Dark Circle ಡಾರ್ಕ್​ ಸರ್ಕಲ್​ ಸಮಸ್ಯೆ ನಿಮ್ಮನ್ನು ಕಾಡ್ತಿದ್ಯಾ? ಹಾಗಾದ್ರೆ ಈ ಆಹಾರ ತಿನ್ನಿ

ಒಂದಾನೊಂದು ಕಾಲದಲ್ಲಿ ಕಂಪ್ಯೂಟರ್ (Computer) ಮುಂದೆ ಗಂಟೆಗಟ್ಟಲೆ ಕೂತು ಕೆಲಸ ಮಾಡುವವರಿಗೆ ಕಣ್ಣಿನ ಕೆಳಗೆ ಡಾರ್ಕ್ ಸರ್ಕಲ್ (Dark Circle) ಬರುತ್ತಿತ್ತು. ಆದರೆ ಈಗ ಸ್ಮಾರ್ಟ್ ಫೋನ್ (Smart Phone) , ಇಲೆಕ್ಟ್ರಾನಿಕ್ ಗ್ಯಾಜೆಟ್ ಗಳ ಬಳಕೆಯಿಂದ ಈ ಸಮಸ್ಯೆ ಸಣ್ಣವರಿಂದ ಹಿಡಿದು ದೊಡ್ಡವರವರೆಗೂ ಕಾಡುತ್ತಿದೆ. ಜೀವನಶೈಲಿಯ ಬದಲಾವಣೆಯೂ ಇದಕ್ಕೆ ಕಾರಣವೆಂದು ಹೇಳಲಾಗುತ್ತಿದೆ. ಈ ಮಧ್ಯೆ ಡಾರ್ಕ್​ ಸರ್ಕಲ್​ಗಳಿಗೆ ಚಿಕಿತ್ಸೆ ನೀಡಲಾಗುತ್ತದೆ ಎಂದು ಬ್ಯೂಟಿ ಪಾರ್ಲರ್​ (Beauty Parlour) ಗಳು ಪ್ರಚಾರಗಳನ್ನು ಮಾಡುತ್ತಲೇ ಇರುತ್ತದೆ. ಆದರೆ ಅದೆಷ್ಟೋ ಮಂದಿಗೆ ಈ ಸಮಸ್ಯೆ ಸಂಪೂರ್ಣವಾಗಿ ಹೋಗುವುದಿಲ್ಲ. ವಿಟಮಿನ್ ಎ, ಬಿ, ಸಿ, ಇ ಇರುವ ಆಹಾರಗಳನ್ನು ತಿನ್ನುವುದರಿಂದ ಕಣ್ಣಿನ ಸುತ್ತಲಿನ ಚರ್ಮವು (Skin) ತನ್ನ ಹೊಳಪನ್ನು ಕಳೆದುಕೊಳ್ಳದಂತೆ ಮಾಡುತ್ತದೆ. ಈ ಪೋಷಕಾಂಶಗಳು ಸೂಕ್ಷ್ಮ ಚರ್ಮವನ್ನು ಶಮನಗೊಳಿಸುತ್ತದೆ.

ಸಾಂದರ್ಭಿಕ ಚಿತ್ರ

ಕೆಲವು ರೀತಿಯ ಅಲರ್ಜಿಗಳು, ನಿದ್ರೆಯ ಕೊರತೆ, ನಿರ್ಜಲೀಕರಣ, ವಯಸ್ಸಾಗುವಿಕೆ, ಜೆನೆಟಿಕ್ಸ್ ಡಾರ್ಕ್ ಸರ್ಕಲ್​ಗಳಿಗೆ ಕಾರಣಗಳಾಗಿರಬಹುದು. ಮಾಲಿನ್ಯ, ಅಪೌಷ್ಟಿಕತೆ, ಧೂಮಪಾನ, ಮದ್ಯಪಾನ, ಒತ್ತಡ ಕೂಡ ಈ ಸಮಸ್ಯೆಯನ್ನು ಉಂಟುಮಾಡಬಹುದು. ಕಣ್ಣುಗಳ ಕೆಳಗೆ ಡಾರ್ಕ್​​ ಸರ್ಕಲ್ ಹೊಂದಿರುವವರು ವಯಸ್ಸಾದವರಂತೆ ಕಾಣುತ್ತಾರೆ. ಇದೇ ಕಾರಣಕ್ಕೆ ಅನೇಕ ಮಂದಿ ಇತರರನ್ನು ಭೇಟಿಯಾಗಲು ಇಚ್ಛಿಸುವುದಿಲ್ಲ. ಆದರೆ ಕೆಲವು ರೀತಿಯ ಹಣ್ಣುಗಳು ಮತ್ತು ತರಕಾರಿಗಳನ್ನು ತಿನ್ನುವುದರಿಂದ ಡಾರ್ಕ್​​ ಸರ್ಕಲ್​ ಅನ್ನು ದೂರ ಮಾಡಬಹುದು ಎಂದು ತಜ್ಞರು ಹೇಳುತ್ತಾರೆ.

