Health Tips: ಮಕ್ಕಳಿಗೆ ಬೆಳ್ಳಿ ಪಾತ್ರೆಗಳಲ್ಲಿ ಆಹಾರ ನೀಡುವುದು ಆರೋಗ್ಯಕರವಂತೆ! ಏಕೆ ಗೊತ್ತೇ?

ನಾವು ಚಿಕ್ಕ ಮಕ್ಕಳಿದ್ದಾಗ (Childrens) ನಮ್ಮ ಅಜ್ಜಿ ಅಥವಾ ತಾತ ನಮಗೆ ಮೊದಲ ಬಾರಿಗೆ ಆಹಾರ ತಿನ್ನಿಸಲು ಬೆಳ್ಳಿ ಚಮಚ (Silver Spoon) ಮತ್ತು ಚಿಕ್ಕ ಪುಟ್ಟ ಬಟ್ಟಲುಗಳು ಮತ್ತು ಚಿಕ್ಕ ತಟ್ಟೆಯನ್ನು ತೆಗೆದುಕೊಂಡು ಬಂದು ನಮ್ಮ ತಂದೆ ತಾಯಿಗೆ ಕೊಟ್ಟಿರುವುದನ್ನು ನಾವು ನೋಡಿರುತ್ತೇವೆ. ನಮ್ಮ ತಂದೆ ತಾಯಿಗೆ ಅದನ್ನು ನೀಡಿ ಮಗುವಿಗೆ ಅದರಲ್ಲಿಯೇ ಮೊದಲ ಬಾರಿ ಆಹಾರ ತಿನ್ನಿಸುವಂತೆ ಸಹ ಹೇಳಿರುತ್ತಾರೆ. ಬೆಳ್ಳಿಯ ಪಾತ್ರೆಯಲ್ಲಿ ಆಹಾರ ತಿನ್ನಿಸುವುದು ಮಕ್ಕಳ ಆರೋಗ್ಯಕ್ಕೆ (Health) ಒಳ್ಳೆಯದು ಅಂತ ಅನೇಕರು ಹೇಳುತ್ತಾರೆ. ಇದಕ್ಕೆ ಉತ್ತರ ಇಲ್ಲಿದೆ ನೋಡಿ, ನಮ್ಮಲ್ಲಿ ಮಗುವಿನ ಜನನದಿಂದ ಹಿಡಿದು ಮದುವೆ ಸಮಾರಂಭಗಳು, ಹಬ್ಬಗಳು ಮತ್ತು ಅನೇಕ ಸಂತೋಷಕರವಾದ ಸಂದರ್ಭಗಳವರೆಗೆ, ಅದ್ಭುತ ಉದಾಹರಣೆಯಾಗಿ ನಿಲ್ಲುವ ಏನಾದರೂ ಇದ್ದರೆ ಅದು ಲೋಹ ಆಧಾರಿತ ಪಾತ್ರೆಗಳ ಬಳಕೆಯಾಗಿರುತ್ತದೆ ಅಂತ ಹೇಳಬಹುದು. ಬೆಳ್ಳಿಯನ್ನು ಶುಭಸಂಕೇತವಾಗಿ ಪೂಜೆ-ಪುನಸ್ಕಾರಗಳಲ್ಲಿ ಸಹ ಬಳಸಲಾಗುತ್ತದೆ

ಯುಗಗಳಿಂದಲೂ, ಮಕ್ಕಳಿಗೆ ಆಹಾರ ನೀಡಲು ಬೆಳ್ಳಿಯ ಪಾತ್ರೆಗಳ ಬಳಕೆಯ ಬಗ್ಗೆ ನಾವು ಅನೇಕ ಬಾರಿ ಕೇಳಿರುತ್ತೇವೆ. ವಾಸ್ತವವಾಗಿ, ಕೆಲವು ಸಂಸ್ಕೃತಿಗಳಲ್ಲಿ ಮಗುವಿಗೆ ಬೆಳ್ಳಿಯ ಚಮಚವನ್ನು ಬಳಸಿಯೇ ಅವನಿಗೆ ಅಥವಾ ಅವಳಿಗೆ ಮೊದಲ ಬಾರಿ ಊಟವನ್ನು ನೀಡಲಾಗುತ್ತದೆ ಮತ್ತು ಇದು ನಿಜವಾಗಿಯೂ ಆರೋಗ್ಯಕರವೇ ಅಂತ ಇಲ್ಲಿ ತಿಳಿದುಕೊಳ್ಳೋಣ ಬನ್ನಿ.

ಇದು ಕೇವಲ ಅದರ ಪರಿಶುದ್ಧತೆ ಮತ್ತು ಈ ಲೋಹವು ಆರೋಗ್ಯದ ಅಂಶವನ್ನು ಹೇಗೆ ಹೆಚ್ಚಿಸುತ್ತದೆ ಎಂಬುದೇ ಇದಕ್ಕೆ ಕಾರಣ. ಬೆಳ್ಳಿ ಪಾತ್ರೆಯಲ್ಲಿ ತಿನ್ನುವುದು ಆರೋಗ್ಯಕರವೆಂದು ಪರಿಗಣಿಸಲು ಇದು ಒಂದು ಕಾರಣವಾಗಿದೆ. ಅದರ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಮುಂದೆ ಓದಿ.

ಇದನ್ನೂ ಓದಿ: ಹೋಳಿ ಆಡಲು ರೆಡಿ ಆಗ್ತಿದ್ದೀರಾ? ಹಾಗಾದ್ರೆ ಹುಷಾರ್ ನಿಮ್ಮ ಹೃದಯಕ್ಕೆ ಕಾದಿದೆ ಆಪತ್ತು!

1. ಅನೇಕ ರೋಗಗಳ ವಿರುದ್ಧ ಇದು ಹೋರಾಡುತ್ತದೆ

ಬೆಳ್ಳಿ ಪಾತ್ರೆಯಲ್ಲಿ ಮಗುವಿಗೆ ಆಹಾರವನ್ನು ತಿನ್ನಿಸುವುದು ಚಯಾಪಚಯವನ್ನು ನಿರ್ಮಿಸಲು ಮತ್ತು ಮಗುವಿನ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಇದಲ್ಲದೆ, ಬೆಳ್ಳಿ ಪಾತ್ರೆಗಳಲ್ಲಿ ಆಹಾರ ತಿನ್ನಿಸುವುದು ಮಗುವಿಗೆ ಹಲವಾರು ರೋಗಗಳನ್ನು ತಡೆಯುತ್ತದೆ ಎಂದು ಸಾಬೀತಾಗಿದೆ.

2. ಕಾಲೋಚಿತ ಕಾಯಿಲೆಗಳ ವಿರುದ್ಧ ಹೋರಾಡುತ್ತದೆ

ಲೋಹದ ಸ್ವಭಾವದ ದೃಷ್ಟಿಯಿಂದ ಬೆಳ್ಳಿ ತಂಪಾಗಿದ್ದರೂ, ಇದು ಕಾಲೋಚಿತ ಕಾಯಿಲೆಗಳ ವಿರುದ್ಧ ಹೋರಾಡಲು ಸಹಾಯ ಮಾಡುವ ಸಾಕಷ್ಟು ಖನಿಜಗಳನ್ನು ಹೊಂದಿದೆ. ವಾಸ್ತವವಾಗಿ, ಬೆಳ್ಳಿ ಗ್ಲಾಸ್ ನಲ್ಲಿ ಮಕ್ಕಳಿಗೆ ನೀರು ಕುಡಿಸುವುದರಿಂದ ಮಕ್ಕಳನ್ನು ಕಾಲೋಚಿತ ಸಮಸ್ಯೆಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ ಎಂದು ಗಮನಿಸಲಾಗಿದೆ.

3. ಬೆಳ್ಳಿ ನೀರನ್ನು ಶುದ್ಧೀಕರಿಸುತ್ತದೆ

ಬೆಳ್ಳಿ ಬಟ್ಟಲಲ್ಲಿ ಇರುವಂತಹ ಖನಿಜಗಳ ಉಪಸ್ಥಿತಿಯು ನೀರನ್ನು ಶುದ್ಧೀಕರಿಸಲು ಸಹಾಯ ಮಾಡುತ್ತದೆ ಮತ್ತು ಯಾವುದೇ ರೀತಿಯ ಕಲಬೆರಕೆಗಳ ವಿರುದ್ಧ ಸಹ ಇದು ಹೋರಾಡುತ್ತದೆ. ಹೀಗಾಗಿ, ಬೆಳ್ಳಿ ಪಾತ್ರೆಗಳಲ್ಲಿ ನೀರು ಕುಡಿಯುವುದು ಯಾವಾಗಲೂ ಒಳ್ಳೆಯದು ಎಂದು ಹೇಳಲಾಗುತ್ತದೆ.

ಸಾಂಕೇತಿಕ ಚಿತ್ರ

4. ಮೆದುಳಿನ ಶಕ್ತಿಯನ್ನು ಹೆಚ್ಚಿಸುತ್ತದೆ

ಬೆಳ್ಳಿಯ ಸಾರಗಳನ್ನು ಹಲವಾರು ಆಯುರ್ವೇದ ಔಷಧಿಗಳಲ್ಲಿ ಸಕ್ರಿಯ ಘಟಕಾಂಶವಾಗಿ ಬಳಸಲಾಗುತ್ತದೆ. ಇದು ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಆದರೆ ಅದೇ ಸಮಯದಲ್ಲಿ ಇದು ಬೆಳೆಯುತ್ತಿರುವ ಮಕ್ಕಳಲ್ಲಿ ಮೆದುಳಿನ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಹೀಗಾಗಿ, ಮಕ್ಕಳಿಗೆ ಬೆಳ್ಳಿ ಪಾತ್ರೆಗಳಲ್ಲಿ ಆಹಾರ ನೀಡುವುದು ಮಕ್ಕಳನ್ನು ಆರೋಗ್ಯಕರವಾಗಿಡಲು ಉತ್ತಮ ಮಾರ್ಗವಾಗಿದೆ.

ಬಳಸಿದ ನಂತರ ಬೆಳ್ಳಿ ಪಾತ್ರೆಗಳನ್ನು ಸ್ವಚ್ಛಗೊಳಿಸುವುದು ಹೇಗೆ?

ಬೆಳ್ಳಿಯ ಪಾತ್ರೆಗಳಲ್ಲಿ ಮಕ್ಕಳಿಗೆ ಆಹಾರ ತಿನ್ನಿಸಿ ಆದ ನಂತರ ಅವುಗಳನ್ನು ಹೇಗೆ ಸ್ವಚ್ಛ ಮಾಡಬೇಕು ಅಂತ ಅನೇಕರಿಗೆ ಅನೇಕ ರೀತಿಯ ಗೊಂದಲಗಳಿರುತ್ತದೆ. ಬೆಳ್ಳಿಯ ಪಾತ್ರೆಗಳನ್ನು ಊಟ ಮಾಡಿಸಿದ ನಂತರ ಸ್ವಲ್ಪ ಸಾಬೂನು ಮತ್ತು ನೀರಿನ ಸಹಾಯದಿಂದ ಸುಲಭವಾಗಿ ಸ್ವಚ್ಛಗೊಳಿಸಬಹುದು. ಮೊದಲಿಗೆ ಬೆಳ್ಳಿಯನ್ನು ಬೆಚ್ಚಗಿನ ನೀರಿನಲ್ಲಿ ತೊಳೆಯುವ ಮೂಲಕ ಮತ್ತು ಸ್ವಲ್ಪ ಪಾತ್ರೆ ತೊಳೆಯುವ ಸಾಬೂನಿನಲ್ಲಿ ತೊಳೆಯುವ ಮೂಲಕ ಪ್ರಾರಂಭಿಸಿ.