• Home
  • »
  • News
  • »
  • lifestyle
  • »
  • Yoga For Brain: ಅತಿಯಾದ ಒತ್ತಡ ಭಾರೀ ಡೇಂಜರ್! ಆತಂಕ ನಿವಾರಿಸಲು 5 ಯೋಗಾಸನ!

Yoga For Brain: ಅತಿಯಾದ ಒತ್ತಡ ಭಾರೀ ಡೇಂಜರ್! ಆತಂಕ ನಿವಾರಿಸಲು 5 ಯೋಗಾಸನ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಭ್ರಮರಿ ಪ್ರಾಣಾಯಾಮವು ಮನಸ್ಸನ್ನು ಶಾಂತಗೊಳಿಸುತ್ತದೆ. ಒತ್ತಡ ಮತ್ತು ಆಯಾಸ, ಆತಂಕ, ಕೋಪ ಮತ್ತು ಹತಾಶೆ ನಕಾರಾತ್ಮಕ ಭಾವನೆಗಳನ್ನು ನಿವಾರಿಸುತ್ತದೆ. ಪದ್ಮಾಸನ ಒತ್ತಡದ ದಿನದ ನಂತರ ನಿಮ್ಮ ಮನಸ್ಸು ಮತ್ತು ದೇಹಕ್ಕೆ ವಿಶ್ರಾಂತಿ ನೀಡುತ್ತದೆ.

  • Share this:

    ದೇಹ (Body) ಮತ್ತು ಮನಸ್ಸನ್ನು (Mind) ಕನೆಕ್ಟ್ (Connect) ಮಾಡುವುದು ಮತ್ತು ಆರೋಗ್ಯಕರವಾಗಿ (Healthy) ಇಡುವುದೇ ಯೋಗ (Yoga). ವಯಸ್ಸಾದಂತೆ ದೇಹವಷ್ಟೇ ಅಲ್ಲ, ಮನಸ್ಸಿಗೂ ವಯಸ್ಸಾಗುತ್ತದೆ. ಹಾಗಾಗಿ ವಯಸ್ಸಾದವರು ಆಗಾಗ್ಗೆ ವಿಷಯಗಳನ್ನು ಮರೆತು ಬಿಡುವ ಸಮಸ್ಯೆ ಎದುರಿಸುತ್ತಾರೆ. ಜೀವನದ ಆರಂಭಿಕ ವರ್ಷಗಳಲ್ಲಿ, ಮೆದುಳು ಪ್ರತಿ ಸೆಕೆಂಡಿಗೆ ಮಿಲಿಯನ್‌ಗಿಂತಲೂ ಹೆಚ್ಚು ಹೊಸ ನರ ಸಂಪರ್ಕಗಳನ್ನು ಮಾಡುತ್ತದೆ ಎಂದು ತಜ್ಞರು ಹೇಳುತ್ತಾರೆ. 6 ನೇ ವಯಸ್ಸಿಗೆ ಮೆದುಳಿನ ಗಾತ್ರವು ಅದರ ಪರಿಮಾಣದ ಸುಮಾರು 90 ಪ್ರತಿಶತದಷ್ಟು ಹೆಚ್ಚು ಬೆಳೆಯುತ್ತದೆ. ನಂತರ, ವ್ಯಕ್ತಿಯ 30 ಮತ್ತು 40 ರ ನಂತರ, ಅವರ ಮೆದುಳು ಕುಗ್ಗಲು ಪ್ರಾರಂಭಿಸುತ್ತದೆ.


    ಭ್ರಮರಿ ಪ್ರಾಣಾಯಾಮ


    ಪ್ರಯೋಜನಗಳು


    ಭ್ರಮರಿ ಪ್ರಾಣಾಯಾಮವು ಮನಸ್ಸನ್ನು ಶಾಂತಗೊಳಿಸುತ್ತದೆ. ಒತ್ತಡ ಮತ್ತು ಆಯಾಸ, ಆತಂಕ, ಕೋಪ ಮತ್ತು ಹತಾಶೆ ನಕಾರಾತ್ಮಕ ಭಾವನೆಗಳನ್ನು ನಿವಾರಿಸುತ್ತದೆ.


