Belly Overhang: ನಿಮ್ಮ ಹೊಟ್ಟೆ ಜೋತು ಬಿದ್ದಿದ್ಯಾ? ಹಾಗಿದ್ರೆ ಈ ವ್ಯಾಯಾಮ ಮಾಡಿ

ನೀವು ನಿಮ್ಮ ಜೋತು ಬಿದ್ದಿರುವ ಹೊಟ್ಟೆಯನ್ನು ಬಿಗಿಗೊಳಿಸಿಕೊಳ್ಳಲು ಅನೇಕ ರೀತಿಯ ಕಸರತ್ತುಗಳನ್ನು ಮಾಡಿರುತ್ತೀರಿ. ಆದರೆ ನೀವು ಅದನ್ನು ಬಿಗಿ ಗೊಳಿಸಿಕೊಳ್ಳುವುದು ಹೇಗೆ ಅಂತ ನೀವು ತಿಳಿದುಕೊಳ್ಳಲು ಬಯಸಿದರೆ, ಇಲ್ಲಿದೆ ನೋಡಿ ಕೆಲವು ವ್ಯಾಯಾಮಗಳು.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ತುಂಬಾ ಜನರು ಫಿಟ್ (Fit) ಆಗಿದ್ದರೂ ಸಹ ಅವರ ಹೊಟ್ಟೆ ಒಂದು ರೀತಿಯಲ್ಲಿ ಮುಂದಕ್ಕೆ ಜೋತು ಬಿದ್ದಿರುತ್ತದೆ. ಹೊಟ್ಟೆಯಲ್ಲಿ (Stomach) ಅಷ್ಟೊಂದು ಬೊಜ್ಜು ಇರದೆ ಇದ್ದರೂ ಸಹ ಹೊಟ್ಟೆ ಮಾತ್ರ ಮುಂದಕ್ಕೆ ಬಾಗಿರುತ್ತದೆ. ಇದು ಅನೇಕರಿಗೆ ತುಂಬಾನೇ ಮುಜುಗರ ಪಡುವಂತೆ ಮಾಡುತ್ತದೆ ಮತ್ತು ತುಂಬಾನೇ ಕಿರಿಕಿರಿ ಉಂಟು ಮಾಡುತ್ತದೆ. ಸರಿ, ಹಾಗಾದರೆ ನೀವು ನಿಮ್ಮ ಜೋತು ಬಿದ್ದಿರುವ ಹೊಟ್ಟೆಯನ್ನು ಬಿಗಿಗೊಳಿಸಿಕೊಳ್ಳಲು ಅನೇಕ ರೀತಿಯ ಕಸರತ್ತುಗಳನ್ನು (Exercise) ಮಾಡಿರುತ್ತೀರಿ. ಆದರೆ ನೀವು ಅದನ್ನು ಬಿಗಿ ಗೊಳಿಸಿಕೊಳ್ಳುವುದು ಹೇಗೆ ಅಂತ ನೀವು ತಿಳಿದುಕೊಳ್ಳಲು ಬಯಸಿದರೆ, ಇಲ್ಲಿದೆ ನೋಡಿ ಕೆಲವು ವ್ಯಾಯಾಮಗಳು (Exercise).

ಕೆಲವರು ಈ ಜಿಮ್ ಗಳಿಗೆ ಹೋಗಿ ಕಠಿಣವಾದ ವರ್ಕೌಟ್ ಗಳನ್ನು ಮಾಡುತ್ತಾರೆ ಮತ್ತು ಹೀಗೆ ಮಾಡುವುದರಿಂದ ಆಗುವ ಒಂದು ಉತ್ತಮ ಸಂಗತಿಯೆಂದರೆ ಅವು ಕೇವಲ ಹೊಟ್ಟೆಯ ಅಬ್ಸ್ ವ್ಯಾಯಾಮಗಳಲ್ಲ, ಬದಲಿಗೆ ಹೆಚ್ಚಿನ ಸ್ನಾಯುಗಳನ್ನು ಬಲಪಡಿಸುವ ವ್ಯಾಯಾಮಗಳಾಗಿವೆ, ಇದು ಹೆಚ್ಚು ಕೊಬ್ಬನ್ನು ಕರಗಿಸಲು ಸಹಾಯ ಮಾಡುತ್ತದೆ. ಈ ವ್ಯಾಯಾಮಗಳನ್ನು ಜಿಮ್ ನಲ್ಲಿ ಅತ್ಯುತ್ತಮವಾಗಿ ನಿರ್ವಹಿಸಲಾಗುತ್ತದೆ, ಆದಾಗ್ಯೂ, ನೀವು ಅವುಗಳನ್ನು ಸರಿಯಾದ ಕೆಲವು ಸಲಕರಣೆಗಳೊಂದಿಗೆ ಮನೆಯಲ್ಲಿಯೂ ಮಾಡಬಹುದು.

1. ಕೆಟೆಲ್ ಬೆಲ್ ಗಾಬ್ಲೆಟ್ ಸ್ಕ್ವಾಟ್
ನಿಮ್ಮ ವ್ಯಾಯಾಮವನ್ನು ಪ್ರಾರಂಭಿಸುವ ಮೊದಲು ನೀವು ಕನಿಷ್ಠ 10 ನಿಮಿಷಗಳ ಕಾಲ ವಾರ್ಮ್-ಅಪ್ ಮಾಡುತ್ತೀರಿ ಎಂದು ಖಚಿತಪಡಿಸಿಕೊಳ್ಳಿ. ಈ ವ್ಯಾಯಾಮಕ್ಕಾಗಿ, ನಿಮ್ಮ ಎದೆಯ ನೇರಕ್ಕೆ ಕೆಟಲ್ ಬೆಲ್ ಅನ್ನು ಹಿಡಿದುಕೊಳ್ಳಿ ಮತ್ತು ನೇರವಾಗಿ ನಿಂತುಕೊಳ್ಳಿ. ಈಗ, ನಿಮ್ಮ ಹೊಟ್ಟೆಯನ್ನು ಬಿಗಿಯಾಗಿರಿಸಿ, ನಿಮ್ಮ ಸೊಂಟವನ್ನು ಹಿಂದಕ್ಕೆ ತಳ್ಳಿ, ಮತ್ತು ಸಮಾನಾಂತರವಾಗಿ ಕೆಳಕ್ಕೆ ಕುಳಿತುಕೊಳ್ಳಿ. ನಿಮ್ಮ ಸೊಂಟ ಮತ್ತು ಹಿಮ್ಮಡಿಗಳ ಮೂಲಕ ಇದನ್ನು ಮಾಡಿ. ಇದು ನಿಮ್ಮ ಕ್ವಾಡ್ ಗಳು ಮತ್ತು ಗ್ಲೂಟ್ ಗಳನ್ನು ಮತ್ತಷ್ಟು ಬಗ್ಗಿಸುತ್ತದೆ. ತಲಾ 12 ರೆಪ್ ಗಳ 3 ಸೆಟ್ ಗಳನ್ನು ಪೂರ್ಣಗೊಳಿಸಿ.

2. ಗಾಬ್ಲೆಟ್ ಲ್ಯಾಟರಲ್ ಲಂಜ್
ಮೊದಲು ನೇರವಾಗಿ ನಿಂತುಕೊಳ್ಳಿ ಮತ್ತು ಡಂಬಲ್ ಅನ್ನು ನಿಮ್ಮ ಎದೆಯ ನೇರಕ್ಕೆ ಹಿಡಿದುಕೊಳ್ಳಿ. ನಿಮ್ಮ ಹಿಂಬಾಲಿಸುವ ಕಾಲನ್ನು ನೇರಗೊಳಿಸುವಾಗ, ಒಂದು ಕಾಲಿನಿಂದ ಬದಿಗೆ ಹೆಜ್ಜೆ ಹಾಕಿರಿ. ನಿಮ್ಮ ಹಿಮ್ಮಡಿಯನ್ನು ದೃಢವಾಗಿ ಇರಿಸಿ ಮತ್ತು ನಿಮ್ಮ ಸೊಂಟವನ್ನು ಹಿಂದಕ್ಕೆ ತಳ್ಳಿ. ನಿಮಗೆ ಸಾಧ್ಯವಾದಷ್ಟು ಕಡಿಮೆ ಕುಳಿತುಕೊಳ್ಳಿ. ಪ್ರತಿ ಕಾಲಿಗೂ 8 ರೆಪ್ ಗಳ 3 ರಿಂದ 4 ಸೆಟ್ ಗಳನ್ನು ಮಾಡಿ. ನಿಮ್ಮ ಸಾಮರ್ಥ್ಯದ ಆಧಾರದ ಮೇಲೆ ಡಂಬಲ್ ಗಳ ತೂಕವನ್ನು ನೀವು ಆಯ್ಕೆ ಮಾಡಿರಿ. ನಿಮ್ಮ ಸಾಮರ್ಥ್ಯವು ಸುಧಾರಿಸಿದಂತೆ ನಿಮ್ಮ ಡಂಬಲ್ ಹೊರೆಯನ್ನು ಹೆಚ್ಚಿಸಿಕೊಳ್ಳಬಹುದು.

ಇದನ್ನೂ ಓದಿ:  Walking And Health: ಪ್ರತಿದಿನ ಒಂದು ಕಿಮೀ ವಾಕಿಂಗ್ ಮಾಡಿ ಸಾಕು, ಜೀರ್ಣಕ್ರಿಯೆ ಸಮಸ್ಯೆ ಬರಲ್ಲ

3. ಲ್ಯಾಂಡ್ ಮೈನ್ ಮಿಡೋಸ್ ರೋ
ಲ್ಯಾಂಡ್ ಮೈನ್ ಅಟಾಚ್ಮೆಂಟ್ ನ ಒಳಗೆ ಬಾರ್ ಬೆಲ್ ಅನ್ನು ಇರಿಸಿ. ನಿಮ್ಮ ಬಳಿ ಅದು ಇಲ್ಲದಿದ್ದರೆ, ಅದನ್ನು ಗೋಡೆಯ ಮೂಲೆಗೆ ಲಂಗರು ಹಾಕಿ. ಈಗ ಬಾರ್ ಗೆ ಲಂಬವಾಗಿ ನಿಂತುಕೊಳ್ಳಿ. ನಿಮ್ಮ ಎದೆಯನ್ನು ಎತ್ತರವಾಗಿರಿಸಿ, ಕೋರ್ ಅನ್ನು ಬಿಗಿಯಾಗಿ ಮತ್ತು ನಿಮ್ಮ ಸೊಂಟದಲ್ಲಿ ಮುಂದಕ್ಕೆ ಇರಿಸಿ. ಬಾರ್ ಬೆಲ್ ನ ತುದಿಯನ್ನು ನಿಮ್ಮ ಇನ್ನೊಂದು ತೋಳನ್ನು ನಿಮ್ಮ ಮೊಣಕಾಲಿನ ಮೇಲೆ ಒತ್ತುತ್ತಾ ಓವರ್ ಹ್ಯಾಂಡ್ ಗ್ರಿಪ್ ನಿಂದ ಹಿಡಿದುಕೊಳ್ಳಿ. ನಿಮ್ಮ ಮೊಣಕೈಯಿಂದ ಮುನ್ನಡೆಸಿ, ಅದನ್ನು ನಿಮ್ಮ ಸೊಂಟದ ಕಡೆಗೆ ಹಿಂದಕ್ಕೆ ಓಡಿಸಿ. ನಿಮ್ಮ ತೋಳನ್ನು ಸಂಪೂರ್ಣವಾಗಿ ನೇರಗೊಳಿಸಿ ಮತ್ತು ನಿಮ್ಮ ಭುಜಗಳನ್ನು ಗಟ್ಟಿಯಾಗಿ ಹಿಗ್ಗಿಸಿ.

4. ಡಂಬಲ್ ಪುಶ್ ಪ್ರೆಸ್
ಒಂದು ಜೊತೆ ಡಂಬಲ್ ಗಳನ್ನು ನಿಮ್ಮ ಭುಜದ ಎತ್ತರದಲ್ಲಿ ಹಿಡಿದುಕೊಳ್ಳಿ. ನಿಮ್ಮ ಅಂಗೈಗಳು ಪರಸ್ಪರ ಅಭಿಮುಖವಾಗಿರಬೇಕು. ನಿಮ್ಮ ಕೋರ್ ಅನ್ನು ಬಿಗಿಯಾಗಿಟ್ಟುಕೊಂಡು ಕಾಲು ಸ್ಕ್ವಾಟ್ ನಲ್ಲಿ ಇರಿಸಿ. ನಿಮ್ಮ ತಲೆಯ ಮೇಲೆ ಆ ಭಾರವನ್ನು ಮೇಲಕ್ಕೆತ್ತಿ. ಹೀಗೆ 8 ರೆಪ್ ಗಳ 3 ರಿಂದ 4 ಸೆಟ್ ಗಳನ್ನು ಪೂರ್ಣಗೊಳಿಸಿ.

5. ಬೆಂಚ್ ಗಾರ್ಹಾಮರ್ ರೈಸ್
ಸಮತಟ್ಟಾದ ಬೆಂಚಿನ ಮೇಲೆ ನೀವು ಕುಳಿತುಕೊಳ್ಳಿರಿ. ಆನಂತರ ನಿಮ್ಮ ಕೈಗಳಿಂದ ಮೇಲ್ಭಾಗವನ್ನು ದೃಢವಾಗಿ ಹಿಡಿದುಕೊಳ್ಳಿ. ನಿಮ್ಮ ಮೊಣಕಾಲುಗಳನ್ನು 90 ಡಿಗ್ರಿಗಳಲ್ಲಿ ಬಾಗಿಸಿ ಮತ್ತು ಅವುಗಳನ್ನು ನಿಮ್ಮ ಮುಖದ ಕಡೆಗೆ ಎಳೆಯಿರಿ.

ಇದನ್ನೂ ಓದಿ: Pregnancy And Weight: ಗರ್ಭಧಾರಣೆಯ ನಂತರ ಹೊಟ್ಟೆ ಕೊಬ್ಬನ್ನು ಕಡಿಮೆ ಮಾಡುವುದು ಹೇಗೆ?

ಮತ್ತೊಂದು ರೆಪ್ ಮಾಡುವ ಮೊದಲು ಸ್ಟಾರ್ಟಿಂಗ್ ಪೊಸಿಷನ್ ಗೆ ಮತ್ತೆ ಹಿಂತಿರುಗಿ. 15 ರಿಂದ 20 ರೆಪ್ ಗಳ 3 ರಿಂದ 4 ಸೆಟ್ ಗಳನ್ನು ಹಾಗೆಯೇ ಪೂರ್ಣಗೊಳಿಸಿ. ಈ ವ್ಯಾಯಾಮ ಮಾಡುವಾಗ ನಿಮ್ಮ ಬೆನ್ನು ನೋಯುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಿ.
Published by:Ashwini Prabhu
First published: