Morning Breakfast: ಬೆಳಗಿನ ತಿಂಡಿಗೆ ವೆಜಿಟೇಬಲ್ ಪಿಜ್ಜಾ ತಯಾರಿಸುವುದು ಹೇಗೆ?

ತುಂಬಾ ಜನರಿಗೆ ಪಿಜ್ಜಾ (Pizza) ಅಂದ್ರೆ ಸಖತ್ ಇಷ್ಟ. ಎಷ್ಟೋ ಜನರು (People) ಹೆಲ್ದೀ (Healthy) ಪಿಜ್ಜಾ ತಿನ್ನಲು ಇಷ್ಟ ಪಡ್ತಾರೆ. ಪಿಜ್ಜಾ ಚಿಕ್ಕ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಹೆಚ್ಚು ಇಷ್ಟ ಪಟ್ಟು ತಿನ್ನುವ ಖಾದ್ಯವಾಗಿದೆ (Recipe). ಪಿಜ್ಜಾವನ್ನು ಮನೆಯಲ್ಲಿ ಆರೋಗ್ಯಕರವಾಗಿ ತಯಾರಿಸುವುದು ತುಂಬಾ ಮುಖ್ಯ. ಪಿಜ್ಜಾ ಇಟಾಲಿಯನ್ ಭಕ್ಷ್ಯ. ಬಹಳ ಜನಪ್ರಿಯ (Famous) ಖಾದ್ಯ ಇದಾಗಿದೆ. ಇತ್ತೀಚಿನ ದಿನಗಳಲ್ಲಿ ಪ್ರತಿ ಸಣ್ಣ ಮತ್ತು ದೊಡ್ಡ ರೆಸ್ಟೋರೆಂಟ್ ಮತ್ತು ಕೆಫೆಗಳ ಮೆನುವಿನಲ್ಲಿ ಪಿಜ್ಜಾ ಇದೆ. ಅನೇಕ ಆಹಾರ ಪದಾರ್ಥಗಳನ್ನು (Food Ingredients) ಪಿಜ್ಜಾದಲ್ಲಿ ಬಳಕೆ ಮಾಡಲಾಗುತ್ತದೆ. ಇದನ್ನು ಆರೋಗ್ಯಕರ ರೀತಿಯಲ್ಲಿ ಹೇಗೆ ತಯಾರಿಸುವುದು ಎಂದು ನೋಡೋಣ.

ಬೆಳಗಿನ ತಿಂಡಿಗೆ ಪಿಜ್ಜಾ ತಯಾರಿಸುವುದು ಹೇಗೆ?

ಪಿಜ್ಜಾ ಸೇವನೆ ಆರೋಗ್ಯಕ್ಕೆ ಹಾನಿಕರ ಎಂದು ಹೇಳುತ್ತಾರೆ. ಇದಕ್ಕೆ ಬಳಸುವ ಮೈದಾ ಹಿಟ್ಟು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಆದರೆ ನೀವು ಇದನ್ನು ಮನೆಯಲ್ಲಿ ಆರೋಗ್ಯಕರ ರೀತಿಯಲ್ಲಿ ತಯಾರಿಸಬಹುದು. ಹಾಗಾದ್ರೆ ಚಪಾತಿ ಹಿಟ್ಟಿನಿಂದ ಪಿಜ್ಜಾ ತಯಾರಿಸುವ ಆರೋಗ್ಯಕರ ರೆಸಿಪಿ ಬಗ್ಗೆ ಇಲ್ಲಿ ತಿಳಿಯೋಣ.

ಮೊದಲು ಪಿಜ್ಜಾ ಸಾಸ್ ತಯಾರಿಸುವುದು ಹೇಗೆ ಅಂತಾ ನೋಡೋಣ.

ಪಿಜ್ಜಾ ಸಾಸ್ ತಯಾರಿಸುವ ವಿಧಾನ

ಬೇಕಾಗುವ ಪದಾರ್ಥಗಳು

ಟೊಮೆಟೊ - 2 ರಿಂದ 3, ಆಲಿವ್ ಎಣ್ಣೆ - 2 ಟೀಸ್ಪೂನ್, ಸಣ್ಣದಾಗಿ ಕೊಚ್ಚಿದ ಈರುಳ್ಳಿ – 1, ಸಣ್ಣದಾಗಿ ಕೊಚ್ಚಿದ ಬೆಳ್ಳುಳ್ಳಿ – 4 ಎಸಳು, ಸಣ್ಣದಾಗಿ ಕೊಚ್ಚಿದ 5 ಲವಂಗ, ಉಪ್ಪು ರುಚಿಗೆ ತಕ್ಕಷ್ಟು, ಸಕ್ಕರೆ - 2 ಚಮಚ, ರೆಡ್ ಚಿಲ್ಲಿ ಫ್ಲೇಕ್ಸ್ - 1 ಟೀಸ್ಪೂನ್, ಓರೆಗಾನೊ - 1 ಟೀಸ್ಪೂನ್ ಬೇಕು.

ಮೊದಲು ಎರಡರಿಂದ ಮೂರು ಟೊಮೆಟೊ ತೆಗೆದುಕೊಳ್ಳಿ. ಅದಕ್ಕೆ ನಾಲ್ಕೈದು ಕತ್ತರಿಸಿದ ಟೊಮೆಟೋ ಹಾಕಿ. ಈಗ ಬಾಣಲೆಯಲ್ಲಿ ನೀರನ್ನು ಬಿಸಿ ಮಾಡಿ ಮತ್ತು ಅದಕ್ಕೆ ಟೊಮೆಟೊ ಸೇರಿಸಿ, ನಂತರ 10 ನಿಮಿಷ ಕುದಿಸಿ. ನಂತರ ಬಿಸಿ ನೀರು ಶೋಧಿಸಿ ತೆಗೆದು, ಕುದ್ದಿರುವ ಟೊಮೆಟೋಗೆ ತಣ್ಣೀರು ಹಾಕಿ. ಅದರ ಅದರ ಸಿಪ್ಪೆ ತೆಗೆಯಿರಿ.

ನಂತರ ಟೊಮೆಟೊಗಳನ್ನು ಬ್ಲೆಂಡರ್ ನಲ್ಲಿ ಹಾಕಿ ಮತ್ತು ಮೃದುವಾದ ಪೇಸ್ಟ್ ತಯಾರಿಸಿ. ಈಗ ಪ್ಯಾನ್ ಅನ್ನು ಮಧ್ಯಮ ಉರಿಯಲ್ಲಿ ಇರಿಸಿ ಬಿಸಿ ಮಾಡಿ. ಅದಕ್ಕೆ 2 ಚಮಚ ಆಲಿವ್ ಎಣ್ಣೆ ಹಾಕಿ. ನಂತರ ಈರುಳ್ಳಿ ಮತ್ತು ಬೆಳ್ಳುಳ್ಳಿ ಹಾಕಿ ತಿಳಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

ನಂತರ ತಯಾರಾದ ಪಿಜ್ಜಾ ಸಾಸ್ ಬಾಣಲೆಗೆ ಹಾಕಿರಿ. ಈಗ ಅದಕ್ಕೆ ಉಪ್ಪು, ಸಕ್ಕರೆ, ರೆಡ್ ಚಿಲ್ಲಿ ಫ್ಲೇಕ್ಸ್ ಮತ್ತು ಓರೆಗಾನೊ ಸೇರಿಸಿ. ಮತ್ತು ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ. ಈಗ ಅದು ಸ್ವಲ್ಪ ದಪ್ಪವಾಗುವವರೆಗೆ ಬೇಯಿಸಿ. ನಂತರ ತಣ್ಣಗಾಗಿಸಿ ಮತ್ತು ಜಾರ್ ಗೆ ಹಾಕಿಡಿ.

ಸಾಂದರ್ಭಿಕ ಚಿತ್ರ

ವೆಜಿಟೇಬಲ್ ಪಿಜ್ಜಾ ರೆಸಿಪಿ

ಬೇಕಾಗುವ ಪದಾರ್ಥಗಳು

ಸಣ್ಣದಾಗಿ ಕತ್ತರಿಸಿದ ಈರುಳ್ಳಿ, ಕುದಿಸಿದ ಸಿಹಿ ಮೆಕ್ಕೆಜೋಳ, ಸಣ್ಣದಾಗಿ ಕತ್ತರಿಸಿದ ದೊಣ್ಣೆ ಮೆಣಸಿನ ಕಾಯಿ, ಸಣ್ಣದಾಗಿ ಕತ್ತರಿಸಿದ ಅಣಬೆ, ಕಪ್ಪು ಆಲಿವ್ ಬೇಕು.

ವೆಜಿಟೇಬಲ್ ಪಿಜ್ಜಾ ತಯಾರಿಸುವ ವಿಧಾನ

ಮೊದಲು ಮೇಲೆ ಹೇಳಿದ ಎಲ್ಲಾ ತರಕಾರಿಗಳನ್ನು ಚಿಕ್ಕದಾಗಿ ಕತ್ತರಿಸಿ ಇಡಿ. ನಂತರ ಚಪಾತಿ ಹಿಟ್ಟನ್ನು ಕಲೆಸಿ, ಹಿಟ್ಟಿನ ಉಂಡೆ ಮಾಡಿ, ಲಟ್ಟಿಸಿ, ವೃತ್ತಾಕಾರಕ್ಕೆ ತನ್ನಿರಿ. ನಂತರ ಚಪಾತಿಯನ್ನು ತೆಗೆದುಕೊಂಡು ಅದರ ಮೇಲೆ ಪಿಜ್ಜಾ ಸಾಸ್ ಹಚ್ಚಿರಿ.

ಪಿಜ್ಜಾ ಸಾಸ್ ಅನ್ನು ಅನ್ವಯಿಸಿದ ನಂತರ, ಚೀಸ್ ಅನ್ನು ಪುಡಿ ಮಾಡಿ ಮತ್ತು ಅದನ್ನು ಎಲ್ಲಾ ಕಡೆ ಹರಡಿ. ನಂತರ ಎರಡನೇ ಚಪಾತಿಯನ್ನು ಮೇಲೆ ಇರಿಸಿ. ನಂತರ ಮೊದಲ ಚಪಾತಿಯಂತೆ ಎರಡನೇ ಚಪಾತಿಗೆ ಪಿಜ್ಜಾ ಸಾಸ್ ಹಚ್ಚಿ. ಚೀಸ್ ಅನ್ನು ಪುಡಿ ಮಾಡಿ ಹರಡಿ.

ಈಗ ಕತ್ತರಿಸಿದ ತರಕಾರಿ ತುಂಡುಗಳನ್ನು ಚಪಾತಿಯ ಮೇಲೆ ಸಮವಾಗಿ ಹರಡಿ. ಟಾಪಿಂಗ್ ಅನ್ನು ಅನ್ವಯಿಸಿದ ನಂತರವೂ, ಅದರ ಮೇಲೆ ಸ್ವಲ್ಪ ಹೆಚ್ಚು ಚೀಸ್ ಪುಡಿ ಮಾಡಿ ಹಾಕಿ. ಈಗ ಒಂದು ಪ್ಯಾನ್ ತೆಗೆದುಕೊಂಡು ಅದನ್ನು ಕಡಿಮೆ ಉರಿಯಲ್ಲಿ ಬೇಯಿಸಿ. ಮೇಲೆ ಬೆಣ್ಣೆ ಹಚ್ಚಿ. ಮತ್ತು ಅದರ ಮೇಲೆ ಸಿದ್ಧಪಡಿಸಿದ ಪಿಜ್ಜಾ ಇರಿಸಿ.

ಇದನ್ನೂ ಓದಿ: ಸೌಂದರ್ಯಕ್ಕೊಂದೇ ಅಲ್ಲ, ಆರೋಗ್ಯಕ್ಕೂ ಒಳ್ಳೆಯದು ರೋಸ್ ವಾಟರ್

ನಂತರ ಪ್ಯಾನ್ ಅನ್ನು ಪಾತ್ರೆಯಿಂದ ಮುಚ್ಚಿ ಮತ್ತು ಚೀಸ್ ಸರಿಯಾಗಿ ಕರಗಲು ಬಿಡಿ. ಚೀಸ್ ಕರಗಿದ ನಂತರ ಅದನ್ನು ಪ್ಯಾನ್‌ ನಿಂದ ಹೊರ ತೆಗೆಯಿರಿ. ತ್ರಿಕೋನ ಆಕಾರದಲ್ಲಿ 4 ರಿಂದ 6 ತುಂಡುಗಳಾಗಿ ಕತ್ತರಿಸಿ. ಈಗ ಪಿಜ್ಜಾ ರೆಡಿ. ಓರೆಗಾನೊ ಸಿಂಪಡಿಸಿ ಸೇವಿಸಿ.