• Home
  • »
  • News
  • »
  • lifestyle
  • »
  • Alcohol Side Effects: ದೀರ್ಘಕಾಲದ ಮದ್ಯ ಸೇವನೆಯಿಂದ ಬಾಧಿಸುತ್ತೆ ಈ ಅಪಾಯಕಾರಿ ಕಾಯಿಲೆ, ಎಚ್ಚರ!

Alcohol Side Effects: ದೀರ್ಘಕಾಲದ ಮದ್ಯ ಸೇವನೆಯಿಂದ ಬಾಧಿಸುತ್ತೆ ಈ ಅಪಾಯಕಾರಿ ಕಾಯಿಲೆ, ಎಚ್ಚರ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ದೀರ್ಘಕಾಲದ ಕುಡಿತದ ಚಟ ಹಾಗೂ ಮಿತಿ ಮೀರಿದ ಆಲ್ಕೋಹಾಲ್ ಸೇವನೆಯು ಹೃದಯದ ಆರೋಗ್ಯದ ಮೇಲೆ ಅಡ್ಡ ಪರಿಣಾಮ ಬೀರುತ್ತದೆ ಎಂಬುದು ವೈದ್ಯರ ಅಭಿಪ್ರಾಯ. ಅತಿಯಾಗಿ ಮದ್ಯ ಸೇವಿಸುವ ಚಟವು ಹೃದಯದ ಆರೋಗ್ಯ ಹಾಳು ಮಾಡುತ್ತದೆ. ಜೊತೆಗೆ ಇದು ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಸಮಸ್ಯೆ ಉಂಟು ಮಾಡುವ ಸಾಧ್ಯತೆ ಹೆಚ್ಚಿಸಬಹುದು.

ಮುಂದೆ ಓದಿ ...
  • News18 Kannada
  • Last Updated :
  • Bangalore, India
  • Share this:

    ಇಂದಿನ ದಿನಗಳಲ್ಲಿ ಆಲ್ಕೋಹಾಲ್ (Alcohol) ಎಂಬುವುದು ಕಾಮನ್ ಆಗಿದೆ. ಕುಡಿದರೆ ಎಲ್ಲಾ ನೋವನ್ನು ಮರೆಯಬಹುದು, ಕುಡಿದರೆ ಇಡೀ ದಿನದ ಸುಸ್ತು, ದೇಹದ ನೋವು (Body Pain) ದೂರವಾಗುತ್ತದೆ, ಮಾನಸಿಕ ನೋವು ಕಡಿಮೆಯಾಗುತ್ತದೆ, ಎಲ್ಲಾ ದುಃಖ ಮರೆಯಬಹುದು ಎಂದುಕೊಳ್ಳುವವರೇ ಹೆಚ್ಚು. ಆದರೆ ಕುಡಿಯುವುದರಲ್ಲೂ ವಿವಿಧತೆಯಿದೆ. ಅದರಲ್ಲಿ ಒಂದು ಬಿಂಜ್ ಡ್ರಿಂಕ್ಸ್ (Binge Drinks) . ಅಂದ ಹಾಗೇ ಈ ಬಿಂಜ್ ಡ್ರಿಂಕ್ಸ್ ಕುಡಿಯುವುದು ಹೃದಯದ ಆರೋಗ್ಯಕ್ಕೆ (Heart Health) ಒಳ್ಳೆಯದು ಎಂಬುದು ಹಲವರ ನಂಬಿಕೆ. ಆದರೆ ಆಲ್ಕೋಹಾಲ್ ಒಳ್ಳೆಯದಕ್ಕಿಂತ ಹೆಚ್ಚು ಹಾನಿಯನ್ನೇ ಉಂಟು ಮಾಡುತ್ತದೆ ಅಂತಾರೆ ವೈದ್ಯರು. ದೀರ್ಘಕಾಲದ ಕುಡಿತದ ಚಟ ಹಾಗೂ ಮಿತಿ ಮೀರಿದ ಆಲ್ಕೋಹಾಲ್ ಸೇವನೆಯು ಹೃದಯದ ಆರೋಗ್ಯದ ಮೇಲೆ ಅಡ್ಡ ಪರಿಣಾಮ ಬೀರುತ್ತದೆ ಎಂಬುದು ವೈದ್ಯರ ಅಭಿಪ್ರಾಯ.


    ಅತಿಯಾಗಿ ಮದ್ಯ ಸೇವಿಸುವುದು ಹೃದಯದ ಆರೋಗ್ಯಕ್ಕೆ ತರುತ್ತದೆ ಕುತ್ತು!


    ಅತಿಯಾಗಿ ಮದ್ಯ ಸೇವಿಸುವ ಚಟವು ಹೃದಯದ ಆರೋಗ್ಯ ಹಾಳು ಮಾಡುತ್ತದೆ. ಜೊತೆಗೆ ಇದು ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಸಮಸ್ಯೆ ಉಂಟು ಮಾಡುವ ಸಾಧ್ಯತೆ ಹೆಚ್ಚಿಸಬಹುದು ಎಂಬುದು ಬೆಂಗಳೂರಿನ ಆಸ್ಟರ್ ಸಿಎಂಐ ಆಸ್ಪತ್ರೆಯ ಇಂಟರ್ವೆನ್ಷನಲ್ ಕಾರ್ಡಿಯಾಲಜಿ ಲೇಖಕರು ಹಾಗೂ ಹಿರಿಯ ಸಲಹೆಗಾರರಾದ ಡಾ. ಪ್ರದೀಪ್ ಕುಮಾರ್ ಡಿ ಅವರ ಅಭಿಪ್ರಾಯವಾಗಿದೆ. ಹಾಗಿದ್ದರೆ ನಾವಿಲ್ಲಿ ಆಲ್ಕೋಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಎಂದರೇನು? ಇದಕ್ಕೆ ಕಾರಣಗಳು, ರೋಗ ಲಕ್ಷಣಗಳು, ಸಂಕೇತಗಳು ಯಾವುವು ಎಂಬ ಬಗ್ಗೆ ತಿಳಿಯೋಣ.


    ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಎಂದರೇನು?


    ಆಲ್ಕೋಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಎಂಬುದು ದೀರ್ಘಕಾಲದ ಹಾಗೂ ಮಿತಿ ಮೀರಿದ ಆಲ್ಕೋಹಾಲ್ ಸೇವನೆಯಿಂದ ಉಂಟಾಗುವ ಹೃದಯ ಕಾಯಿಲೆಯಾಗಿದೆ. ಇದು ಕುಹರದ ವಿಸ್ತರಣೆ ಮತ್ತು ದುರ್ಬಲತೆ ಉಂಟು ಮಾಡುತ್ತದೆ.




    ಆಲ್ಕೋಹಾಲ್ ಅತಿಯಾದ ಸೇವನೆಯು ಹೃದಯ ವೈಫಲ್ಯಕ್ಕೆ ಕಾರಣವಾದೀತು!


    ಬೆಂಗಳೂರಿನ ಆಸ್ಟರ್ ಸಿಎಂಐ ಆಸ್ಪತ್ರೆಯ ಇಂಟರ್ವೆನ್ಷನಲ್ ಕಾರ್ಡಿಯಾಲಜಿ ಲೇಖಕರು ಹಾಗೂ ಹಿರಿಯ ಸಲಹೆಗಾರರಾದ ಡಾ. ಪ್ರದೀಪ್ ಕುಮಾರ್ ಡಿ ಅವರ ಪ್ರಕಾರ, ಆಲ್ಕೋಹಾಲ್ ನ ಅತಿಯಾದ ಸೇವನೆಯಿಂದ ಅಧಿಕ ರಕ್ತದೊತ್ತಡ ಸಮಸ್ಯೆ ಉಂಟಾಗುತ್ತದೆ.


    ಇದು ಹೃದಯ ಸ್ನಾಯುಗಳು ದುರ್ಬಲವಾಗಲು ಕಾರಣವಾಗುತ್ತದೆ ಎಂದಿದ್ದಾರೆ. ಹಾಗೆಯೇ ಹೃದಯವು ಸರಿಯಾಗಿ ರಕ್ತ ಪಂಪ್ ಮಾಡಲು ಸಾಧ್ಯವಾಗುವುದಿಲ್ಲ. ಹೀಗಾಗಿ ಹೃದಯವು ವಿಸ್ತರಿಸಲು ಮತ್ತು ಹೆಚ್ಚು ರಕ್ತವನ್ನು ಹಿಡಿದಿಡಲು ಹಾಗೂ ರಕ್ತವು ತೆಳುವಾಗಲು ಕಾರಣವಾಗುತ್ತದೆ.


    ಅತಿಯಾದ ಮದ್ಯ ಸೇವನೆಯು ರಕ್ತ ಮತ್ತು ಹೃದಯ ಸ್ನಾಯುಗಳ ಕಾರ್ಯ ನಿರ್ವಹಣೆಯ ಮೇಲೆ ಅಡ್ಡ ಪರಿಣಾಮ ಬೀರುತ್ತದೆ. ಒಂದು ವೇಳೆ ಅಧಿಕ ರಕ್ತದೊತ್ತಡ ಸಮಸ್ಯೆಗೆ ದೀರ್ಘಕಾಲದವರೆಗೆ ಚಿಕಿತ್ಸೆ ನೀಡದೇ ಹೋದರೆ ಅದು ಹೃದಯ ವೈಫಲ್ಯಕ್ಕೆ ಕಾರಣವಾಗುವ ಸಾಧ್ಯತೆ ಹೆಚ್ಚು ಎಂದು ಹೇಳಿದ್ದಾರೆ.


    ದೀರ್ಘಕಾಲದ ಮದ್ಯ ಸೇವನೆಯು ಹೃದಯ ಸ್ನಾಯುವಿನ ಕಾಯಿಲೆ ಬೆಳೆಯಲು ಕಾರಣವಾಗುತ್ತದೆ. ಹೃದಯದಲ್ಲಿ ಕಾರ್ಡಿಯೊಮಿಯೋಪತಿ ಸಮಸ್ಯೆ,  ಹೃದಯ ಸ್ನಾಯುವಿನ ಕಾಯಿಲೆ ಬೆಳವಣಿಗೆಯಾಗುತ್ತದೆ. ಹೀಗಾಗಿ ಹೃದಯದ ಸ್ನಾಯುಗಳು ಅಸಹಜವಾಗಿ ಹಿಗ್ಗುತ್ತವೆ.


    ಈ ಕಾರ್ಡಿಯೊಮಿಯೋಪತಿ ಕಾಯಿಲೆಯನ್ನು ದೀರ್ಘಕಾಲದವರೆಗೆ ಪತ್ತೆ ಹಚ್ಚದೇ ಬಿಟ್ಟರೆ, ಸೂಕ್ತ ಚಿಕಿತ್ಸೆ ಪಡೆಯದೇ ಹೋದರೆ ಇದು ಜೀವಕ್ಕೆ ಕುತ್ತು ತರುವ ಸಾಧ್ಯತೆ ಹೆಚ್ಚು. ಕಾರ್ಡಿಯೊಮಿಯೋಪತಿ ಸ್ಥಿತಿಯು ಮಾರಣಾಂತಿಕವಾಗುತ್ತದೆ.


    ಹಾಗೂ ಅನಿಯಮಿತ ಹೃದಯ ಬಡಿತದ ಅಪಾಯ ಹೆಚ್ಚಿಸುತ್ತದೆ. ಜೊತೆಗೆ ಹೃದಯಾಘಾತಕ್ಕೂ ಕಾರಣವಾಗುತ್ತದೆ. ಸಾಮಾನ್ಯವಾಗಿ ಕಾರ್ಡಿಯೊಮಿಯೋಪತಿ ಸ್ಥಿತಿಯನ್ನು 35 ರಿಂದ 50 ವಯಸ್ಸಿನ ಜನರಲ್ಲಿ ರೋಗ ನಿರ್ಣಯ ಮಾಡಲಾಗುತ್ತದೆ. ಹಾಗೂ ಮಹಿಳೆಯರಿಗಿಂತ ಪುರುಷರೇ ಈ ಕಾಯಿಲೆಗೆ ಹೆಚ್ಚು ತುತ್ತಾಗುತ್ತಾರೆ.


    ಯಾರಿಗೆ ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಅಪಾಯ ಹೆಚ್ಚು?


    ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಅಪಾಯವು, 5 ರಿಂದ 15 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಅವಧಿಯವರೆಗೆ ಅಂದರೆ ದೀರ್ಘಕಾಲ ಆಲ್ಕೋಹಾಲ್ ಸೇವಿಸುವ ಜನರಲ್ಲಿ ಇದು ಹೆಚ್ಚು ಅಪಾಯವನ್ನುಂಟು ಮಾಡುತ್ತದೆ.


    ಡಾ. ಪ್ರದೀಪ್ ಕುಮಾರ್ ಡಿ, ಲೇಖಕರು ಹಾಗೂ ಹಿರಿಯ ಸಲಹೆಗಾರ, ಇಂಟರ್ವೆನ್ಷನಲ್ ಕಾರ್ಡಿಯಾಲಜಿ ಬೆಂಗಳೂರಿನ ಆಸ್ಟರ್ ಸಿಎಂಐ ಆಸ್ಪತ್ರೆ


    ವಾರದಲ್ಲಿ 14 ಬಾರಿ ಡ್ರಿಂಕ್ ಮಾಡುವವರು ಅಥವಾ ದಿನಕ್ಕೆ 4 ಬಾರಿ ಡ್ರಿಂಕ್ ಮಾಡುವ ಪುರುಷರಲ್ಲಿ ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಅಪಾಯವಿದೆ.


    ದಿನಕ್ಕೆ 3 ಕ್ಕಿಂತ ಹೆಚ್ಚು ಬಾರಿ ಡ್ರಿಂಕ್ ಅಥವಾ ವಾರಕ್ಕೆ 7 ಬಾರಿ ಡ್ರಿಂಕ್ ಮಾಡುವ ಮಹಿಳೆಯರು ಸಹ ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಕಾಯಿಲೆಗೆ ತುತ್ತಾಗುವ ಸಾಧ್ಯತೆ ಹೆಚ್ಚು.


     ಆಲ್ಕೋಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಸಂಕೇತಗಳು ಮತ್ತು ರೋಗ ಲಕ್ಷಣಗಳು


    ಅಂದ ಹಾಗೇ, ಆಲ್ಕೋಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಕಾಯಿಲೆಯು ಮೊದಲ ಹಂತದಲ್ಲಿದ್ದಾಗ ಯಾವುದೇ ಸಂಕೇತಗಳನ್ನು ನೀಡುವುದಿಲ್ಲ. ಇದು ಕೊನೆಯ ಹಂತ ತಲುಪುವ ಸಮಯದವರೆಗೆ ಯಾವುದೇ ಸಂಕೇತಗಳನ್ನು ನೀಡುವುದಿಲ್ಲ. ಕೊನೆಯ ಹಂತದಲ್ಲಿ ರೋಗಿಯಲ್ಲಿ ಈ ರೋಗ ಲಕ್ಷಣಗಳು ಗೋಚರಿಸುತ್ತವೆ.


    1. ಆಯಾಸ ಉಂಟಾಗುವುದು

    2. ವಿಶ್ರಾಂತಿ ಅಥವಾ ಕೆಲಸ ಮಾಡುವಾಗ ಉಸಿರಾಟದ ತೊಂದರೆ ಉಂಟಾಗುವುದು

    3. ಕಾಲು, ಪಾದ ಹಾಗೂ ಕಣಕಾಲುಗಳಲ್ಲಿ ಊತ ಕಾಣಿಸಿಕೊಳ್ಳುವುದು

    4. ಮೂತ್ರದಲ್ಲಿ ಬದಲಾವಣೆ ಆಗುವುದು

    5. ಹಸಿವಿನ ನಷ್ಟ ಸಮಸ್ಯೆ

    6. ಗಮನ ಕೇಂದ್ರೀಕರಿಸುವಲ್ಲಿ ತೊಂದರೆಯಾಗುವುದು

    7. ದೌರ್ಬಲ್ಯ, ತಲೆತಿರುಗುವಿಕೆ, ಮೂರ್ಛೆ ಬರುವುದು

    8. ನಾಡಿಮಿಡಿತ ಜೋರಾಗುವುದು

    9. ಮಲಗಿದ್ದಾಗ, ಕೆಮ್ಮುವಾಗ ಗುಲಾಬಿ ಲೋಳೆ ವಿಸರ್ಜನೆಯಾಗುವುದು

    10. ಹೊಟ್ಟೆ ಉಬ್ಬುವಿಕೆ ಸಮಸ್ಯೆ

    11. ಎದೆ ನೋವು ಬರುವ ರೋಗ ಲಕ್ಷಣಗಳು ಕಾಣಿಸುತ್ತವೆ.


     ಕಾರ್ಡಿಯೊಮಿಯೋಪತಿ ಕಾಯಿಲೆಗೆ ಕಾರಣಗಳೇನು?


    ಕಾರ್ಡಿಯೊಮಿಯೋಪತಿ ಕಾಯಿಲೆಗೆ ನಿಖರ ಕಾರಣಗಳು ಯಾವವು ಎಂಬ ಬಗ್ಗೆ ಇನ್ನೂ ತಿಳಿದು ಬಂದಿಲ್ಲ. ಅದಾಗ್ಯೂ ಆಲ್ಕೊಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಕಾಯಿಲೆ ಉಂಟು ಮಾಡುವ ಕೆಲವು ಕಾರಣಗಳನ್ನು ಗುರುತಿಸಬಹುದು ಎಂದು ವೈದ್ಯರುಸ ಹೇಳಿದ್ದಾರೆ.


    1. ಅನುವಂಶಿಕ ಪರಿಸ್ಥಿತಿ

    2. ಹೃದಯ ಬಡಿತ ಹೆಚ್ಚಾಗುವುದು ಮತ್ತು ದೀರ್ಘಾವಧಿಯ ರಕ್ತದೊತ್ತಡ ಸಮಸ್ಯೆ

    3. ಹೃದಯ ಕವಾಟಗಳಲ್ಲಿ ತೊಂದರೆ ಕಾಣಿಸಿಕೊಳ್ಳುವುದು

    4. ಹೃದಯ ಅಂಗಾಂಶದಲ್ಲಿ ಹಾನಿ ಉಂಟಾಗುವುದು

    5. ಅತಿಯಾದ ಮದ್ಯಪಾನ ಮಾಡುವುದು ಹಾಗೂ ಅಕ್ರಮ ಮಾದಕ ದ್ರವ್ಯ ಸೇವಿಸುವುದು

    6. ಬೊಜ್ಜು, ಥೈರಾಯ್ಡ್ ಮತ್ತು ಇತರೆ ಆರೋಗ್ಯ ಸಂಬಂಧಿ ಅಸ್ವಸ್ಥತೆ

    7. ಗರ್ಭಾವಸ್ಥೆಯಲ್ಲಿ ಸಮಸ್ಯೆ ಉಂಟಾಗುವುದು


    ಕಾರ್ಡಿಯೊಮಿಯೋಪತಿ ಕಾಯಿಲೆಯನ್ನು ಪತ್ತೆ ಹಚ್ಚುವುದು ಹೇಗೆ?

    1. ಹೃದಯ ಸ್ನಾಯುಗಳ ಹಿಗ್ಗುವಿಕೆ ಪತ್ತೆ ಹಚ್ಚಲು ಎದೆಯ ಎಕ್ಸ್ ರೇ ಪರೀಕ್ಷೆ ಮಾಡಿಸುವುದು.

    2. ಹೃದಯ ಕವಾಟಗಳ ಕಾರ್ಯ ನಿರ್ವಹಣೆ ಹೇಗಿದೆ ಎಂದು ಪತ್ತೆ ಹಚ್ಚಲು ಎಕೋಕಾರ್ಡಿಯೋಗ್ರಾಮ್ ಪರೀಕ್ಷೆ ಮಾಡಿಸುವುದು. ಜೊತೆಗೆ ಕಾರ್ಡಿಯಾಕ್ ಮ್ಯಾಗ್ನೆಟಿಕ್ ರೆಸೋನೆನ್ಸ್ ಇಮೇಜಿಂಗ್ ಅಂದ್ರೆ MRI ಕೂಡ ಮಾಡಿಸಬಹುದು.

    3. ಹೃದಯದ ಕಾರ್ಯದಲ್ಲಿ ಅಡೆತಡೆ ಹಾಗೂ ಹೃದಯ ಬಡಿತದ ಅಸಹಜತೆ ಸಮಸ್ಯೆ ಪತ್ತೆ ಹಚ್ಚಲು ಎಲೆಕ್ಟ್ರೋಕಾರ್ಡಿಯೋಗ್ರಾಮ್ ಅಂದ್ರೆ ECG ಮಾಡಿಸುವುದು.

    4. ವ್ಯಾಯಾಮ ಮಾಡಿದಾಗ ಹೃದಯದ ಲಯ ತಪ್ಪುತ್ತಿದೆಯೇ ಎಂದು ಪತ್ತೆ ಹಚ್ಚಲು ಟ್ರೆಡ್‌ಮಿಲ್ ಒತ್ತಡ ಪರೀಕ್ಷೆ ಮಾಡಿಸುವುದು.

    5. ದೇಹದಲ್ಲಿ ಹೃದಯವು ರಕ್ತವನ್ನು ಬಲವಂತವಾಗಿ ಪಂಪ್ ಮಾಡುತ್ತಿದೆಯೇ ಎಂದು ಪತ್ತೆ ಹಚ್ಚಲು ಕಾರ್ಡಿಯಾಕ್ ಕ್ಯಾತಿಟೆರೈಸೇಶನ್ ಮಾಡಿಸುವುದು.

    6. ಹೃದಯ ಮತ್ತು ಅದರ ಕವಾಟಗಳ ಗಾತ್ರ ಮತ್ತು ಕಾರ್ಯ ನಿರ್ವಹಣೆ ಪತ್ತೆ ಹಚ್ಚಲು CT ಸ್ಕ್ಯಾನ್ ಮಾಡಿಸುವುದು.

    7. ದೇಹದಲ್ಲಿ ಕಬ್ಬಿಣದಂಶದ ಮಟ್ಟ ತಿಳಿಯಲು, ಥೈರಾಯ್ಡ್, ಮೂತ್ರಪಿಂಡ ಮತ್ತು ಯಕೃತ್ತಿನ ಕಾರ್ಯ ಚಟುವಟಿಕೆ ಸರಿಯಾಗಿದೆಯೇ ಎಂದು ಪರೀಕ್ಷಿಸಲು ರಕ್ತ ಪರೀಕ್ಷೆ ಮಾಡಿಸುವುದು.

    8. ರೋಗವು ಜನ್ಮಜಾತವಾಗಿ ಬಂದಿದೆಯೇ? ಅಥವಾ ಅನುವಂಶಿಕವಾಗಿದೆಯೇ ಎಂದು ಪರೀಕ್ಷಿಸಲು ಅನುವಂಶಿಕ ಪರೀಕ್ಷೆ ಮಾಡಿಸುವುದು.


    ಈ ಎಲ್ಲಾ ಪರೀಕ್ಷೆಗಳು ದೇಹದಲ್ಲಿ ಹೃದಯದ ಆರೋಗ್ಯ ಮತ್ತು  ಕಾರ್ಡಿಯೊಮಿಯೋಪತಿ ಕಾಯಿಲೆ ಪತ್ತೆ ಹಚ್ಚಲು ಸಹಾಯ ಮಾಡುತ್ತವೆ.


    ಆಲ್ಕೋಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಗುಣಪಡಿಸುವ ಮಾರ್ಗಗಳು


    ಕಾರ್ಡಿಯೊಮಿಯೋಪತಿ ಕಾಯಿಲೆಗೆ ಚಿಕಿತ್ಸೆ ನೀಡುವ ಮೊದಲು ರೋಗಿಯು ಯಾವ ಕಾಯಿಲೆಯಿಂದ ಬಳಲುತ್ತಿದ್ದಾನೆ ಮತ್ತು ಯಾವ ಸ್ಥಿತಿಯಲ್ಲಿದ್ದಾನೆ ಎಂದು ಮೊದಲು ತಿಳಿದುಕೊಳ್ಳಬೇಕಾಗುತ್ತದೆ.


    - ಹಿಗ್ಗಿದ ಕಾರ್ಡಿಯೊಮಿಯೋಪತಿ ಕಾಯಿಲೆಯಿರುವ ರೋಗಿಗೆ ವೈದ್ಯರು ಹೃದಯದ ಕಾರ್ಯ ಸುಧಾರಿಸಲು ಔಷಧ ನೀಡುತ್ತಾರೆ. ಈ ಮೂಲಕ ಕಾಯಿಲೆ ಸ್ಥಿತಿಯನ್ನು ಗುಣಪಡಿಸಬಹುದು. ಕಾಯಿಲೆ ತೀವ್ರವಾಗಿದ್ದರೆ ಶಸ್ತ್ರಚಿಕಿತ್ಸೆಯ ಕಸಿ ಮಾಡಲು ಸೂಚಿಸಲಾಗುತ್ತದೆ.


    - ಕಾರ್ಡಿಯೊಮಿಯೋಪತಿ ಕಾಯಿಲೆಗೆ ಚಿಕಿತ್ಸೆ ನೀಡುವ ಮೊದಲು ವೈದ್ಯರು ನಿಮಗೆ ರಕ್ತದೊತ್ತಡ ಮಟ್ಟ ಎಷ್ಟಿದೆ ಎಂದು ತಿಳಿದುಕೊಳ್ಳುತ್ತಾರೆ.


    - ಕೆಲವು ಔಷಧ ಸೇವನೆ ಹಾಗೂ ಅಧಿಕ ರಕ್ತದೊತ್ತಡದ ಮಟ್ಟ ಎಷ್ಟಿದೆ ಎಂದು ತಿಳಿದುಕೊಳ್ಳಲಾಗುತ್ತದೆ.


    ಸಾಂದರ್ಭಿಕ ಚಿತ್ರ


    - ಉಪ್ಪು ಮತ್ತು ನೀರಿನ ಸೇವನೆ ಎಷ್ಟು ಪ್ರಮಾಣದಲ್ಲಿದೆ ಎಂಬುದನ್ನು ಕಂಡು ಹಿಡಿಯಲಾಗುತ್ತದೆ. ಜೊತೆಗೆ ರೋಗಿಯ ತೂಕ ಎಷ್ಟಿದೆ ಎಂದು ಮೇಲ್ವಿಚಾರಣೆ ಮಾಡಲಾಗುತ್ತದೆ.


    - ಕಾರ್ಡಿಯೊಮಿಯೋಪತಿ ತೀವ್ರತರ ಪ್ರಕರಣದಲ್ಲಿ ವೆಂಟ್ರಿಕ್ಯುಲರ್ ಅಸಿಸ್ಟ್ ಡಿವೈಸಸ್ ಅಂದ್ರೆ VAD ಅಥವಾ ಹೃದಯ ಕಸಿ ಚಿಕಿತ್ಸೆಗೆ ಶಿಫಾರಸು ಮಾಡಲಾಗುತ್ತದೆ.


     ಆಲ್ಕೋಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಕಾಯಿಲೆ ಕಡಿಮೆ ಮಾಡಲು ಅಥವಾ ನಿಯಂತ್ರಿಸಲು ಏನು ಮಾಡಬೇಕು?


    ಆಲ್ಕೋಹಾಲ್ಯುಕ್ತ ಕಾರ್ಡಿಯೊಮಿಯೋಪತಿ ಕಾಯಿಲೆ ಅಪಾಯ ಕಡಿಮೆ ಮಾಡಲು ನೀವು ಕೆಲವು ನಿಯಮಗಳನ್ನು ಪಾಲಿಸಬಹುದು. ಈ ಮೂಲಕ ನೀವು ಕಾಯಿಲೆ ನಿಯಂತ್ರಿಸಬಹುದು.


    1. ಮೊದಲು ಚಟವನ್ನು ನಿಗ್ರಹಿಸಿ, ಆಲ್ಕೋಹಾಲ್ ಸೇವನೆಯನ್ನು ತಪ್ಪಿಸಿ.

    2. ಸೋಡಿಯಂ ಸೇವನೆ ಕಡಿಮೆ ಮಾಡಿ.

    3. ಹೃದಯದ ಮೇಲಿನ ಒತ್ತಡ ಕಡಿಮೆ ಮಾಡಲು ಆಲ್ಕೋಹಾಲ್ ಹಾಗೂ ದ್ರವ ಪದಾರ್ಥ ಸೇವನೆ ಮಿತಿಯಲ್ಲಿರಿಸಿ.

    4. ದಿನವೂ ನಿಯಮಿತ ವ್ಯಾಯಾಮ ಮಾಡಿ. ನೀವು ಹೃದ್ರೋಗ ಸಮಸ್ಯೆ ಹಾಗೂ ಹೃದ್ರೋಗಿ ಆಗಿದ್ದರೆ ಕಠಿಣ ವ್ಯಾಯಾಮ ಮಾಡುವುದನ್ನು ತಪ್ಪಿಸಿ.

    5. ಧೂಮಪಾನ ಮಾಡಬೇಡಿ.

    6. ಸಕ್ಕರೆ, ಸ್ಯಾಚುರೇಟೆಡ್ ಕೊಬ್ಬು ಮತ್ತು ಸಂಸ್ಕರಿಸಿದ ಆಹಾರ ಸೇವನೆ ಕಡಿಮೆ ಮಾಡಿ.

    7. ಆರೋಗ್ಯಕರ BMI ಕಾಪಾಡಿಕೊಳ್ಳಿ


     ಬಿಂಜ್ ಡ್ರಿಂಕ್ ಯಾವುದೇ ಕಾರಣಕ್ಕೂ ಆರೋಗ್ಯಕ್ಕೆ ಒಳ್ಳೆಯದಲ್ಲ


    ಕೆಲವು ಅಧ್ಯಯನಗಳು ಬಿಂಜ್ ಡ್ರಿಂಕಿಂಗ್ ಆರೋಗ್ಯಕ್ಕೆ ಕೆಲವು ಪ್ರಯೋಜನ ನೀಡುತ್ತವೆ ಎಂದು ಹೇಳುತ್ತವೆ. ಇನ್ನು ಕೆಲವು ಅಧ್ಯಯನಗಳು ಸಾಂದರ್ಭಿಕವಾಗಿ ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ವ್ಯಾಖ್ಯಾನಿಸಿವೆ. ಆದರೆ ಯಾವುದೇ ಕಾರಣಕ್ಕೂ ಆಲ್ಕೋಹಾಲ್ ಸೇವನೆ ಒಳ್ಳೆಯದಲ್ಲ. ಸಾಧ್ಯವಾದಷ್ಟು ಆಲ್ಕೋಹಾಲ್ ಸೇವನೆ ತಪ್ಪಿಸಿ.


    ಹೃದ್ರೋಗದ ಅಪಾಯ ಕಡಿಮೆ ಮಾಡಲು ಮದ್ಯಪಾನ ತ್ಯಜಿಸಿ. ಧೂಮಪಾನ ತ್ಯಜಿಸಿ. ಯೋಗ ಹಾಗೂ ವ್ಯಾಯಾಮ ಮಾಡಿ ಆರೋಗ್ಯ ಕಾಪಾಡಿಕೊಳ್ಳಿ. ಆಲ್ಕೋಹಾಲ್ ಸೇವನೆಯು ಹೃದಯಕ್ಕೆ ಪ್ರಯೋಜನ ನೀಡುತ್ತದೆ ಎಂದು ಹೇಳಿದರೂ ಸಹ ಇದು ಕ್ಯಾನ್ಸರ್, ಯಕೃತ್ತಿನ ಕಾಯಿಲೆ ಅಪಾಯ ತಂದೊಡ್ಡುತ್ತದೆ.


    ಇದನ್ನೂ ಓದಿ: ಈ 5 ಲಕ್ಷಣ ಕಾಣಿಸಿಕೊಂಡ್ರೆ ತಪ್ಪದೇ ಕಣ್ಣಿನ ಪರೀಕ್ಷೆ ಮಾಡಿಸಿ, ವೈದ್ಯರೇ ಕೊಟ್ಟ ಸಲಹೆ ಇದು


    ದೀರ್ಘ ಮತ್ತು ಆರೋಗ್ಯಕರ ಜೀವನ ನಡೆಸಲು ಹಾಗೂ ಹೃದ್ರೋಗದ ಅಪಾಯ ಕಡಿಮೆ ಮಾಡಲು ನಿಯಮಿತವಾಗಿ ವ್ಯಾಯಾಮ ಮಾಡಿ, ಆರೋಗ್ಯಕರ ಆಹಾ ಸೇವನೆಯಂತಹ ಸುರಕ್ಷಿತ ಮಾರ್ಗಗಳನ್ನು ಫಾಲೋ ಮಾಡಿ.

    Published by:renukadariyannavar
    First published: