Health Tips: ಹಸಿರು ತರಕಾರಿಗಳನ್ನು ತಿನ್ನುವ ಮುನ್ನ ಈ ವಿಚಾರಗಳನ್ನು ತಿಳಿದುಕೊಳ್ಳಿ

ನಾವು ಸೇವಿಸುವ ಆಹಾರ ಪದ್ಧತಿಯಲ್ಲಿ ಪ್ರೋಟೀನ್ ಅಂಶ ಹೆಚ್ಚಿರುವ ಹಣ್ಣು ತರಕಾರಿಗಳನ್ನು ಸೇರಿಸಿಕೊಳ್ಳುವುದು ದೇಹದಲ್ಲಿ ಉಂಟಾಗುವ ಪ್ರೊಟೀನ್ ಕೊರತೆಯನ್ನು ನಿವಾರಿಸುತ್ತದೆ.  

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಮಗುವಿನಿಂದ (Children) ಹಿಡಿದು ವೃದ್ಧರವರೆಗೂ ಪ್ರೋಟೀನ್ (Protein) ದೇಹಕ್ಕೆ (Body) ಬೇಕೇ ಬೇಕು. ದೇಹದ ಮಾಂಸಖಂಡಗಳ ಬೆಳವಣಿಗೆಯಲ್ಲಿ ಪ್ರೊಟೀನ್ ಬೇಕು. ಮೂಳೆಗಳು ಸದೃಢವಾಗಿರಲು, ಬುದ್ಧಿ ಶಕ್ತಿ ಚುರುಕಾಗಲು ರೋಗ - ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ದೇಹದಲ್ಲಿ ಮೆಟಬಾಲಿಸಂ (Metabolism) ಪ್ರಕ್ರಿಯೆಯನ್ನು ಉತ್ತೇಜಿಸುವಲ್ಲಿ ಪ್ರೊಟೀನ್ ಅತ್ಯಂತ ಮಹತ್ವದ್ದಾಗಿದೆ. ಹಸಿರು ತರಕಾರಿಗಳಲ್ಲಿ ಪ್ರೋಟೀನ್‌ ಸಮೃದ್ಧವಾಗಿದೆ. ತೂಕ ನಷ್ಟ ಮತ್ತು ಸ್ನಾಯುಗಳನ್ನು ಗಟ್ಟಿಗೊಳಿಸಲು ಪ್ರೊಟೀನ್ ಸಹಕಾರಿ. ವೈದ್ಯರ (Doctor) ಪ್ರಕಾರ ನಮ್ಮ ದೇಹಕ್ಕೆ ಪ್ರತಿ ದಿನ ಇಂತಿಷ್ಟು ಪ್ರಮಾಣದ ಪ್ರೊಟೀನ್ ಅಂಶ ಅಗತ್ಯವಿದೆಯೆಂದು ಹೇಳಲಾಗಿದೆ. ಹಾಗಾಗಿ ನಾವು ಸೇವಿಸುವ ಆಹಾರ ಪದ್ಧತಿಯಲ್ಲಿ ಪ್ರೋಟೀನ್ ಅಂಶ ಹೆಚ್ಚಿರುವ ಹಣ್ಣು (Fruits), ತರಕಾರಿಗಳನ್ನು (Vegitables) ಸೇರಿಸಿಕೊಳ್ಳುವುದು ದೇಹದಲ್ಲಿ ಉಂಟಾಗುವ ಪ್ರೊಟೀನ್ ಕೊರತೆಯನ್ನು ನಿವಾರಿಸುತ್ತದೆ.  

    ಹಾಗಾದರೆ  ಪ್ರೋಟೀನ್ ಪ್ರಮಾಣವನ್ನು ಪೂರೈಸಲು, ಯಾವ ಹಸಿರು ತರಕಾರಿಗಳನ್ನು ಸೇವಿಸಬೇಕು ಎಂಬುದನ್ನು ಈ ಕೆಳಗೆ ನೋಡೋಣ..

    ಆಹಾರ ಪದಾರ್ಥಗಳಾದ ಮೊಸರು, ಮೊಟ್ಟೆ, ಮೀನು, ಕಾಳುಗಳು, ಬೀಜಗಳು ಇತ್ಯಾದಿಗಳನ್ನು ನಿಯಮಿತವಾಗಿ ಸೇವನೆ ಮಾಡುವುದು ಆರೋಗ್ಯದಿಂದಿರಲು ಸಹಾಯ ಮಾಡುತ್ತದೆ. ಹಸಿರು ತರಕಾರಿಗಳು ಪ್ರೋಟೀನ್‌ನ ಮೂಲವಾಗಿದೆ. ಪ್ರೋಟೀನ್ ಒಂದು ಮ್ಯಾಕ್ರೋನ್ಯೂಟ್ರಿಯೆಂಟ್ ಆಗಿದೆ. ಇದು ದೇಹಕ್ಕೆ ಬಹಳ ಮುಖ್ಯ. ದೇಹದಲ್ಲಿನ ಅನೇಕ ಕಾರ್ಯಗಳಿಗೆ ಪ್ರೋಟೀನ್ ಕಾರಣವಾಗಿದೆ. ಆದ್ದರಿಂದ ಪ್ರತಿಯೊಬ್ಬ ವ್ಯಕ್ತಿಯು ಸಾಕಷ್ಟು ಪ್ರೋಟೀನ್ ಸೇವಿಸಬೇಕು.

    ಪ್ರೋಟೀನ್ ಭರಿತ ಆಹಾರವು ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ, ಸ್ನಾಯುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಉತ್ತಮ ಮನಸ್ಥಿತಿಯನ್ನು ಕಾಪಾಡುತ್ತದೆ. ಉತ್ತಮ ಮೂಳೆಗಳ ಆರೋಗ್ಯಕ್ಕಾಗಿ, ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ನಿಯಂತ್ರಿಸಲು, ಪ್ರೋಟೀನ್ ಸಾಮಾನ್ಯವಾಗಿ ಪ್ರಾಣಿ ಉತ್ಪನ್ನಗಳಲ್ಲಿ ಕಂಡು ಬರುತ್ತದೆ. ಕೆಲವು ಪ್ರೊಟೀನ್ ಮೂಲಗಳಿವೆ. ಇವುಗಳಿಂದ ಸಸ್ಯಾಹಾರಿಗಳು ಸಹ ಪ್ರೋಟೀನ್ ಪಡೆಯಬಹುದು. ಪ್ರೊಟೀನ್ ಯುಕ್ತ ಹಸಿರು ತರಕಾರಿಗಳು ಹೀಗಿವೆ.

    ಇದನ್ನೂ ಓದಿ: ಬಪ್ಪಿ ಲಹಿರಿ ಸಾವಿಗೆ ನಿದ್ದೆಯ ಕಾಯಿಲೆಯೇ ಕಾರಣ.. ಏನಿದು OSA Disease..? ಈ ರೋಗದ ಲಕ್ಷಣಗಳೇನು?

    ಸೊಪ್ಪು:

    ಪಾಲಕ್ ನಲ್ಲಿ ಪ್ರೋಟೀನ್ ಅಂಶ ಸಾಕಷ್ಟು ಸಿಗುತ್ತದೆ. ಹಸಿರು ಎಲೆಗಳ ತರಕಾರಿಗಳಲ್ಲಿ ಪಾಲಕ್ ಪ್ರೋಟೀನ್‌ನ  ಉತ್ತಮ ಮೂಲವಾಗಿದೆ. 5.3 ಗ್ರಾಂ ಪ್ರೋಟೀನ್, 41 ಕ್ಯಾಲೋರಿಗಳು ಮತ್ತು 4.3 ಗ್ರಾಂ ಫೈಬರ್ 1 ಕಪ್ ಅಂದರೆ 180 ಗ್ರಾಂ ಸತ್ವ ಪಾಲಕದಲ್ಲಿ ಕಂಡುಬರುತ್ತದೆ. ಇದು ವಿಟಮಿನ್ ಎ, ವಿಟಮಿನ್ ಕೆ ಮತ್ತು ವಿಟಮಿನ್ ಸಿ ಯಂತಹ ಪೋಷಕಾಂಶಗಳಿಂದ ತುಂಬಿರುತ್ತದೆ. ಇದು ಆರೋಗ್ಯಕರ ಪ್ರತಿರಕ್ಷಣಾ ವ್ಯವಸ್ಥೆಗೆ ಅವಶ್ಯಕವಾಗಿದೆ. ಇದರಲ್ಲಿರುವ ಫೈಬರ್ ತೂಕವನ್ನು ಕಡಿಮೆ ಮಾಡುವ ಮೂಲಕ ಹಸಿವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

    ಅವರೆಕಾಳು:

    ಅವರೆಕಾಳು ಸಸ್ಯ ಆಧಾರಿತ ಪ್ರೋಟೀನ್‌ನ ಉತ್ತಮ ಮೂಲವಾಗಿದೆ. 1 ಕಪ್ (160 ಗ್ರಾಂ) ಬಟಾಣಿ ಕಾಳುಗಳು 134 ಕ್ಯಾಲೋರಿಗಳು, 8.6 ಗ್ರಾಂ ಪ್ರೋಟೀನ್ ಮತ್ತು 8.8 ಗ್ರಾಂ ಫೈಬರ್ ಅನ್ನು ಹೊಂದಿರುತ್ತದೆ. ಇದು ಸೋಡಿಯಂ, ಕ್ಯಾಲ್ಸಿಯಂ, ಕಬ್ಬಿಣ, ಪೊಟ್ಯಾಸಿಯಮ್‌ಗಳಲ್ಲಿಯೂ ಸಹ ಅಧಿಕವಾಗಿದೆ. ಅವರೆಕಾಳು ಚಳಿಗಾಲದಲ್ಲಿ ಬರುತ್ತಿದ್ದರೂ ಅನೇಕರು ಅದನ್ನು ಒಣಗಿಸಿ ಬೇರೆ ಸೀಸನ್‌ಗಳಲ್ಲಿಯೂ ಬಳಸುತ್ತಾರೆ. ನೀವು ಅದರ ತರಕಾರಿಯನ್ನು ತಯಾರಿಸಬಹುದು ಅಥವಾ ಸಲಾಡ್‌ನೊಂದಿಗೆ ಸೇವಿಸಬಹುದು.

    ಬ್ರೊಕೊಲಿ:

    ಕೋಸುಗಡ್ಡೆ ಹೂಕೋಸು ಜಾತಿಯ ಬ್ರೊಕೊಲಿ ತರಕಾರಿ ಇದು ಕಡು ಹಸಿರು ಬಣ್ಣವನ್ನು ಹೊಂದಿರುತ್ತದೆ. 55 ಕ್ಯಾಲೋರಿಗಳು, 3.7 ಗ್ರಾಂ ಪ್ರೋಟೀನ್, 5.1 ಗ್ರಾಂ ಫೈಬರ್ 1 ಕಪ್ ಅಂದರೆ 156 ಗ್ರಾಂ ಬ್ರೊಕೊಲಿಯಲ್ಲಿ ಕಂಡು ಬರುತ್ತದೆ. ಇದಲ್ಲದೆ ವಿಟಮಿನ್ ಸಿ, ಕಬ್ಬಿಣ, ಪೊಟ್ಯಾಸಿಯಮ್, ರಂಜಕ, ಕ್ಯಾಲ್ಸಿಯಂ ಕೂಡ ಇದರಲ್ಲಿ ಅಧಿಕವಾಗಿದೆ. ತಜ್ಞರು ಇದನ್ನು ತಿನ್ನಲು ಶಿಫಾರಸು ಮಾಡುತ್ತಾರೆ. ಇದು ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