    ಭ್ರಮರಿ ಪ್ರಾಣಾಯಾಮ ಮಾಡುವುದು ಹೇಗೆ?


    ಬಾಯಿಯ ಎರಡೂ ಬದಿಗಳಲ್ಲಿ ಕಾನಿಷ್ಕ ಬೆರಳು, ಮೂಗಿನ ಎರಡೂ ಬದಿಗಳಲ್ಲಿ ಉಂಗುರದ ಬೆರಳು, ಕಣ್ಣುಗಳ ಮೂಲೆಗಳಲ್ಲಿ ಮಧ್ಯದ ಬೆರಳು, ಎರಡೂ ಬದಿಗಳಲ್ಲಿ ತೋರುಬೆರಳು ಮತ್ತು ಹೆಬ್ಬೆರಳಿನಿಂದ ನಿಮ್ಮ ಎರಡೂ ಕಿವಿಗಳನ್ನು ಮುಚ್ಚಿ.


    ಈಗ ಮೂಗಿನ ಮೂಲಕ ಉಸಿರಾಡಿ, ಸ್ವಲ್ಪ ಸಮಯ ವಿರಾಮಗೊಳಿಸಿ, ಈಗ ಉಸಿರನ್ನು ಬಿಡಿ ಮತ್ತು ಜೇನುನೊಣದ ಝೇಂಕರಿಸುವ ಶಬ್ದ ಹೊರಹೊಮ್ಮಿಸಿ. ಬಾಯಿ ಮುಚ್ಚಿರಿ. ಮೂಗಿನ ಮೂಲಕ ಉಸಿರಾಡಿ ಇದನ್ನು ದಿನವೂ 5-7 ಬಾರಿ ಮಾಡಿ.


    ಇದನ್ನೂ ಓದಿ: ಮೂತ್ರದ ಬಣ್ಣ ಗಾಢವಾಗಿ ನೊರೆ ಇದ್ದರೆ ನಿರ್ಲಕ್ಷ್ಯ ಬೇಡ! ಅಪಾಯಕಾರಿ ರೋಗದ ಲಕ್ಷಣಗಳಿವು


    ಪದ್ಮಾಸನ


    ಪ್ರಯೋಜನಗಳು


    ಪದ್ಮಾಸನ ಒತ್ತಡದ ದಿನದ ನಂತರ ನಿಮ್ಮ ಮನಸ್ಸು ಮತ್ತು ದೇಹಕ್ಕೆ ವಿಶ್ರಾಂತಿ ನೀಡುತ್ತದೆ.


    ಪದ್ಮಾಸನ ಹೇಗೆ ಮಾಡುವುದು?


    ನಿಮ್ಮ ಬಲ ಪಾದವನ್ನು ನಿಮ್ಮ ಎಡ ತೊಡೆಯ ಮೇಲೆ ಮತ್ತು ನಿಮ್ಮ ಎಡ ಪಾದವನ್ನು ನಿಮ್ಮ ಬಲ ತೊಡೆಯ ಮೇಲೆ ಇರಿಸಿ, ನಿಮ್ಮ ಪಾದಗಳ ಅಡಿಭಾಗವನ್ನು ಮೇಲಕ್ಕೆತ್ತಿ ಕುಳಿತುಕೊಳ್ಳಿ. ನಿಮ್ಮ ತೋರುಬೆರಳು ಮತ್ತು ಹೆಬ್ಬೆರಳನ್ನು ಒಟ್ಟಿಗೆ ಇರಿಸಿ, ನಿಮ್ಮ ಕೈಗಳನ್ನು ಮುದ್ರೆಯ ಸ್ಥಾನದಲ್ಲಿ ಇರಿಸಿ ಮತ್ತು ನಿಮ್ಮ ಉಳಿದ ಬೆರಳುಗಳನ್ನು ಕೆಳಕ್ಕೆ ಚಾಚಿ. ಆಳ ಉಸಿರಾಡಿ.


    ಪಶ್ಚಿಮೋತ್ತನಾಸನ


    ಪ್ರಯೋಜನಗಳು


    ಈ ಆಸನವು ಇಡೀ ದಿನ ಕುರ್ಚಿಯಲ್ಲಿ ಕುಳಿತ ನಂತರ ನಿಮ್ಮ ಬೆನ್ನುಮೂಳೆಯನ್ನು ಹಿಗ್ಗಿಸಲು ಸಹಾಯ ಮಾಡುತ್ತದೆ. ಕೆಳ ಬೆನ್ನಿನ ಒತ್ತಡ ನಿವಾರಿಸುತ್ತದೆ. ಮನಸ್ಸನ್ನು ಶಾಂತಗೊಳಿಸುತ್ತದೆ ಮತ್ತು ರಕ್ತ ಪೂರೈಕೆ ಹೆಚ್ಚಿಸುತ್ತದೆ. ಇದು ಕಿರಿಕಿರಿ ಮತ್ತು ಕೋಪ ಹಾಗೂ ನಕಾರಾತ್ಮಕ ಭಾವನೆ ನಿವಾರಿಸುತ್ತದೆ.


    ಪಶ್ಚಿಮೋತ್ತಾಸನ ಹೇಗೆ ಮಾಡುವುದು?


    ಎರಡೂ ಕಾಲುಗಳನ್ನು ನೇರವಾಗಿ ಚಾಚಿ ನೆಲದ ಮೇಲೆ ಕುಳಿತುಕೊಳ್ಳಿ. ಎರಡು ಕಾಲುಗಳ ನಡುವೆ ಯಾವುದೇ ಅಂತರವಿರಬಾರದು ಮತ್ತು ಕಾಲುಗಳನ್ನು ಸಾಧ್ಯವಾದಷ್ಟು ನೇರವಾಗಿ ಇರಿಸಿ. ಕುತ್ತಿಗೆ, ತಲೆ ಮತ್ತು ಬೆನ್ನುಮೂಳೆಯನ್ನು ನೇರವಾಗಿಸಿ. ನಿಮ್ಮ ಎರಡೂ ಅಂಗೈಗಳನ್ನು ಎರಡೂ ಮೊಣಕಾಲುಗಳ ಮೇಲೆ ಇರಿಸಿ. ಈಗ ನಿಮ್ಮ ತಲೆ ಮತ್ತು ಮುಂಡವನ್ನು ಮುಂದಕ್ಕೆ ತಿರುಗಿಸಿ ಮತ್ತು ನಿಮ್ಮ ಮೊಣಕಾಲುಗಳನ್ನು ಬಗ್ಗಿಸದೆ ಕೈಗಳ ಬೆರಳುಗಳಿಂದ ಕಾಲ್ಬೆರಳುಗಳನ್ನು ಸ್ಪರ್ಶಿಸಲು ಪ್ರಯತ್ನಿಸಿ.


    ಇದನ್ನು ಮಾಡುವಾಗ ಆಳವಾದ ಉಸಿರು ತೆಗೆದುಕೊಳ್ಳಿ. ಮತ್ತು ಹೊರಗೆ ಬಿಡಿ. ನಿಮ್ಮ ತಲೆಯಿಂದ ಎರಡೂ ಮೊಣಕಾಲುಗಳು ಮತ್ತು ಮೊಣಕೈಗಳಿಂದ ನೆಲವನ್ನು ಸ್ಪರ್ಶಿಸಲು ಪ್ರಯತ್ನಿಸಿ. ನಂತರ ಸಾಮಾನ್ಯ ಭಂಗಿಗೆ ಹಿಂತಿರುಗಿ ಮತ್ತು ಆರಾಮವಾಗಿ ಉಸಿರಾಡಿ. ಈ ಆಸನವನ್ನು 3 ರಿಂದ 4 ಬಾರಿ ಪುನರಾವರ್ತಿಸಿ.


    ನಾಡಿಸುಧಿ ಪ್ರಾಣಾಯಾಮ


    ಪ್ರಯೋಜನಗಳು


    ಈ ಆಸನ ನಿಮ್ಮ ಮೆದುಳಿಗೆ ಹೆಚ್ಚುವರಿ ಆಮ್ಲಜನಕ ಒದಗಿಸುತ್ತದೆ. ಆಸನಗಳನ್ನು ಒತ್ತಡ ಮತ್ತು ಆತಂಕ ಕಡಿಮೆ ಮಾಡುತ್ತದೆ.


    ನಾಡಿಸುಧಿ ಪ್ರಾಣಾಯಾಮ ಹೇಗೆ ಮಾಡುವುದು?


    ಅಡ್ಡ-ಕಾಲಿನ ಸ್ಥಾನದಲ್ಲಿ ಆರಾಮವಾಗಿ ಕುಳಿತುಕೊಳ್ಳಿ ಮತ್ತು ಆಳವಾಗಿ ಉಸಿರು ಬಿಡಿ. ನಿಮ್ಮ ಹೆಬ್ಬೆರಳಿನಿಂದ ನಿಮ್ಮ ಬಲ ಮೂಗಿನ ಹೊಳ್ಳೆ ಮುಚ್ಚಿ ಮತ್ತು ಎಡ ಹೊಳ್ಳೆಯಿಂದ ಉಸಿರಾಡಿ. ನಂತರ, ನಿಮ್ಮ ಬಲ ಮೂಗಿನ ಹೊಳ್ಳೆಯನ್ನು ತೆರೆಯುವ ಮೊದಲು, ನಿಮ್ಮ ಎರಡೂ ಮೂಗಿನ ಹೊಳ್ಳೆಗಳನ್ನು ಕೆಲವು ಸೆಕೆಂಡುಗಳ ಕಾಲ ಮುಚ್ಚಿ ಮತ್ತು ಅದರಿಂದ ಉಸಿರನ್ನು ಬಿಡುವಾಗ, ಎಡ ಹೊಳ್ಳೆವನ್ನು ಮುಚ್ಚಿರಿ. ಪುನರಾವರ್ತಿಸಿ.


    ತಾಡಾಸನ


    ಪ್ರಯೋಜನಗಳು


    ಚಡಪಡಿಕೆ, ನಿದ್ರಾಹೀನತೆಯ ಸಮಸ್ಯೆ ನಿವಾರಿಸುತ್ತದೆ. ತಲೆನೋವು ಮತ್ತು ನಿದ್ರಾಹೀನತೆ ಪರಿಹಾರ ನೀಡುತ್ತದೆ.


    ಇದನ್ನೂ ಓದಿ: ನಿಮ್ಮ ಅಡುಗೆ ಮನೆಯಲ್ಲೇ ಸಿಗುವ ಪದಾರ್ಥಗಳಿಂದ ತೂಕ ಇಳಿಸುವ ಪ್ರಯತ್ನವನ್ನು ಸುಲಭವಾಗಿಸಿ!


    ತಾಡಾಸನ ಹೇಗೆ ಮಾಡುವುದು?


    ನೇರವಾಗಿ ನಿಂತು, ನಿಮ್ಮ ಪಾದಗಳ ನಡುವಿನ ಅಂತರವನ್ನು ಸೊಂಟದಂತೆ ಇರಿಸಿ. ಪರಸ್ಪರ ಬೆರಳುಗಳನ್ನು ಹಿಡಿದಿಟ್ಟುಕೊಳ್ಳುವ ಮೂಲಕ ಉಸಿರಾಡಿ. ಬೆರಳುಗಳನ್ನು ಮೇಲಕ್ಕೆ ಸರಿಸಿ. ಇದನ್ನು ಮಾಡುವಾಗ, ಹಿಮ್ಮಡಿಗಳನ್ನು ಮೇಲಕ್ಕೆತ್ತಿ ಮತ್ತು ಕಾಲ್ಬೆರಳುಗಳ ಮೇಲೆ ನಿಲ್ಲಲು ಪ್ರಯತ್ನಿಸಿ. ದೇಹದ ಭಾಗಗಳನ್ನು ಪಾದಗಳಿಂದ ತಲೆಗೆ ಮೇಲಕ್ಕೆ ವಿಸ್ತರಿಸಲು ಪ್ರಯತ್ನಿಸಿ. ಕೈ ಮತ್ತು ಕಣಕಾಲುಗಳನ್ನು ಕೆಳಗೆ ತರುವಾಗ ಉಸಿರು ಬಿಡಿ. ಕೆಳಗೆ ಬರುವಾಗ ಕೈಗಳು ಸಡಿಲವಾಗದಂತೆ ನೋಡಿಕೊಳ್ಳಿ. ಪುನರಾವರ್ತಿಸಿ.

    Published by:renukadariyannavar
    First published: