Morning Breakfast: ಬೆಳಗ್ಗಿನ ತಿಂಡಿಗೆ ತಯಾರಿಸಿ ಖಾರ ಪೊಂಗಲ್, ಪುರನ್ ಪೋಲಿ: ಹೀಗಿದೆ ರೆಸಿಪಿ

ಮಕರ ಸಂಕ್ರಾಂತಿ ಹಬ್ಬ (Makar Sankranti Festival) ನಾಡಿದ್ದೇ ಇದೆ. ಇದಕ್ಕಾಗಿ ಜನರು ಯಾವೆಲ್ಲಾ ಖಾದ್ಯಗಳನ್ನು (Recipes) ಮಾಡಬೇಕು ಅನ್ನೋ ತಯಾರಿಯಲ್ಲಿ ಇರ್ತಾರೆ. ವರ್ಷದ ಮೊದಲ ಹಬ್ಬ ಮಕರ ಸಂಕ್ರಾಂತಿ, ಉತ್ತರ ಭಾರತದ ವಿಶೇಷ ಹಬ್ಬ. ಜೊತೆಗೆ ಇದೇ ದಿನ ಪಂಜಾಬ್‌ ನಲ್ಲಿ ಲೋಹ್ರಿ ಆಚರಿಸುತ್ತಾರೆ. ದಕ್ಷಿಣ ಭಾರತದಲ್ಲಿ ಇದನ್ನು ಪೊಂಗಲ್ ಎಂದು ಕರೆಯುತ್ತಾರೆ. ಗುಜರಾತ್‌ ನಲ್ಲಿ ಉತ್ತರಾಯಣ ಎಂದು ಕರೆಯುತ್ತಾರೆ. ಪೂರ್ವ ಉತ್ತರ ಪ್ರದೇಶದಲ್ಲಿ ಖಿಚಡಿ ಹಬ್ಬ ಎಂದೂ ಕರೆಯುತ್ತಾರೆ. ಸಂಕ್ರಾಂತಿ ಹಬ್ಬವನ್ನು ಹೀಗೆ ದೇಶದ ವಿವಿಧ ಭಾಗಗಳಲ್ಲಿ ಜನರು ವಿವಿಧ ಹೆಸರುಗಳಿಂದ ಕರೆಯುತ್ತಾರೆ.

ಬೆಳಗಿನ ತಿಂಡಿಗೆ ಮಹಾರಾಷ್ಟ್ರದ ವಿಶೇಷ ಖಾದ್ಯ ಪುರನ್ ಪೋಲಿ

ಅದಾಗ್ಯೂ ಹಬ್ಬದ ದಿನಗಳಲ್ಲಿ ಜನರು ತಡವಾಗಿ ತಿಂಡಿ, ಊಟ ಮಾಡುತ್ತಾರೆ. ನಾವು ಹಬ್ಬದಂದು ಬೆಳಗ್ಗೆ ತಿಂಡಿಗೆ ವಿಶೇಷ ರೆಸಿಪಿ ತಂದಿದ್ದೇವೆ. ಯಾವಾಗಲೂ ಹಬ್ಬಕ್ಕೆ ಒಂದೇ ರೀತಿಯ ಖಾದ್ಯ ತಯಾರಿಸಿ ಬೇಸರವಾಗಿದೆ ಎನ್ನುವವರು ಈ ತಿಂಡಿಯನ್ನು ಟ್ರೈ ಮಾಡಿ.

ಸಂಕ್ರಾಂತಿಗೆ ಆಯಾ ಪ್ರದೇಶದಲ್ಲಿ ಜನಪ್ರಿಯ ಸಾಂಪ್ರದಾಯಿಕ ಭಕ್ಷ್ಯ ತಯಾರಿಸಲಾಗುತ್ತದೆ. ಮಕರ ಸಂಕ್ರಾಂತಿಯಲ್ಲಿ ಕೊರೆಯುವ ಚಳಿಯಿರುತ್ತದೆ. ಇಂತಹ ಸಮಯದಲ್ಲಿ ರುಚಿಕರ ಖಾದ್ಯದ ಜೊತೆ ಹಬ್ಬ ಆಚರಿಸುವುದು ಸೂಕ್ತ.

ಹಬ್ಬದ ದಿನ ಬೆಳಗಿನ ತಿಂಡಿಗೆ ಮಹಾರಾಷ್ಟ್ರದ ವಿಶೇಷ ಖಾದ್ಯ ಪುರನ್ ಪೋಲಿ ತಯಾರಿಸಿ. ತಿನ್ನಿರಿ. ರೆಸಿಪಿ ತಿಳಿಯೋಣ.

ಪುರನ್ ಪೋಲಿ ಖಾದ್ಯ ತಯಾರಿಸಲು ಬೇಕಾಗುವ ಪದಾರ್ಥಗಳು

ಮುಕ್ಕಾಲು ಕಪ್ ಚನಾ ದಾಲ್, ಒಂದೂವರೆ ಕಪ್ ತುರಿದ ಬೆಲ್ಲ, ಒಂದು ಚಿಟಿಕೆ ಕೇಸರಿ, ಕಾಲು ಟೀಸ್ಪೂನ್ ಹಸಿರು ಏಲಕ್ಕಿ ಪುಡಿ, ಒಂದು ಚಿಟಿಕೆ ಜಾಯಿಕಾಯಿ ಪುಡಿ, ಒಂದೂವರೆ ಕಪ್ ಹಿಟ್ಟು, ಉಪ್ಪು, ಶುದ್ಧ ತುಪ್ಪ ಬೇಕು.

ಪುರನ್ ಪೋಲಿ ತಯಾರಿಸುವುದು ಹೇಗೆ?

ಮೊದಲು ಮೈದಾ ಹಿಟ್ಟನ್ನು ನೀರು ಹಾಕಿ, ಚಿಟಿಕೆ ಉಪ್ಪು ಮತ್ತು ತುಪ್ಪ ಹಾಕಿ ಚೆನ್ನಾಗಿ ನಾದಿಕೊಳ್ಳಿ ಮತ್ತು ಒಂದು ಗಂಟೆ ನೆನೆಯಲು ಬಿಡಿ. ನಂತರ ಕಡಲೆಬೇಳೆಯನ್ನು ಚೆನ್ನಾಗಿ ತೊಳೆದು ಕುದಿಸಿ,

ಫಿಲ್ಟರ್ ಮಾಡಿ ಮತ್ತು ನುಣ್ಣಗೆ ರುಬ್ಬಿಕೊಳ್ಳಿ. ಬಾಣಲೆಯಲ್ಲಿ ಬೇಳೆಕಾಳು, ತುರಿದ ಬೆಲ್ಲ, ಕೇಸರಿ, ಏಲಕ್ಕಿ ಪುಡಿ ಮತ್ತು ಜಾಯಿಕಾಯಿ ಪುಡಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಅದು ಒಣಗುವವರೆಗೆ ಬೆರೆಸುತ್ತಾ ಚೆನ್ನಾಗಿ ಬೇಯಿಸಿ. ಒಂದು ಮೃದುವಾದ ಗಟ್ಟಿ ಹದಕ್ಕೆ ಬಂದ ನಂತರ ಕೆಳಗಿಳಿಸಿ. ಈಗ ನಾದಿ ಇಟ್ಟಿದ್ದ ಹಿಟ್ಟಿನ ಸಣ್ಣ ಸಣ್ ಉಂಡೆ ಮಾಡಿ. ಹಿಟ್ಟಿನ ಉಂಡೆಯನ್ನು ಅಗಲ ಮಾಡಿ, ಅದರೊಳಗೆ ಕಡಲೆಬೇಳೆಯ ಮಿಶ್ರಣದ ಚಿಕ್ಕ ಭಾಗ ತುಂಬಿರಿ.

ನಂತರ ಉಂಡೆಯನ್ನು ನಿಧಾನಕ್ಕೆ ಲಟ್ಟಿಸಿ. ತವೆ ಬಿಸಿ ಮಾಡಿ, ತುಪ್ಪ ಅಥವಾ ಎಣ್ಣೆ ಹಾಕಿ, ಎರಡೂ ಬದಿಯನ್ನು ಚೆನ್ನಾಗಿ ಬೇಯಿಸಿ. ಈಗ ನಿಮ್ಮ ಇಷ್ಟದ ಸಿಹಿ ರೆಡಿಯಾಗಿದೆ.

ಸಾಂದರ್ಭಿಕ ಚಿತ್ರ

ಖಾರ ಪೊಂಗಲ್ ರೆಸಿಪಿ

ಖಾರ ಪೊಂಗಲ್ ನ್ನು ಬೆಳಗಿನ ತಿಂಡಿಗೆ ತಯಾರಿಸಿ ತಿನ್ನುತ್ತಾರೆ. ಇದನ್ನು ತಮಿಳುನಾಡಿನ ಪೊಂಗಲ್ ಎನ್ನುತ್ತಾರೆ. ಇದನ್ನು ತಯಾರಿಸಲು ಟೀಸ್ಪೂನ್ ತುಪ್ಪ, ಅರ್ಥ ಕಪ್ ತೊಳೆದ ಅಕ್ಕಿ,

ಅರ್ಧ ಕಪ್ ತೊಳೆದ ಮೂಂಗ್ ದಾಲ್, ನೀರು, ಅರ್ಧ ಟೀಸ್ಪೂನ್ ಉಪ್ಪು, 2 ಚಮಚ ತುಪ್ಪ, ಟೀಸ್ಪೂನ್ ಜೀರಿಗೆ, ಟೀಸ್ಪೂನ್ ಕರಿಮೆಣಸು, ಸಣ್ಣದಾಗಿ ಕೊಚ್ಚಿದ 1 ಇಂಚಿನ ಶುಂಠಿ,  10 ಗೋಡಂಬಿ, ಚಿಟಿಕೆ ಇಂಗು ಬೇಕು.

ಖಾರ ಪೊಂಗಲ್ ತಯಾರಿಸುವ ವಿಧಾನ

ಮೊದಲು ಒತ್ತಡದ ಕುಕ್ಕರ್‌ನಲ್ಲಿ ಒಂದು ಟೀಸ್ಪೂನ್ ತುಪ್ಪ ಬಿಸಿ ಮಾಡಿ. ಅರ್ಧ ಕಪ್ ಅಕ್ಕಿ, ಅರ್ಧ ಕಪ್ ಮೂಂಗ್ ದಾಲ್ ಸೇರಿಸಿ ಮತ್ತು ಒಂದು ನಿಮಿಷ ಫ್ರೈ ಮಾಡಿ.ನೀರು ಮತ್ತು ½ ಟೀಸ್ಪೂನ್ ಉಪ್ಪು ಸೇರಿಸಿ. ಚೆನ್ನಾಗಿ ಬೆರೆಸಿ.

ನಂತರ ಮಧ್ಯಮ ಉರಿಯಲ್ಲಿ ಬೇಯಿಸಿ. ನಂತರ ಕುಕ್ಕರ್ ತೆರೆಯಿರಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ. ಬಾಣಲೆಯಲ್ಲಿ ತುಪ್ಪ ಬಿಸಿ ಮಾಡಿ.

ಇದನ್ನೂ ಓದಿ: ಈ ಸೂಪರ್ ಫುಡ್ ತಿಂದ್ರೆ ನಿಮ್ಮ ಮಕ್ಕಳು ಆಕ್ಟಿವ್ ಮತ್ತು ಸ್ಟ್ರಾಂಗ್ ಆಗಿರೋದು ಪಕ್ಕಾ

ಅದಕ್ಕೆ ಜೀರಿಗೆ, ಕರಿಮೆಣಸು, ಶುಂಠಿ, ಮೆಣಸಿನಕಾಯಿ, ಗೋಡಂಬಿ ಮತ್ತು ಒಂದು ಚಿಟಿಕೆ ಇಂಗು ಸೇರಿಸಿ. ಹುರಿಯಿರಿ. ಬೇಯಿಸಿದ ಅನ್ನ ಮತ್ತು ದಾಲ್ ಹಾಕಿ ಮಿಶ್ರಣ ಮಾಡಿ. ತುಪ್ಪ ಸೇರಿಸಿ ಸವಿಯಿರಿ.