    ಸೊಪ್ಪು, ಮೊಳಕೆ ಬಂದ ಕಾಳು

    ಮೊಳಕೆಯೊಡೆದ ಕಾಳುಗಳಲ್ಲಿ ಕಡಿಮೆ ಕ್ಯಾಲೊರಿ ಇರುತ್ತದೆ. ಪೋಷಕಾಂಶಗಳು ಅವುಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿಇವೆ. 100 ಗ್ರಾಂ ಮೊಳಕೆಯೊಡೆದ ಕಾಳುಗಳಲ್ಲಿ ಕೇವಲ 23 ಗ್ರಾಂ ಕ್ಯಾಲೋರಿ, ಮತ್ತು 4 ಗ್ರಾಂ ಪ್ರೋಟೀನ್ ಕಂಡುಬರುತ್ತದೆ. ಇದರೊಂದಿಗೆ ವಿಟಮಿನ್ ಕೆ, ವಿಟಮಿನ್ ಸಿ, ಫೋಲೇಟ್, ಕಬ್ಬಿಣ, ಮೆಗ್ನೀಸಿಯಮ್, ಸತು ಮತ್ತು ತಾಮ್ರವೂ ಸಹ ಅವುಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಕಂಡುಬರುತ್ತವೆ. ಅಧ್ಯಯನದ ಪ್ರಕಾರ, ಮೊಳಕೆಯೊಡೆದ ಕಾಳುಗಳು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

    ಇದನ್ನೂ ಓದಿ: ಮಣ್ಣಿನಲ್ಲಿ ಮಕ್ಕಳನ್ನು ಆಡಲು ಬಿಟ್ಟು ನೋಡಿ, ಧೂಳೆಂದು ದೂರ ಸರಿಯಬೇಡಿ ಸಂಶೋಧನೆಯೇ ಹೇಳಿದೆ ಇದರ ಮಹತ್ವ

    ಲಿಮಾ ಬೀನ್ಸ್

    ಬೀನ್ಸ್ ಧಾನ್ಯಗಳನ್ನು ಲಿಮಾ ಬೀನ್ಸ್ ಎಂದು ಕರೆಯಲಾಗುತ್ತದೆ. 1 ಕಪ್ ಅಂದರೆ 170 ಗ್ರಾಂ ಬೀನ್ಸ್ ನಲ್ಲಿ 12 ಗ್ರಾಂ ಪ್ರೋಟೀನ್, 9 ಗ್ರಾಂ ಫೈಬರ್ ಇರುತ್ತದೆ. ಅದರ ತರಕಾರಿ ತಿನ್ನುವುದು ತುಂಬಾ ಪ್ರಯೋಜನಕಾರಿಯಾಗಿದೆ. ಇದು ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಕಡಿಮೆ ಮಾಡುತ್ತದೆ, ಹೃದಯದ ಆರೋಗ್ಯವನ್ನು ಸುಧಾರಿಸುತ್ತದೆ. ತೂಕವನ್ನು ಕಡಿಮೆ ಮಾಡುತ್ತದೆ. ಇದಲ್ಲದೆ, ಈ ಬೀನ್ಸ್‌ನಲ್ಲಿ ತಾಮ್ರ, ಸತು, ಕಬ್ಬಿಣ, ಮ್ಯಾಂಗನೀಸ್, ಪೊಟ್ಯಾಸಿಯಮ್, ಥಯಾಮಿನ್, ವಿಟಮಿನ್ ಸಿ, ವಿಟಮಿನ್ ಬಿ 6 ನಂತಹ ಜೀವಸತ್ವಗಳು ಮತ್ತು ಖನಿಜಗಳು ಅಧಿಕವಾಗಿವೆ.
    Published by:renukadariyannavar
    First published: