಗಳು ಸುಲಭವಾಗಿ ಮುರಿಯಲು ಕಾರಣವಾಗುವ ಶಿಲೀಂಧ್ರದ ವಿರುದ್ಧ ಪರಿಣಾಮಕಾರಿಯಾಗಿ ಹೋರಾಡುತ್ತದೆ ಎಂಬುದು ಸಾಬೀತಾಗಿದೆ.
Published by:Sandhya M
First published: