Dry Fruits And Health: ಡ್ರೈಫ್ರೂಟ್ಸ್ ಅತಿಯಾದ್ರೆ ತೂಕ ಹೆಚ್ಚೋ ಅಪಾಯ, ಯಾವ ಟೈಂನಲ್ಲಿ ಎಷ್ಟು ತಿನ್ನಬೇಕು?

ಒಣಹಣ್ಣುಗಳು (Dry Fruits) ಮತ್ತು ಬೀಜಗಳು (Nuts) ಅವುಗಳ ಗುಣ ಲಕ್ಷಣಗಳಿಂದಾಗಿ ಸಾಕಷ್ಟು ಜನಪ್ರಿಯತೆ (Famous) ಗಳಿಸಿವೆ. ಅವು ಟೇಸ್ಟಿ (Tasty) ಹಾಗೂ ಆರೋಗ್ಯಕರವಾಗಿಯೂ (Healthy) ಇವೆ. ಇನ್ನೂ ಹೆಚ್ಚು ಅನುಕೂಲಕರ ಮತ್ತು ಪೋಷಕಾಂಶಗಳಿಂದ ತುಂಬಿವೆ. ಬೀಜಗಳಲ್ಲಿ ವಿಟಮಿನ್ ಇ, ಕ್ಯಾಲ್ಸಿಯಂ, ಸೆಲೆನಿಯಮ್, ತಾಮ್ರ, ಮೆಗ್ನೀಸಿಯಮ್ ಮತ್ತು ರೈಬೋಫ್ಲಾವಿನ್ ಸಮೃದ್ಧವಾಗಿದೆ. ಅವು ಕಬ್ಬಿಣ, ಪೊಟ್ಯಾಸಿಯಮ್, ಸತು ಮತ್ತು ಬಿ ಜೀವಸತ್ವಗಳು, ನಿಯಾಸಿನ್, ಥಯಾಮಿನ್ ಮತ್ತು ಫೋಲೇಟ್‌ಗಳಲ್ಲಿ ಸಮೃದ್ಧವಾಗಿವೆ. ಅವುಗಳನ್ನು ಪ್ರತಿನಿತ್ಯ ಸೇವಿಸುವುದು ಆರೋಗ್ಯಕ್ಕೆ ಸಾಕಷ್ಟು ಲಾಭದಾಯಕ. ಇದಕ್ಕೆ ಸಂಬಂಧಿಸಿದ ಕೆಲವು ನಿಯಮಗಳನ್ನು ಗಮನಿಸಿದರೆ ಉತ್ತಮ ಫಲಿತಾಂಶ ಪಡೆಯಬಹುದು.

ಆಯುರ್ವೇದ ಮಾಡಿರುವ ಕೆಲ ನಿಯಮಗಳ ಪಾಲನೆ ವ್ಯಕ್ತಿಯ ಆರೋಗ್ಯಕ್ಕೆ ಸಹಾಯ ಮಾಡುತ್ತವೆ. ಜೊತೆಗೆ ಆರೋಗ್ಯಕರ ಜೀವನಕ್ಕೆ ಪ್ರಯೋಜನಕಾರಿಯೂ ಹೌದು. ಆಯುರ್ವೇದ ತಜ್ಞ ಡಾ.ದೀಕ್ಷಾ ಭಾವಸರ್ ಅವರು ಒಣಹಣ್ಣು ಮತ್ತು ಬೀಜಗಳ ಸೇವನೆಗೆ ಸಂಬಂಧಿಸಿದ ಪ್ರಮುಖ ನಿಯಮಗಳನ್ನು ವಿವರವಾಗಿ ವಿವರಿಸಿದ್ದಾರೆ.

ಜೀರ್ಣಕ್ರಿಯೆಯಲ್ಲಿ ಹಲವು ಸಮಸ್ಯೆ

ಆಯುರ್ವೇದದ ಪ್ರಕಾರ, ಬೀಜಗಳು ಜೀರ್ಣಿಸಿಕೊಳ್ಳಲು ಭಾರವಾಗಿರುತ್ತದೆ. ಏಕೆಂದರೆ ಅವುಗಳು ಉತ್ತಮ ಪ್ರಮಾಣದ ಆರೋಗ್ಯಕರ ಕೊಬ್ಬು, ಪ್ರೋಟೀನ್ಗಳು ಮತ್ತು ಫೈಬರ್ಗಳ ಜೊತೆಗೆ ಪ್ರಕೃತಿಯಲ್ಲಿ ತುಂಬಾ ಬಿಸಿಯಾಗಿರುತ್ತವೆ. ಇದರಿಂದಾಗಿ ಜೀರ್ಣಕ್ರಿಯೆಯಲ್ಲಿ ಹಲವು ಸಮಸ್ಯೆ ಉಂಟು ಮಾಡುತ್ತವೆ. ಅದಕ್ಕಾಗಿಯೇ ನೀವು ಅದನ್ನು ಆರೋಗ್ಯಕರ ರೀತಿಯಲ್ಲಿ ಹೇಗೆ ತಿನ್ನಬೇಕು ಎಂಬುದರ ಬಗ್ಗೆ ತಿಳಿದಿರಬೇಕು.

ಇದನ್ನೂ ಓದಿ: ಜೀರ್ಣಕ್ರಿಯೆ ಮತ್ತು ರಕ್ತಹೀನತೆ ಸೇರಿದಂತೆ ಹಲವು ಆರೋಗ್ಯ ಪ್ರಯೋಜನ ನೀಡುತ್ತದೆ ಕಮಲ ಹೂವಿನ ಬೇರುಗಳು

ಒಣಹಣ್ಣು ಮತ್ತು ಬೀಜಗಳಲ್ಲಿ ಯಾವ ಯಾವ ಪದಾರ್ಥಗಳಿವೆ?

ಬಾದಾಮಿ

ವೀಳ್ಯದೆಲೆ

ಗೋಡಂಬಿ

ವಾಲ್ನಟ್

ಮಕಾಡಾಮಿಯಾ ಬೀಜಗಳು

ಪೈನ್ ಬೀಜಗಳು

ಪಿಸ್ತಾ

ವಾಲ್ನಟ್

ಬೀಜಗಳನ್ನು ತಿನ್ನಲು ಸರಿಯಾದ ಮಾರ್ಗ ಯಾವುದು?

ಸೇವಿಸುವ ಮೊದಲು ಬೀಜಗಳನ್ನು 6-8 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಲು ತಜ್ಞರು ಸಲಹೆ ನೀಡುತ್ತಾರೆ. ಈ ರೀತಿ ಮಾಡುವುದರಿಂದ ಬೀಜಗಳ ಶಾಖ ಕಡಿಮೆ ಆಗುತ್ತದೆ. ಜೊತೆಗೆ ಫೈಟಿಕ್ ಆಮ್ಲ / ಟ್ಯಾನಿನ್ ಬಿಡುಗಡೆಯಾಗುತ್ತದೆ, ಇದು ಅವುಗಳಿಂದ ಪೌಷ್ಟಿಕಾಂಶವನ್ನು ಹೀರಿಕೊಳ್ಳಲು ನಮಗೆ ಸುಲಭವಾಗುತ್ತದೆ.

ನೀವು ಅವುಗಳನ್ನು ನೆನೆಸಿಟ್ಟು ತಿನ್ನಲು ಮರೆತರೆ, ಒಣಗಿಸಿ ಹುರಿದ ನಂತರ ಅವುಗಳನ್ನು ಸೇವಿಸಿ. ಅವುಗಳನ್ನು ಕಚ್ಚಾ ತಿನ್ನುವುದು ಹೆಚ್ಚು ಪ್ರಯೋಜನಕಾರಿ. ಆದರೆ ಯಾರಿಗೆ ಜೀರ್ಣಕ್ರಿಯೆ ಸಮಸ್ಯೆ ಇದೆಯೋ ಅವರು ಜಾಗ್ರತೆ ವಹಿಸಬೇಕು. ಬೀಜಗಳನ್ನು ನೀರಿನಲ್ಲಿ ನೆನೆಸಿಟ್ಟು ಸೇವಿಸುವುದು ಉತ್ತಮ.

ಬೀಜಗಳನ್ನು ಯಾವ ಸಮಯದಲ್ಲಿ ಸೇವಿಸುವುದು ಉತ್ತಮ?

ತಜ್ಞರ ಪ್ರಕಾರ, ಬೀಜಗಳನ್ನು ಪ್ರತಿದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಬಹುದು ಎಂದು ಹೇಳುತ್ತಾರೆ. ಇದಲ್ಲದೇ ಸಂಜೆ ತಿಂಡಿಯಾಗಿಯೂ ಸೇವಿಸಬಹುದು. ಇದರಿಂದ ನಿಮಗೆ ಜಂಕ್ ಫುಡ್ ಕಡು ಬಯಕೆಗಳಿಂದ ದೂರವಿರುತ್ತೀರಿ. ಇವುಗಳ ಸೇವನೆ ಆರೋಗ್ಯಕರ.

ಬೀಜಗಳನ್ನು ಯಾವ ಪ್ರಮಾಣದಲ್ಲಿ ಸೇವಿಸುವುದು ಆರೋಗ್ಯಕರ?

ಉತ್ತಮ ಜೀರ್ಣಕ್ರಿಯೆ ಇರುವವರು, ಪ್ರತಿದಿನ ವ್ಯಾಯಾಮ ಮಾಡುವವರು, ಸಾಕಷ್ಟು ನೀರು ಕುಡಿಯುತ್ತಾರೆ. ಮತ್ತು ಆರೋಗ್ಯವಂತರು, ಪ್ರತಿದಿನ ಒಂದು ಹಿಡಿ ಬೀಜ ಸೇವಿಸುವುದು ಆರೋಗ್ಯಕರ ಎಂದು ತಜ್ಞರು ಸಲಹೆ ನೀಡುತ್ತಾರೆ.

ಹೆಚ್ಚು ಬೀಜಗಳನ್ನು ತಿನ್ನುವುದರಿಂದ ಅಜೀರ್ಣ, ಹೊಟ್ಟೆ ಭಾರ, ಶಾಖದ ಸಮಸ್ಯೆ, ಅತಿಸಾರ, ತೂಕ ಹೆಚ್ಚಾಗುವುದು, ಹಸಿವಿನ ಕೊರತೆ ತೊಂದರೆಗಳು ಉಂಟಾಗಬಹುದು ಏಕೆಂದರೆ ಇವುಗಳಲ್ಲಿ  80% ರಷ್ಟು ಕೊಬ್ಬು ಇರುತ್ತದೆ.

ಇದನ್ನೂ ಓದಿ: ಮಧುಮೇಹ ಮೂತ್ರಪಿಂಡ ಕಾಯಿಲೆ ಯಾರಲ್ಲಿ ಮತ್ತು ಯಾವಾಗ ಸಂಭವಿಸುತ್ತದೆ? ಇದರ ಲಕ್ಷಣಗಳು ಹೀಗಿವೆ

ಯಾರು ಬೀಜಗಳ ಸೇವನೆ ತಪ್ಪಿಸಬೇಕು?

ಕಳಪೆ ಜೀರ್ಣಕ್ರಿಯೆ, ಕಳಪೆ ಕರುಳಿನ ಆರೋಗ್ಯ, ಉಬ್ಬುವುದು, ಆಮ್ಲೀಯತೆ, GERD, ತೀವ್ರ ಅತಿಸಾರ, IBS, ಅಲ್ಸರೇಟಿವ್ ಕೊಲೈಟಿಸ್, ಬೀಜಗಳಿಗೆ ಅಲರ್ಜಿ ಇರುವವರು ಬೀಜಗಳನ್ನು ಸೇವಿಸಬಾರದು ಎಂದು ವೈದ್ಯೆ ದೀಕ್ಷಾ ಹೇಳುತ್ತಾರೆ.