ಕಲ್ಲಂಗಡಿ

ಕಲ್ಲಂಗಡಿಯಿಂದ ದೇಹವು ಸಾಕಷ್ಟು ಬೀಟಾ ಕ್ಯಾರೋಟಿನ್ ಅನ್ನು ಪಡೆಯುತ್ತದೆ, ಇದು ಕಣ್ಣಿನ ಆರೋಗ್ಯವನ್ನು ಸುಧಾರಿಸುವ ಉತ್ಕರ್ಷಣ ನಿರೋಧಕವಾಗಿದೆ. ಕಲ್ಲಂಗಡಿ ದೇಹವನ್ನು ಹೈಡ್ರೇಟ್ ಮಾಡುತ್ತದೆ ಮತ್ತು ಚರ್ಮದ ಆರೋಗ್ಯವನ್ನು ಕಾಪಾಡುತ್ತದೆ. ಪೊಟ್ಯಾಸಿಯಮ್, ಮೆಗ್ನೀಸಿಯಮ್ ಅನ್ನು ಹೊಂದಿರುತ್ತದೆ; ವಿಟಮಿನ್ ಬಿ 1, ಬಿ 6, ಸಿ ಮತ್ತು ಇತರ ಪೋಷಕಾಂಶಗಳು ಡಾರ್ಕ್ ಸರ್ಕಲ್ ಅನ್ನು ನಿಯಂತ್ರಣದಲ್ಲಿಡುತ್ತದೆ. ಬಹುದು.

ಸಾಂದರ್ಭಿಕ ಚಿತ್ರ

ಬೀಟ್ರೂಟ್

ಬೀಟ್ರೂಟ್​​ನಲ್ಲಿ ಬೆಟಾಲೈನ್ ಎಂಬ ಆಂಟಿ ಆಕ್ಸಿಡೆಂಟ್ ಇದೆ. ಇದು ದೇಹವನ್ನು ನಿರ್ವಿಷಗೊಳಿಸುತ್ತದೆ. ಇದು ದೇಹದಿಂದ ತ್ಯಾಜ್ಯವನ್ನು ಹೊರಹಾಕುತ್ತದೆ. ಆದರೆ ಬೀಟ್ರೂಟ್ ಕಣ್ಣಿನ ಆರೋಗ್ಯಕ್ಕೂ ಒಳ್ಳೆಯದು. ಇದರಲ್ಲಿರುವ ವಿಟಮಿನ್ ಸಿ, ಮೆಗ್ನೀಸಿಯಮ್ ಮತ್ತು ಪೊಟ್ಯಾಸಿಯಮ್ ಕಣ್ಣಿನ ಕೆಳಗಿನ ಡಾರ್ಕ್​ ಸರ್ಕಲ್​ ಕಡಿಮೆ ಮಾಡುತ್ತದೆ.

ಟೊಮೆಟೋ

ಟೊಮೆಟೋಗಳು ವಿಟಮಿನ್ ಸಿ, ಪೊಟ್ಯಾಸಿಯಮ್ ಮತ್ತು ವಿಟಮಿನ್ ಕೆ ಯಂತಹ ಪೋಷಕಾಂಶಗಳನ್ನು ಹೊಂದಿದೆ. ಟೊಮೆಟೋ ದೇಹದಲ್ಲಿ ರಕ್ತ ಪರಿಚಲನೆ ಸುಧಾರಿಸುತ್ತಾರೆ. ಇದು ಕಣ್ಣುಗಳ ಸುತ್ತಲಿನ ಸೂಕ್ಷ್ಮ ಚರ್ಮಕ್ಕೆ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಇದು ಶಕ್ತಿಯುತವಾದ ಉತ್ಕರ್ಷಣ ನಿರೋಧಕ ಲೈಕೋಪೀನ್‌ನಲ್ಲಿ ಸಮೃದ್ಧವಾಗಿವೆ ಮತ್ತು ರಕ್ತನಾಳಗಳನ್ನು ರಕ್ಷಿಸುತ್ತದೆ. ಇವೆಲ್ಲವೂ ಚರ್ಮವನ್ನು ಆರೋಗ್ಯಕರವಾಗಿಡುತ್ತದೆ, ಇದರ ಪರಿಣಾಮವಾಗಿ ಡಾರ್ಕ್ ಸರ್ಕಲ್ ವಾಸಿಯಾಗುತ್ತದೆ.

ಪಪ್ಪಾಯಿ

ಈ ಹಣ್ಣುಗಳಲ್ಲಿ ವಿಟಮಿನ್ ಎ ಗುಣವಿದೆ. ಇದು ಡಾರ್ಕ್​​ ಸರ್ಕಲ್​ಗಳ ವಿರುದ್ಧ ಹೋರಾಡುತ್ತದೆ. ಹಾಗಾಗಿ ಪಪ್ಪಾಯಿಯು ಕಣ್ಣಿನ ಕೆಳಗಿನ ಡಾರ್ಕ್​​ ಸರ್ಕಲ್​ಗಳನ್ನು ಕಡಿಮೆ ಮಾಡಲು ಅತ್ಯುತ್ತಮ ಆಹಾರವಾಗಿದೆ. ಇದು ಚರ್ಮವನ್ನು ತೆರವುಗೊಳಿಸುತ್ತದೆ ಮತ್ತು ಕಣ್ಣುಗಳ ಸುತ್ತ ಇರುವ ಡಾರ್ಕ್​​ ಸರ್ಕಲ್ ತೆಗೆದುಹಾಕಲು ನೈಸರ್ಗಿಕ ಬ್ಲೀಚಿಂಗ್ ಆಗಿ ಕಾರ್ಯನಿರ್ವಹಿಸುತ್ತದೆ.

ಸಾಂದರ್ಭಿಕ ಚಿತ್ರ

ಸೌತೆಕಾಯಿ

ಸೌತೆಕಾಯಿಯಲ್ಲಿ ನೀರು ಅಧಿಕವಾಗಿರುತ್ತದೆ. ಇದು ಚರ್ಮವನ್ನು ಪುನರ್ಜಲೀಕರಣಗೊಳಿಸುತ್ತದೆ. ಸೌತೆಕಾಯಿಯನ್ನು ಆಹಾರದ ಜೊತೆಗೆ ತಿಂದರೆ, ಮಂದ ಚರ್ಮವು ತನ್ನ ಹೊಳಪನ್ನು ಮರಳಿ ಪಡೆಯಬಹುದಾಗಿದೆ. ಇವುಗಳಲ್ಲಿ ವಿಟಮಿನ್ ಎ, ಇ, ಸಿ, ಕೆ ಸಮೃದ್ಧವಾಗಿದೆ. ಇದು ರಕ್ತನಾಳಗಳನ್ನು ಶುದ್ಧೀಕರಿಸುತ್ತದೆ. ಹಾಗಾಗಿ ಸೌತೆಕಾಯಿಯನ್ನು ನಿಯಮಿತವಾಗಿ ಸೇವಿಸುವುದರಿಂದ ಡಾರ್ಕ್​​ ಸರ್ಕಲ್ ಸಮಸ್ಯೆ ಕಡಿಮೆಯಾಗುತ್ತದೆ.

ಹಸಿರು ತರಕಾರಿಗಳು

ಹಸಿರು ತರಕಾರಿಗಳನ್ನು ಆಹಾರದಲ್ಲಿ ಸೇರಿಸಿ ತಿನ್ನುವುದರಿಂದ ದೇಹದಲ್ಲಿ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಇದರಿಂದ ಚರ್ಮವು ಆರೋಗ್ಯಕರವಾಗಿರುತ್ತದೆ. ವಿಟಮಿನ್ ಕೆ ಲೆಟಿಸ್, ಪಾಲಕ್ ಮತ್ತು ಬ್ರೊಕೊಲಿಯಲ್ಲಿ ಸಮೃದ್ಧವಾಗಿದೆ. ಇದು ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ, ಚರ್ಮದ ಬಣ್ಣ ಮತ್ತು ಕಣ್ಣುಗಳ ಅಡಿಯಲ್ಲಿ ಊತವನ್ನು ಕಡಿಮೆ ಮಾಡುತ್ತದೆ