Fatty Liver: ಈ ಲಕ್ಷಣ ಕಾಣಿಸಿದ್ರೆ ನೆಗ್ಲೆಕ್ಟ್​ ಮಾಡ್ಬೇಡಿ, ಫ್ಯಾಟಿ ಲಿವರ್ ಪ್ರಾಬ್ಲಂ ಇರಬಹುದು

ಈಗಂತೂ ಸಕ್ಕರೆ ಕಾಯಿಲೆ (Diabetes) ಮತ್ತು ಇನ್ನಿತರೆ ಹೃದ್ರೋಗ ಕಾಯಿಲೆಗಳನ್ನು ಹೊರತು ಪಡಿಸಿ ಇನ್ನೊಂದು ಕಾಯಿಲೆ ಜನರನ್ನು ತುಂಬಾನೇ ಕಾಡುತ್ತಿದೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಆ ಕಾಯಿಲೆಯನ್ನು ಕೊಬ್ಬಿನ ಯಕೃತ್ತಿನ ಕಾಯಿಲೆ ಅಥವಾ ಸ್ಟೀಟೋಸಿಸ್ ಅಂತ ಕರೆಯುತ್ತಾರೆ. ಇದು ಸಾಮಾನ್ಯವಾಗಿ ಯಕೃತ್ತಿನಲ್ಲಿ ಕೊಬ್ಬು ಸಂಗ್ರಹವಾಗುವುದರಿಂದ ಸಂಭವಿಸುತ್ತದೆ ಅಂತ ವೈದ್ಯರು (Doctor) ಹೇಳುತ್ತಾರೆ. ಇದನ್ನು ಆಲ್ಕೋಹಾಲ್ (Alcohol) ಫ್ಯಾಟಿ ಲಿವರ್ ಕಾಯಿಲೆ ಅಂತಾನೂ ಕರೆಯುತ್ತಾರೆ. ಎಂದರೆ ಇದು ಆಲ್ಕೋಹಾಲ್ ಅನ್ನು ಹೆಚ್ಚಾಗಿ ಸೇವನೆ ಮಾಡಿದರೆ ಈ ಕಾಯಿಲೆ (Disease) ಬರುತ್ತದೆ ಅಂತ ಈ ಹೆಸರನ್ನು ನೋಡಿದ ತಕ್ಷಣವೇ ಗೊತ್ತಾಗುತ್ತದೆ.

ಆದರೆ ಇದು ದೇಹದಲ್ಲಿನ ಅಧಿಕ ತೂಕದಿಂದಾಗಿ ಸಹ ಸಂಭವಿಸಬಹುದು ಇದನ್ನು ನಾನ್ ಆಲ್ಕೋಹಾಲ್ ಫ್ಯಾಟಿ ಲೀವರ್ ಕಾಯಿಲೆ ಅಂತ ಸಹ ಕರೆಯಲಾಗುತ್ತದೆ. ಪಿತ್ತಜನಕಾಂಗದಲ್ಲಿ ಹೆಚ್ಚಿನ ಮಟ್ಟದ ಕೊಬ್ಬು ಮಧುಮೇಹ, ಅಧಿಕ ರಕ್ತದೊತ್ತಡಕ್ಕೆ ಕಾರಣವಾಗುತ್ತದೆ ಮತ್ತು ಮೂತ್ರಪಿಂಡದ ಮೇಲೂ ಪ್ರತಿಕೂಲ ಪರಿಣಾಮ ಬೀರುತ್ತದೆ. ಆದ್ದರಿಂದ ರೋಗದ ರೋಗಲಕ್ಷಣಗಳನ್ನು ಎಷ್ಟು ಬೆಗವಾಗುತ್ತದೆಯೋ ಅಷ್ಟು ಬೇಗನೆ ಗುರುತಿಸುವುದು ಬಹಳ ಮುಖ್ಯವಾಗುತ್ತದೆ ಇದರಿಂದ ನೀವು ಆದಷ್ಟು ಬೇಗ ವೈದ್ಯಕೀಯ ಸಹಾಯವನ್ನು ಪಡೆಯಬಹುದು.

ಕಿಬ್ಬೊಟ್ಟೆಯಲ್ಲಿ ನೋವು ಕಾಣಿಸಿಕೊಳ್ಳುವುದು

ಕೊಬ್ಬಿನ ಪಿತ್ತಜನಕಾಂಗದಲ್ಲಿ ಕಿಬ್ಬೊಟ್ಟೆಯ ನೋವು ಹೊಟ್ಟೆಯ ಮೇಲ್ಭಾಗದ ಬಲಭಾಗದಲ್ಲಿ ಅಡಚಣೆಯಂತೆ ಭಾಸವಾಗುತ್ತದೆ. ನೋವು ಹೆಚ್ಚಾಗಿ ಕಿಬ್ಬೊಟ್ಟೆಯ ಮೇಲ್ಭಾಗದ ಬಲಭಾಗದಲ್ಲಿ ಕಂಡುಬರುತ್ತದೆ. ನೋವು ನಿರಂತರ ಮಂದವಾದ ನೋವು ಆಗಿದ್ದರೂ, ಕೆಲವೊಮ್ಮೆ ಅದು ಇಡೀ ಕಿಬ್ಬೊಟ್ಟೆಯ ಪ್ರದೇಶವನ್ನು ಅವರಿಸಿಕೊಳ್ಳುತ್ತದೆ. ಕೆಲವೊಮ್ಮೆ, ರೋಗಿಗಳಲ್ಲಿ ಊತವೂ ಸಹ ಕಂಡುಬರುತ್ತದೆ.

ಇದನ್ನೂ ಓದಿ: Child Care: ನಿಮ್ಮ ಮಗು ಪ್ರತ್ಯೇಕತೆಯ ಆತಂಕದಿಂದ ಬಳಲುತ್ತಿದ್ದರೆ ಹೀಗೆ ವರ್ತಿಸುತ್ತೆ ಜೋಪಾನ!

ವಾಕರಿಕೆ ಮತ್ತು ವಾಂತಿ ಆಗುವುದು

ವಾಂತಿ ಮತ್ತು ಅನಾರೋಗ್ಯದ ಅನುಭವವು ಕೊಬ್ಬಿನ ಯಕೃತ್ತಿನ ಕಾಯಿಲೆಯ ವಿಶಿಷ್ಟ ಚಿಹ್ನೆಗಳಾಗಿವೆ. ಕಿಬ್ಬೊಟ್ಟೆಯ ನೋವಿನಿಂದಾಗಿ ಮತ್ತು ಕೆಲವೊಮ್ಮೆ ಹಸಿವಾಗದ ಕಾರಣ ರೋಗಿಯು ನಿರಂತರವಾಗಿ ಅನಾರೋಗ್ಯಕ್ಕೆ ಒಳಗಾಗುತ್ತಾರೆ. ವಿಪರೀತ ದೌರ್ಬಲ್ಯ ಮತ್ತು ಆಯಾಸವು ವ್ಯಕ್ತಿಯನ್ನು ವಾಕರಿಕೆಗೆ ದೂಡುತ್ತದೆ.

ಹಸಿವು ಆಗದೆ ಇರುವುದು

ಹಸಿವು ಆಗದೆ ಇರುವುದು ಕೊಬ್ಬಿನ ಯಕೃತ್ತಿನ ಕಾಯಿಲೆಯ ಮತ್ತೊಂದು ಚಿಹ್ನೆಯಾಗಿದೆ, ಇದು ಇತರ ಅನೇಕ ಆರೋಗ್ಯ ತೊಡಕುಗಳೊಂದಿಗೆ ಬರುತ್ತದೆ. ಆದರೆ ವ್ಯಕ್ತಿಯನ್ನು ದುರ್ಬಲಗೊಳಿಸುವಲ್ಲಿ ಇದು ಕಾರ್ಯನಿರ್ವಹಿಸುತ್ತದೆ. ಈ ಕಾರಣದಿಂದಾಗಿ, ವ್ಯಕ್ತಿಯಲ್ಲಿ ತೀವ್ರವಾದ ತೂಕ ನಷ್ಟವಾಗುತ್ತದೆ. ಇದು ಮತ್ತೆ ತೀವ್ರ ಆಯಾಸಕ್ಕೆ ಕಾರಣವಾಗುತ್ತದೆ. ವಿವರಿಸಲಾಗದ ತೂಕ ಕುಸಿತ ಮತ್ತು ಹಸಿವಿನ ನಷ್ಟವನ್ನು ನಿರ್ಲಕ್ಷಿಸಬೇಕಾಗುತ್ತದೆ.

ಕೊಬ್ಬಿನ ಯಕೃತ್ತಿನ ಕಾಯಿಲೆಯ ಇತರ ಸಾಮಾನ್ಯ ಚಿಹ್ನೆಗಳೆಂದರೆ:

• ಆಲೋಚಿಸಲು ತೊಂದರೆ ಅಥವಾ ಗೊಂದಲವಾಗುವುದು


• ಸುಲಭವಾಗಿ ಜಜ್ಜುಗಾಯ ಅಥವಾ ರಕ್ತಸ್ರಾವವಾಗುವುದು


• ಹಳದಿ ಚರ್ಮ

ಒಬ್ಬ ವ್ಯಕ್ತಿಯು ಬೊಜ್ಜು, ಟೈಪ್ 2 ಮಧುಮೇಹ, ಇನ್ಸುಲಿನ್ ನಿರೋಧಕ, ಥೈರಾಯ್ಡ್ ಸಮಸ್ಯೆಗಳನ್ನು ಹೊಂದಿರುವಾಗ, ಅಧಿಕ ರಕ್ತದೊತ್ತಡ ಮತ್ತು ಹೆಚ್ಚಿನ ಕೊಲೆಸ್ಟ್ರಾಲ್ ಹೊಂದಿರುವಾಗ ಕೊಬ್ಬಿನ ಪಿತ್ತಜನಕಾಂಗದ ಹೆಚ್ಚಿನ ಅಪಾಯದಲ್ಲಿರುತ್ತಾನೆ. ಧೂಮಪಾನ ಮತ್ತು ಮದ್ಯಪಾನದಂತಹ ಅನಾರೋಗ್ಯಕರ ಜೀವನಶೈಲಿ ಅಭ್ಯಾಸಗಳು ಕೊಬ್ಬಿನ ಯಕೃತ್ತಿನ ಪರಿಸ್ಥಿತಿಗಳನ್ನು ಅಭಿವೃದ್ಧಿಪಡಿಸುವ ಅಪಾಯವನ್ನುಂಟು ಮಾಡುತ್ತವೆ.

ವಯಸ್ಸು ಕೂಡ ಒಂದು ಅಪಾಯಕಾರಿ ಅಂಶವಾಗಿದೆ. ನೀವು 50 ವರ್ಷ ದಾಟಿದಾಗ, ನೀವು ಕೊಬ್ಬಿನ ಪಿತ್ತಜನಕಾಂಗಕ್ಕೆ ಹೆಚ್ಚು ಒಳಗಾಗುತ್ತೀರಿ.

ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆಯನ್ನು ಹೇಗೆ ನಿರ್ವಹಿಸುವುದು?

ಆರೋಗ್ಯಕರ ಜೀವನಶೈಲಿ ಕೊಬ್ಬಿನ ಯಕೃತ್ತಿನ ಕಾಯಿಲೆಯನ್ನು ನಿರ್ವಹಿಸಲು ನಿಮಗೆ ಸಹಾಯ ಮಾಡುತ್ತದೆ. ಕೊಬ್ಬಿನ ಪಿತ್ತಜನಕಾಂಗವನ್ನು ತಡೆಗಟ್ಟಲು ದೇಹದ ತೂಕವನ್ನು ನಿಯಂತ್ರಣದಲ್ಲಿಡಬೇಕು. ಯಾವಾಗಲೂ ಆಹಾರದಲ್ಲಿ ಕಾಲೋಚಿತ ಆಹಾರವನ್ನು ಸೇವಿಸಬೇಕು ಮತ್ತು ಸಂಸ್ಕರಿಸಿದ ಆಹಾರವನ್ನು ಸೇವಿಸುವುದನ್ನು ಬಿಡಬೇಕು.

ಆರೋಗ್ಯಕರ ದೇಹಕ್ಕೆ ದೈಹಿಕ ಚಟುವಟಿಕೆ ತುಂಬಾನೇ ಮುಖ್ಯವಾಗಿದೆ. ಮಾನವ ದೇಹವು ಸದೃಢವಾಗಿರಲು ಕನಿಷ್ಠ 150 ನಿಮಿಷಗಳ ದೈಹಿಕ ಚಟುವಟಿಕೆ ಅತ್ಯಗತ್ಯ. ಆಲ್ಕೋಹಾಲ್ ಸೇವನೆ ಮತ್ತು ಧೂಮಪಾನವನ್ನು ಆದಷ್ಟು ಕಡಿಮೆ ಮಾಡಬೇಕು.